И читателя пушэн
Васо андэ 2 Самуила 21:7—9 ԥэнэнпэ, кай о царё Давидо спэрва «жалуисардя лэ Мефивошетос», ай потом, кай о Мефивошето сас отдино пэ казнь?
Дэко, ко нэвнимательно адинояс кадэва отрывко можэт тэ задэл вопросо. Но андэ кадэла стихоря дэлпэ дума пала дуй разни мануша. Лэн лэдуен ақарэнас Мефивошето. Кадяжэ анда кадэя история амэ можэм варисости тэ сытювас.
Кай о царё Сауло сас семь шавэ и дуй щея. Лэско барэдэр шаво сас о Ионафано. Ай май интя лэ Саулостири наложница и Рицпа андя лэсти шавэс, савэсти динэ алав Мефивошето. Интересно, кай о Ионафано тожэ приԥэндя пэстирэ шавэсти Мефивошето. Вижал, кай о Сауло сас и о шаво, и о внуко Мефивошето.
Кала правияс о царё Сауло, во ля тэ вэрыцый лэ манушэн анда форо Гаваоно, саво сас андо Израилё, и закамля тэ умарэл всаворэ манушэн. Помулинэ фартэ бут мануша. Канешно, када сас нэправильно, важ кода кай кала жувэлас о Иисусо Навино и израильтяноря стердэ мирно доӷоворо лэ гаваонитянонэца (Иис. Н. 9:3—27).
Кала о Сауло сас царёса, кадэва доӷоворо инке сас. Но во на зритярдя лэс и закамля тэ умарэл всаворэ манушэн анда кодэва форо. Амэ ӷанас, со о Иегова гиндояс пала када: «О Сауло и лэско родо дошалэ, кай умардэ лэ манушэн» (2 Сам. 21:1). Через дэсави время андо Израилё ля тэ правий о Давидо. Во уӷангля, кай через кода, со стердя о Сауло, о Иегова одбанделя пэстирэ народостар. Тоди о Давидо ақардя каринг пэстэ лэ манушэн анда Гаваоно, савэ ашэлэпэ жундэ, и пушля лэндар, со тэ стерэн, кай тэ злэн и дош па израильтяноря. Вонэ на линэ тэ мангэн и ловэ, но ԥэндэ: «Важ о мануш, саво умарэлас амэн и камэлас уничтожыть андо Израилё, отдэн амэнди семь лэстирэ шавэн. Амэ амблаваса лэндири тила». И о Давидо стердя кадя, сар вонэ манглэ (2 Сам. 21:2—6; Чис. 35:30, 31).
Каринг кодэя время о Сауло и о Ионафано ужэ мулинэ пэ война. Ай лэ Ионафаноско шаво Мефивошето, саво в децтве ашэля инвалидо, сас жундо. Во на сас дошало андэ кода, со стердя лэско папо. Варикала о Давидо стердя доӷоворо пала дружба лэ Ионафаноса, и кадэва доӷоворо пэрэжалас и пэ потомкоря лэ Ионафаностирэ, кадяжэ и пэ лэско шаво, Мефивошето (1 Сам. 18:1; 20:42). Важ када, сар ԥэнэнпэ андэ 2 Самуила 21:7, о Давидо «жалуисардя лэ Мефивошетос, лэ Ионафаностирэ шавэс, саво лэ Саулоско шаво, важ кода кай сэрэлас и солах, сави о Давидо и лэ Саулоско шаво о Ионафано, динэ англа Иегова».
Но о Давидо всаек стердя кадя, сар манглэ и мануша анда Гаваоно. Во домэкля, кай вонэ тэ казнин дуе лэ Саулостирэ шавэн. Еқэс андар лэндэ ақарэнас Мефивошето. Ай кадяжэ лэстирэ панчже внуконэн (2 Сам. 21:8, 9). Кадя о Давидо зля и дош па израильтяноря, кай умардэ лэ найдошалэ манушэн.
Но када най просто история. Амэ драго ӷанас лэ Дэвлэско законо: «Лэ бэятонэн нащи тэ умарэн важ лэ дадэнго бэзэх» (Втор. 24:16). Если бы лэ Саулостирэ шавэ и внукоря тэ на авэн дошалэ, о Иегова никала на домэклоп, кай лэн тэ казнин. Андэ кадэва жэ законо ԥэнэнаспэ, кай «лэ манушэс можно тэ умарэн кати важ лэско бэзэх». Важ када исин васо тэ гиндосарас, кай кадэла семь мурша тожэ сас дошалэ, кай умардэ лэ манушэн анда Гаваоно. Када сыкавэл, кай лэ Саулостирэ шавэн и лэ внуконэн умардэ важ лэнго бэзэх.
Сар сыкавэл кадэя история, о мануш нэ можэт тэ ԥэнэн, кай во найдошало, кай стердя варисо вэрыто, кати важ кода, кай лэсти ԥэндэ када тэ стерэл. Давайте ласа тэ сэрас кадэла мудри алава: «Вивортосар о дром важ тирэ пэрнэ, и мэк тирэ дрома авэн безопасни. На бандюв ни направо ни налево. Ритярдюв дур лэ найлашимастар» (Прит. 4:24—27; Эф. 5:15).