Стов цэли андэ служэния лэ Иеговасти

1. Савэ цэли амэ можэм тэ стас?

САР чачунэ христианоря, амэ фартэ любисарас лэ Иеговас. Амэ камас тэ терас важ лэстэ вся, со па амаро зор. Кай тэ отдас лэ Иеговасти со май лашо, трэбуй тэ стас цэли андэ служэния лэсти. Например, кай амэндэ тэ авэн лашэ качестворя, тэ сытювас тэ терас варисо полезно, ай кадяжэ тэ поможысарас аврэнди.

2. Васо амэ трэбуй тэ стас цэли андэ служэния и тэ домардювас лэн?

² Васо фартэ важно тэ ашас инке май лашэ лэ Иеговастирэ служытеля? Амэ камас тэ уӷодисарас амарэ небеснонэ Дадэсти. Во фартэ радуийпэ, кала диқэл, кай амэ используем пэстирэ способности и таланторя андэ служэния лэсти. Ай инке, амэ камас тэ дас зор амарэ ԥралэнди и ԥэянди (1 Фес. 4:9, 10). Нэ важно, скати бэрш амэ андэ истина, амэ всаек трэбуй тэ стас зор, кай тэ ашас инке май лашэ христианоря. Акана давайте подаса дума, со амэнди андэ када поможыя.

3. Саво совето о апостоло Павло дя лэ Тимофеёсти? (1 Тимофею 4:12—16).

³ О апостоло Павло пистросардя пэрво письмо лэ Тимофеёсти, кала во сас ужэ опытно старейшына. Но о апостоло Павло всаек пистросардя лэсти, кай во тэ терэл вся, кай тэ ашэл инке май лашо лэ Иеговаско служытелё. (Проадинон 1 Тимофею 4:12—16.) Погиндосарам пала лэ Павлостирэ алава. Во ԥэндя лэ Тимофеёсти: 1) кай лэстэ тэ авэн лашэ качестворя и кай во тэ авэл «примеро... андэ любовь, андэ вера, андо вужимос» и 2) кай во тэ сытёл драго тэ адиной англа всаворэ, тэ подԥэнэн и тэ сытярэл. Амэ подаса дума пала Тимофеё и погиндосараса, савэ цэли амэ можэм тэ стас, кай амари дружба лэ Иеговаса тэ авэл инке май лащи. Ай кадяжэ амэ уӷанаса, сар амэ можэм тэ терас май бут андэ служэния.

МЭК ТУТЭ АВЭН ЛАШЭ КАЧЕСТВОРЯ

4. Васо о Тимофеё сас розлашо лэ Иеговаско служытелё? (Филиппийцам 2:19—22).

⁴ Васо о Тимофеё сас розлашо лэ Иеговаско служытелё? Лэстэ сас райканэ качестворя. (Проадинон Филиппийцам 2:19—22.) Анда лэ Павлоско письмо дицол, кай о Тимофеё сас сэжо, предано, надёжно, и лэстэ и дила ԥаболас андэ вас. Во фартэ любияс лэ ԥралэн и лэ ԥэян и заботияспэ пала лэндэ. Важ када о апостоло Павло любияс лэс и ӷанэнас, кай во можэт тэ стерэл любо, дажэ найвушэро дила (1 Кор. 4:17). Если амэ стас зор, кай амэндэ тэ авэн лашэ качестворя, о Иегова лэла инке май фартэ амэн тэ любий, и амэ анаса май бут лашимос андэ собрания (Пс. 25:9; 138:6).

5. а) Сар тэ полэс, саво качество тути на хутилэл? б) Диқэн пэ картинка. Со поможый ла ԥэяти май фартэ тэ полэл и тэ жалуий аврэн?

⁵ Стов конкретно цэль. Андэ молитва погиндосар, андэр со тути трэбуй тэ парудёс. Витидэ ек качество, саво тути на хутилэл. Можэт, ту камэс май фартэ тэ полэс и тэ жалуис аврэн и тэ дэс помощь лэ ԥралэнди и лэ ԥэянди? Или тути трэбуй май драго тэ ладис аврэнца и тэ сытёс анда оди тэ простис. Манг лэ друӷос, савэсти ту доверяеш, кай во тэ подԥэнэн тути, андэр со ту можэш тэ парудёс (Прит. 27:6).

