Сар о Иегова поможый амэнди вся тэ виритярас радостяса

1, 2. а) Савэ вопросоря амэ роздиқаса? б) Со сыкавэл, кай о Иегова фартэ камэл амэнди тэ поможый?

О ИЕГОВА можэт тэ поможый амэнди тэ виритярас о ԥаримос андэ жызня и тэ служысарас лэсти радостяса. Сар во амэнди поможый? И со амэ трэбуй тэ терас, кай када тэ анэн амэнди о лашымос? Пала кадэла вопросоря амэ подаса дума андэ кадэя статья. Но спэрва давайте уӷанаса, па чачимастэ о Иегова камэл амэнди тэ поможый?

² О алав, саво о апостало Павло использовал андэ пэско письмо лэ евреёнэнди поможый амэнди када тэ полас. О Павло пистросардя: «О Иегова мэрно помошнико, на авава тэ дарав. Со стерэла манди о мануш?» (Евр. 13:6). Сар ԥэнэнпэ андэ библейски справочникоря о алав «помошнико», саво тердёл андэ кадэва стихо, сыкавэл лэ манушэс, саво прастэл, кай тэ спасый кодэлэс, ко мангэл помощь. Прецтавьте, сар о Иегова грабийпэ тэ поможый кодэлэсти, ко попэля андэ бида. Када сыкавэл, кай о Иегова най просто ӷотово тэ поможый, во фартэ камэл тэ авэл амаро помошнико. Кала о Иегова паша амэндэ, амэ сможэм тэ виритярас любо ԥаримос и тэ на хасарас и радость.

3. Сар о Иегова поможый амэнди тэ виритярас о ԥаримос радостяса?

³ Сар о Иегова поможый амэнди тэ виритярас о ԥаримос радостяса? Кай тэ полас када, давайте шаса сама пэ книӷа Исайя. Васо имено пэр латэ? Бут анда пророчества, савэ пистросардя о Исайя, поджан каринг лэ Дэвлэстирэ служытеля адес. Кадяжэ о Исайя часто ԥэнэн пала Иегова кацавэ алава, савэ амэнди вушэро тэ полас. Роздиқам 30 ӷлава Исайя. Кала адиносарас ла, амэ драго прецтавляем, сар о Иегова дэл зор пэстирэ народости. О Исайя ԥэндя, кай о Дэл поможый амэнди: 1) внимательно виашунэн амарэ молитвы и атвечает пэр лэндэ, 2) дэл амэнди руковоцтво, саво трэбуй и 3) блаӷословий амэн акана и дэла лашымос май англэ. Акана давайте роздиқаса кадэла трин маменторя.

О ИЕГОВА АШУНЭЛ АМЭН

4. а) Со о Иегова ԥэндя пала израильтяноря и со во домэкля? б) Сави надежда о Иегова дя кодэлэнди, ко лэс кандэлас? (Исайя 30:18, 19).

⁴ В начале андэ 30 ӷлава Исайя о Иегова ԥэнэн пала евреёря, кай вонэ «упрями», и кай «вонэ терэн инке май бут бэзэх, чем сас». Ай инке о Дэл ԥэндя, кай «вонэ найкандино народо... шавэ, савэ на камэн тэ ашунэн лэ Иеговаско законо» (Ис. 30:1, 9). И евреёря на кандэнас лэ Иеговас, важ када через о пророко Исайя во ԥэндя, кай домэкэла, кай лэндэ тэ авэл бида (Ис. 30:5, 17; Иер. 25:8—11). Кадя и тердяпэ. И вавилоняноря залинэ лэн андо плено. Но машкар кадэла мануша сас верни лэ Дэвлэстирэ служытеля, и лэнди о Иегова дя надежда. Во ԥэндя, кай авэла дес, кала во упалэ жалуия лэн. (Проадинон Исайя 30:18, 19.) Но кай када тэ авэл трэбуй сас тэ прожал время. Вонэ сас андо плено 70 лет. И потом дэсавэ андар лэндэ моӷли тэ ринпэ цэрэ. Андо Вавилоно вонэ ровэнас, важ кода кай лэнди сас фартэ ԥарэс (Ис. 10:21; Иер. 29:10). Ай кала вонэ рисайлэ пэ пэстири ԥув, вонэ ужэ ровэнас радостятар.

5. Сар амэнди придэн зор и алава анда Исайя 30:19?

