«Подритярэн ек еқэс»

1. Со амэ камас тэ терас, сар ԥэнэнпэ андэ 1 Фессалоникийцам 5:11?

САНАС ту варикала лэ ԥралэнца и лэ ԥэянца анда тири собрания, кала строинас или ремонтировали Зало Царства? Если да, ту, наверно, никала на бистрэса, сар пэрво разо зажылян андэ нэво зало. Ту анда вся оди санас блаӷодарно лэ Иеговасти. И кала ту дилабэсас и пэрво дили, тут, возможно, када фартэ ля лэ одестар, и тирэ яқа ԥэрделэ ясвэнца. Амарэ шукарнэ Залоря Царства прославляют лэ Иеговас. Но инке май фартэ амэ прославляем лэс, кала терас авэр дила, сави май важно, чем и стройка. О Иегова камэл, кай амэ тэ подритярас кодэлэн, ко авэл андэ кадэла Залоря Царства. Имено пала када о апостоло Павло пистросардя андэ 1 Фессалоникийцам 5:11. Кадэва стихо ӷлавно важ кадэя статья (проадинон). О ӷреческо алав, саво андэр лэстэ пэрэандярдэ сар «подритярэн», кадяжэ можно тэ пэрэандярас сар «строин». Кала амэ подритярас аврэн, амэ поможысарас, кай лэндири вера тэ авэл май састи.

2. Со амэ роздиқаса андэ кадэя статья?

² О апостоло Павло сыкадя лашо примеро, сар тэ подритярас и тэ дас зор аврэнди. Во анда вся оди полэлас и жалуияс лэ манушэн. Андэ кадэя статья амэ подаса дума, сар во поможыяс лэ ԥралэнди и лэ ԥэянди: 1) тэ пэрэандярэн о ԥаримос, 2) тэ ладин ек еқэса, и 3) тэ терэн вся, кай лэндири вера тэ авэл май састи. Давайте роздиқаса, сар амэ можэм кадя жэ, сар о Павло, тэ подритярас и тэ дас зор лэ ԥралэнди и лэ ԥэянди (1 Кор. 11:1).

О ПАВЛО ПОМОЖЫЯС ТЭ ПЭРЭАНДЯРЭН О ԤАРИМОС

3. Сар о Павло диқэлас пэ служэния лэ Иеговасти и пэ пэстири бути?

³ О Павло фартэ любияс лэ ԥралэн и лэ ԥэян. Во пар пэстэ ӷанэнас, со када ԥаримос андэ жызня. Важ када во моӷ драго тэ полэл и тэ жалуий лэ христианонэн, савэндэ сас барэ трудности. Еқвар кай о Павло на сас ловэ, и лэсти прижыляпэ тэ терэл бути, кай лэстэ и лэстирэ друӷонэндэ тэ авэл вся, со трэбуй важ и жызня (Деян. 20:34). Во терэлас палатки. Кала во авеля андо Коринфо, во спэрва ля тэ терэл кадэя бути лэ Акилоса и ла Прискиласа. Но кажно суббота о Павло росԥэнэнас пала Дэл лэ евреёнэнди и лэ ӷреконэнди. Потом, кала авелэ о Сила и о Тимофеё, во «ля инке май бут тэ росԥэнэн пала лэ Дэвлэско Алав» (Деян. 18:2—5). О Павло вся и время сэрэлас, кай со май ӷлавно андэ лэстири жызня — када тэ служый лэ Иеговасти. Во терэлас бут дила, и лэстирэ советоря моӷли тэ подритярэн лэ ԥралэн и лэ ԥэян. О Павло полэлас, кай лэнди сас найвушэро и кай бутэнди андар лэндэ трэбуй тэ заботинпэ пала пэстирэ еря. И всаек во ԥэнэнас, кай вонэ «тэ полэн, со па чачимастэ важно» — тэ терэн вся, кай тэ тэлён лэ Иеговасти (Флп. 1:10).

4. Сар о Павло и о Тимофеё поможысардэ лэ ԥралэнди и лэ ԥэянди, кала лэндэ сас ԥаримос?