6. Сар ту можэш тэ домардёс пэстири цэль, кай тутэ тэ авэл качество, саво тути на хутилэл?

⁶ Старысав тэ домардёс пэстири цэль. Со тути андэ када поможыя? Ту можэш май бут тэ уӷанэс пала качество, саво тути на хутилэл. Например, ту камэс всегда тэ простис аврэн. Проадиносар андэ Библия пала мануша, савэ анда оди простинас аврэн и погиндосар, сости ту можэш тэ сытёс лэндар. Подам дума пала Иисусо. Во простияс всаворэ одеса (Луки 7:47, 48). Во на шолас сама, кала и мануша терэнас ошыбки и диқэлас, саво лашимос вонэ моӷут тэ стерэн. Ай и фарисеёря никас нэ щитали важ манушэстэ (Луки 18:9). Кала ту порозмышляеш пала кацавэ примероря, пуш пэстар: «Со мэ диқав андэ мануша? Пэ савэ качестворя мэ шав сама?» Если ту камэс варикас тэ простис, запистросар, савэ лашэ качестворя исин кай кадэва мануш, ай тоди погиндосар: «Сар о Иисусо диқэл пэр лэстэ? Простисардоп во лэс?» Када поможыя тути тэ парувэс пэско гиндо. Фартэ важно тэ пристас зор, кай анда оди тэ простисарас аврэн, хоть када и найвушэро. Тоди полокорэс, амэндэ када лэла тэ вижал со май драго.

СЫТЮВ ТЭ ТЕРЭС ПОЛЕЗНО ДИЛА

7. Сар и ԥрала и ԥэя поможын лэ Иеговасти тэ терэн удивительно дила? (Притчи 22:29).

⁷ Инке ек цэль, сави ту можэш тэ стос англа пэстэ, — када тэ сытёс тэ терэс варисави полезно дила. Например, трэбуй фартэ бут мануша, кай тэ строин филиалоря, Залоря важ и канӷрэсоря, ай кадяжэ Залоря Царства. Бут анда вазвещятеля, савэ терэн пэ кадэла стройки, на ӷанэнас тэ терэн кадэя дила раньшэ, но сытелэ кай авэр опытни ԥрала и ԥэя. Сар дицол пэ картинка, и ԥрала и ԥэя сытён тэ диқэн пала Залоря важ и канӷрэсоря и пала Залоря Царства. О Иегова, «Царё пэ вечность», и о Иисусо, «Царё анда царёря», терэн удивительно дила через амарэ ԥрала и ԥэя (1 Тим. 1:17; 6:15; проадинон Притчи 22:29). Амэ фартэ камас всаворэ одеса тэ терас дила и тэ используем пэстирэ способности, кай тэ прославляем лэ Иеговас, ай най пэс (Иоан. 8:54).

8. Со тути поможыя тэ полэс, савя дилати ту можэш тэ сытёс?

⁸ Стов конкретно цэль. Савя дилати ту можэш тэ сытёс? Пуш совето кай и старейшыноря или кай о раёно старейшына. Можэт, вонэ ԥэнэна, кай тути трэбуй тэ сытёс май драго тэ росԥэнэс и речи или тэ авэс май лашо учителё. Кадяжэ уӷан лэндар, со имено ту трэбуй тэ стерэс или тэ парувэс. И тер кадя, сар тути подԥэндэ. Со важ када трэбуй?

9. Сар ту можэш тэ домардёс пэстири цэль тэ авэс май лашо учителё?

⁹ Домардюв пэстири цэль. Например, ту камэс тэ авэс май лашо учителё. Ту можэш май драго тэ уӷанэс и брашура «Сытю май драго тэ адинос и тэ сытярэс». Если тути динэ задания пэ собрания, манг, кай опытно ԥрал тэ ашунэл тут и тэ подԥэнэн, со ту можэш тэ парувэс, кай тэ вижал май драго. Мэк и мануша диқэн, кай ту най кати лашо учителё, но и надёжно мануш, саво терэл дила анда вся оди (Прит. 21:5; 2 Кор. 8:22).

10. Со поможыя тэ сытёс май драго варисо тэ терэс? Росԥэнэн примеро.

