Никала на ашав о дэвликуно раё

1. Со када дэвликуно раё и со камэн и мануша, савэ котэ жувэн?

АДЕС пэ ԥув исин раё. Котэ жувэн милионоря лашэ мануша, савэ терэн лащи дила, и вонэ камэн тэ ашэнпэ андэ кадэва раё вся и время. Кадяжэ вонэ ақарэн и аврэн — и вудара ԥэрнадэ. И дума жал катэ пала дэвликуно раё!a

2. Васо можно тэ ԥэнас, кай када удивительно, кай исин дэвликуно раё?

² Адес исин фартэ бут холинатирэ и вэрыти мануша (1 Иоан. 5:19; Тайна 12:12). Просто на патялпэ, кай андэ кадэя найлащи люма исин ҭаноро, кай вся драго. Амаро Дэл, саво амэн фартэ любий, стердя лэс, кай амэ котэ тэ авас састэ андэ вера. Андэ Библия ԥэнэнпэ пала кадэва дэвликуно раё, сар пала ҭан, кай тэ гарадён, и пала садо, кай шорэл бут паи (Ис. 4:6; 58:11). О Иегова блаӷословий кодэлэн, ко котэ жувэл, и важ када вонэ полэн, кай лэнди найсостар тэ даран андэ кадэла послидни ԥарэ деса (Ис. 54:14; 2 Тим. 3:1).

3. Сар пэрво разо исполнисайля кода, со пистромэ андэ 65 ӷлава андэ лэ Исаястири книжка?

³ О Иегова росԥэндя, сави жызня авэла андо дэвликуно раё. Пала када сас ԥэндо андэ 65 ӷлава, андэ лэ Исаястири книжка. Пэрво разо када исполнисайля андо 537 бэрш до н. э. Тоди лэ евреёнэн, савэ каисайлэ, одмэклэ анда вавилонско плено, и вонэ рисайлэ пэ пэстирэ краёря. О Иегова лэн блаӷословисардя. Во поможысардя лэнди тэ стерэн анда розмардо Иерусалимо райкано форо и тэ ваздэн о храмо. Када сас ҭан, кай и израильтяноря тэлёнас лэ Дэвлэсти (Ис. 51:11; Зах. 8:3).

4. Сар кода, со о Исая ԥэндя андэ 65 ӷлава, терэлпэ андэ амари время?

⁴ Кода, со ԥэндя о Исая, исполнисайля инке еқвар. Када сас андо 1919 бэрш. Тоди лэ Иеговастирэ мануша сас одмэклэ анда плено анда Ашунгло Вавилоно. Кодэлэ бэршэстар о дэвликуно раё ля тэ ашэл май баро. Фартэ бут росԥэнэнас пала Царство. Па вся и люма ашэнас май бут собрании, ай кодэла, ко жувэнас андо дэвликуно раё, лэнас май фартэ тэ шонпэ по Христос. И мурша и жувля, савэ андярэнас пэс фартэ вэрыто и билажавардэс, лэнас пэр пэстэ о «нэво характеро», саво «стердо кадя, сар уӷодно лэ Дэвлэсти» (Еф. 4:24). Да, исин инке бут блаӷословении, пала савэ ԥэндя о Исая, но вонэ авэна кати андо раё пэ ԥув. Но варисо анда када амэндэ ужэ исин акана. Давайте подаса дума, со исин особено андо дэвликуно раё, и погиндосараса, васо амэнди никала на трэбуй лэс тэ ашавас?

ВАСО АМЭНДИ ДРАГО ТЭ АВАС АНДО ДЭВЛИКУНО РАЁ?

5. Сар адес амэндэ исин кода, пала со пистромэ андэ Исайя 65:13?

⁵ Амэ чалэ и зоралэ. О Исая ԥэндя, соса на шонапэ кодэла, ко жувэл андо дэвликуно раё и кодэла, кас котэ нинай. (Проадинон Исайя 65:13.) О Иегова — Дад, саво ритярэл и палма ԥэрнади, кай тэ дэл пэско лашымос. Во терэл вся, кай амэ тэ диқас, кай во заботийпэ пала амэндэ. Во дя амэнди свынто зор, Библия и дэвликуно хамос, кай амэ тэ хас, тэ пас и тэ лошавас. (Сыстон Свынто тайна 22:17.) Ай со можно тэ ԥэнас пала кодэла, ко най андо дэвликуно раё? Вонэ боқалэ, найсо тэ пэн, и лэн хал о муй лажаимастар. И вся када важ кода, кай вонэ на ӷанэн лэ Дэвлэс (Ам. 8:11).

