Сар тэ на попэрас андэ лэ Сатанастири ловушка?

И ИЗРАИЛЬТЯНОРЯ ужэ дожылэсас каринг и Обетованно ԥув. Лэнди ашэлясаспэ кати тэ пэрэжан и лэн о Иордано. И катэ лэндэ авелэ и жувля, савэ сас анда авэр ԥув. Вонэ ақардэ лэ израильсконэ муршэн пэстэ по празнико. Моӷло тэ здэлпэ, кай котэ авэла фартэ интересно. Вонэ моӷли тэ гиндон, кай котэ виарақэна пэсти нэвэн друӷонэн, цэлэна, хана лашо хамос и пэна. Кадэла жувля сас анда авэр народо и лэндэ сас авэр законоря, савэ на шонаспэ пэ кодэла, савэнди о Дэл сытярэлас лэ израильтянонэн. Но варико анда израильски мурша всаек моӷли тэ гиндон: «Андэ када нинай нисо вэрыто, мэ андярава пэс осторожно. Мэ ӷанав, со правильно, ай со най».

Со анда када вижыля? Андэ Библия пистромэ «и израильтяноря линэ тэ терэн билажавардимос лэ моавитянкэнца». Па чачимастэ, кадэла жувля камэнас, кай и израильски мурша тэ тэлён лэ хохавнэ дэвлэнди. И вонэ домарделэ пэско. Через када «о Иегова фартэ холяйля по Израилё» (Числа 25:1—3).

И израильтяноря стердэ дуй барэ бэзэха. Вонэ линэ тэ тэлён лэ хохавнэ дэвлэнди и тэ терэн билажавардимос. Тысячи мурша мулинэ кодэлэстар, кай на канглэ лэ Иеговас (Исход 20:4, 5, 14; Второзаконие 13:6—9). Но май ԥарэс кодэлэстар, кай вонэ на зажылэ пэ Обетованно ԥув, хоть лэнди ашэлясаспэ кати тэ пэрэжан о Иордано (Числа 25:5, 9).

Акэ, со пистросардя пала када о апостоло Павло: «Вся кода, со сас, ашэля примеро, кай тэ фэрисавас и сас запистромэ важ амэндэ, важ кодэла, ко жувэн в концэ андэ кадэя время» (1 Коринфянам 10:7—11). О Сатана, канешно, обрадосайля кодэлэсти, кай кодэла израильтяноря стердэ баро бэзэх и на зажылэ пэ Обетованно ԥув. Амэнди важно тэ сэрас пала кода, со тердяпэ, важ кода кай о Сатана камэл тэ на домэкэл амэн тэ зажас андо нэво миро, пала саво о Дэл дя алав.

ВЭРЫТО ЛОВУШКА

О Сатана камэл тэ астарэл лэ христианонэн кодэлэса, со лэсти чалёл и пэр со во ужэ бутэн астардя. Сар сас пистромэ, во змардя лэ израильтянонэн, кай тэ терэн билажавардимос. Адес кадэя ловушка кадяжэ зацырдэл бутэ манушэн. Бут астарделэ андэр латэ, кала линэ тэ ашунэн и тэ диқэн картинки, книжки, видео, киноря чи диля, андэ савэ исин билажавардимос.

Акана и мануша моӷут тэ диқэн о билажавардимос кадя, кай нико пала када дажэ на полэла. Варикала, кай тэ диқэс о кино ек важ и взросли, можно сас кати андо кинотеатро чи андэ видеосалоноря. Ай тэ тинэс о журнало, кай билажавардэ картинки, можно сас кати андо спецыально маӷазино. Бут даранас, кай лэн котэ додиқэна и на зажанас кордэ. Но акана любо мануш, кастэ исин интэрнэто, можэт тэ диқэл о билажавардимос пэ бути или дажэ просто андэ машына. Андэ бут страны, кай тэ диқэс о билажавардимос, на трэбуй дажэ тэ вижас анда цэр.

Но када най вся. Через и телефоноря линэ инке май бут тэ диқэн билажавардимос. Акана и мануша моӷут тэ диқэн када андэ пэско телефоно, кала жан па вулица. Ай инке, кала ладэн бутэ манушэнца пэ варисаво транспорто.

