Со тэ терэс, если о хулай диқэл билажавардимос?

• «По ди мандэ сас кацаво, кабута о хулай манди изменил и, ԥэнэса, най еқвар».

• «Мэ чуствовала, кай нисо на ашав сар жувли и кай ман лажавардэ».

• «Мэ никасти нэ моӷла пала када тэ росԥэнав, манди сас ԥарэс и мэ ашавас мулком».

• «Манди здэласпэ, кай о Иегова ман на любий».

Кадэла алава сыкавэн, кай если о хулай диқэл билажавардэ картинки и видео, када анэн бари дук ла хулаяти. И если во гаравэлас када, можэт, шонэнца или дажэ бэршэнца, лати можэт тэ авэл ԥарэс тэ патял лэсти. Ек ԥэй ԥэндя: «Савэ манушэса мэ жував, со инке во мандар гаравэл?»

Кадэя статья важ и жувля, кастирэ хула́я диқэн о билажавардимосa. Андэр латэ исин библейски гиндоря, савэ моӷут тэ подритярэн ла, тэ сыкавэн, кай о Иегова ла любий, тэ поможын тэ на ашавэл лэ Иеговас и тэ стерэн кадя, кай по ди тэ на авэл ԥаримосb.

СО МОЖЭТ ТЭ СТЕРЭЛ И ХУЛАИ?

Канешно, ту нэ можэш тэ диқэс пала кажно лэ хуласко шаӷо. Но исин кода, со ту можэш тэ стерэс, кай май набут тэ пэрэжываеш и тэ авэл май вушэро по ди. Акэ дэсавэ советоря.

На дошаляр пэс. Можэт, ту гиндос, кай ту дошали андэ кода, кай о хулай диқэл о билажавардимос. Кай и Алисаc сас по ди кацаво, кай вой най пэ скати дэ драго важ пэско хулай. Вой часто пушэлас пэстар: «Васо лэсти чалёл тэ диқэл най пэр мандэ, ай пэ авэр жувля?» Или ту дошалярэс пэс важ пэстири реакцыя. Тути можэт тэ здэлпэ, кай кода, сар ту пэс андярэс, терэл вся инке май хужэ. И Даниэ́ла ԥэнэн: «Сас ԥарэс тэ зритярав пэстири холи, и здэласпэ, кай через мандэ римойпэ амаро ери».

Если тутэ кацаво жэ по ди, на бистэр: о Иегова на дошалярэл тут важ кода, со терэл тиро хулай. Андэ Иаково 1:14 пистромэ: «Кажно попэрэл андэ ԥари ситуацыя, кала лэско ди цырдэлпэ каринг кода, со камэл» (Рим. 14:12). О Иегова на дошалярэл тут. Лэсти куч тири праведность (2 Лет. 16:9).

Если тиро хулай диқэл о билажавардимос, када на сыкавэл, кай туса варисо най кадя. И эксперторя, савэ изучают кадэя тема, ԥэнэн, кай и билажавардэ картинки и видео анэн каринг кацавэ жылании, савэ нэ можэт тэ стерэл ни ек жувли.

Старысав фартэ тэ на пэрэжываеш. И Кэ́трин ԥэнэн, кай о гиндо пала кода, кай лако хулай диқэл о билажавардимос, на вижалас латэ анда шэро. Ай и Фра́нсис ԥэнэн: «Мэ лав тэ пэрэжываю, кала на ӷанав, кай находийпэ мэрно хулай. Мэ вся и время нервичисарав». Дэсавэ ԥэянди лажаво тэ авэн машкар ԥрала и ԥэя, савэ ӷанэн пала проблема, сави исин кай лэндирэ хула́я. Ай аврэнди ԥарэс через кода, кай вонэ екжэнэ боринпэ кадэлэса, и лэнди здэлпэ, кай лэн нико на полэл.