6. Сар о Иегова зритярэл пэско алав, саво запистромэ андэ Иоиль 2:21—24?

⁶ Авэр пророко, о Иоилё, ԥэнэн пала зэрно, вино и алифкаво вулей. Када сас обычно хамос кай и мануша андо дэлмутно Израилё. Кадяжэ адес о Иегова поможый пэстирэ манушэнди тэ патян, кай во дэла лэнди дэвликуно хамос, скати трэбуй (Иоиль 2:21—24). Саво хамос о Иегова дэл адес? Амэндэ исин Библия, публикацыи, сайто, ай кадяжэ собрании и канӷрэсоря. Амэ можэм кажно дес фартэ чалэс тэ хас. Важ када амэ чалэ и зоралэ.

7. Состар лошавэл амаро ди? (Исайя 65:14).

⁷ Амэ бахталэ и лошалэ. Кай лэ Дэвлэстирэ мануша лэла тэ лошавэл оди. (Проадинон Исайя 65:14.) Амэ фартэ блаӷодарни лэ Дэвлэсти важ када. Амэ ԥэнас лэ Иеговасти наис, кай ӷанас о чачимос. Кадяжэ амэ блаӷодарни лэсти пала обещянии, савэ исин андэ Библия, и пала састи надия, сави исин амэндэ через лэ Христостири жэртва. Ай кала амэ дас дума лэ ԥралэнца и лэ ԥэянца пала кадэла блаӷословении, тоди инке май драго лас тэ полас, пэскати амэ дэ бахталэ мануша! (Пс. 34:8; 133:1—3).

8. Савэ исин дуй важни маменторя андо дэвликуно раё?

⁸ Андо дэвликуно раё исин дуй важни маменторя — када, кай андэ лэ Иеговаско народо всаворэ любин ек еқэс и ладин. Амэ ужэ акана старысавас тэ терас кадя, кай амэнди тэ авэл драго ек еқэса андэ собрания. Ай андо раё пэ ԥув амэндэ када вижала инке май драго (Клс. 3:14). Ек ԥэй росԥэндя пала кода, со латэ сас по ди, кала вой пэрво разо авеля пэ собрания кай лэ Иеговастирэ свидетеля. Вой ԥэнэн: «Мэ на сымас кацави дэ бахтали дажэ андэ пэско ери. Мэ пэрво разо диқлэм, сар лэ Иеговастирэ мануша па чачимастэ любин ек еқэс». И мануша полэна, сар када па чачимастэ тэ авэн бахталэ и лошалэ кати тоди, кала екжэнэ диқэна, сави жызня исин андо дэвликуно раё. Варикала вонэ моӷли тэ ашунэн бут найлашымос пала лэ Иеговастирэ свидетеля. Но кала вонэ авэна пэ амари собрания, вонэ полэна, кай кода, со амэндэ исин, будэр никастэ нинай — када лэ Иеговастири блаӷословения (Ис. 65:15).

9. Сар о Иегова обещяет тэ улэл амэндар о ԥаримос, сар ԥэнэнпэ андэ Исайя 65:16, 17?

⁹ Амэндэ спокойство и нинай дар. Андэ Исайя 65:14 ԥэнэнпэ, кай кодэла, ко на камэн тэ жувэн андо дэвликуно раё, лэна «тэ цыпин через кода, кай фартэ дуқал оди и тэ цыпин кодэлэстар, кай умэклэ и вас». Но кай лэ Дэвлэстирэ мануша адес тожэ исин ԥаримос. Да, када кадя. Но амэ точно ӷанас, прожала время, «и бида, сави сас, забистрэна», и ла будэр на диқэна. (Проадинон Исайя 65:16, 17.) О Иегова най кати улэла вся и дук, но и стерэла кадя, кай амэндэ дажэ по гиндо када на авэла.

10. Васо тумэнди чалёл тэ авэн еқэҭанэ лэ ԥралэнца и лэ ԥэянца? (Диқэн кадяжэ и картинка.)

¹⁰ Амэ парашас тэ пэрэжываем и тэ гиндосарас пала проблемы, кала авас пэ собрании. Котэ амэнди по ди спокойно, и амэ всаворэстар отцыювас. И собрании, ԥэнаса, лашо драб важ амарэ нервы. Амэ старысавас тэ терас вся, кай андэ собрания тэ авэл драго. Важ када амэ цырдаспэ каринг о лашымос, саво жал лэ Дэвлэстирэ зорэстар, када тэ любисарас, тэ ладисарас, тэ терас лашымос и тэ андярас пэс ковлэс (Гал. 5:22, 23). Сави када дэ бари бах тэ авас андэ лэ Дэвлэско ери! Кодэла, ко на ашавэл о дэвликуно раё, пэстирэ яқэнца диқэна, сар о Иегова зритярэла всаворэ пэстирэ алава пала «нэво нэбо и нэви ԥув».