⁴ Акэ со тердяпэ андэ Фессалоники. Ӥто посли кода, сар котэ появисайля и собрания, кай и христианоря, савэ найдэлмут болделэ, ашэля баро ԥаримос. Кала и мануша, савэ лэн вэрыцынас, на виарақлэ лэ Павлос и лэ Силас, вонэ «андярдэ... дэсавэ ԥралэн каринг и барэдэра андо форо». Ай и мануша цыпинас: «Вонэ жан против лэ цезарёстирэ законоря» (Деян. 17:6, 7). Прецтавьте, сар пэрэдарайлэ и нэвэ ученикоря, кала вся када диқлэ. Против лэндэ жыля вся о форо. Через када вонэ моӷли тэ лэн май набут тэ служын лэ Иеговасти. Но хэба о Павло домэклоп, кай кацаво тэ авэл? Хоть лэсти и лэ Силасти прижыляпэ тэ ужан анда кадэва форо, вонэ всаек стердэ вся, кай тэ позаботинпэ пала нэви собрания. Ӷэт май интя о Павло ԥэндя лэ ԥралэнди и лэ ԥэянди анда Фессалоники: «Амэ бишалдям [лэ Тимофеёс], кай во тэ подритярэл и тэ дэл зор тумэнди, кай тумари вера тэ ашэл май састи, кай никастэ андар тумэндэ тэ на ашэл и вера май слабо через о ԥаримос» (1 Фес. 3:2, 3). О Тимофеё, наверно, екжэно диқля андэ пэстири жызня преследовании, важ кода кай во сас анда Листра. Во диқэлас, сар о Павло дэлас зор лэ ԥралэнди и лэ ԥэянди андэ лэско форо. О Тимофеё сэрэлас, сар о Иегова подритярэлас лэ Павлос, и важ када моӷ тэ ԥэнэн лэ нэвэ ԥралэнди и ԥэянди, кай лэндэ авэла вся драго (Деян. 14:8, 19—22; Евр. 12:2).

5. Сар ек старейшына поможысардя лэ Брайантости?

⁵ Ай сар инке о Павло дэлас зор лэ ԥралэнди и лэ ԥэянди? Кала во и о Варнава сас андэ Листра, Икония и Антиохия, «андэ кажно собрания вонэ... стонас лэ старейшынонэн» (Деян. 14:21—23). Кадэла мурша подритярэнас вся и собрания. Адес и старейшыноря кадяжэ дэн зор лэ ԥралэнди и лэ ԥэянди. Акэ со росԥэнэн о Брайанто: «Кала манди сас 15 бэрш, о дад ашадя амэн и жылятар цэрал, ай ла да исключили анда собрания. Манди здэласпэ, кай ман всаворэ ашадэ и мэ никасти на трэбуй». Со поможысардя лэ Брайантости тэ пэрэжувэл и ԥари время? Во ԥэнэн: «О Тони, амаро старейшына, общялся манца пэ собрания и андэ авэр время. Во росԥэнэнас манди пала мануша, савэ андэ ԥари время на хасардэ и радость. Амэ дям дума пала Псалом 27:10. Ай инке во часто росԥэнэнас пала Езекия, саво верно служыяс лэ Иеговасти, хоть лэско дад када на терэлас». Сар лэ Брайантости поможысардя, кай о старейшына заботияспэ пала лэстэ? Во росԥэнэн: «Блаӷодаря кодэлэсти, кай о Тони подритярэлас ман, мэ лэм тэ служысарав полновремено. Кадэя служэния анэн манди бари радость!» Старейшыноря, шон сама кодэлэн, касти трэбуй помощь, кай лэндэ, кадя жэ сар кай о Брайанто, тэ лошавэл оди «лэ лашэ алавэстар» (Прит. 12:25).

6. Сар о Павло подритярэлас лэ ԥралэн и лэ ԥэян, кала росԥэнэнас пала верни лэ Дэвлэстирэ служытеля?

⁶ О Павло пистрояс, кай «фартэ бут свидетеля» андэ дэлмутни время пэрэандярдэ барэ трудности лэ Иеговастирэ зорэса (Евр. 12:1). О Павло полэлас, кай кала и ԥрала и ԥэя уӷанэна пала верни служытеля, савэ виритярэнас баро ԥаримос, када придэла лэнди зор тэ авэн смили. Ай инке када поможысардоп лэнди тэ жувэн кадя, кай вся и время тэ диқэн «лэ жундэ Дэвлэско форо» (Евр. 12:22). Кацавэ истории поможына и амэнди. Хэба амэнди на придэл зор, кала амэ адиносарас, сар о Иегова заботияспэ пала Гедеоно, Варако, Давидо, Самуило и пала бут авэр служытеля? (Евр. 11:32—35) Погиндон, сар о Иегова адес поможый пэстирэ служытелёнэнди. Андэ ӷлавно управления часто авэн письморя лэ ԥралэндар и лэ ԥэяндар, савэнди фартэ придинэ зор и биаӷрафии пала варикастэ анда кодэла, ко адес верно служый лэ Иеговасти.