¹⁰ Ай если ту камэс тэ сытёс варисости, со тути найвушэро дэлпэ? На умэк и вас! Ек ԥрал, савэс ақарэн Гэри, росԥэнэн, кай лэстэ на вижалас драго тэ адиной. Кала лэс мангэнас тэ адиной пэ собрания, во фартэ лажалас. Но во всаек на парашэлас тэ стол зор, кай тэ сытёл тэ терэл када май драго. Лэсти фартэ поможысардэ авэр опытни ԥрала и амарэ публикацыи. И акана во драго росԥэнэн и речи пэ собрании и дажэ пэ канӷрэсоря.

11. Со поможыя амэнди тэ терас май бут андэ служэния, сар о Тимофеё?

¹¹ Вижыля кай о Тимофеё тэ ашэл лашо учителё и инке май драго тэ росԥэнэн и речи? Андэ Библия на ԥэнэнпэ пала када. Но амэ патяс, кай о Тимофеё приля лэ Павлоско совето и сытеля май драго тэ терэл и дила андэ собрания (2 Тим. 3:10). Если и амэ сытювас тэ терас варисави полезно дила, тоди амэндэ вижала тэ терас май бут андэ служэния.

СТАРЫСАВ ТЭ ПОМОЖЫС АВРЭНДИ

12. Сави помощь амэнди дэн и ԥрала и ԥэя?

¹² Кала амэ поможысарас аврэнди, када всаворэнди анэн лашимос. Например, если амэ попэлям андэ больница, амэ блаӷодарни, кай пала амэндэ заботинпэ и ԥрала анда камитето па связи лэ больницэнца или анда ӷрупа, кай посетин кодэлэн, ко насвавэл. Кала амэндэ варисави ԥари ситуацыя, амэнди приятно, кай и старейшыноря виашунэн амэн и подритярэн. Ай если амэ проандярас и изучения Библии, амэ фартэ ради, кала опытно пианеро подԥэнэн амэнди, сар тэ авас инке май лашэ учителёря. Амарэ ԥрала и ԥэя всегда ӷотови тэ поможын амэнди, и вонэ фартэ бахталэ кадэлэстар. Амэндэ тожэ можэт тэ авэл кацави радость, если амэ ласа тэ поможысарас аврэнди. О Иисусо ԥэндя: «Май бари бах, кала дас, чем кала лас» (Деян. 20:35). Если ту камэс тэ терэс май бут важ и ԥрала и ԥэя, со поможыя тути тэ домардёс кадэя цэль?

13. Пала со важно тэ сэрэс, кала стос англа пэстэ варисави цэль?

¹³ Кала ту стос варисави цэль, важно, кай вой тэ авэл конкретно. Например, ту гиндос: «Мэ камав тэ терав май бут дила андэ собрания». Но если тири цэль найконкретно, авэла найвушэро тэ полэс, сар ла тэ домардёс и ту на уӷанэса, кай тутэ ужэ вижыля када тэ стерэс. Важ када ту трэбуй драго тэ полэс, со имено ту камэс тэ стерэс. Ту можэш дажэ тэ запистрос пэстири цэль и тэ погиндос, сар ту лэса тэ домардёс ла.

14. Васо дэкала амэнди прижалпэ тэ парувас пэстирэ цэли?

¹⁴ Дэкала амэнди прижалпэ тэ парувас пэстирэ цэли, важ кода кай варисо можэт тэ парудёл андэ жызня. Например, о Павло бут со стердя, кай андэ Фессалоника тэ авэл нэви собрания. Канешно, во камэлас тэ ашэлпэ котэ и тэ поможый нэвэ христианонэнди. Но через и вороӷоря лэсти прижыляпэ тэ ужал анда кодэва форо (Деян. 17:1—5, 10). Тэ ашэлопэ во котэ, када андоп бида лэ ԥралэнди и лэ ԥэянди. Лэ Павлости прижыляпэ тэ парувэл пэстири цэль, но во на умэкля и вас. Во мангля лэ Тимофеёс тэ позаботийпэ пала христианоря анда Фессалоника (1 Фес. 3:1—3). И ԥрала и ԥэя сас фартэ блаӷодарни лэ Тимофеёсти пала када.

15. Сар амэ можэм тэ стас авэр цэли, если варисо парудёл андэ жызня? Росԥэнэн примеро.

