Сар амэ ашас май пашэ ек аврэстэ, кала авас по Вэчэро, кай вспоминают лэ Иисусости смэрть?

1, 2. Саво Вэчэро андо 2018 бэрш терэл кадя, кай и мануша тэ авэн май пашэ ек аврэстэ и васо? (Диқэн и картинка англа статья.)

АНДО 2018 бэрш 31 марта авэла особо дес важ миллионоря мануша. После кода, сар зажала о қам, лэ Иеговастирэ свидетеля и бут авэр мануша стидэнапэ вместе, кай тэ проандярэн о Вэчэро, кай вспоминают лэ Иисусости смэрть. Кажно бэрш кадэва Вэчэро, сар нисаво авэр, терэл кадя кай и мануша па вся ԥув тэ авэн май пашэ ек аврэстэ.

² Погиндосар, со кай о Иегова и кай о Иисусо по ди, кала вонэ диқэн, сар миллионоря мануша андэ разно часо авэна по кадэва особо Вэчэро. Андэ Библия ԥэнэнпэ, кай фартэ бут мануша, савэн нико нэ может тэ проадиной «анда всаворэ нации, еря, народоря и шыба» лэна тэ цыпин: «Фэрисардя амэн амаро Дэл, саво бэшэл по престоло, и о Бакроро» (Отк. 7:9, 10). Драго, кай пэ кадэва Вэчэро авэн бут мануша, кай тэ прославляют лэ Иеговас и лэ Иисусос, кай вонэ бут со стердэ.

3. Со амэ уӷанаса?

³ Андэ кадэя статья амэ уӷанаса, со кажно может тэ терэл каринг о Вэчэро? Сар кадэва Вэчэро стерэла кадя, кай лэ Дэвлэско народо тэ авэл май пашэ ек аврэстэ? Со амэ можем тэ терас, кай и ԥрала и ԥэя андэ собрания тэ авэн ек пала ек? Кала авэла послиднё Вэчэро, кай вспоминают лэ Иисусости смэрть?

СО ТРЭБУЙ ТЭ ТЕРАС КАРИНГ О ВЭЧЭРО?

4. Васо трэбуй, со бы тэ на терэлпэ, тэ авас по Вэчэро?

⁴ Погиндон, пэ скати трэбуй тэ авэн пэ кадэва Вэчэро. Амэ сэрас, кай и собрания, када ек, со ужал андэ кода, кай тэ тэлювас лэ Дэвлэсти. Амэ патяс, кай лэ Иеговасти и лэ Иисусости куч, кала о мануш стол пэско зор, кай тэ авэл пэ кадэва Вэчэро, саво прожал еқвар андо бэрш. Амэ камас, кай о Иегова и о Иисусо тэ ӷанэн, кай если амэ на авелям по Вэчэро, када, кай варисо стердяпэ и через када амэ нисар нэ могли тэ авас. Кала андэ амари дила дицол, кай и собрании фартэ трэбуй важ амэндэ, тоди кай о Иегова исин инке васо тэ фэрий амаро алав андэ «книга, кай тэ сэрэл». Инке пэ кадэя книга ԥэнэн «книга важ и жизня», андэ сави запистромэ алава, касти о Иегова камэл тэ дэл вечно жизня (Мал. 3:16; Отк. 20:15).

5. Сар англа Вэчэро, амэ можем тэ терас кадя, сар ԥэндя о Павло: «Диқэн пала пэстири вера, кацави вой тумэндэ, сар трэбуй чи най»?

⁵ Важ куртендэ англа Вэчэро виарақэн время, кай тэ мангэнпэ лэ Иеговасти и тэ погиндон, сави тумэндэ дружба лэса. (Адиносар 2 Коринфянам 13:5a). О апостоло Павло ԥэндя лэ коринфянонэнди: «Диқэн пала пэстири вера, кацави вой тумэндэ, сар трэбуй чи най». Но сар када тэ терас? Можно тэ пушас пэстар: «Чаче, мэ гиндосарав, кай када ек организация, через сави о Иегова терэл кода, со камэл? Став мэ пэско зор, кай тэ росԥэнав пала Дэл и тэ сытярав аврэн па Библия? Дицол, кай мэ па чачимастэ патяв, кай амэ жувас андэ послидни деса и кай йто о Дэл улэла лэ Сатанасти правления? Патяв мэ лэ Иеговасти и лэ Иисусости кадя, сар кала мэ дэм алав, тэ жував важ о Дэл?» (Матф. 24:14; 2 Тим. 3:1; Евр. 3:14). Кала амэ пала када гиндосарас, када поможый тэ полас корко пэс.

