Лэ Иеговастирэ служытеля любин и праведность

1. Сави ԥари ситуацыя сас кай о Иосифо и сар во пэс андярдя?

КАЙ лэ Иаковоско шаво, о Иосифо, сас ԥари ситуацыя. Лэ Потифаростири хулаи ԥэндя лэсти: «Пэр манца». О Иосифо дажэ на загиндосайля и отԥэндя лати. Адес варико можэт тэ удивийпэ: сар во зритярдя пэс? Лэ Потифарос, лэстирэ ӷосподинос, на сас цэрэ. О Иосифо сас просто рабо, ай кадэя жувли моӷла тэ стерэл лэстири жызня фартэ ԥари важ кода, кай во отԥэндя лати. Но всаек во на соӷласисайля, кала вой упалэ и упалэ ԥэнэнас пала када. Васо? Во ԥэндя: «Сар жэ мэ стерава кадэва найлашымос и стерава бэзэх англа Дэл?» (Быт. 39:7—12).

2. Катар о Иосифо ӷанэнас, кай и измена андо брако — када баро бэзэх англа Дэл?

² Катар о Иосифо ӷанэнас, кай и измена андо брако — када баро бэзэх англа Дэл? Андэ лэ Моисеёско законо ворта сас ԥэндо: «Нэ изменяй андо брако» (Исх. 20:14). Но кай тэ авэл кадэва законо, трэбуй сас тэ прожал инке 200 лет. О Иосифо драго ӷанэнас лэ Иеговас, и важ када полэлас, сар о Дэл диқэл по билажавардимос. Например, о Иосифо ӷанэнас, кай па лэ Иеговаско замысло андо брако трэбуй тэ авэн кати дуй — ек мурш и ек жувли. И во ашунэлас, сар о Иегова дуварэс фэрисардя лэстиря пробаба, ла Сарра, кала пэр латэ задиқэнаспэ авэр мурша. Кадяжэ о Иегова зашутяпэ пала Ревекка, лэ Исаакостири хулаи (Быт. 2:24; 12:14—20; 20:2—7; 26:6—11). Кала о Иосифо гиндояс пала када, во полэлас, со важ о Дэл лашо, ай со най. О Иосифо любияс лэ Дэвлэс и анда вся оди камэлас тэ терэл кода, со во аштярэл лэстар.

3. Пала со амэ подаса дума?

³ Ай тумэ любин и праведность? Амэ патяс, кай любин. Но трэбуй тэ прижанас, кай всаворэ амэ нэсовершэни. И если тэ на авас осторожни, амэ можэм тэ пэрэлас и гиндоря, савэ исин кай и мануша андэ кадэва миро. Тоди амэ ласа тэ диқас пэ кода, со лашо, ай со най, кадя, сар диқэн вонэ (Ис. 5:20; Рим. 12:2). Важ када давайте подаса дума, со када праведность и васо трэбуй ла тэ любисарас. Ай кадяжэ роздиқаса трин маменторя, савэ поможына амэнди и май дур тэ любисарас лэ Иеговаско законо.

СО КАДА ПРАВЕДНОСТЬ?

4. Со бут мануша нэправильно гиндон пала праведность?

⁴ Со тумэ гиндон, кала ашунэн о алав «праведнико»? Дэсавэ гиндон пала кацаво мануш, саво довольно пэса, фартэ строӷо, сындой аврэн и абурой, кай во май лашо аврэндар. Но лэ Дэвлэсти на чалён кацавэ качестворя. О Иисусо сындояс барэдэрэн андэ вера пала кода, кай вонэ стонас пэстирэ законоря пала праведность (Эккл. 7:16; Луки 16:15). Чачуни праведность и праведность андэ пэстирэ яқа совсем на шонпэ.

5. Со када праведность, сар ԥэнэнпэ андэ Библия? Росԥэнэн примероря.