⁵ Адес амэнди моӷут фартэ тэ придэн зор кадэла алава: «Кала во ашунэла, кай ту цыпис и мангэс пала помощь, во тут полэла и жалуия» (Ис. 30:19). О Исайя ԥэндя, кай о Иегова лэла внимательно тэ виашунэл амарэ молитвы. Инке о пророко ԥэнэн: «Сар кати во ашунэла, кай ту цыпис, во атветит тути». Кадэла алава напоминают, кай амаро небесно Дад най просто ӷотово тэ дэл помощь, но и фартэ камэл тэ поможый кодэлэнди, ко лэс ақарэл. Када придэл амэнди зор вся тэ виритярас радостяса.

6. Сар и алава анда Исайя сыкавэн, кай о Иегова внимательно виашунэл кажнонэ пэстирэ служытелёс?

⁶ Сар инке амэн подритярэл кадэва стихо? О Иегова внимательно виашунэл кажнонэ пэстирэ служытелёс. Катар амэ када ӷанас? Андэ пэрво часть андэ 30 ӷлава Исайя тердёл алав «тумэ», важ кода кай о Иегова дэл дума всаворэ пэстирэ народоса. Но андэ 19 стихо тердёл алав «ту», важ кода кай о Иегова ԥэнэн када кажнонэсти лично. О Исайя пистрой: «Ту на лэса тэ ровэс. ...Во тут полэла и жалуия. ...Во атветит тути». Сар амаро любящё Дад, о Иегова никала на ԥэнэна пэстирэ бэятости: «Дик пэ пэско ԥрал или ԥэй. Ту трэбуй тэ авэс кацаво жэ зорало». Най, важ о Иегова куч кажно андар мэндэ. Во внимательно виашунэл кажнонэ пэстирэ служытелёс (Пс. 116:1; Ис. 57:15).

7. Сар о Исайя и о Иисусо сыкадэ, кай важно тэ на парашас тэ мангаспэ?

⁷ Кала амэ росԥэнас лэ Иеговасти пала пэстирэ пэрэжывании, во можэт сразу тэ дэл амэнди зор вся тэ виритярас. Но со, если амэнди ԥарэс ужэ долӷо время? Тоди амэ можэм най еқвар тэ обратисавас каринг о Иегова, кай во тэ поможый амэнди тэ на умэкас и вас. И во екжэно ԥэнэн амэнди када тэ терас. Пала када ԥэнэнпэ андэ Исайя: «На дэн... [лэ Иеговасти] покоё» (Ис. 62:7). Со сыкавэн кадэла алава? Трэбуй тэ мангаспэ постояно, кабута амэ на дас лэ Иеговасти тэ отцыёл. Кода, со ԥэндя о Исайя, напоминает лэ Иисусостирэ алава пала молитва, савэ запистромэ андэ Луки 11:8—10, 13. Котэ о Иисусо ԥэнэн, кай амэ тэ на парашас тэ мангаспэ и вся и время тэ мангас пала свынто духо. Инке амэ можэм тэ родас кай о Иегова руковоцтво, кай тэ прилас мудри ришэнии.

О ИЕГОВА ДЭЛ АМЭНДИ РУКОВОЦТВО

8. Сар и алава анда Исайя 30:20, 21 исполнисайлэ андэ дэлмутни время?

⁸ Проадинон Исайя 30:20, 21. Кала и вавилонско армия тердёлас круӷом Иерусалимо полтора ӷода, кай и иудеёря сас кадя бут биды, кай вонэ ужэ присытелэ каринг када. Но сар ԥэнэнпэ андэ 20 и 21 стихо, о Иегова дя алав, кай если вонэ каинапэ и парудёна, во лэн спасыя. О Исайя ԥэнэн пала Иегова, кай во Баро учителё и сытярэл лэ манушэн, сар тэ тэлён лэсти кадя, сар во камэл. Кадэла алава исполнисайлэ, кала и евреёря вижылэ анда плено. О Иегова ашэля важ лэндэ Баро учителё и поможыяс лэнди тэ стерэн вся, кай упалэ тэ авэл вужи поклонения. Амэ фартэ бахталэ, кай о Иегова — амаро Баро учителё.

9. Сар о Иегова амэн сытярэл?

⁹ Андэ кадэла стихоря о Исайя пистросардя, кай амэ, сар ученикоря, ай о Иегова — учителё. Акэ сар сытярэл амэн о Иегова. О Исайя пистрой: «Тумэ пэстирэ яқэнца лэна тэ диқэн пэстирэ Само Барэ Учителёс». Катэ о учителё тердёл англа пэстирэ ученикоря. Важ амэндэ бари бах, кай амэн сытярэл екжэно о Иегова. Но сар во амэн сытярэл? Во када терэл через пэстири арӷанизацыя. И амэ фартэ блаӷодарни лэсти, кай во дэл амэнди руковоцтво, саво амэ драго полас. О Иегова сытярэл амэн пэ собрании и пэ канӷрэсоря. Ай кадяжэ через амари литература, Бродкастинго и бут со авэр. Вся када поможый амэнди тэ виритярас о ԥаримос андэ жызня и тэ на хасарас и радость.

