Тумэндэ вижала тэ «злэн и пурани личность»!

1. Сави ту андярэсас жызня, кала инке нэ изучал и Библия?

САВИ ту андярэсас жызня англа кода, сар лян тэ изучаеш и Библия лэ Иеговастирэ свидетелёнэнца? Бутэнди андар мэндэ дажэ страшно пала када тэ гиндосарас. Амэ домэкасас, кай кадэя люма тэ влияет пар мэндэ и тэ сыкавэл со лашо, ай со най. Если кадя сас и тумэндэ, тоди «тумэндэ на сас надежда и тумэ жувэнас пэ кадэя люма би лэ Дэвлэско» (Эф. 2:12). Но кала амэ лям тэ изучаем и Библия, амари жызня фартэ паруделя.

2. Со ту уӷанглян, кала лян тэ изучаеш и Библия?

² Кала ту лян тэ изучаеш и Библия, ту уӷанглян, кай исин небесно Дад, саво фартэ любий тут. Тутэ появисайля бари жэлания тэ подружыспэ лэса и тэ авэс андэ лэско баро ери. Ту полян, кай трэбуй бут со тэ парувэс, например, сар ту жувэс, сар андярэс пэс и пала со гиндос. Тути трэбуй авэла тэ присытёс тэ жувэс кадя, сар камэл о Иегова (Эф. 5:3—5).

3. Со о Иегова ԥэнэн амэнди тэ терас андэ Колоссянам 3:9, 10 и пала со амэ подаса дума андэ кадэя статья?

³ О Иегова — амаро Создателё и небесно Дад, и во можэт тэ стол андэ пэско ери правила, со и сар тэ терас. И во ԥэнэн, кай инке англа кода, сар тэ болдювас, амэ трэбуй тэ стерас вся, кай тэ злас и «пурани личность латиря диласа»b. (Проадинон Колоссянам 3:9, 10.) Кадэя статья поможыя кодэлэнди, ко камэл тэ болдёл, тэ дэн атветоря пэ трин вопросоря: 1) Со када и «пурани личность»? 2) Васо о Иегова приԥэндя амэнди ла тэ злас? 3) Сар амэ када тэ стерас? Ай если тумэ ужэ болделэ, кадэя статья поможыя тумэнди тэ стерэн вся, кай тумарэ привычки тэ на ринпэ.

СО КАДА И «ПУРАНИ ЛИЧНОСТЬ»?

4. Росԥэнэн пала мануш, саво утидо андэ «пурани личность».

⁴ О мануш, саво утидо андэ «пурани личность» гиндой и терэл кадя, сар камэл и ӷрешно тила. Кацаво мануш холинако, нэблаӷодарно, ӷордо и гиндой кати пала пэстэ. Лэсти чалёл тэ диқэл билажавардимос и жэстокость. Да, лэстэ исин дэсавэ лашэ качестворя, и, можэт, лэсти дажэ лажаво, кай во акушэлпэ и терэл найлащи дила. Но тэ парувэл пэстири жызня во на камэл (Гал. 5:19—21; 2 Тим. 3:2—5).

5. Можэм амэ тэ злас и «пурани личность»? Росԥэнэн. (Деяния 3:19).

⁵ Всаворэ амэ нэсовершэни, важ када никастэ андар мэндэ на вижала тэ вишон вся о найлашимос, саво исин андэ годи и андо ди. Дэкала амэ ласа тэ ԥэнас или тэ терас кода, пала со амэн лэла тэ хал и совесть (Иер. 17:9; Иак. 3:2). Но, кала амэ злас и «пурани личность», амэ парашас тэ жувас кадя, сар камэл и ӷрешно тила. Тоди амэ ужэ най андо рабство кай и «пурани личность» (Ис. 55:7; проадинон Деяния 3:19).

6. Васо о Иегова ԥэнэн амэнди тэ вишас и вэрыти гиндоря и тэ мэкас и найлашэ привычки?

⁶ О Иегова ԥэнэн амэнди, кай амэ тэ вишас анда шэро и вэрыти гиндоря и тэ мэкас и найлашэ привычки, важ кода кай во фартэ любий амэн и камэл, кай амэ тэ радосавас ла жызняти (Ис. 48:17, 18). Во ӷанэн, кай если амэ на приашундюваса, амэ стераса вэрыто и корко пэсти, и кодэлэнди, ко паша амэндэ. Лэсти авэла фартэ больно тэ диқэл пэ када.

7. Со амэ трэбуй тэ витидас, сар пистромэ андэ Римлянам 12:1, 2?