Через кода, кай адес можно везде тэ диқэс о билажавардимос, май бут мануша линэ тэ диқэн и тэ ашунэн лэс, чем варикала. Фартэ бут кодэла, ко диқэн о билажавардимос, парашэлэ тэ полэн пэстирэ хулас чи хулая, хасарэн и патив каринг пэстэ и на ашунэн пэстири совесть. Но май хужэ кода, кай вонэ хасарэн пэстири дружба лэ Иеговаса. Патян, кай о билажавардимос на анэн лашимос кодэлэнди, ко лэс диқэл. Кодэлэндэ, ко диқэн о билажавардимос, по ди ашэлпэ дук, сави ԥарэс зажувэл и латар ашэлпэ о рубцо.

Но важно тэ сэрас, кай о Иегова можэт тэ фэрий амэн лэ Сатанастиря ловушкатар. Кай тэ фэрисавас, трэбуй тэ терас кода, со на стердэсас и израильски мурша. Вонэ трэбуй сас «андэ вся тэ кандэн» лэ Дэвлэс (Исход 19:5). Трэбуй тэ сэрас, кай о Дэл вэрыцый кода, со ашунэн и диқэн, андэр со исин билажавардимос. Васо амэ андэ када патяс?

ВЭРЫЦЫН ВСЯ, АНДЭР СО ИСИН БИЛАЖАВАРДИМОС, САР КАДА ВЭРЫЦЫЙ О ДЭЛ

Погиндон, кай и законоря, савэ о Дэл дя лэ израильтянонэнди, на шонаспэ пэ законоря, савэ сас кай авэр народоря андэ кодэя время. И законоря, сар ԥэнэса, стина, фэринас лэ Израилёс лэ найлашимастар, саво сас кай и народоря, савэ жувэнас паша лэндэ (Второзаконие 4:6—8). Кадэла законоря драго сыкавэнас, кай о Иегова вэрыцый о билажавардимос.

Кала о Иегова ԥэнэнас пала билажавардимос, саво сас кай авэр народоря, и лэндэ када сас нармально, во приԥэндя лэ израильтянонэнди: «На терэн кадя, сар терэн кодэла, ко жувэн пэ Ханаанско ԥув, пэ сави мэ тумэн андярав. [...] Кадэя ԥув ашэля найвужи, и мэ спушава латар пала лако бэзэх» (Левит 18:3, 25). Лэ Израилёско свынто Дэл диқэлас, кай лэ хананеёнэндири жызня кацави гряцаливо, кай англа лэстирэ яқа и ԥув, пэ сави вонэ жувэнас, ашэля найлащи и замэлярди.

О Иегова спушля лэ хананеёнэндар, но авэр народоря всаек андярэнас билажаварди жызня. Кала прожылэ май бут чем 1 500 бэрша, о апостоло Павло пистросардя важ и народоря, машкар савэ жувэнас и христианоря: «Вонэ хасардэ вся о лажаимос и линэ тэ терэн о билажавардимос и нащи дочалёнас кадэлэ найлашимастар» (Эфесянам 4:17—19). Адес бут андярэн пэс кадяжэ. Лэ чачунэ Дэвлэстирэ служытелёнэнди трэбуй тэ стон вся о зор, кай тэ на диқэн билажавардэ картинки, видео и киноря.

И билажавардэ киноря, видео, диля, картинки, книжки жан против о Дэл. Во создал лэ манушэн, кацавэн сар во, и дя лэнди андо ди, кай вонэ тэ полэн, сар тэ андярэн пэс. О Дэл тердя мудро, кала дя лэ манушэнди законо, саво ԥэнэн пала кода, со можэт тэ авэл кати машкар хулай и хулаи. Када о Дэл загиндосардя, важ кода кай лэнди дуенди тэ авэл драго (Бытие 1:26—28; Притчи 5:18, 19). Ай кодэла, ко вимэкэн картинки, книжки, видео, киноря, кай исин билажавардимос и терэн, кай када тэ уӷанэн май бут, на стон патив по законо, саво лэ Дэвлэстар. Кодэла, ко вимэкэл и ко терэл, кай май бут тэ уӷанэн пала билажавардимос, римон лэ Дэвлэско законо. Кацавэ мануша лажаварэн лэ Дэвлэс. О Иегова лэла лэн тэ сындой (Римлянам 1:24—27).

