Терэн пэстири дила, ай о лишнё ашавэн

1. Сар ԥэнэнпэ андэ Евреям 12:1, со трэбуй тэ терас, кай тэ допрастас жы каринг о финишо и тэ получисарас и вечно жызня?

АНДЭ Библия и христианско жызня сыстойпэ лэ дромэса. Кодэла, ко допрастэна жы каринг о финишо, получина и вечно жызня (2 Тим. 4:7, 8). Амэнди трэбуй тэ терас вся, кай тэ на парашас тэ прастас, особено важ кода, кай о финишо пашэ, сар никала. О апостало Павло, саво допрастая кадэва дром, росԥэндя, со поможыя амэнди тожэ када тэ стерас. Во пистросардя: «Злам пар пэстэ вся о ԥаримос... и дажэ кала ԥарэс, на парашам тэ прастас па дром, саво амэндэ исин». (Проадинон Евреям 12:1.)

2. Со сыкавэн и алава «вся о ԥаримос»?

² Со сыкавэн лэ Павлостирэ алава «Злам пар пэстэ вся о ԥаримос»? О Павло ԥэнэнас, кай трэбуй тэ злас пар пэстэ кода, со лишнё. Если када на стераса, тоди ласа тэ прастас май медлено и вимардюваса анда зор. Кай тэ допрастас жы каринг о финишо, амэнди трэбуй май ӥто тэ полас, со мишыий, и тэ ашавас када. Андэ кодэя жэ время амэ на камас тэ ашавас кодэя дила, сави амэ трэбуй тэ терас. Важ кода кай тоди амэндэ на вижала тэ ашаспэ пэ кадэва дром (2 Тим. 2:5). Сави дила амэ трэбуй тэ терас?

3. a) Сар ԥэнэнпэ андэ Галатам 6:5, со амэ трэбуй тэ терас? б) Пала со амэ подаса дума андэ кадэя статья и васо?

³ Проадинон Галатам 6:5. О Павло пистросардя, кай «кажно трэбуй екжэно тэ терэл пэстири дила». Катэ ԥэнэнпэ пала амарэ обязаности англа Дэл, савэ важ амэндэ нико на стерэла. Анда кадэя статья амэ уӷанаса, со ужал андэ «пэстири дила» и сар амэ можэм ла тэ терас. Кадяжэ амэ поласа, со лишнё трэбуй тэ ашавас. Если амэ терас пэстири дила и ашавас вся о лишнё, амэндэ вижала тэ допрастас жы каринг о финишо.

ДИЛА, САВИ АМЭ ТРЭБУЙ ТЭ ТЕРАС

4. Васо и обещяния тэ служысарас лэ Дэвлэсти — важ амэндэ най ԥаримос? (Диқэн кадяжэ и картинка.)

⁴ Амари обещяния тэ служысарас лэ Иеговасти. Амэ дям алав тэ служысарас лэ Иеговасти вечно и тэ андярас лэстири время. Амэ трэбуй тэ ритярас пэско алав. Тэ жувас кадя, сар амэ ԥэндям, — када бари атвецтвеность, но важ амэндэ када най ԥарэс. Важ кода кай тэ андярас лэ Дэвлэстири время — када и исин амари жызня (Отк. 4:11). О Иегова создал амэн пар пэстэ и дя амэнди жылания тэ ӷанас лэс. Важ када амэ камас тэ пашувас каринг лэстэ и амэнди чалёл тэ терас кода, со во камэл (Пс. 40:8). Ай инке, кала амэ кандас лэ Дэвлэс и терас кадя, сар лэско Шаво, амэндэ появийпэ май бут зор (Матф. 11:28—30).

5. Со тумэнди поможыя тэ зритярэн о алав, саво динэ лэ Иеговасти? (1 Иоано 5:3).

⁵ Со поможыя тэ терас кадэя дила? Пэрво, на парашэн тэ терэн вся, кай май фартэ тэ любин лэ Иеговас. Важ када розмышляйте пала кодэва лашымос, саво во ужэ тумэнди дя, и пала кодэва, саво во дэла англэ. Со май фартэ тумэ лэна тэ любин лэ Дэвлэс, со май вушэро тумэнди авэла лэс тэ кандэн. (Проадинон 1 Иоано 5:3.) Дуйто, терэн кадя, сар о Иисусо. Со поможысардя лэсти тэ стерэл вся, со камэл о Дэл? Во мангэлас помощь кай о Иегова и вся и время сэрэлас пала наӷрада (Евр. 5:7; 12:2). Сар и о Иисусо, мангэн кай о Иегова зор и никала на бистрэн пала наӷрада, сави во дэла, — када и вечно жызня. Если тумари любовь каринг о Дэл ашэл май бари и тумэ терэн кадя, сар лэско Шаво, тумэндэ вижала тэ зритярэн о алав, саво тумэ динэ лэ Иеговасти.

