О Иегова дэл амэнди лашымос, кала пристас о зор тэ авас пэ Вечеря

1, 2. Васо амэ кажно бэрш авас пэ Вечеря?

ПОЧТИ 2 000 бэрш палпалэ о Иисусо отдя пэстири жызня пала мануша, кай лэндэ тэ авэл возможность тэ жувэн вечно. Вэчэром англа пэстири смэрть во приԥэндя пэстирэ учениконэнди тэ сэрэн пала кода, со во стердя важ и мануша, важ кода кай любий лэн. Кодэва особо вэчэро вонэ трэбуй сас тэ проандярэн по простому, пэр лэстэ трэбуй сас тэ авэл о марно и о вино (1 Кор. 11:23—26).

² Амэ терас кода, со приԥэндя о Иисусо, важ кода кай фартэ любисарас лэс (Иоан. 14:15). Кажно бэрш англа Вечеря и посли латэ амэ сыкавас пэстири блаӷодарность пала кода, со во стердя важ амэндэ: амэ мангаспэ и розмышляем пала лашымос, саво анэн лэ манушэнди лэ Иисусостири жэртва. Кадяжэ амэ лошалэ май бут тэ служысарас, кай тэ росԥэнас лэ манушэнди пала кадэя особо события и тэ ақарас лэн. Канешно, амэ пристаса вся пэско зор, кай и екжэнэ тэ авас пэ Вечеря.

3. Со амэ роздиқаса андэ кадэя статья?

³ Андэ кадэя статья амэ подаса дума, сар лэ Иеговастирэ служытеля терэн вся, кай тэ сэрэн пала лэ Иисусостири смэрть. Роздиқаса трин маменторя: 1) вонэ проандярэн и Вечеря кадя, сар приԥэндя о Иисусо, 2) ақарэн пэ кадэя события аврэн и 3) екжэнэ авэн пэ Вечеря, дажэ кала лэндэ исин ԥаримос.

ПРОАНДЯРАС И ВЕЧЕРЯ КАДЯ, САР ПРИԤЭНДЯ О ИИСУСО

4. Пала саво чачимос амэ кажно бэрш ашунас пэ Вечеря и васо када трэбуй тэ авэл куч амарэ одести? (Луки 22:19, 20).

⁴ Кажно бэрш амэ авас пэ Вечеря и ашунас и библейско речь, сави дэл атветоря пэ важни вопросоря. Например, васо лэ манушэнди трэбуй о выкупо и сар ек мануш пэстиря жызняса моӷ тэ витинэл бутэн лэ бэзэхэстар. Ай инке амэ уӷанас, ко трэбуй тэ хал о марно и тэ пэл о вино пэ Вечеря и со сыкавэн кадэла символоря. (Проадинон Луки 22:19, 20.) Ай инке амэ ашунас и гиндосарас, сар лэна тэ раюин кодэла, ко жувэна андо раё пэ ԥув (Ис. 35:5, 6; 65:17, 21—23). Амэнди нащи тэ присытювас каринг кадэва чачимос, кабута кадя и трэбуй тэ авэл. Бут мануша на полэн лэс и на ӷанэн пэскати дэ куч кода, со стердя о Иисусо. Ай инке вонэ на проандярэн и Вечеря кадя, сар во приԥэндя. Васо?

5. Сар и мануша линэ тэ вспоминают лэ Иисусостири смэрть посли кода, сар на ашэля бутэ апосталонэн?