11. Сар ԥэнэнпэ андэ Исайя 65:18, 19, со амэндэ по ди, кала амэ андо дэвликуно раё?

¹¹ Амэ блаӷодарни и радосни. О Исая ԥэнэн, васо амэ можэм фартэ тэ лошавас андо дэвликуно раё. Кадэва раё стердя о Иегова. (Проадинон Исайя 65:18, 19.) Важ када амэ на дас наздив, кай во поможый лэ манушэнди тэ вижан анда хохавнэ веры. Важ о Дэл кадэя люма, сар зашуки ԥув, ай о дэвликуно раё — када фартэ шукарно садо. Важ када амэ ақарас аврэ манушэн тожэ тэ авэн андэ кадэва садо (Иер. 31:12).

12. Савэ алава анда Исайя 65:20—24 тумэнди чалён и васо?

¹² Кодэла, ко адес жувэн андо дэвликуно раё, надеинпэ кадяжэ тэ авэн андо раё, саво авэла пэ ԥув. Через када вонэ блаӷодарни и радосни. Прицтавь, сави дэ райкани жызня авэла! Андэ Библия ԥэнэнпэ: «Котэ будэр на лэна тэ мэрэн и бэяцэ, савэ прожудэ кати дэсавэ деса. На лэна тэ мэрэн и ԥурэ, савэ на прожудэ всаворэ пэстирэ бэрша». «И мануша лэна тэ строин и цэра и тэ жувэн андэр лэндэ... тэ барярэн и винаӷрадникоря и тэ хан о винаӷрадо». Лэ манушэнди на прижалапэ «тэ терэн бути евья», важ кода кай о Иегова лэла тэ блаӷословий лэн. Во обещяет амэнди мирно и бахтали жызня. Всаворэ лэна тэ полэн, васо вонэ жувэн. О Дэл лэла тэ ӷанэн, со амэнди трэбуй инке жы каринг кода, сар амэ мангаса лэстар пала када. И «кажнонэсти, ко жувэл», во дэла «вся, со во камэл» (Ис. 65:20—24; Пс. 145:16).

13. Сар парудёл лэ манушэстири жызня, кала во лэл тэ служый лэ Иеговасти, сар ԥэнэнпэ андэ Исайя 65:25?

¹³ Амэндар жал о ладо, и амэндэ нинай дар. Лэ Дэвлэстирэ зорэса бут мануша паруделэ андэ лащи риг. Раньшэ вонэ сас жэстоки, холинатирэ, сар и зверёря, или андярэнас пэс хохавнэс. (Проадинон Исайя 65:25.) Но вонэ ашадэ када вся и ашэлэ аврэ манушэнца (Римо 12:2; Еф. 4:22—24). Канешно, амэ идоси всаворэ найидиальни, важ када дэкала амэ всаек ласа тэ шылисавас. Хоть амэ разни, о Иегова всаек амэн стидя и дя састи любовь и ладо (Тито 2:11). Кацави удивительно дила можэт тэ стерэл кати амаро Зорало Дэл!

14. Сар ек ԥрал паруделя кадя, сар ԥэнэнпэ андэ Исайя 65:25?

¹⁴ Чаче о мануш можэт тэ парудёл? Роздиқаса ек примеро. Ек тэрно мануш сас холинако, и лэсти нико нэ моӷ тэ терэл амино. Кала лэсти сас 20 бэрш, во ужэ най еқвар бэшэлас андо бар. Во уӷонияс и машыны, чорэлас и терэлас авэр вэрыто найлащи дила. Во вся и время варикаса марэласпэ. Ӷэт май интя кадэва тэрно мануш уӷангля о чачимос анда Библия и ля тэ ԥирэл пэ собрании кай лэ Иеговастирэ свидетеля. Тоди во поля, васо трэбуй тэ жувэл. Во арақля дэвликуно раё. Посли кода сар во болделя, во часто гиндояс пала алава анда Исайя 65:25, савэ точно сыкавэн, сар паруделя лэстири жызня. Можно тэ ԥэнас, кай анда лево во ашэля бакроро.

15. Васо амэ камас, кай май бут мануша тэ авэн андо дэвликуно ери, и сар амэ можэм андэ када лэнди тэ поможысарас?