6. а) Саво дром андярэл каринг и вечно жизня? б) Со терэл ек старейшина кажно бэрш каринг о Вэчэро и сар амэ можем лэстар тэ сытювас?

⁶ Адинон амари библейско литература, андэ сави росԥэнэнпэ, пэ скати трэбуй кадэва Вэчэро и погиндон, со адиносардэ. (Адиносар Иоанна 3:16b; 17:3c). Исин кати ек дром, саво андярэл каринг и вечно жизня. Кай тэ авэл тутэ кадэя вечно жизня, трэбуй тэ уӷанэс важ о Иегова и тэ патяс андэ лэско шаво, саво лэстэ ек. Када о Иисус Христос. Англа Вэчэро адинон амари литература, сави пэ кадэя тема. Кадя тумэндэ авэла май лащи дружба лэ Иеговаса и лэ Иисусоса. Акэ, сар када терэл ек ԥрал, саво бут бэрша старейшина. Бут бэрша во стидэл статьи анда «Сторожево башня» пала Вэчэро и пала кода, сави любовь о Иегова и о Иисусо сыкадэ каринг амэнди. Важ куртендэ англа Вэчэро, во проадиной лэн и гиндой, васо фартэ трэбуй кадэва Вэчэро, кай вспоминают лэ Иисусости смэрть. Дэкала и статьи, савэ во стидя, ашэнас май бут, важ кода кай во достолас интя ек или дуй инке. Кадэва старейшина кажно бэрш важ пэстэ виарақэл варисо нэво, кала адиной кадэла статьи и адиной стихоря анда Библия, савэ трэбуй тэ адинос каринг о Вэчэро. Но само главно, бэрш бэршэстар во май фартэ любий лэ Иеговас и лэ Иисусос. Если тумэ кадяжэ лэна тэ уӷанэн май бут пала кадэва Вэчэро, тумэ май фартэ лэна тэ любин лэ Иеговас и лэ Иисусос. Инке, тумэ май фартэ авэна благодарни пала кода, со вонэ стердэ. И важ тумэндэ кадэва Вэчэро авэла па чачимастэ особо.

О ВЭЧЭРО, КАЙ ВСПОМИНАЮТ ЛЭ ИИСУСОСТИ СМЭРТЬ, ПОМОЖЫЙ ТЭ АВАС ЕК АВРЭСТЭ МАЙ ПАШЭ

7. а) Пала со о Иисусо мангэласпэ, кала приԥэндя, кай тэ проандярэн о Вэчэро, кай вспоминают лэсти смэрть? б) Васо можно тэ патяс, кай о Иегова дя ответо пэ молитва?

⁷ Андо послиднё вэчэро, о Иисусо приԥэндя пэстирэ учениконэнди тэ проандярэн о Вэчэро, кай вспоминают лэсти смэрть. Тоди во мангляпэ, кай вонэ тэ авэн ек пала ек, сар када исин машкар о Иегова и о Иисусо. (Адиносар Иоанна 17:20, 21d). Дя ответо о Иегова пэ молитва? Да. Кала проандярэн о Вэчэро, кай вспоминают лэ Иисусости смэрть, када драго доԥэнэн, кай лэ Иеговастирэ свидетеля ек пала ек. Па вся миро миллионоря мануша, савэндэ разно нация, ай кадяжэ калэ и парнэ мануша патян, кай о Дэл бишалдя пэ ԥув пэстирэ шавэс. Дэкай исин кацаво, кай и мануша, савэндэ авэр нация, нэ могут тэ стидэнпэ, кай тэ тэлён лэ Дэвлэсти. И если вонэ стидэнпэ и мануша, савэ када диқэн, гиндон, кай када нэправильно. Но, кала кацавэ мануша стидэнпэ, лэ Иеговасти и лэ Иисусости када фартэ чалёл.

8. Со о Иегова ԥэндя через о Иезекиилё?

