Май фартэ патя андэ лэ Иеговастири обещяния, кай авэла раё пэ ԥув

1, 2. Со амэнди трэбуй тэ терас, пока аштярас, кай тэ авэл о раё пэ ԥув?

АМЭНДИ ашэл драго по ди, кала гиндосарас пала лэ Иеговастири обещяния, кай во парувэла о найлашо миро по раё (2 Пёт. 3:13). Хоть амэ на ӷанас, кала точно авэла о раё пэ ԥув, но вся, со щяс терэлпэ андэ люма, доԥэнэн, кай ашэляпэ тэ аштярас найдолӷо (Матф. 24:32—34, 36; Дила 1:7).

² Ай пока амэ аштярас кадэя время, амэнди всаворэнди трэбуй тэ састярас пэстири вера андэ кадэя обещяния, дажэ если амэ бут бэрша служысарас лэ Иеговасти. Васо? Важ кода кай дажэ и састи вера можэт тэ ашэл слабо. О апостало Павло ԥэндя, кай кала амэ на патяс, када «бэзэх, савэсти кадя вушэро тэ запутыий амэн» (Евр. 12:1). Кай и вера тэ ашэлпэ састи, трэбуй вся и время тэ сэрас пала кода, со доԥэнэн, кай о раё пэ ԥув ӥто авэла (Евр. 11:1).

3. Со амэ роздиқаса андэ кадэя статья?

³ Андэ кадэя статья амэ подаса дума пала трин маменторя, сар амэ можэм тэ састярас пэстири вера андэ лэ Иеговастири обещяния, кай авэла раё пэ ԥув: 1) тэ гиндосарас пала выкупо, 2) тэ шас сама пэ кода, со доԥэнэн кай лэ Иеговастэ исин зор, 3) тэ терас и дила, сави пашарэл каринг о Дэл. Кадяжэ амэ роздиқаса, сар и алава, савэ о Иегова ԥэндя лэ Авакумости, поможын май фартэ тэ патяс. Но спэрва давайте шаса сама пэ дэсавэ ситуацыи андэ жызня, андэ савэ амэ трэбуй тэ сыкавас пэстири састи вера, кай авэла раё пэ ԥув.

СИТУАЦЫИ, АНДЭ САВЭ АМЭНДИ ТРЭБУЙ САСТИ ВЕРА

4. Андэ савэ ришэнии трэбуй тэ дицол амари састи вера?

⁴ Кажно дес амэ прилас ришэнии, андэ савэ трэбуй тэ дицол амари састи вера. Например, кала витидас общения, развличения, отдыхо, образования и бути. Кадяжэ амэнди прижалпэ тэ прилас ришэнии важ о ери и бэяцэ. Авелоп драго тэ пушас пэстар: «Дицол андэ мэрни ришэния увереность андэ кода, кай время кадэла люмати ашэляпэ совсем набут и кай ӥто авэла раё пэ ԥув? Или пэр мандэ влияют и мануша, савэ жувэн кадя, кабута лэ манушэндэ нинай нисаво лашымос англэ и када жызня — вся, со лэндэ исин?» (Матф. 6:19, 20; Луки 12:16—21). Амэ ласа тэ прилас мудри ришэнии, если састэс патяс андэ кода, кай ӥто авэла раё пэ ԥув.

5, 6. Васо трэбуй тэ авэл састи вера, кала исин испытании? Росԥэнэн примеро.

⁵ Кадяжэ амэнди трэбуй састи вера, кала амэндэ испытании: преследовании, храническо насвалимос или авэр ситуацыи, через савэ амэ можэм тэ умэкас и вас. Возможно, испытании спэрва амэ пэрэандярас вушэро. Но кала вонэ цырдэнпэ долӷо — ай часто када кадя и бывает, — амэнди трэбуй састи вера, кай вся када тэ виритярас и тэ на парашас тэ служысарас лэ Иеговасти радостяса (Рим. 12:12; 1 Пёт. 1:6, 7).