⁵ Посли кода, сар мулинэ бут апосталоря, андэ собрания появисайлэ и хохавнэ христианоря (Матф. 13:24—27, 37—39). Вонэ линэ «тэ пэрэбандярэн о чачимос, кай тэ одындярэн лэ учениконэн пала пэстэ» (Деян. 20:29, 30). Акэ ек примеро. Хоть андэ Библия ԥэнэнпэ, кай «о Христос кати еқвар андя пэс андэ жэртва, кай тэ андярэл о бэзэх бутэнго», вонэ сытярэнас, кай кадэя жэртва трэбуй тэ анэн упалэ и упалэ (Евр. 9:27, 28). Адес бут мануша патян кадэлэ хохаимасти. Андэ дэсавэ веры и мануша часто или дажэ кажно дес авэн андэ қандири, кай тэ терэн обрядо, пэ саво ԥэнэн литургияb. Андэ авэр веры пала лэ Иисусостири смэрть вспоминают фартэ ридко. Бут мануша котэ на дополэн, васо вобще о Иисусо трэбуй сас тэ мэрэл. Дэсавэ гиндон: «Чаче, через лэ Христостири жэртва мэрнэ бэзэха моӷут тэ простинпэ?» Васо вонэ пушэн пэстар пала када? Важ кода кай лэн сытярдэ, кай лэндирэ бэзэха нэ моӷут тэ простинпэ через лэ Христостири жэртва. Сар и чачунэ лэ Христостирэ ученикоря поможын лэ манушэнди май драго тэ полэн кадэва вопросо?

6. Со полинэ и библейски иследователя андо 1872 бэрш?

⁶ Андо 1870 бэрш о Чарлзо Тейзо Расселло и мануша, савэ лэса сас, линэ драго тэ изучают и Свынто Писания. Кадэла библейски иследователя камэнас тэ полэн, со сыкавэл лэ Христостири жэртва и сар трэбуй тэ сэрас пала лэ Иисусостири смэрть. Каринг 1872 бэрш вонэ полинэ, кай о Иисусо потиндя о выкупо пала всаворэ мануша. Вонэ на гарадэ кадэва чачимос, ай линэ тэ росԥэнэн пала када аврэнди через и книжки, ӷазеты и журналоря. Посли када вонэ, сар и христианоря андо пэрво вико, линэ тэ стидэнпэ пэ лэ Иисусостири Вечеря еқвар андо бэрш.

7. Саво лашымос анэн кода, со уӷанглэ и библейски иследователя?

⁷ Кода, со уӷанглэ и христианоря бут бэрша палпалэ, анэн лашымос и амэнди. Саво када лашымос? О Иегова поможысардя тэ полас о чачимос пала лэ Иисусостири жэртва и пала кода, саво дром вой ԥэрнадя англа амэндэ и англа всаворэ мануша (1 Иоан. 2:1, 2). Кадяжэ амэ уӷанглям, кай дэсавэ манушэндэ авэла бесмертно жызня по нэбо, ай милионоря авэр мануша лэна вечно тэ жувэн пэ ԥув. Амари дружба лэ Иеговаса ашэл май састи, кала амэ гиндосарас пала кода, сар дэ фартэ во амэн любий и саво лашымос лично амэнди анэн лэ Христостири жэртва (1 Пет. 3:18; 1 Иоан. 4:9). Важ када, сар и библейски иследователя, амэ ақарас аврэ манушэн пэ Вечеря, сави проандярас кадя, сар приԥэндя о Христос.

АҚАРАС ПЭ ВЕЧЕРЯ АВРЭН

8. Скати зор пристол лэ Иеговаско народо, кай тэ ақарэл аврэн пэ лэ Иисусостири Вечеря? (Диқэн и картинка.)

⁸ Бут бэрша лэ Иеговастирэ служытеля ақарэн аврэн пэ лэ Иисусостири Вечеря. Андо 1881 бэрш ԥрала и ԥэя анда США стидэпэ пэ кадэя особо события андо цэр андэ Аллеге́йни (штато Пенсильвания). Ӷэт май интя кажно собрания проандярэлас и Вечеря отдельно. Андо марто андо 1940 бэрш сас объявления, кай андэ пэстири тиритория и вазвещятеля моӷут тэ ақарэн пэ Вечеря лэ манушэн, савэ камэн тэ уӷанэн лэ Дэвлэско чачимос. Андо 1960 бэрш о Вефилё пэрво разо бишалдя андэ собрании напечатани приӷлашэнии. Кодэла времятар сас роздино милиарды приӷлашэнии. Васо амэ отдас скати зор и время, кай тэ ақарас аврэн пэ Вечеря?