О ПАВЛО ПОМОЖЫЯС ТЭ ЛАДИН ЕК ЕҚЭСА

7. Саво лашымос анэн амэнди лэ Павлоско совето, саво пистромэ андэ Римлянам 14:19—21?

⁷ Амэ подритярас лэ ԥралэн и лэ ԥэян и дас зор лэнди, если пэстирэ алавэнца и диласа терас, кай андэ собрания тэ авэл ладо. Если амэндэ варикаса на сжанпэ и гиндоря, амэ на домэкас, кай через када тэ дурювас ек еқэстар. И амэ на тердювас пэ пэско, если о мануш терэл кода, со на жал против лэ Дэвлэско законо. Роздиқам ек примеро. Андэ пэрво вико андэ христианско собрания андо Римо сас и евреёря и най евреёря. Кала лэ Моисеёско законо сас улино, лэ Дэвлэстирэ служытеля будэр на трэбуй сас тэ ритярэн и законоря, андэ савэ ԥэнэнаспэ, кай нащи тэ хан варисаво хамос (Мар. 7:19). Тоди дэсавэ христианоря анда евреёря витидэ важ пэстэ, кай моӷут тэ хан любо хамос. Ай авэр на камэнас тэ терэн кадя. Важ када андэ собрания будэр на сас ладо. О апостоло Павло ԥэндя, кай фартэ важно тэ терэн вся, кай тэ авэл мирно. Во пистросардя: «Фэдэр тэ на хан о мас, тэ на пэн о вино и тэ на терэн нисо, состар лэ ԥралэстири вера ашэла май слабо». (Проадинон Римлянам 14:19—21.) О Павло поможысардя лэнди тэ полэн, кай о розладо можэт тэ анэн вредо и кажнонэ манушэсти, и всаворя собранияти. Во и екжэно сас ӷотово тэ парудёл важ авэр, кай никас тэ на змарэл па правильно дром (1 Кор. 9:19—22). Кадяжэ и амэ подритяраса аврэн и стераса, кай тэ авэл ладо, если на ласа тэ спорисавас андэ кодэла вопросоря, андэ савэ кажно можэт тэ прилэл пэстири ришэния.

8. Сар андярдя пэс о апостоло Павло, кала андэ собрания на сас ладо?

⁸ О Павло пристолас вся пэско зор, кай тэ авэл ладо дажэ кодэлэнца, кастэ сас авэр гиндо пэ фартэ важни вопросоря. Например, дэсавэ андэ собрания ԥэнэнас, кай лэ нэвэ христианонэнди анда най евреёря, трэбуй тэ терэн обрезания. Возможно, вонэ када камэнас тэ стерэн, кай лэн тэ на сындон и евреёря (Гал. 6:12). О Павло на сас соӷласно кадэлэса, но во на ля тэ тердёл пэ пэско, ай смирено мангля совето кай и апостолоря и старейшыноря андо Иерусалимо (Деян. 15:1, 2). Блаӷодаря кадэлэсти андэ собрания ашэля мирно и радосно (Деян. 15:30, 31).

9. Сар амэ можэм тэ сытювас лэ Павлостар?

⁹ Если появийпэ варисаво розладо, май фэдэр тэ пушэн совето кодэлэндар, кас о Иегова стодя тэ заботинпэ пала собрания. Часто библейско руковоцтво можно тэ виарақас андэ амарэ публикацыи, савэ вимэкэл лэ Иеговастири арӷанизацыя. Если амэ ласа тэ терас кадя, сар ԥэнэнпэ андэ кадэла указании и на ласа тэ тердювас пэ пэско, тоди андэ собрания авэла ладо.

10. Со инке терэлас о Павло, кай андэ собрания тэ авэл мирно?

¹⁰ О апостоло Павло шолас сама пэ лашэ качестворя, савэ исин кай и ԥрала и ԥэя, ай най пэ лэндирэ нэдостаткоря. Кадя во терэлас, кай тэ авэл мирно. Например, андэ послиднё ӷлава андэ пэско письмо лэ римлянонэнди, во ԥэндя пала дэсавэ христианоря лашэ алава. Сар амэ можэм тэ сытювас лэ Павлостар? На трэбуй тэ лажас тэ ԥэнас пала лашэ качестворя, савэ исин кай амарэ ԥрала и ԥэя. Кала вонэ ашунэн кацавэ алава, амэ ашас май пашэ ек еқэстэ, и любовь андэ собрания ашэл май бари.