Кацавэ чуства — када нармально. Но если тэ гиндос кати пала када, и пэрэжывании ашэна май барэ. Старысав май бут тэ шос сама пэ тири дружба лэ Иеговаса, и када придэла тути зор (Пс. 62:2; Эф. 6:10).

Порозмышляй пала жувля анда Библия, савэ андэ ԥарэ ситуацыи взвинаспэ каринг о Иегова андэ молитва и во лэн подритярэлас. О Дэл най вся и время улэлас лэнго ԥаримос, но всегда дэлас лэнди спокойство андо ди. Подам дума, например, пала Анна. Кала лати сас ԥарэс по ди, вой долӷо мангэласпэ лэ Иеговасти. Посли када вой будэр нэ пэрэжывала, хоть и на ӷанэнас, со анда вся када вижала (1 Сам. 1:10, 12, 18; 2 Кор. 1:3, 4).

Манг помощь кай и барэдэр ԥрала. Вонэ моӷут тэ ашэн важ тутэ «сар ҭан, кай тэ гарадён ла балвалятар, и сар ҭан, кай тэ фэринпэ лэ барэ брышындэстар» (Ис. 32:2). Можэт, вонэ дажэ подԥэнэна тути ԥья, савяса ту сможэш пала вся тэ подэс дума и сави тут подритярэла (Прит. 17:17).

МОЖЭШ ТУ ТЭ ПОМОЖЫС ЛЭ ХУЛАСТИ?

Вижала тутэ тэ поможыс лэ хуласти тэ парашэл тэ диқэл о билажавардимос? Да, кацаво возможно. Сар дицол анда Библия, тэ ришыс и проблема или тэ бориспэ зоралэ враӷоса «дуенди фэдэр, чем еқэсти» (Эккл. 4:9—12). И иследовании сыкадэ, кай тэ ришын и проблема, сави исин кай о хулай, вижал кодэлэндэ, ко терэн када вмести и еқэҭанэ стон зор, кай упалэ тэ патян ек еқэсти.

Канешно, бут зависит кодэлэстар, пэ скати дэ фартэ тиро хулай камэл тэ улэл кадэя привычка и ӷотово ли во тэ стол зор. Мангэлас во зор кай о Иегова и помощь кай и барэдэр ԥрала? (2 Кор. 4:7; Иак. 5:14, 15). Исин лэстэ плано, со тэ терэл? Например, стодя во правила, сар тэ использует и электрони устройства, и старыийпэ во тэ обжал и ситуацыи, андэ савэ исин искушэнии? (Прит. 27:12). Ӷотово во тэ прилэл тири помощь и тэ авэл чесно туса? Если да, тоди тутэ вижала тэ поможыс лэсти.

Со ту можэш тэ стерэс? Роздиқам ла Филисия́ко примеро. Лако хулай о И́тано пэрво разо диқля о билажавардимос, кала сас инке бэятоса. И Фили́сия всегда ӷотово тэ подэл дума лэса. Важ када, кала лэстэ появийпэ жылания тэ диқэл о билажавардимос, лэсти вушэро тэ росԥэнэн лати пала када. Акэ со ԥэнэн о Итано: «Мэ пала вся росԥэнав мэрня хулаяти. Вой поможый манди тэ став правила, например, сар тэ использую о интэрнэто, и часто пушэл, сар мандэ и дила». Канешно, ла Филисияти фартэ ԥарэс кодэлэстар, со терэл о Итано. И Филисия ԥэнэн: «Но если мэ лава тэ холявав или тэ сыкавав, кай мэ нэдовольно, — када лэсти на поможыя. Посли кода, сар амэ бэшас и подас дума пала када, лэсти май вушэро тэ подритярэл ман».

Кацави дума поможыя лэ хуласти тэ бирой пэстири найлащи привычка. Кадяжэ када поможый ла хулаяти. Важ кода кай кала о хулай ворта росԥэнэн пала пэстирэ слабости, пала кода, кай во и со терэл вся о дес, ла хулаяти май вушэро лэсти тэ патял.