⁸ Лэ Иеговаско народо, на дэл наздив кодэлэстар, кай вонэ ек пала ек. Важ кода кай о Иегова ԥэндя пала када лэ Иезекиилёсти. Во ԥэндя Иезекиилёсти, кай тэ стидэл дуй рувля вместе. Пэ ек риг сас пистромэ «лэ Иудасти», ай пэ авэр риг «лэ Иосифости». (Адиносар Иезекииля 37:15—17e). Андэ Сторожево башня пала июлё 2016 бэрш, андэ сави исин «Пушэн кодэла, ко адинон» росԥэнэнаспэ: «О Иегова через о Иезекиилё ԥэндя, кай лэско народо рияпэ андэ ԥув, пала сави о Иегова ԥэндя, кай авэла лэндири. И вонэ упалэ авэна, сар ек народо. Кадэла алава поджан и каринг лэ Дэвлэско народо, саво андэ послидни деса ек пала ек».

9. Сар по Вэчэро амэ диқас кода, со сас ԥэндо дэлмут андэ книга Иезекииль?

⁹ Андо 1919 бэрш о Иегова ля по набут тэ стидэл лэ помазанниконэн андэ пэстири организация, кай вонэ тэ терэн лэстири дила. Вонэ шонпэ, сар бы пэ рувли, сави важ Иуда. Тоди каринг лэндэ линэ тэ стидэнпэ и мануша, савэ лэна тэ жувэн пэ ԥув, када и рувли, сави важ о Иосифо. Кадэла лэ Дэвлэстрэ служителя, савэ лэна тэ жувэн по нэбо и, савэ лэна тэ жувэн пэ ԥув, ашэлэ «ек стадо» (Иоан. 10:16; Зах. 8:23). О Иегова дя алав, кай стидэла кадэла дуй рувля андэ ек рувли, андэ пэско вас (Иез. 37:19). Акана и христианоря, савэ лэна тэ жувэн по нэбо и, савэ лэна тэ жувэн пэ ԥув, служин вместе лэ Иеговасти. Лэндэ исин ек царё, када о Иисус Христос. О Иезекиилё ԥэндя лэ Дэвлэстирэ алава пала кода, со трэбуй тэ авэл англэ. Андэ кадэла алава ԥэнэнас по Иисусо, кай во лэ Дэвлэско «служителё Давидо» (Иез. 37:24, 25). Инке о Иегова ԥэндя через о Иезекиилё, кай кажно бэрш по Вэчэро, кай вспоминают лэ Иисусости смэрть, кала амэ авас, можно тэ диқас, сар ек пала ек лэ Дэвлэстирэ мануша. По Вэчэро авэн кодэла, ко лэна тэ жувэн по нэбо и кодэла, ко жувэна пэ ԥув. Со кажно андар мэндэ может тэ стерэл, кай тэ фэрий када?

СО КАЖНО АНДАР МЭНДЭ МОЖЕТ ТЭ ТЕРЭЛ?

10. Со амэ можем тэ терас пэстиря ригатар, кай тэ авас ек пала ек?

¹⁰ Пэрво, амэ аваса ек пала ек тоди, кала на заваздас о шэро. О Иисусо ԥэнэнас пэстирэ учениконэнди, кай вонэ тэ на заваздэн о шэро (Матф. 23:12). И мануша андо миро гиндон, кай вонэ май лашэ, чем авэр. Но кала амэ на заваздас о шэро, тоди амэ кандаса лэ ԥралэн, савэ терэн бут со андэ собрания. Када дэла лашимос всаворэ манушэнди андэ собрания. Но само главно, кала амэ на заваздас о шэро, терэл драго по ди лэ Иеговасти. Васо? Важ кода кай «о Дэл против кодэлэн, ко заваздэл о шэро, ай кодэлэнди, ко на гиндой пала пэстэ бут, дэл лашимос» (1 Пет. 5:5).

11. Сар кода, кала гиндосарас, со сыкавэл по Вэчэро о вино и о марно, терэл кадя, кай тэ авас ек пала ек андэ собрания?