11. Сар тэ помирисавас, если амарэ гиндоря на сжанпэ?

¹¹ Дэкала дажэ и христианоря, савэндэ лащи дружба лэ Иеговаса, моӷут тэ гиндон най еқэндар или тэ споринпэ ек еқэса. Кацаво сас кай о Павло и лэско пашутно друӷо Варнава. Вонэ на сжанаспэ лэ гиндонэнца пала кода, трэбуй ли тэ лэн пэса лэ Маркос андэ мисианерско путешэствия. Важ када вонэ «фартэ поскандалили и розжылэпэ» (Деян. 15:37—39). Но о Павло, о Варнава и о Марко стердэ вся, кай тэ помиринпэ. Кадя вонэ сыкадэ, кай важ лэндэ фартэ куч, кала андэ собрания мирно. Потом андэ пэстирэ письморя о Павло ԥэнэнас бут лашэ алава пала Варнава и о Марко (1 Кор. 9:6; Кол. 4:10). Амэнди тожэ важно тэ стас зор, кай тэ помирисавас лэ ԥралэнца и лэ ԥэянца и май бут тэ шас сама по лашымос, саво исин андэр лэндэ. Кадя амэ стераса вся, кай андэ собрания всаворэ тэ ладин ек еқэса (Эф. 4:3).

О ПАВЛО ПОМОЖЫЯС, КАЙ И ВЕРА ТЭ АВЭЛ МАЙ САСТИ

12. Со прижалпэ тэ пэрэандярэн лэ ԥралэнди и лэ ԥэянди?

¹² Амэ дас зор лэ ԥралэнди и лэ ԥэянди, если поможысарас лэнди май фартэ тэ патян андо Иегова. Со лэнди прижалпэ тэ пэрэандярэн? Например, о родо, и однокласникоря или мануша, каса вонэ терэн бути, моӷут тэ подасанпэ лэндар. Кай авэр исин ԥаро насвалимос или фартэ ԥарэс по ди. Ай варико служый лэ Иеговасти ужэ бут бэрша и фартэ аштярэл, кала жэ авэла о раё пэ ԥув. Кала исин кацавэ трудности, и вера можэт тэ ашэл май слабо. Но кацаво жэ ԥаримос сас и кай и христианоря анда пэрво вико. Сар о апостоло Павло подритярэлас лэ ԥралэн и лэ ԥэян?

13. Сар о Павло поможысардя лэ христианонэнди тэ доԥэнэн, андэр со вонэ патян?

¹³ О Павло поможыяс, кай и вера тэ авэл май састи через лэ Дэвлэско Алав. Акэ ек примеро. Можэт и христианоря анда евреёря на ӷанэнас, со тэ атветят лэ родости, савэ доԥэнэнас, кай о иудаизмо май фэдэр, чем и христианско вера. Важ када лэ Павлоско письмо фартэ придя лэнди зор (Евр. 1:5, 6; 2:2, 3; 9:24, 25). Акана лэндэ сас, со тэ ԥэнэн кодэлэ манушэнди, савэ тасавэнас пэр лэндэ. Адес амэ тожэ можэм тэ поможысарас лэ ԥралэнди и лэ ԥэянди драго тэ используют амарэ публикацыи, кай тэ доԥэнэн, андэр со вонэ патян. Ай сар тэ поможысарас лэ тэрнэ ԥралэнди и ԥэянди, савэндар подасанпэ андэ школа через кода, кай вонэ прижанэн, кай вся создал о Дэл? Например, можно вмести лэнца тэ виарақас инфармацыя, сави поможыя лэнди драго тэ росԥэнэн, андэр со вонэ патян. Андэ када драго поможына и брашуры «Была ли жизнь создана?» и «У истоков жизни. Пять вопросов, которые требуют ответа».

14. Со инке терэлас о апостоло Павло, хоть во сас фартэ занято андэ служэния?