⁷ Можэт, дэсавэнди анда амаро родо или анда друӷоря най фартэ чалеля, кай амэ закамлям тэ парувас пэстири жызня. Варико дажэ асаласпэ амэндар (1 Пет. 4:3, 4). Ту моӷ тэ ашунэс кацавэ алава: «И гажэ замарэн тути о шэро! Трэбуй тэ жувэс пэстиря годяса». Но кодэла, ко отԥэндёнпэ тэ жувэн па лэ Иеговаско законо, па чачимастэ на ашэн свободни мануша. Пэр лэндэ фартэ влияет о Сатана, и вонэ домэкэн, кай о миро тэ сытярэл лэн, сар тэ гиндон. (Проадинон Римлянам 12:1, 2.) Всаворэ амэ трэбуй тэ витидас, со тэ терас. Амэ можэм и дальшэ тэ ԥиравас и «пурани личность», сави, сар ӥда, судя о бэзэх и лэ Сатанасти люма, или домэкаса, кай о Иегова тэ поможый амэнди тэ парудювас (Ис. 64:8).

САР АМЭ МОЖЭМ ТЭ ЗЛАС И «ПУРАНИ ЛИЧНОСТЬ»?

8. Сар о Иегова поможый амэнди тэ злас и «пурани личность»?

⁸ О Иегова полэл, кай амэндэ на вижала сразу полностью тэ парудювас (Пс. 103:13, 14). Но через пэско алав и Библия, через о свынто духо и пэстири арӷанизацыя о Иегова дэл амэнди мудрость, зор и подритярэл амэн. Амэ ӷанас, кай о Иегова ужэ поможысардя тумэнди андэ када. Давайте роздиқаса, со поможыя будэр тэ на ринпэ каринг и пурани дила и тэ авэн ӷотови тэ болдён.

9. Сар и Библия можэт тути тэ поможый?

⁹ Мэк и Библия поможый тути драго тэ полэс корко пэс. Лэ Дэвлэско алав и Библия, сар юнглинда: вой поможый амэнди тэ додиқас, пала со амэ гиндосарас, пала со дас дума и сар пэс андярас. Ай кадяжэ тэ полас, со трэбуй тэ парувас (Иак. 1:22—25). Кодэва, ко проандярэл туса и изучения или авэр христианоря, моӷут тэ дэн тути помощь андэ када. Например, вонэ моӷут тэ сыкавэн па Библия, со тутэ драго вижал, ай со инке най. Вонэ подԥэнэна, сар тэ виарақэс и библейско инфармацыя, сави поможыя тэ мэкэс и найлашэ привычки. И екжэно о Иегова всегда ӷотово тут тэ подритярэл. Во ӷанэн, со тути трэбуй, и полэл, со тутэ по ди (Прит. 14:10; 15:11). Важ када стов вся о зор, кай тутэ тэ авэл привычка тэ мангэспэ и тэ изучаеш и Библия кажно дес.

10. Сости тут сытярэл о случаё, саво росԥэндя о Эли?

¹⁰ На бистэр: о Иегова камэл важ тутэ со май лашо. Со амэндар тэ на мангэл о Иегова, када анэн амэнди ек о лашимос. Кодэла, ко жувэн па лэ Иеговаско законо, инке май фартэ лэн тэ уважают корко пэс, андэ лэндири жызня исин смысло, и вонэ ашэн инке май бахталэ (Пс. 19:7—11). Ай кала и мануша жан против лэ Иеговаско законо, лэндэ андэ жызня ашэл май бут ԥаримос. Роздиқаса, со сас еқэ муршэса, савэс ақарэн Эли. Лэско примеро сыкавэл, пэскати дэ опасно тэ жас против лэ Дэвлэско законо. О Эли барёлас андо христианско ери, но андэ подросткови бэрша во сԥанделя лэ найлашэ друӷонэнца. Во прилэлас наркотикоря, андярэлас билажаварди жызня и чорэлас. Во екжэно росԥэнэн, кай ашэля фартэ холинако и жэстоко. О Эли ԥэнэн: «Мэ теравас вся, со нащи сас тэ терэн и христианоря, сар ман сытярэнас и родителя». Но кода, со во уӷангля пэстирэ родителёнэндар на сас евья. О Эли упалэ ля тэ изучает и Библия. Во пристодя бут зор, кай тэ мэкэл пэстирэ найлашэ привычки и андо 2000 бэрш болделя. Андя када лэсти лашимос? О Эли росԥэнэн: «Блаӷодаря кадэлэсти мандэ по ди ашэля спокойно и акана мандэ вужи совесть»c. Кадэва случаё драго сыкавэл, кай если о мануш парашэл тэ жувэл па лэ Иеговаско законо, кадя во терэл пэсти кати хужэ. Но дажэ тоди о Иегова ӷотово тэ процырдэл лэсти пэско вас и тэ поможый тэ парудёл.

