И дальшэ утидэнпэ андэ «нэви личность»

1. Пар со дицол, саво сыно о мануш?

НЭ ВАЖНО скати бэрш прожыля, сар амэ болделям, всаворэ амэ камас, кай о Иегова тэ любий амэн. Но важ када амэнди трэбуй тэ следисарас, пала со амэ гиндосарас. Амарэ гиндоря сыкавэн, ко амэ сам. Если амэ вся и время гиндосарас пала кода, каринг со цырдэлпэ и ӷрешно тила, тоди амэ обязательно ԥэнаса или стераса варисо найлашо (Эф. 4:17—19). И наоборот, если амэ ԥэрас амари годи лашэ гиндонэнца, тоди авэла пэ бутэстэ май вушэро тэ дас дума и тэ терас кадя, сар камэл амаро небесно Дад, о Иегова (Гал. 5:16).

2. Савэ вопросоря амэ роздиқаса андэ кадэя статья?

² Сар ԥэнэнаспэ андэ кодэя статья, амэ нэ можэм полностью тэ фэрисавас лэ найлашэ гиндонэндар. Но амэндэ вижала тэ стерас кадя, кай и гиндоря тэ на пэрэжан андэ дила. Англа кода, сар тэ болдювас, амэ трэбуй тэ парашас тэ дас дума и тэ терас кадя, сар нэ уӷодно лэ Иеговасти. Када само пэрво и само важно, со амэ можэм тэ стерас, кай тэ злас и «пурани личность». Но, кай о Иегова тэ авэл амэнца довольно, амэнди трэбуй инке дэсо тэ стерас. Андэ Библия ԥэнэнпэ: «Утидэнпэ андэ нэви личность» (Кол. 3:10). Андэ кадэя статья амэ уӷанаса атветоря пэ кацавэ вопросоря: 1) Со када и «нэви личность»? и 2) Сар андэр латэ тэ утидаспэ и никала тэ на злас?

СО КАДА И «НЭВИ ЛИЧНОСТЬ»?

3. Сар пистромэ андэ Галатам 5:22, 23, со када «нэви личность» и со трэбуй тэ терас, кай андэр латэ тэ утидаспэ?

³ И «нэви личность», можно тэ ԥэнас, суди лэ Дэвлэстирэ свынтонэ духоса. Амэ утидаспэ андэр латэ, кала гиндосарас и терас кадя, сар о Иегова. Па кода, сар о мануш гиндой, дэл дума и андярэл пэс, дицол, кай пэр лэстэ влияет лэ Дэвлэско свынто духо. (Проадинон Галатам 5:22, 23.) Например, кай кацаво мануш исин любовь каринг о Иегова и каринг лэско народо (Матф. 22:36—39). Во на хасарэл и радость, дажэ кала исин ԥаримос (Иак. 1:2—4). Во мирно и ладий аврэнца (Матф. 5:9). Лэстэ исин терпения и доброта (Кол. 3:12, 13). Инке лэсти чалёл тэ терэл лашимос (Луки 6:35). Вся, со во терэл, сыкавэл пэскати дэ састи лэстири вера (Иак. 2:18). Во андярэл пэс ковлэс, кала авэр старыинпэ тэ виандярэн лэс андар пэстэ. И лэстэ хутилэл самообладания, кай тэ на подэлпэ лэ найлашэ гиндонэнди (1 Кор. 9:25, 27; Титу 3:2).

4. Васо амэнди трэбуй всаворэ качестворя, савэ ужан андэ лэ свынтонэ духоско плодо, кай тэ утидаспэ андэ «нэви личность»?

⁴ Кай тэ утидаспэ андэ «нэви личность», амэндэ трэбуй тэ авэн качестворя, пала савэ пистромэ андэ Галатам 5:22, 23 и андэ авэр библейски стихоряb. Кала амэ утидаспэ андэ обычно ӥда, амэ лас пэр пэстэ кажно кирпа по ек. Но и качестворя, савэ трэбуй тэ авэн амэндэ, фартэ сԥанглэ ек еқэса и амэндэ на вижала тэ утидаспэ андэр лэндэ по ек. Например, если ту варикас любис, тоди ту авэса каринг лэстэ терпеливо и лэса тэ андярэс пэс по доброму. Ай если тути на хутилэл кротость и самообладания, тутэ на вижала тэ терэс лашимос.

САР ТЭ УТИДАСПЭ АНДЭ «НЭВИ ЛИЧНОСТЬ»?