Ай со можно тэ ԥэнэс пала мануша, савэ спецыально диқэн чи адинон пала билажавардимос? Дэко гиндой, кай када нинай нисо. Но па чачимастэ кадэла мануша жан кодэлэнца, ко стол тала пэрнэ лэ Дэвлэстирэ законоря, хоть можэт вонэ и на загиндонпэ пала када. Драго дицол, кай лэ Дэвлэстирэ служытелёнэнди трэбуй тэ авэл гряца тэ диқэн чи тэ ашунэн о билажавардимос. Андэ Библия пистромэ: «Кодэла, ко любин лэ Иеговас, вэрыцын о найлашимос» (Псалом 97:10).

Дажэ если о мануш на камэл тэ диқэл чи тэ ашунэл пала билажавардимос, лэсти можэт тэ авэл ԥарэс тэ уритярдёл кадэлэстар. Амэ найсовершэни, важ када тэ зритярдювас кодэлэстар, со камэл и тила, када найвушэро. Кадяжэ, амэ можэм тэ ԥэнас пэсти, кай андэ када нинай нисо вэрыто, кала ашунас чи диқас о билажавардимос (Иеремия 17:9). И всаек бут кодэла, ко ашэлэ христианоря, вицэлдэ андэ кадэя борьба. Кала тумэ када ӷанэн, када дэла тумэнди зор, если тумэ закамэна тэ диқэн чи тэ ашунэн о билажавардимос. Давайте подаса дума, сар лэ Дэвлэско Алав, Библия поможыя тумэнди тэ на попэрэн андэ лэ Сатанастири ловушка.

НА ПОДЭНПЭ КОДЭЛЭСТИ, СО КАМЭЛПЭ, НО НАЩИ

Сар ужэ сас ԥэндо, бут израильтяноря подинэпэ кодэлэсти, со лэнди камэласпэ, но када сас нэправильно, и када андя каринг и бида. Кацаво жэ можэт тэ терэлпэ и адес. Лэ Христоско ученико о Иаково пистрояс: «Но кажнонэстэ ԥаримос кодэлэстар, кай во фартэ лэл тэ гиндой пала кода, со лэсти камэлпэ и када зацырдэл лэс. Тоди, кала исин жылания, када анэн каринг о бэзэх, ай о бэзэх, саво стердо, анэн каринг и смэрть» (Иакова 1:14, 15). Если о мануш домэкэл, кай лэстэ андо шэро тэ авэн найлашэ гиндоря, тоди во варикала всаек стерэла бэзэх. Важ када амэнди трэбуй тэ отшас пэстар и найлашэ гиндоря.

Сар кати тумэндэ авэн и найлашэ гиндоря, сразу варисо терэн. О Иисусо ԥэндя: «Кала тиро вас или о пэрно змарэл тут па правильно дром, отшын и вишу [...] И если тири як змарэл тут па правильно дром, вишын ла и вишу» (Матфея 18:8, 9). О Иисусо на ԥэнэнас, кай пэс тэ калечисарас. Во ԥэндя, кай трэбуй йто тэ отшас кода, со можэт амэн тэ змарэл. Сар лэ Иисусостирэ алава поможын тэ боринпэ кодэлэса, кай камэн тэ диқэн чи тэ ашунэн пала билажавардимос?

Если тумэнди попэрделя пэ яқа варисаво билажавардимос, на гиндон, кай када тумэн нисар на зацырдэла. Сразу жэ отбандён. Май йто мударэн о телевизоро, о компьютеро или о телефоно. Шон сама пэ варисо лашо. Тоди най и жылании лэна тэ хулаин тумэнца, ай тумэ лэнца.

ЕСЛИ ПО ГИНДО ДЭЛ ВАРИСАВО НАЙЛАШИМОС

Со тэ терэн, если тумэ парашэлэ тэ диқэн о билажавардимос, но дэкала андо гиндо упалэ авэл кода, со тумэ диқлэ варикала? Кала тумэ варикала диқэнас о билажавардимос, када можэт пэ долӷонэстэ тэ ашэлпэ андо шэро и дэкала упалэ тэ дэл по гиндо. Андэ кацавэ маменторя тумэ можэте тэ закамэн тэ терэн варисо найлашо, например, тэ залэн мастурбировать. Ӷанэн, кай кацавэ гиндоря упалэ моӷут тэ авэн тумэндэ и лэн трэбуй тэ улэн.