11. Со вэрыцый о Иегова?

¹¹ Сытюв тэ вэрыцыс кода, со вэрыцый о Иегова (Пс. 97:10). Андэ Библия ԥэнэнпэ, кай о Иегова вэрыцый «ӷорди яқа, хохавни шыб и вас, савэ умарэн лэ найдошалэн» (Прит. 6:16, 17). Кадяжэ «жэстоко и хохавно миро гряца лэ Иеговасти» (Пс. 5:6). Када драго дицолас андэ лэ Ноёстирэ деса: О Дэл уничтожыл лэ найлашэ манушэн «важ кода кай вонэ [андярэнас] пэс жэстоко» (Быт. 6:13). Со инке вэрыцый о Иегова? Пала када во ԥэндя через о пророко Малахия. Лэ Дэвлэсти фартэ на чалёл, если о мануш хытрияса розжалпэ пэстирэ хуласа или хулаяса, савэ ни андэр со най дошалэ. Лэ Иеговасти гряца тэ диқэл, сар служый лэсти кацаво предателё, и во спушэла лэстар пала када (Мал. 2:13—16; Евр. 13:4).

12. Со сыкавэн и алава «мэк о найлашимос ашэл гряца тумэнди»?

¹² О Иегова ԥэнэн: «Мэк о найлашимос ашэл гряца тумэнди» (Рим. 12:9). Со тумэнди авэл по гиндо, кала тумэ ашунэн о алав «гряца»? Если лэ манушэсти варисо гряца, то лэсти фартэ нэ приятно тэ гиндой пала када. Никасти андар мэндэ дажэ андо шэро на дэла, кай амэ тэ хас кода, со римосайля. Кати погиндос пала када — и ужэ тошний! Кацави жэ реакцыя амэндэ трэбуй тэ авэл, кала появийпэ ек о гиндо тэ стерас кода, со вэрыцый о Иегова.

13. Васо важно тэ вишас анда шэро и найлашэ гиндоря?

¹³ Вишув анда шэро и найлашэ гиндоря. Если амэ варисо стердям, значит, амэ пала када гиндосарасас. Акэ васо о Иисусо сытярэлас, кай амэ тэ на мэкас андо шэро нисаво гиндо, саво моӷ тэ анэн каринг о баро бэзэх (Матф. 5:21, 22, 28, 29). Всаворэ амэ камас тэ радосарас амарэ небеснонэ Дадэс. Хэба най? Важ када, сар дэ важно тэ отшас любо гиндо, саво можэт тэ анэн каринг и бида.

14. Со сыкавэл амари дума и савэ вопросоря амэ трэбуй пэсти тэ задас?

¹⁴ Следисар пала пэстири дума. О Иисусо ԥэндя: «Со вижал анда муй, жал анда оди» (Матф. 15:18). И чаче: кода, пала со амэ дас дума, драго сыкавэл, со амэндэ андо ди. Задэн пэсти кацавэ вопросоря: «Если манди нэ выӷодно тэ ԥэнав чачимос, на гиндосарав мэ тоди, кай можно набут тэ прихохавав? На домэкав мэ пэсти тэ заиӷрываю кодэлэса, каса най андо брако? На ашэл важ мандэ нормально дэкала тэ ԥэрясую пала билажавардимос или тэ обзываю варикас? Вижал мандэ тэ ашавпэ спокойно, кала ман варико холярдя?» Да, исин пала со тэ погиндосарас. Можно тэ ԥэнас, кай и найлащи дума шолпэ пэ пуӷавки. Кала амэ кадя дас дума, амэ кабута застэӷнисарас пэр пэстэ и «пурани личность». Но кай тэ злас ла, амэнди трэбуй тэ отшас пэстар и найпативали дума.

15. Со сыкавэн и алава «амари пурани личность муля лэса по столбо»?