Ай ту патяс, кай если ту терэса кадя, сар пистромэ катэ, ту поможыса лэ хуласти? Если да, тоди ԥэн лэ хуласти, кай вмести тэ проадинон и тэ подэн дума пала кадэя статья. Лэсти трэбуй тэ стол цэль тэ мэкэл тэ диқэл о билажавардимос и тэ затерэл тири доверия. Во трэбуй тэ полэл, саво ԥаримос када тути анэн, ай най тэ холявэл кажно разо, кала ту задэс дума пала кадэя проблема. Ай тири цэль — тэ подритярэс лэ хулас и тэ на парашэс тэ патяс, кай во бироя пэстири привычка. Тумэ лэдуй трэбуй тэ полэн, васо появийпэ кацави привычка и со тэ терэн, кай тэ улэн лаd.

Можэт, ту дарас, кай кала тумэ лэна тэ дэн дума, ту нэ сможэш тэ зритярэс пэс андэ вас. Тоди манг, кай тумэнца тэ авэл барэдэр ԥрал, савэсти тумэ доверяете. Дажэ посли кода, сар о хулай ашавэла пэстири привычка, трэбуй авэла бут время, кай ту упалэ тэ лэс тэ патяс лэсти. На умэк и вас. Шув сама дажэ пэ кода набут, со вижыля тэ парувэл кай тиро хулай. Ав терпеливо и патя, кай тиро брако упалэ авэла бахтало (Эккл. 7:8; 1 Кор. 13:4).

СО, ЕСЛИ НИСО НА ПАРУДЁЛ?

Если тиро хулай упалэ диқля о билажавардимос, сыкавэл када, кай во на каийпэ и лэстэ нисо на вижала? Када най всегда кадя. Но если во ашэля кадэлэстар фартэ зависимо, можэт, лэсти прижалапэ тэ борийпэ кадэлэса вся и жызня. Во упалэ можэт тэ диқэл о билажавардимос, дажэ сар прожана бут бэрша. Кай тэ на домэкэл када, лэсти, можэт, прижалапэ тэ стол инке май строӷи правила и тэ жувэл пар лэндэ, дажэ если здэлапэ, кай во биросардя кадэя зависимость (Прит. 28:14; Матф. 5:29; 1 Кор. 10:12). Тиро хулай трэбуй тэ терэл вся, кай тэ гиндой па аврятэ, и тэ сытёл тэ вэрыцый о билажавардимос, ай кадяжэ авэр найлашэ привычки, кацавэ сар мастурбацыя (Эф. 4:23; Пс. 97:10; Рим. 12:9). Камэл во кадя тэ борийпэ? Если да, лэстэ вся вижалаe.

Но со, если тиро хулай най фартэ камэл тэ бирой кадэя привычка? Можэт, дэкала тутэ лэна тэ умэкэнпэ и вас, ту лэса тэ холявэс и здэлапэ, кай тут придинэ. Андэ кацавэ маменторя пэрэшув пэстирэ пэрэжывании по Иегова. Када поможыя, кай тутэ тэ авэл мирно по ди (1 Пёт. 5:7). Пашув каринг о Иегова, кала изучаеш лэско Алав и мангэспэ лэсти. Ав уверено, кай во тожэ ашэла май пашэ каринг тутэ. Сар ԥэнэнпэ андэ Исаия 57:15, о Дэл жувэл паша мануша, «савэнди ԥарэс по ди, и ко умэкля и вас» и дэл лэнди зор. Тер вся, кай тутэ тэ авэн христиански качества и отдэ со май лашо лэ Иеговасти. Манг помощь кай и барэдэр ԥрала андэ собрания. На параш тэ патяс, кай варикала тиро хулай закамэла тэ парудёл (Рим. 2:4; 2 Пёт. 3:9).