5. Сар амэ тэ сыкавас, кай амэндэ «лэ Христоско гиндо» и васо амэнди трэбуй тэ уӷанас пала лэ Иисусостири жызня? (1 Коринфянам 2:16).

⁵ Проадинон 1 Коринфянам 2:16. Кай тэ утидаспэ андэ «нэви личность», амэндэ трэбуй тэ авэл «лэ Христоско гиндо». Аврэ алавэнца, амэ трэбуй тэ уӷанас, сар гиндояс о Иисусо, и тэ сытювас лэстар. О Иисусо, сар вужи юнглинда, идеально сыкадя лэ Иеговастирэ качестворя (Евр. 1:3). Со май бут зор амэ ласа тэ пристас, кай тэ гиндосарас, сар о Христос, со май фартэ амэ ласа тэ шаспэ пэр лэстэ (Флп. 2:5).

6. Пала со важно тэ сэрэн кодэлэнди, ко утидэлпэ андэ «нэви личность»?

⁶ Но чаче амэндэ можэт тэ авэл «лэ Христоско гиндо»? Варико можэт тэ гиндой: «Канешно, о Иисусо совершэно. Ай мандэ никала на вижала тэ авав, сар во!» Если тутэ исин кацавэ гиндоря, шув сама акэ пэр со. Пэрво, амэ самас создани, кай тэ шаспэ по Иегова и по Иисусо (Быт. 1:26). Но тоди амэ трэбуй тэ пушас пэстар: камас амэ када? Если да, тоди андэ варисостэ амэндэ када вижала. Дуйто, о Иегова дэл амэнди пэско свынто духо — само мощно зор андэ люма. Блаӷодаря кадэлэсти ту можэш тэ стерэс кода, пала со дажэ на гиндосарэсас. Трито, о Иегова на аштярэл, кай амэ сразу андэ вся тэ шаспэ по Иисусо. Амаро любящё небесно Дад дя 1000 лет, кай амэ тэ ашас совершэни! (Отк. 20:1—3). Со тоди амэндар камэл о Иегова? Кай амэ тэ терас вся, со па амаро зор, и тэ надеисавас, кай во амэн подритярэла.

7. Со амэ щяс роздиқаса?

⁷ Андэр со имено амэ можэм тэ шаспэ по Иисусо? Роздиқам штар маменторя, савэ ужан андэ лэ свынтонэ духоско плодо. Амэ диқаса, сар о Иисусо сыкавэлас и любовь, сар во ладияс аврэнца, сар андярэлас пэс по доброму и терэлас лашимос. Кадяжэ амэ погиндосараса, сости амэ можэм тэ сытювас лэстар. И задаса пэсти дэсавэ вопросоря, савэ поможына, кай амари «нэви личность» тэ ашэл инке май лащи.

8. Сар о Иисусо сыкадя пэстири любовь?

⁸ Лэ Иисусостири бари любовь каринг о Иегова побудисардя лэс тэ жал пэ жэртвы ради лэстэ и ради амэндэ (Иоан. 14:31; 15:13). Кала о Иисусо сас пэ ԥув, во пэстиря жызняса сыкадя, сар дэ фартэ во любияс лэ манушэн. Во андярэлас пэс по доброму и жалуияс лэ манушэн, дажэ кала дэсавэ обжанаспэ лэса найдраго. Инке во сыкадя пэстири любовь каринг и мануша кодэлэса, кай росԥэнэнас лэнди пала лэ Дэвлэско Царство (Луки 4:43, 44). Кадяжэ о Иисусо доԥэндя, кай во предано любий пэстирэ небеснонэ Дадэс и лэ манушэн, кала сас ӷотово тэ жал пэ мучительно смэрть. Кадэлэса во амэнди ԥэрнадя о дром каринг и вечно жызня.

9. Сар па лэ Христоско примеро амэ можэм тэ сыкавас, кай любисарас аврэн?

⁹ Амэ отдям пэстири жызня лэ Иеговасти и болделям, важ кода кай любисарас лэс. И, сар о Иисусо, амэ сыкавас, кай любисарас лэ Иеговас кодэлэса, сар обжаспэ лэ манушэнца. О апостоло Иоанно пистросардя: «Кодэва, ко на любисарэл пэстирэ ԥралэс, савэс диқэл, сар можэт тэ любисарэл лэ Дэвлэс, савэс на диқэл» (1 Иоан. 4:20). Важ када амэ можэм тэ пушас пэстар: «Моӷу мэ па чачимастэ тэ ԥэнав, кай любисарав лэ манушэн? На жалуисарав мэ о зор и время, кай тэ поможысарав лэнди тэ уӷанэн пала Иегова? Вижал мандэ тэ сыкавав, кай мэ полав и жалуисарав аврэн, дажэ если вонэ найдраго манца обжанпэ? Лава мэ и дальшэ тэ терав лэ Дэвлэстири дила, дажэ если дэсавэ мануша терэн вся, кай тэ помешают манди? Моӷу мэ тэ отдав май бут время, кай тэ поможысарав лэ манушэнди тэ ашэн ученикоря?» (Эф. 5:15, 16).