⁵ Праведность — када фартэ шукарно качество. О праведно мануш терэл кода, со чалёл лэ Иеговасти. Андэ Библия и алава, савэ пэрэандярдёнпэ сар «праведность», сыкавэн о гиндо, кай о мануш ритярэл лэ Дэвлэстирэ законоря. Например, о Иегова приԥэндя лэ торӷовцонэнди тэ на хохавэн. Во ԥэндя: «Мэк тумарэ ӷири... авэна точни и правильни» (Втор. 25:15). О древнееврейско алав, саво катэ пэрэандярдэ сар «правильно», кадяжэ можно тэ пэрэандярэн кацавэ алавэнца: «праведно» и «найхохавно». Вижал, если о христианино камэл тэ авэл праведно андэ лэ Дэвлэстирэ яқа, лэсти трэбуй ни андэр со тэ на хохавэл: ни пэ бути, ни андэ дилови вопросоря. О праведно мануш кадяжэ любий и справедливость. Во нащи тэрпий, кала варикаса обжанпэ нэсправедливо. Па чачимастэ праведни мануша камэн «андэ вся тэ уӷодин» лэ Иеговасти (Кол. 1:10). Важ када, кала вонэ прилэн ришэнии, спэрва вонэ гиндон, сар пэ када диқэл о Иегова.

6. Васо трэбуй тэ жувас па лэ Дэвлэско законо, саво сыкавэл со лашо, ай со най? (Исайя 55:8, 9).

⁶ О Иегова — кодэва, кастар жал и праведность. Важ када андэ Библия ԥэнэнпэ, кай андэр лэстэ «жувэл и праведность» (Иер. 50:7). О Иегова — амаро Создателё, и кати лэстэ исин право тэ ԥэнэн со лашо, ай со най. Пэ мануша часто влияет о нэсовершэнство и о бэзэх. Но о Иегова совершэно. Важ када во май драго ӷанэн, со када лашимос, ай со найлашымос (Прит. 14:12; проадинон Исайя 55:8, 9). О Дэл создал амэн кацавэнца, сар и во, и блаӷодаря кадэлэсти амэ можэм тэ жувас па лэско праведно законо (Быт. 1:27). Кацави жызня анэн амэнди бари радость! Амэ любисарас амарэ небеснонэ Дадэс, и важ када камас тэ терас, сар во (Эф. 5:1).

7. Васо андэ разни ситуацыи амэнди трэбуй правила? Росԥэнэн примеро.

⁷ Если амэ жувас па лэ Дэвлэско законо, саво сыкавэл со лашо, ай со най, када анэна амэнди бут лашымос. Погиндон, со авелоп, если и мануша андо банко екжэнэ тэ стон пэсти правила, скати тэ ашэл и валюта? Андэ люма на авелоп нисаво порядко. Ай со, если и врачоря тэ на приритярдён каринг и правила, сар тэ диқэн пала мануша андэ больница? Кадэлэстар и мануша моӷли бы тэ хасарэн пэстири жызня. Дицол: кала исин лашэ правила, када фэрий. Точно кадя амэн фэрий лэ Дэвлэско законо, кай пистромэ со лашо, ай со най.

8. Саво лашымос авэла кодэлэндэ, касти чалёл тэ терэл кода, со правильно?

⁸ О Иегова дэл лашымос кодэлэнди, ко старыийпэ тэ жувэл па лэско законо. Во ԥэнэн: «Кодэлэнди, ко кандэн лэ Дэвлэс, ашэлапэ и ԥув, и вонэ жувэна пэр латэ вечно» (Пс. 37:29). Кати погиндон: сар ладина и савэ дэ бахталэ авэна и мануша пэ ԥув, кала всаворэ лэна тэ жувэн па лэ Дэвлэско законо. О Иегова камэл, кай тумэндэ тэ авэл кацави жызня. И чаче, амэндэ исин бут причины, васо тэ любисарас и праведность. Со поможыя амэнди и май дур тэ терас вся, кай тэ любисарас кадэва качество? Давайте роздиқаса трин маменторя.

ТЕРЭН ВСЯ, КАЙ ТЭ ЛЮБИН ЛЭ ДЭВЛЭСТИРЭ ПРАВЕДНИ ЗАКОНОРЯ

9. Со поможыя амэнди тэ любисарас и праведность?

⁹ Пэрво маменто. Любин кодэлэс, ко стодя о законо, саво сыкавэл со лашо, ай со най. Кай амэндэ тэ авэл любовь каринг и праведность, трэбуй тэ терас вся, кай тэ любисарас кодэлэс, ко стодя о законо пала лашымос и о найлашымос. Со май бари любовь амэндэ авэла каринг о Иегова, со май фартэ амэ камаса тэ жувас па лэстирэ законоря и принцыпоря. Если о Адамо и Ева тэ любисардоп лэ Иеговас, вонэ никала на парашэлоп лэс тэ кандэн (Быт. 3:1—6, 16—19).