10. Сар тэ полас, кай амэ ашунас лэ Дэвлэско ӷолосо «палал»?

¹⁰ Акэ сар инке сытярэл амэн о Иегова: «Тумэ палал лэна тэ ашунэн ӷолосо». Катэ о Исайя ԥэнэн пала Иегова, кай во, сар внимательно учителё, саво жал палал и подԥэнэн пэстирэ учениконэнди, каринг тэ жан, кай тэ на змардён па дром. Адес амэ тожэ ашунас лэ Дэвлэско ӷолосо палал. Сар када тэ полас? Лэ Иеговастирэ алава сас запистромэ фартэ дэлмут. Важ када можно тэ ԥэнас, кала амэ адиносарас и Библия, амэ, кабута, ашунас лэ Дэвлэско ӷолосо палал (Ис. 51:4).

11. Пэ савэ дуй маменторя амэ трэбуй тэ шас сама, кай вся тэ виритярас и тэ на хасарас и радость? Росԥэнэн.

¹¹ О Иегова дэл амэнди руковоцтво через и Библия и через пэстири арӷанизацыя. Но со амэ трэбуй тэ терас, кай када тэ анэн амэнди лашымос? Шам сама пэ дуй маменторя. Пэрво: «Акэ дром». Дуйто: «Жан пар лэстэ» (Ис. 30:21). На хутила просто тэ ӷанас о «дром», трэбуй тэ «жас пар лэстэ». Лэ Иеговастири арӷанизацыя поможый амэнди тэ полас лэ Дэвлэско алав, и блаӷодаря кадэлэсти амэ ӷанас, со амэн аштярэл. Инке амэ уӷанас, сар тэ прилас андэ жызня кода, со уӷанглям. Кай вся тэ виритярас и тэ на хасарас и радость андэ служэния, амэ трэбуй тэ шас сама пэ кадэла дуй маменторя. Кати тоди амэ сможэм тэ авас уверени, кай о Иегова лэла амэн тэ блаӷословий.

О ИЕГОВА АМЭН БЛАӶОСЛОВИЙ

12. Сар о Иегова блаӷословисардя пэско народо, сар пистромэ андэ Исайя 30:23–26?

¹² Проадинон Исайя 30:23—26. Сар кадэва пророчество исполнисайля, кала и евреёря вижылэ анда вавилонско плено? О Иегова фартэ лэн блаӷословисардя, и лэндэ сас вся, со трэбуй. О Иегова дэлас лэнди кадя бут хамос, кай вонэ тэ хан и тэ чалён. Но со май важно, во дя лэнди вся, кай лэндэ тэ авэл лащи дружба лэса и поможысардя, кай лэндэ упалэ тэ авэл вужи поклонения. Кай лэ Дэвлэско народо андэ кодэя время сас кадя бут лашымос лэ Дэвлэстар, сар никала. Сар дицол анда 26 стихо, о Иегова дя лэнди май бут свето, аврэ алавэнца, поможысардя тэ полэн лэско Алав (Ис. 60:2). Лэ Иеговастирэ блаӷословении придинэ зор лэстирэ служытелёнэнди и поможысардэ лэнди тэ служын лэсти радостяса (Ис. 65:14).

13. Сар андэ амари время исполнийпэ о пророчество, кай упалэ авэла вужи поклонения?

¹³ Исполнийпэ андэ амари время о пророчество, кай упалэ авэла вужи поклонения? Канешно! Андо 1919 бэрш милионоря мануша вижылэ анда Вавилоно Велико — анда всаворэ хохавнэ веры. О Иегова андярэл пэско народо андо май лашо ҭан, чем и Обетованно ԥув, — када духовно раё (Ис. 51:3; 66:8). Но со када?

14. Со када духовно раё и ко андэр лэстэ жувэл? (Диқэн «Сар када тэ полас».)

¹⁴ Анда 1919 бэрш андо духовно раёb линэ тэ жувэн и памазаникоря. Потом андэ кадэва раё линэ тэ жувэн и мануша, савэ надеинпэ тэ жувэн пэ ԥув — «авэр бакрорэ» (Иоан. 10:16). И лэн о Иегова кадяжэ фартэ блаӷословий (Ис. 25:6; 65:13).