10. Сар о Иисусо поможыяс лэ манушэнди тэ ладин машкар пэстэ?

¹⁰ О Иисусо ладияс аврэнца. Кала и мануша обжанаспэ лэса найдраго, во на рияс лэнди кадя жэ . Но када инке най вся. О Иисусо старыияспэ тэ поможый лэ манушэнди тэ на споринпэ и тэ примиринпэ. Например, во сытярэлас, кай если амэ камас, кай лэ Иеговасти тэ авэл уӷодно амари служэния, амэнди трэбуй тэ примирисавас амарэ ԥралэса (Матф. 5:9, 23, 24). Во най еқвар поможыяс лэ апостолонэнди, кай вонэ тэ парашэн тэ споринпэ, «ко андар лэндэ май баро» (Луки 9:46—48; 22:24—27).

11. Со амэ можэм тэ терас, кай всаворэ тэ ладин ек еқэса?

¹¹ Тэ ладис аврэнца — када най просто никаса тэ на спориспэ. Амэ трэбуй тэ старысавас тэ поможысарас лэ манушэнди тэ ладин ек еқэса (Флп. 4:2, 3; Иак. 3:17, 18). Амэ можэм тэ пушас пэстар: «Пэр со мэ ӷотово тэ жав, кай тэ поладисарав аврэнца? Если о ԥрал или ԥэй тердя манди больно, ритярав мэ холи андо ди? Ӷотово мэ пэрво тэ жав тэ помирисавав или гиндосарав, кай када трэбуй тэ стерэл кодэва, ко, па мэрнятэ, дошало? Кала исин возможность, поможысарав мэ аврэнди тэ примиринпэ ек еқэса?»

12. Сар дицолас лэ Иисусостири доброта?

¹² О Иисусо сас добро (Матф. 11:28—30). Дажэ, кала када сас найвушэро, во андярэлас пэс по доброму и сас уступчиво. Например, кала и финикиянка помангля лэс тэ исцэлий латиря бэята, спэрва о Иисусо отԥэндя лати. Но кала во додиқля латири састи вера, во жалуисардя ла и исцэлисардя латиря щя (Матф. 15:22—28). Хоть о Иисусо сас добро, дэкала во сас строӷо. Если во диқэлас, кай варикасти трэбуй тэ парудёл, во дэлас совето. Кала о Пётро камля тэ помешает лэсти тэ стерэл лэ Дэвлэстири дила, во англа всаворэ дя лэсти строӷо совето (Мар. 8:32, 33). Но о Иисусо на камля тэ лажаварэл лэ Петрос, наоборот, кадэлэса во сыкадя лэ Петрости и аврэ учениконэнди, кай вонэ тэ на надеинпэ пэр пэстэ. Канешно, лэ Петрости сас нэприятно, но када андя лэсти лашимос.

13. Сар амэ можэм тэ сыкавас пэстири доброта?

¹³ Дэкала, кай тэ сыкавас пэстири доброта каринг кодэла, кас амэ любисарас, амэнди прижалпэ ворта тэ дас лэнди совето. Если тумэнди трэбуй када тэ стерэн, сытён лэ Иисусостар и дэн совето па Библия. Дэн дума ковлэс. На гиндон вэрыто пала пэско друӷо. И патян, кай о мануш, саво любий лэ Иеговас и тумэн, авэла блаӷодарно важ тумари помощь. Пушэн пэстар: «Хутила манди смилость тэ подав дума мэрнэ друӷоса, если мэ диқав, кай во андярэл пэс нэправильно? Кала манди трэбуй тэ ԥэнав совето, мэ дав дума резко или ковлэс? Терав мэ када анда холи или, кай па чачимастэ камав тэ поможысарав?»

14. Сар о Иисусо терэлас лашимос аврэнди?