⁶ Кала амэндэ исин фартэ бут ԥаримос, можэт тэ авэл гиндо, кай о раё пэ ԥув никала на авэла. Но када на сыкавэл, кай амэндэ най састи вера. Акэ ек примеро. Ӥвэндэ, кала барэ мразоря, амэнди можэт тэ здэлпэ, кай о милай никала на авэла. Но амэ ӷанас, кай во обязательно авэла. Точно кадяжэ, кала амэндэ испытании, тоди можэт тэ здэлпэ, кай о раё никала на авэла. Но если амэндэ састи вера, амэ ӷанас, кай лэ Дэвлэстирэ обещянии исполнинапэ (Пс. 94:3, 14, 15; Евр. 6:17—19). Кала амэ патяс кадэлэсти, када поможыя амэнди тэ стас лэ Иеговастири поклонения пэ пэрво ҭан андэ пэстири жызня.

7. Состар амэнди трэбуй тэ фэрисавас?

⁷ Роздиқам инке ек ситуацыя. Амэнди трэбуй састи вера, кала проповедуем. Бут мануша, савэнди амэ росԥэнас важ о Дэл, гиндон, кай «и лащи новость» када сказка и андэ када фартэ на патялпэ (Матф. 24:14; Иез. 33:32). Амэ на камас, кай лэнго найлашо настроё тэ пэрэдэлпэ и амэнди. Важ када трэбуй тэ терас вся, кай и вера тэ авэл май састи. Давайте роздиқаса трин маменторя, сар када можно тэ стерас.

ГИНДОН ПАЛА ВЫКУПО

8, 9. Сар кода, кай амэ гиндосарас пала выкупо, поможый май фартэ тэ патяс?

⁸ Ек анда маменторя, сар амэ можэм тэ састярас пэстири вера, — када тэ гиндосарас пала выкупо. О выкупо доԥэнэн, кай лэ Дэвлэстирэ обещянии обязательно исполнинапэ. Амэнди трэбуй драго тэ розмышляем пала кода, васо о Иегова потиндя кадэва выкупо и со лэсти када ашэлас. Када поможыя амэнди май фартэ тэ патяс, кай о Дэл зритярэла пэско алав и дэла амэнди вечно жызня андо шукарно раё пэ ԥув. Васо, кала амэ розмышляем пала выкупо, када фартэ влияет пар мэндэ?

⁹ Со стердя о Иегова, кай тэ потинэл о выкупо? Во бишалдя пэ ԥув пэстирэ Шавэс, савэс фартэ любий и саво важ лэстэ особено. Во лэско со май пашутно друӷо. Кала о Иисусо жувэлас пэ ԥув, лэстэ сас разни трудности. Во пострадал и муля ԥаря смэртяса. Сави дэ бари цэмин о Иегова потиндя! Амаро любящё Дад никала на домэклоп, кай лэско Шаво тэ мэрэл кацавя смэртяса кати важ кода, кай амари жызня тэ авэл май лащи кати пэ набут время (Иоан. 3:16; 1 Пёт. 1:18, 19). Если о Иегова потиндя кацави дэ бари цэмин, тоди во позаботияпэ, кай амэндэ тэ авэл вечно жызня андо раё пэ ԥув.

ШОН САМА ПЭ КОДА, СО ДОԤЭНЭН, КАЙ ЛЭ ИЕГОВАСТЭ ИСИН ЗОР

10. Со о Иегова можэт тэ стерэл, сар ԥэнэнпэ андэ Эфесянам 3:20?

¹⁰ Дуйто маменто, сар тэ састярас пэстири вера, — када тэ шас сама пэ кода, со доԥэнэн, кай лэ Иеговастэ исин зор. Лэстэ исин зор тэ зритярэл всаворэ пэстирэ обещянии. Бут мануша адес гиндон, кай и вечно жызня андо раё нэвозможно. Но о Иегова часто ԥэнэн кода, со най па лэ манушэнго зор. Най жэ евья во Всемоӷущё! (Иов 42:2; Мар. 10:27). Важ када амэ на удивисавас кодэлэсти, сави обещяния о Иегова дэл. (Проадинон Эфесянам 3:20.)

11. Призындярэн примеро анда ек удивительно обещяния лэ Дэвлэстар. (Диқэн и рамка «Дэсавэ удивительни лэ Иеговастирэ обещянии, савэ исполнисайлэ».)