10. Со поможысардя лэ Авраамости май драго тэ полэл лэ Иеговас?

¹⁰ Со поможыя амэнди тэ на шылисавас, сар о Адамо и Ева? Трэбуй вся и время тэ уӷанас лэ Иеговас, тэ цэнисарас лэстирэ качестворя и тэ старысавас тэ полас, сар во гиндой. Тоди амэ ласа инке май фартэ тэ любисарас лэс. Акэ сар када сас кай о Авраамо. Во всаворэ одеса любияс лэ Иеговас. Дажэ кала лэ Авраамости сас ԥарэс тэ полэл, васо о Дэл приля кацави ришэния, во на холявэлас. Наоборот, во старыияспэ май драго тэ уӷанэн лэ Иеговас. Например, кала о Дэл ришыл тэ сԥабарэл о Содомо и Гоморра, о Авраамо ля тэ пэрэжывает: нэужэли «о Сындомари всаворя ԥувьяко» вмести лэ ӷрешниконэнца уничтожыт и лэ праведниконэн? О Авраамо полэлас, кай кацаво нэ можэт тэ авэл. Важ када во смирено задя лэ Иеговасти дэсавэ вопросоря, ай о Иегова терпеливо атвечал лэсти. Тоди о Авраамо поля, кай о Дэл диқэл оди кажнонэ манушэско и никала нэ наказывает кодэлэс, ко найдошало, вмести лэ дошалэнца (Быт. 18:20—32).

11. Васо можно тэ ԥэнас, кай о Авраамо любияс лэ Иеговас и патялас лэсти?

¹¹ Лэ Авраамос фартэ ля лэ одестар и дума лэ Иеговаса пала Содомо и Гоморра. Акана во инке май фартэ ля тэ любий пэстирэ небеснонэ Дадэс и тэ стол май бари патив пэр лэстэ. Через дэсавэ бэрша лэ Авраамости сас май ԥарэс тэ доверяет лэ Дэвлэсти. О Иегова мангля лэс, кай во тэ анэн андэ жэртва пэстирэ шавэс, лэ Исаакос, савэс во фартэ любияс. Но акана о Авраамо ужэ ӷанэнас пэстирэ Дэвлэс, и важ када на задя лэсти ни ек вопросо. Во би алавэнго стердя вся, со ԥэндя о Иегова. Кала о Авраамо ӷотовился тэ стерэл кадэя дила, лэстэ, наверно, росшындёлас оди. Можэт во вся и время гиндояс пала кода, со ужэ ӷанэн пала Иегова. Во ӷанэнас, кай о Дэл никала на андярдоп пэс нэправедно или жэстоко. О апостоло Павло пистросардя, кай о Авраамо патялас, кай о Иегова можэт тэ воскресий лэстирэ любимонэ шавэс (Евр. 11:17—19). Важ кода кай о Дэл дя алав, кай лэ Исаакостар жала баро народо, ай тоди кай о Исаако инке на сас бэяцэ. О Авраамо любияс лэ Иеговас и сас уверено, кай лэско небесно Дад вся и время андярэл пэс правильно. И хоть лэсти сас фартэ ԥарэс, во сыкадя, кай патял лэ Дэвлэсти, и кангля лэс (Быт. 22:1—12).

12. Сости амэ можэм тэ сытювас кай о Авраамо? (Псалом 73:28).

¹² Сости амэ можэм тэ сытювас кай о Авраамо? Амэнди тожэ трэбуй вся и время май бут тэ уӷанас пала Иегова. Тоди амэ ашаса май пашэ каринг лэстэ и ласа инке май фартэ лэс тэ любисарас. (Проадинон Псалом 73:28.) Амэ присытярас пэстири совесть, кай тэ гиндосарас кадя, сар о Иегова (Евр. 5:14). Саво лашымос када амэнди анэна? Если варико лэла тэ тасавэл пар мэндэ, амэ никала на стераса кода, со нэправильно. Амэнди авэла гряца ек о гиндо тэ стерас кода, состар авэла ԥарэс по ди амарэ небеснонэ Дадэсти. Амэ на камас, кай амари дружба лэса тэ римойпэ. Сар инке амэ можэм тэ сыкавас, кай любисарас и праведность?

13. Со тэ терас, кай тэ любисарас и праведность? (Притчи 15:9).