¹⁵ Ав ӷотово тэ стерэс вся, со трэбуй. О апостоло Павло призындярдя фартэ мощно примеро, кай тэ сыкавэл, сар дэ важно тэ парувас пэстири жызня. Во ԥэндя, кай «амари пурани личность муля лэса по столбо» (Рим. 6:6). Када напоминает амэнди, сар о Иисус Христос сас ӷотово тэ жал пэ мучительно смэрть, кай тэ исполнит лэ Иеговастири воля. Амэ тожэ трэбуй тэ авас ӷотови тэ умарас андэр пэстэ вся, со вэрыцый о Иегова. Кати тоди амэндэ можэт тэ авэл вужи совесть, ай кадяжэ надежда тэ жувас вечно пэ ԥув (Иоан. 17:3; 1 Пет. 3:21). На бистэр: о Иегова на парувэла пэско законо, кай тэ уӷодий амэнди. Наоборот, када амэ трэбуй тэ парудювас, кай тэ жувас кадя, сар камэл амаро Создателё (Ис. 1:16—18; 55:9).

16. Васо трэбуй тэ на парашас тэ борисавас лэ найлашэ привычкэнца?

¹⁶ На параш тэ бориспэ лэ найлашэ привычкэнца. Дажэ если ту ужэ болделян, тути трэбуй и дальшэ када тэ терэс. Уӷанам, со сас андэ жызня кай о ԥрал Маурисиу. Андэ тэрнэ бэрша во жувэлас лэ муршэнца. Ай май интя во встретил лэ Иеговастирэ свидетелёнэн и ля тэ изучает и Библия. Во фартэ парудя пэстири жызня и болделя андо 2002 бэрш. Хоть о Маурисиу служый лэ Иеговасти ужэ бут бэрша, во росԥэнэн: «Дэкала мандэ исин бари жэлания тэ стерав кода, со нэправильно. Но мэ полав, кай если мэ борисавав кадэлэса, мэ радосарав лэ Иеговас, и када придэл манди зор». Амаро ԥрал на умэкэл и васd.

17. Сости амэ сытювас кай и ԥэй Набиха?

¹⁷ Манг и помощь лэ Иеговастар и надеисав пэ лэско свынто духо, ай най пэр пэстэ (Гал. 5:22; Флп. 4:6). Трэбуй бут зор, кай тэ злас и «пурани личность» и будэр никала тэ на рисавас каринг латэ. Давайте подаса дума пала ԥэй Набиха. Кала лати сас 6 бэрш, лако дад ашадя лэ ерес. Вой росԥэнэн: «Манди сас фартэ больно кадэлэстар, и кадэя дук на прожалас бэршэнца». Важ када, кала и Набиха вибареля, вой ашэля фартэ холинатири. Вой ля тэ битинэл и наркотикоря, и ла бэшардэ пэ дэсавэ бэрша. Андо баруно авэнас лэ Иеговастирэ свидетеля, и вонэ линэ ласа тэ изучают и Библия. Када фартэ парудя вся латири жызня. Акэ со вой ԥэнэн: «Тэ ашавав дэсавэ найлашэ привычки сас найԥарэс. Но кай тэ мэкав тэ цырдав, трэбуй сас тэ пристав бут зор». Май бут бэршэстар вой борияспэ кадэлэса. И Набиха росԥэндя, со лати андэ када поможысардя: «Мэ на парашавас тэ мангавпэ лэ Иеговасти, и када придя манди зор. Акана мэ ӷанав, кай если мандэ вижыля тэ парудював, када сможэт тэ стерэл любо мануш!»e

ТУМЭНДЭ ВИЖАЛА ТЭ АШЭН ДОСТОЙНИ, КАЙ ТЭ БОЛДЁН!

18. Со вижыля тэ стерэн кай дэсавэ лэ Иеговастирэ служытеля, сар ԥэнэнпэ андэ 1 Коринфянам 6:9—11?

¹⁸ Андо пэрво вико кай дэсавэ мурша и жувля, савэн витидэ тэ правин лэ Иисусоса, тожэ сас найлашэ привычки. Например, варико андар лэндэ чорэлас, сас роспуто мануш, ай дэко анда мурша дажэ жувэлас лэ муршэнца. Но лэ Иеговастирэ зорэса, лэндэ вижыля тэ парудён. (Проадинон 1 Коринфянам 6:9—11.) Кадяжэ и адес и Библия поможысардя бутэнди тэ парувэн пэстири жызняf. Вонэ ашадэ пэстирэ найлашэ привычки, савэндар сас найвушэро тэ отԥэндён. Када сыкавэл, кай и тутэ вижала тэ парудёс и тэ ашэс достойно, кай тэ болдёс.

19. Пала со амэ подаса дума андэ авэр статья?

¹⁹ Кай о мануш тэ болдёл, лэсти трэбуй най кати тэ злэл и «пурани личность», но и тэ утидэлпэ андэ «нэви личность». Андэ авэр статья амэ подаса дума, сар амэ можэм када тэ терас и сави помощь моӷут тэ дэн амэнди авэр ԥрала и ԥэя.