¹⁴ О Павло ашадя примеро, сар тэ сыкавас и любовь пэ дила (Евр. 10:24). Во подритярэлас лэ ԥралэн и лэ ԥэян най кати алавэнца, но и диласа. Например, кала андэ Иудея сас боқалимос, во позаботисайля, кай лэнди тэ анэн кода, со трэбуй важ и жызня (Деян. 11:27—30). И хоть во сас занято андэ служэния, во всегда виарақэлас возможности тэ подритярэл кодэлэн, касти трэбуй помощь (Гал. 2:10). Лэстири доброта поможыяс лэ христианонэнди тэ патян, кай о Иегова всегда авэла паша лэндэ. Адес амэ кадяжэ можэм тэ дас зор амарэ ԥралэнди и ԥэянди. Например, кала амэ на жалуисарас пэстири время и о зор, кай тэ дас помощь кодэлэнди, ко попэля андэ природно бида. Инке амэ можэм тэ дас пожэртвовании важ лэ Иеговастири дила па вся и ԥув. Кадя амэ поможысараса лэ ԥралэнди и лэ ԥэянди тэ патян, кай о Иегова никала на ашавэла.

15, 16. Сар трэбуй тэ обжаспэ кодэлэнца, кастири вера ашэля май слабо?

¹⁵ О Павло на гиндояс, кай нинай нисаво толко кодэлэндар, кастири вера ашэля май слабо. Во жалуияс лэн и дэлас дума лэнца по доброму (Евр. 6:9; 10:39). Например, андэ письмо лэ евреёнэнди о апостоло Павло часто пистрояс, кацавэ алава: «амэ», «амэн» и «амэнди». Кадэлэса во сыкадя, кай и советоря, савэ во пистросардя, поджан най кати аврэнди, но и лэсти (Евр. 2:1, 3). Амэ тожэ на гиндосарас пала мануша, савэндэ и вера ашэля май слабо, кай лэндар нинай нисаво толко. Наоборот, амэ старысавас тэ шас сама лэн и тэ дас зор лэнди. Кадя вонэ смоӷут тэ диқэн амари любовь. Лэн подритярэн най кати и алава, но и амаро ковло и добро ӷолосо.

¹⁶ О Павло пистрояс лэ ԥралэнди и лэ ԥэянди, кай о Иегова диқэл лэндири лащи дила (Евр. 10:32—34). Амэ тожэ можэм кадя тэ подритярас кодэлэн, кастири вера ашэля май слабо. Пушэн, сар вонэ уӷанглэ и истина. Мангэн, кай вонэ тэ росԥэнэн, сар диқэнас лэ Иеговаско вас андэ пэстири жызня. Кадя амэ можэм тэ сыкавас лэнди, кай о Иегова на бистэрдя лэндири дила и любовь и кай во никала лэн на ашавэла (Евр. 6:10; 13:5, 6). Кацави дума можэт тэ подритярэл амарэ ԥралэн и ԥэян и тэ придэл лэнди зор, кай вонэ и май дур тэ служын лэ Иеговасти.

ПОДРИТЯРЭН ЕК ЕҚЭС

17. Со амэ можэм тэ терас инке май драго?

¹⁷ Сар и строителя вся и время сытён инке май фэдэр тэ терэн пэстири бути, кадя и амэ можэм тэ сытювас май драго тэ подритярас аврэн и тэ дас зор ек еқэсти. Поможын лэ ԥралэнди и лэ ԥэянди тэ пэрэандярэн о ԥаримос, росԥэнэн лэнди пала кодэла, ко ашэляпэ верно лэ Иеговасти. Драго дэн дума пала ԥрала и ԥэя, кай тэ авэл мирно. Терэн вся, кай тэ ладин ек еқэса, дажэ кала када найвушэро. Дэн зор лэ ԥралэнди и лэ ԥэянди, росԥэнэн лэнди важни библейски гиндоря и поможын лэнди пэ дила. Ай кадяжэ подритярэн кодэлэн, кастири вера ашэля май слабо.

18. Андэр со поможысардя тути кадэя статья?

¹⁸ Кала строин и Залоря Царства, кадэя время всегда прожал радосно. Амэ тожэ можэм тэ авас бахталэ и лошалэ, если, ԥэнэса, строисарас аврэндири вера — поможысарас лэ ԥралэнди и лэ ԥэянди, кай лэндири вера тэ ашэл май састи. Любо цэр варикала можэт тэ роспэрэлпэ, но если амэ подритярас амарэ ԥралэн и ԥэян, када анэна лашымос пэ вся и вечность. Давайте вся и время тэ терас кадя, сар ԥэндя о Павло: «Подритярэн ек еқэс и дэн зор ек еқэсти»! (1 Фес. 5:11).