¹³ Дуйто маменто. Стон зор, кай кажно дес инке май фартэ тэ любин и праведность. Если амэ ласа кажно дес тэ терас зарядка, амаро зор ашэла май састо. Кадяжэ трэбуй дес десэстар тэ пристас зор, кай амари любовь каринг и праведность тэ барёл. Но о Иегова на аштярэл амэндар май бут, чем амэ можэм тэ стерас (Пс. 103:14). Во любий кодэлэн «ко старыийпэ тэ андярэл пэс праведно». (Проадинон Притчи 15:9.) Кала амэндэ исин варисави цэль андэ служэния, амэ пристас вся пэско зор, кай тэ домардювас ла. Чаче ш? Кацаво жэ можно тэ ԥэнас и пала праведность. Ай о Иегова лэла терпеливо тэ поможый амэнди тэ любисарас и праведность (Пс. 84:5, 7).

14. Со када «и саструни жылетка» и васо вой трэбуй?

¹⁴ О Иегова любий амэн и ԥэнэн, кай найԥарэс тэ андярас пэс правильно (1 Иоан. 5:3). Наоборот, и праведность фэрий амэн кажно дес. Погиндон пала доспехоря, пала савэ пистросардя о апостоло Павло (Эф. 6:14—18). Саво андар лэндэ фэрий оди? Када «и саструни жылетка», сави сыкавэл «лэ Дэвлэстирэ праведни законоря». Лэ Иеговастирэ праведни законоря фэрин амаро символическо ди, кадя жэ сар и саструни жылетка фэрий оди кай о халавдо. Акэ васо фартэ важно пала латэ тэ на бистрас, кала утидаспэ андэ лэ Дэвлэстирэ доспехоря (Прит. 4:23).

15. Сар тумэ можэте тэ лэн пэр пэстэ и саструни жылетка, сави сыкавэл лэ Дэвлэстирэ праведни законоря?

¹⁵ Сар тумэ можэте тэ лэн пэр пэстэ и саструни жылетка, сави сыкавэл лэ Дэвлэстирэ праведни законоря? Вой бэшэла пэр тумэндэ драго, если тумэ кажно дес, андэ всаворэ пэстирэ ришэнии лэна тэ ритярэн лэ Дэвлэско законо. Например, кала прижалпэ тэ витидэн, пала со тэ дэн дума, сави музыка тэ ашунэн, со тэ диқэн и савэ книӷи тэ адинон. Спэрва трэбуй тэ пушэн пэстар: «Со мэ мэкав андо ди? Чалёла када лэ Иеговасти? Или кода, со лэ Дэвлэсти на чалёл, сыкавэн сар варисо лашо, например билажавардимос, жэстокость, жадность и кала гиндон кати пала пэстэ?» (Флп. 4:8). Если тумарэ ришэнии сжанпэ кодэлэса, со уӷодно лэ Иеговасти, тоди лэстирэ праведни законоря лэна тэ фэрин тумаро ди.

16, 17. Сар и алава анда Исайя 48:18 поможын тэ патяс, кай амэндэ вижала всегда тэ жувас па лэ Иеговаско законо?

¹⁶ Тумэ варикала гиндонас, кай кажнонэ десэса ашэл май ԥарэс тэ жувас па лэ Иеговаско законо? Погиндон пала алава, савэ ԥэндя о Дэл андэ Исайя 48:18 (проадинон). О Иегова дэл алав, кай амари праведность авэла сар «волны андэ моря». Прецтавте пэсти, кай тумэ тердён англа моря и диқэн, сар и волны ек пала еқэстэ дэнпэдап андо бэрэӷо. Лэна тумэ тэ пэрэжываете, кай вдруг и волны тердёна? Канешно, най! Важ кода кай и волны ужэ тысячи лет на тердён пэ ек ҭан и дэнпэдап андо бэрэӷо. Тумэ ӷанэн, кай кадя авэла вся и время.

¹⁷ Тумари праведность можэт тэ авэл кацави жэ, сар и волны андэ моря. Сар када тэ полас? Тумэ можэте всегда тэ жувэн па лэ Дэвлэстирэ праведни законоря. Со андэ када поможыя? Кажно разо, кала трэбуй тэ прилэн ришэния, спэрва погиндон, со тумэндар аштярэл о Иегова, ай тоди терэн кадя. Сави бы ԥари ришэния тэ на авэл, вся и время сэрэн: тумаро небесно Дад всегда паша тумэндэ. Во дэла зор, кай тумэ кажно дес тэ жувэн па лэско праведно законо (Ис. 40:29—31).