15. Кай находийпэ о духовно раё?

¹⁵ Кай адес находийпэ о духовно раё? Лэ Иеговастирэ служытеля жувэн пэ вся и ԥув. Вижал, кадэва раё пэ вся и ԥув. Важ када, кай бы амэ тэ на авас, амэ жувас андо духовно раё, если анда вся оди тэлювас лэ Иеговасти кадя, сар во камэл.

16. Со поможыя амэнди, тэ диқас о шукаримос, саво исин андо духовно раё?

¹⁶ Кай тэ ашаспэ андэ кадэва духовно раё, амэ трэбуй фартэ тэ цэнисарас амарэ ԥралэн и ԥэян андэ собрания. Сар амэ можэм када тэ терас? Если ласа тэ шас сама, сар дэ шукарнэс, кала всаворэ вмести тэлён лэ Дэвлэсти, и тэ диқас лашымос, саво исин андэ ԥрала и ԥэя, ай най лэндирэ нэдостаткоря (Иоан. 17:20, 21). Васо када кадя важно? Роздиқам ек примеро. Андэ любо шукарно вэш исин разни витки. Кадяжэ и амари собрания шолпэ по вэш, кай исин бут разни ԥрала и ԥэя (Ис. 44:4; 61:3). Амэнди трэбуй тэ шас сама по шукаримос, саво исин андэ кадэва «вэш», ай най пэ нэдостаткоря, савэ моӷут тэ авэн пэ варисави «витка». Нащи тэ домэкас, кай через варикастирэ нэдостаткоря, амэ тэ на диқас о шукаримос, саво исин андэ амари собрания блаӷодаря кодэлэсти, кай всаворэ вмести тэлён лэ Иеговасти.

17. Со амэ можэм тэ терас, кай андэ собрания тэ авэн всаворэ сар ек ери?

¹⁷ Со амэ можэм тэ терас, кай андэ собрания тэ авэн всаворэ сар ек ери? Если ласа тэ терас вся, кай тэ авэл мирно (Матф. 5:9; Рим. 12:18). Кала андэ собрания всаворэ ладин, амаро духовно раё ашэл инке май шукарно. Амэ сэрас, кай кажнонэс андэ кадэва духовно раё ақардя екжэно о Иегова (Иоан. 6:44). Во фартэ радуийпэ, кала амэ пристас вся пэско зор, кай андэ собрания тэ авэл мирно и всаворэ тэ авэн сар ек ери. О Иегова цэний кажнонэс андар мэндэ! (Ис. 26:3; Агг. 2:7).

18. Пала со амэнди трэбуй вся и время тэ розмышляем и васо?

¹⁸ О Иегова фартэ блаӷословий пэстирэ служытелёнэн. Со амэ можэм тэ терас, кай када тэ анэн амэнди инке май бут лашымос? Трэбуй драго тэ розмышляем, кала изучаем лэ Дэвлэско Алав, и Библия, и амарэ публикацыи. Блаӷодаря кадэлэсти, амэндэ авэна христиански качестворя, савэ поможына амэнди тэ терас кадя, сар пистромэ андэ Римлянам 12:10, «сар ԥрала любин ек еқэс и нежно обжанпэ ек еқэса». Если амэ гиндосарас пала блаӷословении, савэ амэндэ исин ужэ акана, када поможый, кай амари дружба лэ Иеговаса тэ ашэл май састи. Ай кала амэ розмышляем, со инке о Иегова дэла амэнди май англэ, амари надежда тэ тэлювас лэсти вечно ашэл инке май састи. Када поможыя, кай амэндэ тэ авэл инке май бари радость андэ служэния лэ Иеговасти.

АМЭ НА КАМАС ТЭ СДАСПЭ

19. а) Андэр со амэ можэм тэ авас уверени, сар ԥэнэнпэ андэ Исаия 30:18? б) Со поможыя амэнди вся тэ виритярас радостяса?

¹⁹ Ӥто о Иегова улэла кадэва найлашо миро (Ис. 30:18). Амэ уверени, кай амаро справедливо Дэл на домэкэла, кай лэ сатанастири люма тэ авэл май долӷо, чем трэбуй (Ис. 25:9). Амэ терпеливо аштярас, кала о Иегова амэн спасыя. Ай пока кадэя время инке на авеля, давайте тэ цэнисарас, кай амэндэ исин возможность тэ мангаспэ, тэ изучаем и Библия, тэ прилас андэ жызня кода, со уӷанглям, и тэ розмышляем пала пэстирэ блаӷословении. И тоди о Иегова обязательно поможыя амэнди вся тэ виритярас радостяса.