¹⁵ Амэ можэм тэ сытювас кай о Павло. Можэт, амэ стодям англа пэстэ варисави цэль, но потом андэ жызня варисо паруделя, и амэ полям, кай будэр нэ можэм тэ домардювас ла (Эккл. 9:11). Если кацаво жэ сас и тутэ, стов англа пэстэ авэр цэль, сави тутэ вижала тэ домардёс. Кадя стердэ о Тедо и лэстири хулаи Хайди. Через и проблемы лэ зорэса лэнди прижыляпэ тэ ашавэн о Вефилё. Но вонэ фартэ любинас лэ Иеговас и родэнас авэр возможности тэ терэн май бут андэ служэния. Вонэ линэ тэ служын сар общи пианероря, ай потом лэн стодэ тэ служын сар спецыальни пианероря. Прожыля время и о Тедо ашэля заместителё кай о раёно старейшына. Но кала лэндирэ бэрша ужэ на поджанас важ кадэя служэния, лэнди прижыляпэ тэ ашавэн ла. Хоть лэнди сас ԥарэс кадэлэстар, вонэ полинэ, кай моӷут тэ служын лэ Иеговасти и па аврятэ. О Тедо ԥэнэн: «Амэ полям, кай можэм па разному тэ служысарас лэ Иеговасти».

16. Сости амэ можэм тэ сытювас анда кода, со пистромэ андэ Галатам 6:4?

¹⁶ Амэ на ӷанас, со амэнца авэла тэся. Вся можэт ӥто тэ парудёл. Важ када на гиндон, кай тумэ куч важ о Иегова кати тоди, кала тумэндэ исин варисави назначения. Ай кадяжэ на трэбуй тэ сыстон пэс аврэнца. И Хайди росԥэнэн: «Кала ту сыстос пэс аврэнца, ту хасарэс и радость». (Проадинон Галатам 6:4.) Родэн возможности андэ пэстири ситуацыя тэ терэн май бут андэ служэнияb.

17. Со можно тэ терас ужэ акана, кай тэ авэн май бут возможности андэ служэния?

¹⁷ Если ту камэс, кай тути тэ дэн варисави нэви дила андэ служэния, ужэ акана андяр просто жызня и на заӷуль андо вужылимос. Стов найбарэ цэли, савэ поможына тэ домардёс тири ӷлавно цэль. Например, если ту камэс тэ авэс общё пианеро, ту можэш ужэ акана тэ служыс сар подсобно пианеро. Ай если о ԥрал камэл тэ авэл помошнико андэ собрания, во можэт май бут тэ проповедует и тэ заботийпэ пала ԥрала и ԥэя, савэндэ найлашо зор или савэ андэ бэршэндэ. Кода, сости ту сытёса акана, поможыя, кай тутэ тэ авэн май бут возможности андэ служэния. Важ када старысав тэ отдэс вся пэско зор андэ любо служэния (Рим. 12:11).

18. Сости амэ сытювас кай и ԥэй Беверли, сар дицол пэ картинка?

¹⁸ Амэ можэм тэ стас цэли андэ служэния андэ любо возрасто. Подам дума пала ԥэй Беверли, савяти 75 лет. Через лако зор лати сас найвушэро тэ ԥирэл. Но вой камэлас май бут время тэ проандярэл андэ служэния, кай тэ ақарэл май бутэ манушэн пэ Вечеря. Кала вой домарделя кадэя цэль, вой сас фартэ бахтали, и када придя зор аврэ ԥралэнди и ԥэянди тэ терэн май бут андэ служэния. О Иегова фартэ цэний вся, со терэн амарэ ԥрала и ԥэя, савэ андэ бэршэндэ, дажэ если бут со най па лэнго зор (Пс. 71:17, 18).

19. Савэ цэли ту можэш тэ стос?

¹⁹ Стов англа пэстэ цэли, савэ ту можэш тэ домардёс. Мэк тутэ авэн лашэ качестворя, савэ радуина лэ Иеговас. Сытюв тэ терэс полезно дила, кай тутэ тэ авэн май бут возможности андэ служэния. Старысав тэ поможыс лэ ԥралэнди и лэ ԥэяндиc. Блаӷодаря лэ Иеговасти о Тимофеё смоӷ тэ ашэл инке май лашо христианино, ай значит, када вижала и тутэ. Тоди всаворэнди дицола, «сости ту домардёс» лэ Иеговастирэ зорэса (1 Тим. 4:15).