18. Васо амэнди нащи тэ сындосарас аврэн?

¹⁸ Трито маменто. Домэкэн, кай тэ сындой о Иегова. Амэ терас вся, кай тэ жувас па лэ Иеговаско праведно законо. Но амэнди нащи тэ сындосарас аврэн и тэ гиндосарас, кай амэ май лашэ лэндар. Вместо кода, кай тэ диқас пэ авэр мануша завазглэ шэрэса и тэ сындосарас лэн, давайте ласа тэ сэрас, кай о Иегова — «Сындомари всаворя ԥувьяко» (Быт. 18:25). О Иегова на дя амэнди кацаво право. Важ када о Иисусо ԥэндя: «Хутила тэ сындон, и тумэн нико на сындоя» (Матф. 7:1).b

19. Андар со дицол, кай о Иосифо отдя право тэ сындой лэ Иеговасти?

¹⁹ Подам дума инке еқвар пала Иосифо. Во на сындояс аврэн, дажэ кодэлэн, ко обжыляпэ лэса жэстоко. Лэстирэ ԥрала динэ пэр лэстэ, битиндэ лэс андо рабство и ԥэндэ лэстирэ дадэсти, кай во муля. Через бут бэрша о Иосифо упалэ лэнца диқляпэ. Акана во зорало правителё и моӷ тэ рий лэнди вся, со вонэ затердэ. Лэстирэ ԥрала фартэ даранас кадэлэстар, хоть анда вся оди и каисайлэ андэ кода, со стердэ. Но о Иосифо ԥэндя лэнди: «На даран. Хэба мэ о Дэл?» (Быт. 37:18—20, 27, 28, 31—35; 50:15—21). Во смирено отдя вся андэ лэ Иеговастирэ вас, кай во тэ сындой.

20, 21. Сар тэ на домэкас, кай тэ гиндосарас пала пэстэ, кай амэ май праведни чем авэр?

²⁰ Амэ кадя жэ, сар о Иосифо, домэкас, кай тэ сындой о Иегова. Например, амэ на гиндосарас, кай можэм точно тэ полас, васо амарэ ԥрала и ԥэя кадя пэс андярдэ. Амэ на диқас, со андо ди кай о мануш, — кати «о Иегова росполэл, васо о мануш вся када терэл» (Прит. 16:2). О Дэл любий разнонэ манушэн. Во на диқэл, сави кай о мануш нацыя и сави культура. Во ԥэнэн амэнди: «Ԥэрнавэн и тумэ пэско ди» (2 Кор. 6:13). Важ када давайте тэ любисарас амарэ ԥралэн и ԥэян и тэ на сындосарас лэн.

²¹ Кала амэ домэкас, кай тэ сындой о Иегова, када сыкавэл, кай амэ на сындосарас кодэлэн, ко най андэ лэ Дэвлэско народо (1 Тим. 2:3, 4). Линоп тумэ тэ сындон пэстирэ родос, саво най лэ Иеговаско свидетелё, и тэ гиндон: «Во никала на авэла андэ истина»? Если амэ кадя ласа тэ терас, амэ сыкаваса, кай вистас пэс, кай амэ май праведни, чем авэр. О Иегова инке дэл «всаворэ манушэнди, кай бы вонэ тэ на жувэн» возможность тэ каинпэ (Деян. 17:30). Никала на бистрэн, кай кала амэ гиндосарас, кай май праведни чем авэр, важ о Иегова када нэправедно.

22. Васо тумэ любин и праведность?

²² Мэк тумари любовь каринг лэ Дэвлэстирэ праведни законоря и май дур анэн тумэнди радость и придэл зор аврэнди. Мэк кадэя любовь пашарэл тумэн каринг о Иегова. Давайте всегда ласа тэ пристас зор, кай тэ андярас пэс праведно (Матф. 5:6). Патян: о Иегова шол сама пэ вся, со тумэ терэн. И кала во диқэл, кай тумэндэ вижал кадя пэс тэ андярэн, лэско ди фартэ радуийпэ. Хоть кадэва миро тасол жы па кан андо найлашимос, на умэкэн и вас! Сэрэн: «О Иегова любий кодэлэн, ко андярэл пэс праведно»! (Пс. 146:8).