Витидэн драго тэ гиндон и тэ терэн кадя, кай тэ радуин лэ Дэвлэс. Сытён лэ Павлостар, саво пистросардя пала пэстэ: «Марав екжэно пэс и ритярав пэс андэ вас» (1 Коринфянам 9:27). На домэкэн, кай тумэнца тэ хулаин и найлашэ жылании. Терэн кадя, сар пистромэ андэ Библия: «Парашэн тэ гиндон и тэ терэн, сар и мануша андэ кадэя люма. Парудёнпэ и гиндон па аврятэ, кай тумэ драго тэ полэн лэ Дэвлэстири воля, сави чалёл, лащи, и совершэно» (Римлянам 12:2). На бистрэн, кала подэнпэ кодэлэсти, со камэлпэ, но нащи, када анэна каринг о бэзэх и кадэлэстар тумэ на авэна бахталэ. Бахталэ авэна кодэлэстар, кала тумарэ гиндоря и дила чалёна лэ Дэвлэсти.

Висытён дэсавэ библейски стихоря, например, Псалом 119:37; Исаия 52:11; Матфея 5:28; Эфесянам 5:3; Колоссянам 3:5; 1 Фессалоникийцам 4:4—8. Если тумэндэ упалэ авэн найлашэ гиндоря, старыинпэ тэ гиндон, со пистромэ андэ кадэла стихоря. Вонэ поможына тумэнди тэ диқэн пэ када кадя, сар диқэл о Иегова, и тэ полэн, савэ лэстэ гиндоря, кала тумэ диқэн чи ашунэн о билажавардимос.

Посли кода, сар о Иисусо болделя, о Сатана ля тэ змарэл лэс. Сар андярдя пэс о Иисусо? Во на подэласпэ, кала кажно разо о Сатана камэлас тэ змарэл лэс. Во дэлас дума лэ алавэнца анда Свынто Писания. Во ԥэндя: «Оджа, Сатана!», и во ашадя лэс. О Иисусо на парашэлас тэ одмардёл лэ Сатанастар, и тумэ трэбуй тэ терэн кадя жэ (Матфея 4:1—11). Со, если дэкала фартэ камэлпэ тэ диқэн о билажавардимос чи тэ гиндон пала када? Терэн сар о Иисусо (1 Петра 2:21). О Сатана и о миро, савэса во правий, на парашэна и май дур тэ замарэн тумарэ гиндоря лэ найлашимаса. Но никала нащи тэ умэкэн и вас. Лэ Иеговастирэ зорэса тумэндэ вижала тэ улэн и найлашэ гиндоря.

МАНГЭНПЭ ЛЭ ИЕГОВАСТИ И КАНДЭН ЛЭС

Вся и время мангэнпэ лэ Иеговасти и мангэн, кай во тэ поможый. О Павло ԥэндя: «Ни пала со нэ пэрэжывайте, ай важ вся росԥэнэн лэ Дэвлэсти андэ молитва и анда вся оди мангэн и блаӷодарин лэс. Тоди о Дэл дэла тумэнди миро андо ди, саво май баро чем всаворэ гиндоря и фэрия тумаро ди и годи через о Иисус Христос» (Филиппийцам 4:6, 7). Кала о Дэл тумэнди дэла спокойство по ди, тумэндэ вижала тэ улэн и найлашэ гиндоря. Если тумэ пашона каринг о Иегова, тоди и «во пашола каринг тумэндэ» (Иакова 4:8).

Кала тумэндэ исин лащи дружба лэ Дэвлэса, саво Хулай Пэ Вся Люма, када, со май драго фэрия лэ Сатанастирэ ловушкэндар. О Иисусо ԥэндя: «Жал о правителё кадэла люмако [о Сатана]. Лэстэ нинай пэр мандэ власть» (Иоанна 14:30). Васо о Иисусо андэ када патялас? Во росԥэндя: «Ко бишалдя ман, во манца. Во на ашадя ман екжэнэс, важ кода кай мэ вся и время терав кода, со во камэл» (Иоанна 8:29). Кала тумэ вся и время старыинпэ тэ радуин лэ Иеговас, во кадяжэ тумэн никала на ашавэла. На диқэн и на ашунэн о билажавардимос и о Сатана тумэн на астарэла.