9, 10. Кас амэ старысавас тэ ақарас пэ Вечеря и васо? (Иоанна 3:16).

⁹ Амэ камас, кай кодэла, ко пэрво разо авэн пэ Вечеря, тэ уӷанэн, со важ амэндэ стердэ о Иегова и о Иисусо. (Проадинон Иоанна 3:16.) Амэ надеисавас, кай кода, со вонэ диқэна и ашунэна, побудия лэн тэ уӷанэн май бут и тэ ашэн лэ Иеговастирэ служытеля. Но амэ ақарас най кати кодэлэн, ко на ӷанэн лэ Дэвлэско чачимос.

¹⁰ Амэ кадяжэ ақарас кодэлэн, ко варикала парашэля тэ служый лэ Иеговасти. Амэ камас тэ ԥэнас, кай о Иегова идоси любий лэн. Бут ко соӷласинпэ тэ авэн пэ Вечеря, и кала амэ лэн диқас, амаро ди лошавэл. И Вечеря напомнит лэнди, савэ дэ бахталэ вонэ сас, кала служынас лэ Иеговасти. Акэ со сас ла Моникасаc. Вой упалэ ля тэ служый ла собранияса, кала жалас и пандэмия COVID-19. Посли кода, сар вой авеля пэ Вечеря андо 2021 бэрш, вой росԥэнэн: «Кадэя Вечеря ашэля важ мандэ особено. Пэрво разо важ и 20 бэрш мэ росԥэнавас пала Дэл лэ манушэнди и ақаравас лэн пэ Вечеря. Мэ служысаравас анда вся оди, важ кода кай сымас фартэ блаӷодарно лэ Иеговасти и лэ Иисусости» (Пс. 103:1—4). Авэн мануша пэ Вечеря чи най, амэ всаек старысавас тэ ақарас лэн, важ кода кай ӷанас: о Иегова цэний, кай амэ пристас о зор.

11. Сар о Иегова блаӷословий амэн, кала ақарас лэ манушэн пэ Вечеря? (Аггей 2:7).

¹¹ О Иегова фартэ блаӷословий амэн, кала амэ ақарас лэ манушэн пэ Вечеря. Хоть андо 2021 бэрш сас и пандэмия COVID-19, пэ Вечеря авелэ и мануша май бут чем обычно, лэн сас 21 367 603. Када варикай дувар май бут, чем всаворэ лэ Иеговастирэ свидетеля! Канешно, важ о Иегова ӷлавно най и цыфры, важ лэстэ май куч и мануша (Луки 15:7; 1 Тим. 2:3, 4). Важ када амэ патяс, кай кала амэ ақарас лэ манушэн пэ Вечеря, о Иегова поможый амэнди тэ виарақас кодэлэн, кастэ лашо ди. (Проадинон Аггей 2:7.)

АВАС ПЭ ВЕЧЕРЯ, ДАЖЭ КАЛА ИСИН ԤАРИМОС

12. Васо можэт тэ авэл ԥарэс тэ авас пэ Вечеря? (Диқэн и картинка.)

¹² О Иисусо ԥэнэнас, кай андэ послидни деса амэндэ авэла бут ԥаримос. Например, можэт тэ вэрыцый о ери, тэ авэн преследовании, войны, эпидемии и инке бут со (Матф. 10:36; Мар. 13:9; Луки 21:10, 11). Через вся када тэ авас пэ Вечеря можэт тэ авэл фартэ найвушэро. Со терэн амарэ ԥрала и ԥэя, кай тэ пэрэандярэн кадэла трудности? Сар о Иегова поможый лэнди?

13. Сар о Иегова блаӷословил лэ ԥралэс, кай во смило проандярдя и Вечеря андо баруно?