¹¹ Роздиқам дэсавэ лэ Иеговастирэ обещянии, савэ во дясас пэстирэ служытелёнэнди андэ дэлмутни время. Андэ кадэла обещянии сас найвушэро тэ патян. О Иегова ԥэндясас лэ Авраамости и ла Саррати, кай лэндэ андэ ԥурэ бэрша арақадёла шаво (Быт. 17:15—17). Кадяжэ о Иегова ԥэндя лэ Авраамости, кай лэстирэ потомконэнди во дэла и Ханаанско ԥув. Но бут бэрша израильтяноря, лэ Авраамостирэ потомкоря, сас раборя андо Египто. Важ када здэласпэ, кай кадэя обещяния никала на исполнияпэ. Но вой исполнисайля. Кадяжэ о Иегова обещял, кай и Елизавета, сави андэ бэршэндэ, анэна лэ бэятос. Ай пала Мария, сави сас най миростэ, во ԥэндя, кай латэ арақадёла лэско Шаво. Кай кадя тэ авэл, о Иегова ԥэндясас важ и тысяча бэрша май данглал, инке андэ Эдемско садо, и кадэя обещяния тожэ исполнисайля! (Быт. 3:15).

12. Сар и алава анда Иисус Навин 23:14 и Исайя 55:10, 11 дэн тэ патяс, кай лэ Иеговастэ исин зор тэ зритярэл пэстирэ обещянии?

¹² Саво лашымос кодэлэстар, кай амэ гиндосарас, савэ обещянии о Иегова дэлас и сар во лэн зритярдя? Амэ састярас пэстири вера андэ кода, кай лэ Иеговастэ исин зор тэ стерэл о раё пэ ԥув. (Проадинон Иисус Навин 23:14; Исайя 55:10, 11.) Ай и састи вера поможыя амэнди тэ росԥэнас лэ манушэнди, кай авэла раё пэ ԥув и кай када най варисо вигиндосардо. О Иегова екжэно обещяет, кай авэла нэво нэбо и нэви ԥув и лэстирэ алава «чачунэ и найхохавнэ» (Отк. 21:1, 5).

ТЕРЭН КОДА, СО ПАШАРЭЛ КАРИНГ О ИЕГОВА

13. Сар и собрания поможый, кай амари вера тэ авэл май састи? Росԥэнэн.

¹³ Трито маменто, сар тэ састярас пэстири вера, — када тэ терас кода, со пашарэла каринг о Иегова. Роздиқаса, например, саво лашымос амэнди анэн, кала авас пэ собрании. И ԥэй Аннаb, сави бут бэрша сас андэ полновремено служэния, ԥэнэн: «И собрания поможый манди тэ састярав и вера. Дажэ кала о ԥрал, саво выступает па сцэна, на ԥэнэн нисо нэво или лэстэ най баро опыто, мэ часто ашунав кода, со поможый манди май драго тэ полав о чачимос и май фартэ тэ патяв». Кадяжэ пэ собрании амари вера ашэл май састи блаӷодаря кодэлэсти, кай и ԥрала и ԥэя дэн каминтарии (Рим. 1:11, 12; 10:17).

14. Сар через и служэния амари вера можэт тэ ашэл май састи?

¹⁴ Кадяжэ амари вера авэла май састи, кала амэ росԥэнас важ о Дэл лэ манушэнди (Евр. 10:23). И ԥэй Барбара, сави служый лэ Иеговасти ужэ май бут чем 70 бэрш, росԥэнэн: «И служэния вся и время састярэлас мэрни вера. Со май бут мэ росԥэнавас аврэнди пала райканэ лэ Иеговастирэ обещянии, со май састи ашэлас мэрни вера».

15. Сар через и лично изучения и вера можэт тэ ашэл май састи? (Диқэн кадяжэ и картинка.)

¹⁵ Подам дума инке пала ек маменто, саво поможыя, кай амари вера тэ авэл май састи, — када лично изучения. И Сью́зан терэл заранее ӷрафико, со и кала вой лэла тэ изучает. Вой росԥэнэн: «В курте мэ ӷотовлюсь каринг и «Сторожэво башня» пэ авэр курко. В понедельник и вторник мэ ӷотовлюсь каринг и встреча по машкар курко. Ай андэ авэр деса пэ лично изучения мэ розлав кодэла темы, савэ манди особено интересни». Через кадэва ӷрафико кай и Сьюзан и вера ашэля май састи, сар о цэр, саво построимэ анда бут кирпичёря. И Айри́н, сави бут бэрша служый андэ всемирно ӷлавно управления, састярэл пэстири вера через кода, кай изучает и библейски пророчества. Вой росԥэнэн: «Кала мэ диқав, сар исполнинпэ лэ Иеговастирэ пророчества жы кай алавэстэ, мандэ аж о фано пэрэхутилэл!»c

КАДА ОБЯЗАТЕЛЬНО ИСПОЛНИЯПЭ

16. Васо и алава, савэ ԥэндя о Иегова лэ Авакумости, поджан и каринг амэндэ? (Евреям 10:36, 37).