¹⁵ Исайя 65:13 залэлпэ кацавэ алавэнца «кадя ԥэнэн о Владыка Ӷосподо о Иегова». Ай андо 25 стихо андэ кодэя ӷлава пистромэ: «О Иегова ԥэнэн». Если о Дэл дэл алав, во вся и время лэс зритярэл (Ис. 55:10, 11). О дэвликуно раё ужэ исин. О Иегова создал особо народо. Машкар лэстирэ мануша амэ чуствуем пэс мирно, и амэндэ нинай дар. Амари арӷанизацыя па чачимастэ сар о раё андэ кадэя жэстоко люма (Пс. 72:7). Важ када амэ камас тэ поможысарас май бутэ манушэнди тэ авэн андо дэвликуно ери. Кай кадя тэ авэл, амэнди трэбуй тэ жас и тэ сытярас лэ манушэн, кай вонэ тэ авэн ученикоря (Матф. 28:19, 20).

СО АМЭ МОЖЭМ ТЭ ТЕРАС, КАЙ АВЭР ТЭ ЗАКАМЭН ТЭ АВЭН АНДО ДЭВЛИКУНО РАЁ

16. Через со о мануш можэт тэ закамэл тэ авэл андо дэвликуно раё?

¹⁶ Кажно андар мэндэ можэт бут со тэ стерэл, кай авэр тэ закамэн тэ авэн андо дэвликуно раё. Важ када амэнди трэбуй тэ терас кадя, сар о Иегова. Во на цырдэл лэ манушэн зорэса андэ пэстири арӷанизацыя. Во ковлэс пашарэл лэн каринг пэстэ (Иер. 31:3; Иоан. 6:44). И мануша, кастэ лашо ди, екжэнэ цырдэнпэ каринг о Иегова, кала уӷанэн, саво во дэ райкано Дэл. Кода, сар амэ пэс андярас, и амаро характеро можэт тэ вурявэл о дэвликуно раё. Тоди авэр закамэна тэ авэн андэр лэстэ. Сар амэ можэм када тэ терас?

17. Со шолпэ андэ яқа, кала пэрво разо авэс пэ собрания?

¹⁷ Пэрво, со шолпэ андэ яқа, кала авэс пэ собрания, — када, сар и мануша обжанпэ драго ек еқэса. Со лэ манушэстэ по ди, кала во пэрво разо авэл андо Зало Царства? Амэ камас, кай во анда оди тэ ԥэнэн кадя, сар и мануша анда дэлмутно Каринфо: «Чаче о Дэл машкар тумэндэ!» (1 Кр. 14:24, 25; Зах. 8:23). Вижал, амэнди трэбуй и май дур тэ терас кадя, сар ԥэнэнпэ андэ Библия, — тэ ладисарас ек еқэса (1 Фес. 5:13).

18. Васо лэ манушэнди камэлпэ тэ авэн андэ лэ Дэвлэстири арӷанизацыя?

¹⁸ Амэ старысавас тэ диқас пэ ԥрала и ԥэя кадя, сар о Иегова. Важ када амэ шас май бут сама по лашымос, саво исин андэ лэнго характеро. Ай лэндирэ нэдостаткоря на хан амэнди и яқа, важ кода кай через и время о Дэл када улэла. Канешно, дэкала амэ можэм тэ надополас ек еқэс. Но амэ улас када, важ кода кай любисарас ек еқэс, терас лашымос, жалуисарас и анда вся оди простисарас (Еф. 4:32). Через када о дэвликуно раё прицырдэл лэ манушэн, савэ тожэ камэн, кай лэн тэ любин и драго лэнца тэ обжанпэb.

НИКАЛА НА АШАВ О ДЭВЛИКУНО РАЁ

19. а) Со по ди кодэлэндэ, ко рийпэ андо дэвликуно раё? (Диқэн и рамка «Вонэ рисайлэ андо дэвликуно раё».) б) Сар тэ сыкавас, кай амэнди куч о дэвликуно раё? (Диқэн кадяжэ и картинка.)

¹⁹ Амэнди чалёл о дэвликуно раё! Кажно дес во ашэл вся май шукарно, и андэр лэстэ ашэл май бут кодэлэн, ко хвалин лэ Иеговас. Амэ аваса вся и время блаӷодарни лэ Иеговасти пала кадэва баро подарко. Кала авас андо дэвликуно раё, амэ ашас бахталэ, радосни, амэндэ спокойство по ди и нинай дар. Амэнди нащи тэ ашавас кадэва раё. Но трэбуй тэ фэрисавас, важ кода кай о Сатана камэл амэн тэ обдилярэл, кай амэ тэ вижас анда дэвликуно раё (1 Пёт. 5:8; Тайна 12:9). Амэ на трэбуй тэ подаспэ лэсти. Давайте и май дур ласа тэ фэрисарас о шукаримос, вужымос и о ладо андо дэвликуно раё.