¹³ Кала бэшарэн андо баруно. Амарэ ԥрала, савэн бэшардэ через лэндири вера, терэн вся, кай тэ проандярэн и Вечеря. Акэ со сас лэ ԥралэса, савэс ақарэн Артёмо. Андо 2020 бэрш, весной, кала обычно проандярэн и Вечеря, во находияспэ андэ найбари камера, сави сас 17 квадратных метров. Котэ лэса сас инке штар мануш. Хоть о Артёмо бэшэлас андо баруно, во смоӷ тэ подӷотовит и символоря важ и Вечеря. Во камэлас тэ ԥэнэн и речь, хоть на аштярэлас, кай варико лэс ашунэла. И барунаря, савэ бэшэнас лэса, вся и время цырдэнас и акушэнаспэ. Со стердя о Артёмо? Во мангля лэн тэ на цырдэн и тэ на дэн дума абисо хотя бы ек часо. Нэожыдано вонэ соӷласисайлэ. О Артёмо пушля, камэн вонэ тэ ашунэн пала Вечеря. Спэрва вонэ ԥэндэ, кай лэнди када нэинтересно, но кала додиқлэ, сар о Артёмо проандярэл и Вечеря, вонэ линэ пала бут со тэ роспушэн лэстар.

14. Со стердэ и ԥрала, кай тэ проандярэн и Вечеря, кала сас и пандэмия COVID-19?

¹⁴ Пандэмия COVID-19. Кала заляпэ о ковидо, лэ Иеговастирэ служытеля нэ моӷли тэ стидэнпэ андэ Залоря Царства. Но всаек вонэ проандярдэ и Вечеряd. Котэ, кай сас о интэрнэто, и собрании проандярдэ и Вечеря па видеосвязь. Ай со стердэ кодэла, кастэ на сас интэрнэто? Андэ дэсавэ страны и ԥрала позаботисайлэ, кай и речь, сави ԥэнэн пэ Вечеря, моӷли тэ ашунэн па телевизоро и радио. Инке и филиалоря запистросардэ кадэя речь май бут, чем пэ 500 шыба, кай и Вечеря смоӷли тэ проандярэн дажэ кодэла, ко жувэл дур аврэндар. Ай тоди и ԥрала андэ́ лэнди кадэя запись.

15. Сости амэ сытювас кай и Сью?

¹⁵ Кала вэрыцын андо ери. Дэсавэнди ԥарэс через лэнго ери. Акэ со сас кай ек жувли, савя ақарэн Сью. Андо 2021 бэрш англа Вечеря вой ԥэндя ла ԥьяти, сави изучает ласа и Библия, кай лако ери тасавэл пэр латэ, и через када вой нэ можэт тэ авэл пэ Вечеря. И ԥэй проадиносардя лати Луки 22:44, ай тоди росԥэндя, кай андо ԥаримос трэбуй тэ терэс кадя, сар о Иисусо. Вой мангэласпэ лэ Иеговасти и анда вся оди патялас лэсти. Пэ авэр дес и Сью подӷотовила символоря и диқля и спецыально утренё поклонения по сайто jw.org. Андэ кодэва дес вой андэ пэстири комната подключилась каринг и Вечеря па телефоно. Посли када и Сью пистросардя ла ԥьяти: «Ту арати ман фартэ подритярдян! Мэ стердэм вся, кай тэ авав пэ Вечеря, ай пала вся авэр позаботисяйля о Иегова. Мэ фартэ бахтали и блаӷодарно. Мандэ нинай алава!» Сар ту гиндос, поможыя о Иегова, если тутэ авэла кацави жэ ситуацыя?

16. Васо, кала пристас о зор тэ авас пэ Вечеря, амэ можэм тэ патяс, кай о Иегова дэла амэнди бут лашымос? (Римлянам 8:31, 32).

¹⁶ Кала амэ пристас о зор, кай тэ сэрас пала лэ Иисусостири смэрть, када фартэ радуий лэ Иеговас. Амэ можэм тэ авас уверени — о Иегова дэла амэнди бут лашымос, если амэ блаӷодарни лэсти пала кода, со во важ амэндэ стердя. (Проадинон Римлянам 8:31, 32.) Давайте тераса вся, кай андэ кадэва бэрш англа Вечеря и посли латэ тэ терас важ о Иегова май бут андэ служэния.