¹⁶ Дэсавэ лэ Иеговастирэ служытеля ужэ фартэ долӷо аштярэн, кала пашола и время кадэла люмати. Амэнди, сар манушэнди, можэт тэ здэлпэ, кай лэ Дэвлэстири обещяния заритярдёл. Кода, кай о Иегова полэл, со по ди кай лэстирэ служытеля, дицол андэ алава, савэ во ԥэндя лэ пророкости лэ Авакумости: «Важ кода кай кадэя видения инке трэбуй тэ авэл андэ время, сави стодя о Дэл. Кодэя время, андэ сави вой авэла, ӥто пашол и дажэ, сар заритярдёлапэ, аштяр ла, важ кода кай вой авэла андэ время, сави стодя о Дэл» (Авв. 2:3). Сас кадэла алава кати важ о Авакумо? Или лэстирэ алава поджан адес и каринг амэндэ? Через о свынто духо о апостало Павло призындярдя кадэла алава каринг и христианоря, савэ анда вся оди аштярэн о раё пэ ԥув. (Проадинон Евреям 10:36, 37.) Да, амэ можэм тэ авас уверени: дажэ если амэнди здэлпэ, кай лэ Иеговастири обещяния заритярдёл, вой обязательно исполнияпэ!

17. Сар ек ԥэй приля о совето, саво о Иегова дясас лэ Авакумости?

¹⁷ Лэ Иеговастирэ служытеля ужэ бут бэрша аштярэн и время, кала авэла о раё пэ ԥув. Вонэ приашундёнпэ каринг лэ Дэвлэско совето «Аштяр ла». Например, и ԥэй Луиза ля тэ служый лэ Иеговасти андо 1939 бэрш. Вой ԥэнэн: «Андэ кодэя время мэ гиндосаравас, кай нэ успею тэ закончу и школа, сар авэла о Армагидоно. Но кадя на стердяпэ. Важ всаворэ кадэла бэрша манди поможый кода, кай мэ адиносарав пала Ноё, Авраамо, Иосифо и бут авэр предани лэ Дэвлэстирэ служытеля. Пэ кадэла библейски истории мэ ԥэнав «книжка, кай тэ аштярэс». Кадэлэ манушэнди тожэ прижаласпэ долӷо тэ аштярэн о лашымос, пала саво о Иегова дя алав. Кала аштярэс, када поможый манди, и аврэнди, тэ патяс, кай о раё пэ ԥув ӥто авэла». Бут христианоря, савэ служын лэ Иеговасти ужэ бут бэрша, гиндон кадя жэ сар кадэя ԥэй.

18. Сар и тварении поможын май фартэ тэ патяс, кай авэла о раё?

¹⁸ Канешно, о раё пока нинай. Но давайте погиндосараса пала кода, со исин, — например, пала звёзды, витки, жывотни или мануша. Никастэ нинай сомнении, кай када исин, хоть варикала када на сас. Вся када адес амэ диқас, важ кода кай о Иегова када создал (Быт. 1:1, 26, 27). Амаро Дэл кадяжэ дэл алав, кай авэла о раё, и во обязательно зритярэла пэстирэ алава. Тоди кай и мануша авэла райкано зор и вечно жызня. Амэ можэм тэ авас уверени, кай кадя жэ сар диқас акана и тварении, амэ диқаса и о раё, саво авэла андэ время, сави стодя о Дэл (Ис. 65:17; Отк. 21:3, 4).

19. Сар тумэ можэте тэ састярэн пэстири вера?

¹⁹ Пока на ашэля о раё, терэн вся, кай тумари вера тэ авэл май састи. Розмышляйте и авэн блаӷодарни пала выкупо. Гиндон пала лэ Иеговаско зор. Терэн кода, со пашарэла тумэн каринг о Иегова. И тоди тумэ авэна машкар кодэла, ко через и вера и терпения диқлэ кода, пала со о Дэл дя алав (Евр. 6:11, 12; Рим. 5:5).