¹⁴ О Иисусо най кати полэл, со када лашимос, но и терэл кадя. Во любий пэстирэ Дадэс, важ када всегда терэл правильно и анда вся оди. На хутила просто тэ ӷанас, со када лашимос. Када всегда трэбуй тэ дицол пэ дила. Кай тэ полас, тердям амэ лащи дила чи най, трэбуй тэ шас сама, сар када повлияло пэ авэр мануша. Но варико можэт тэ пушэл: «Хэба можно тэ терэс лашимос, кала андо ди исин вэрыто гиндо?» Да, кацаво можэт тэ авэл. Например, сэрэн, сар о Иисусо росԥэнэнас пала мануша, савэ поможынас лэ чорорэнди, кати кай када тэ уӷанэн авэр? Хоть вонэ и терэнас лащи дила, лэ Иеговасти када на чалёлас (Матф. 6:1—4).

15. Со када лашимос?

¹⁵ Лашимос — када кала амэ вужэ одеса терас правильно дила. Важ када амэ можэм тэ пушас пэстар: «Мэ просто ӷанав, со када лашимос или мэ сыкавав када пэ дила? Васо мэ камав тэ терав лашимос?»

САР ТЭ ДИҚАС ПАЛА АМАРИ «НЭВИ ЛИЧНОСТЬ»?

16. Со амэ трэбуй тэ терас кажно дес и васо?

¹⁶ Амэнди на трэбуй тэ гиндосарас, кай если амэ болделям, значит, амэ навсегда утиделям андэ «нэви личность». Важно акуратно тэ ԥиравас кадэя ӥда. Сар када тэ терас? Амэ трэбуй тэ домэкас, кай пар мэндэ тэ влияет о свынто духо. Со май бут зор амэ ласа тэ пристас, со май бари помощь амэнди лэла тэ дэл лэ Иеговаско духо. Екжэно о Иегова на бэшэл би дилако и через пэско свынто духо варисо терэл (Быт. 1:2). Важ када и качестворя, савэ жан лэ свынтонэ духостар, трэбуй тэ дицон пэ дила. Например, о Иаково пистросардя: «И вера би дилако мули» (Иак. 2:26). Кадэла алава поджан каринг всаворэ качестворя, савэ ужан андэ лэ свынтонэ духоско плодо. Кала амэ сыкавас кадэла качестворя, амэ дас возможность, кай о свынто духо тэ влияет пар мэндэ.

17. Со амэ трэбуй тэ терас, если андэ варисави ситуацыя амэндэ на вижыля тэ сыкавас лашэ христиански качестворя?

¹⁷ Дажэ кодэлэнди, ко болделя бут бэрш палпалэ, дэкала найвушэро тэ сыкавэн и христиански качестворя. Но полэн ек важно гиндо: амэ на трэбуй тэ умэкас и вас. Погиндон: если тумэ шындэ пэстири любимо ӥда, лэна тумэ ла сразу тэ вишон? Канешно, най! Наверно, тумэ стерэна вся, кай май ӥто ла тэ засувэн, и потом лэна май акуратно ла тэ ԥиравэн. Кадэва примеро драго сыкавэл, сар амэ трэбуй тэ обжаспэ амарэ ԥралэнца и ԥэянца. Сар ӥда, амари дружба можэт тэ шындёл, если амэндэ на вижал тэ дас дума по доброму, тэ авас терпеливи и любящи. Если кацаво исин, на умэкэн и вас! Кала амэ анда оди мангас прощения, кадя амэ кабута засувас амари дружба. Давайте и дальшэ ласа тэ старысавас тэ фэрисарас кадэя дружба.

18. Андэр со тумэ можэте тэ патян?

¹⁸ Сар жэ амэ блаӷодарни лэ Иеговасти, кай амэндэ исин лэ Иисусоско примеро. Если амэ ласа тэ пристас зор, кай тэ гиндосарас кадя, сар о Иисусо, амэнди авэла май вушэро тэ андярас пэс, сар во. Кадя амэ ласа инке май драго тэ утидаспэ андэ «нэви личность». Андэ кадэя статья амэ роздиқлям кати штар качестворя, савэ ужан андэ лэ свынтонэ духоско плодо. Васо бы тумэнди тэ на роздиқэн пэ лично изучения и авэр качестворя и тэ на погиндон, сар тумэндэ вижал лэн тэ сыкавэн? Лащи помощь андэ када дэла о «Путеводитель по публикациям Свидетелей Иеговы» (Христианская жизнь > Плод духа). Патян: если тумэ терэн вся, со па тумаро зор, о Иегова поможыя тумэнди тэ утидэнпэ андэ «нэви личность» и никала ла тэ на злэн.