¹¹ Дуйто, кай тэ авас ек пала ек лэ ԥралэнца и лэ ԥэяца анда собрания, амэнди поможыя акэ со. Англа кадэва Вэчэро и сар авэна уже пэ кадэва Вэчэро гиндон, со сыкавэл о марно, андэ саво нинай дрожжи и о лоло вино (1 Кор. 11:23—25). О марно сыкавэл лэ Иисусости найгрешно тила, сави во отдя важ амэндэ. Ай о вино сыкавэл лэско рат. Но када на хутилэла кати тэ ӷанас, со сыкавэл о марно и о вино. Трэбуй тэ сэрас, кай о Иегова и о Иисусо фартэ амэн любин и через када о Иисусо витиндя амэн. Важ кода кай о Иегова амэн фартэ любий, во закамля тэ отдэл пэстирэ шавэс важ амэндэ. Ай кода, кай о Иисусо отдя пэстири жизня пала амэндэ, сыкавэл, кай во амэн кадяжэ фартэ любий. Кала амэ гиндосарас пала када, амэ закамаса кадяжэ фартэ лэн тэ любисарас. Кода, кай амэ любисарас лэ Иеговас, поможый амэнди тэ авас ек пала ек лэ ԥралэнца и лэ ԥэянца андэ собрания.

12. Сар лэ Иисусости дума пала царё и пала рабо сыкавэл, кай о Иегова камэл, кай амэ тэ простисарас кодэлэн, ко амэн холярдя?

¹² Трито, кай тэ авас ек пала ек андэ собрания, трэбуй тэ простисарас ек еқэс анда вся оди. Кадэлэса амэ сыкавас, кай ԥэнас «наис» лэ Иеговасти, важ кода кай во простисардя амаро бэзэх, через кода кай о Иисусо витиндя амэн. Погиндон пала лэ Иисусости дума, сави запистромэ андэ Матфея 18:23—34. Пушэн пэстар: «Камав мэ тэ терав кадя, сар сытярэлас о Иисусо? Чаче, мэ на грабисавав тэ холявав и полав лэ ԥралэн и лэ ԥэян анда собрания? Вушэро манди тэ простисарав кодэлэн, ко ман холярдя?» Трэбуй тэ полас, кай авэр бэзэх может тэ авэл май баро аврэстар. Кода, кай амэ несовершени, тэ простисарас варикас может тэ авэл найвушэро. Но кадэя лэ Иисусости дума поможый тэ полас, со Иегова камэл, кай амэ тэ стерас. (Адиносар Матфея 18:35f). О Иисусо росԥэндя, кай о Иегова на лэла тэ простий амэн, если амэ на простисарас лэ ԥралэн и лэ ԥэян анда собрания, савэ анда вся оди каинпэ пала кода, со стердэ най кадя. Пала кода, со о Иисусо ԥэндя, трэбуй драго тэ погиндосарас. Кай тэ авас ек пала ек, амэнди трэбуй тэ простисарас аврэн кадя, сар сытярдя о Иисусо.

13. Сар кода, кай амэ камас тэ авас кодэла, ко терэл миро, поможый тэ авас ек пала ек?

¹³ Кала амэ простисарас лэ ԥралэн и лэ ԥэян, амэ сыкавас, кай камас тэ авас кодэла, ко терэл миро машкар и ԥрала и ԥэя. О Апостоло Павло ԥэндя лэ христианонэнди «тэ авас ек пала ек лэ ԥралэнца и лэ ԥэянца, савэ андэ собрания» (Эф. 4:3). Англа Вэчэро и андэ кодэя время, кала лэна тэ проандярэн лэс, драго гиндон, сар тумэ андярэн пэс аврэ манушэнца. Пушэн пэстар: «Савя ригатар ман и мануша ӷанэн, сар кодэлэс, ко сэрэл и холи по мануш? И мануша ман ӷанэн, сар кодэлэс, ко фартэ камэл тэ ладий аврэнца и тэ авэл ек пала ек?» Пала када амэнди фартэ трэбуй драго тэ погиндосарас.

14. Сар амэ можем тэ сыкавас пэстири любовь каринг ек аврэстэ?

¹⁴ Штарто, амэ аваса ек пала ек тоди, кала терас вся, кай тэ обжаспэ аврэнца кадя, сар о Иегова, Дэл, саво любий (1 Иоан. 4:8). Амэнди нащи кадя тэ гиндосарас: «Может манди и трэбуй тэ любисарав лэ ԥралэн и лэ ԥэян, но када на сыкавэл, кай вонэ манди трэбуй всаворэ тэ чалён». Если амэ кадя гиндосарас, амэ на терас кода, со ԥэндя о Павло андэ Эфесянам 4:2. Во камэлас, кай и христианоря тэ сыкавэн пэстири любовь каринг ек аврэстэ, кала на грабинпэ тэ холявэн. Кала о Павло ԥэндя кадэла алава, во сыкадя, кай амэнди на хутилэла кати кода, кай тэ на грабисавас тэ холявас пэ ек аврэстэ. Во ԥэндя, кай када трэбуй тэ терас, важ кода кай любисарас. Када дуй разни рига. Андэ амарэ собрании исин разни мануша. Но всаворэн лэн андэ собрания андя о Иегова (Иоан. 6:44). Вижал, о Иегова варисо додиқля лашо андэр лэндэ, через со во лэн ля тэ любий. Важ када амэ линоп тэ хохавас пэс, кала гиндосардоп, кай варико андэ собрания на ашэл, кай амэ лэс тэ любисарас. Амэ трэбуй тэ терас вся, кай тэ любисарас аврэн кадя, сар о Иегова! (1 Иоан. 4:20, 21).

КАЛА АВЭЛА ПОСЛИДНЁ ВЭЧЭРО, КАЙ ВСПОМИНАЮТ ЛЭ ИИСУСОСТИ СМЭРТЬ?

15. Катар амэ ӷанас, кай авэла время, кала амэ парашаса тэ проандярас о Вэчэро?

¹⁵ Авэла время, кала лэ Дэвлэско народо послиднё разо проандярэна о Вэчэро, кай вспоминают лэ Иисусости смэрть. Катар амэ када ӷанас? Андэ пэрво Коринфянам, во пистросардя лэ помазанниконэнди, кай кала вонэ проандярэн о Вэчэро, вонэ росԥэнэн пала смэрть лэ Господости, «пока во на авэла» (1 Кор. 11:26). Кала о Иисусо росԥэнэнас лэ учениконэнди пала послидни деса, во кадяжэ ԥэндя, кала во авэла. Акэ, со во ԥэндя пала фартэ бари бида, сави инке никала на сас и сави трэбуй тэ авэл. «По нэбо авэла знако лэ манушэстирэ Шавэстар и всаворэ народоря пэ ԥув, фартэ ровэна и марэна пэс андо колин и додиқэна лэ манушэстирэ Шавэс, саво жал по нэбо андэ тучи лэ зорэса и савэстэ бари слава. Кала лэла тэ дилабэл и тру́ба, во бишалэла пэстирэ ангелонэн и вонэ стидэна кодэлэн, кас во витидя, лэ штарэ балваляндар, еқэ краёстар жы кай авэр краё нэбо» (Матф. 24:29—31). О Иисусо стидэла кодэлэн, кас во витидя, кала всаворэ помазанникоря, савэ инке жувэн пэ ԥув, авэна тэ жувэн по нэбо. Но во лэн залэла по нэбо, кала авэла фартэ бари бида, сави инке никала на сас. Када авэла, сар инке на заляпэ и война Армагеддоно. Тоди всаворэ 144 000 помазанникоря лэ Иисусоса лэна тэ марэнпэ лэ царёнэнца, савэ пэ ԥув (Отк. 17:12—14).

16. Васо тумэ камэн андэ кадэва бэрш тэ авэн по Вэчэро, кай вспоминают лэ Иисусости смэрть?

¹⁶ Со бы тэ на авэл, авэн по Вэчэро, саво авэла 31 марта андо 2018 бэрш. Кадяжэ мангэн лэ Иеговас, кай во тэ поможый тумэнди тэ терэн вся, кай тэ авэн ек пала ек андэ собрания. (Адиносар Псалом 133:1g). Сэрэн, кай авэла время, кала амэ послиднё разо проандяраса о Вэчэро, кай вспоминают лэ Иисусости смэрть. Ай акана давайте тэ на промэкас кадэва особо Вэчэро, саво прожал еқвар андо бэрш. Ай кадяжэ тэ сыкавас, кай амэнди куч кода, кай мэ ек пала еқэстэ.