6. Васо амэ трэбуй тэ терас пэстири дила андо ери? (Диқэн кадяжэ и картинка.)

⁶ Амари дила андо ери. И христианоря трэбуй тэ любин лэ Иеговас и лэ Иисусос дажэ май фартэ, чем пэстирэ чачен (Матф. 10:37). Но, канешно, када на сыкавэл, кай если амэ старысавас тэ радосарас лэ Дэвлэс и лэ Христос, амэ ласа май набут тэ шас сама пэстирэ пашутнэн. Наоборот, кай тэ уӷодисарас лэ Дэвлэсти и лэ Христости, амэ трэбуй тэ терас пэстири дила, сави амэндэ исин андо ери (1 Тим. 5:4, 8). Кадэлэстар амэ аваса май бахталэ. Ведь о Иегова росԥэндя, со поможыя, кай и еря тэ авэн бахталэ: и хула́я и хулая́ трэбуй тэ любин ек еқэс и тэ стон патив ек пэ еқэстэ, и родителя — тэ любин и тэ сытярэн пэстирэ бэятонэн, ай и бэяцэ — тэ кандэн лэ родителёнэн (Эф. 5:33; 6:1, 4).

7. Со тумэнди поможыя тэ терэн пэстири дила андо ери?

⁷ Со поможыя тэ терас кадэя дила? Хула́я, хулая́ и бэяцэ, приашундён каринг и мудри советоря анда Библия. На терэн варисо кати па кода, сар тумэ гиндон, кай када правильно, или кадя принято котэ, кай тумэ жувэн, или важ кода, кай кадя ԥэнэн и эксперторя (Прит. 24:3, 4). Используйте вся, со дэл амари арӷанизацыя. Вой дэл лашэ советоря пала кода, сар тэ прилас и библейски принцыпоря. Например, андэ разни статьи пэ ек тема «Помощь семье» росԥэнэнпэ пала трудности, савэ исин кай о хулай и хулаи, кай и родителя и кай и подросткоряb. Тер кадя, сар ԥэнэнпэ андэ Библия, дажэ если будэр нико андо ери кадя на терэл. Када анэна лашымос всаворэ тумарэ ерести, и важ када о Иегова тумэн блаӷословия (1 Пёт. 3:1, 2).

8. Сар и ришэнии, савэ амэ прилас, влияют пэ амари жызня?

⁸ Атвецтвеность пала ришэнии, савэ амэ прилям. О Иегова дя, кай амэ екжэнэ тэ витидас. И во камэл, кай амэндэ тэ авэл радость кодэлэстар, кай амэ прилас лашэ ришэнии. Но во кадяжэ на фэрий амэн кодэлэстар, каринг со анэн и найлашэ ришэнии (Гал. 6:7, 8). Важ када амэнди прижалпэ тэ жувас кодэлэса, каринг со анэн амарэ алава и дила. Можэт, амэн лэла тэ мучий и совесть. Но если амэ полас, кай андярас атвецтвеность важ амарэ ришэнии, када поможыя амэнди тэ прижандювас андэ бэзэха, тэ парувас кода, со стердям най кадя, и будэр кадя тэ на терас. Када поможыя амэнди тэ на сжас па дром.

9. Со тумэ можэте тэ терэн, если шылисайлэ? (Диқэн кадяжэ и картинка.)

⁹ Со поможыя тэ терас кадэя дила? Если тумэ шылисайлэ и ужэ нисо нащи тэ парувэн, прилэн и ситуацыя кадя, сар вой исин. Полэн, кай кода, со сас, на риса. На тратин пэско зор пэ кода, кай тэ виправин пэс или, наоборот, кай тэ дошалярэн пэс и аврэн андэ кода, со тердяпэ. Фэдэр прижанэн, кай шылисайлэ, и стерэн вся, со па тумаро зор андэ кадэя ситуацыя. Если тумэ дошалярэн пэс важ кода, со стердэ, смирено мангэнпэ лэ Иеговасти, кай во тумэн тэ простий (Пс. 25:11; 51:3, 4). Мангэн прощения кодэлэстар, касти через тумэндэ ашэля ԥарэс. И если трэбуй, мангэн помощь кай и барэдэр ԥрала (Иак. 5:14, 15). Сытён па пэстирэ ошыбки и старыинпэ будэр тэ на терэн лэн. Тоди тумэ можэте тэ патян, кай о Иегова жалуия тумэн и подритярэла (Пс. 103:8—13).

ЛИШНЁ, СО ТРЭБУЙ ТЭ АШАВАС

10. Васо, кала амэ аштярас пэстар бут — када анэн ԥаримос? (Галатам 6:4).

¹⁰ Кала аштярэн пэстар фартэ бут. Если амэ ласа тэ сыстосарас пэс аврэнца и тэ аштярас пэстар фартэ бут, тоди можэм тэ вимардювас анда зор. (Проадинон Галатам 6:4.) Если амэ ласа постояно тэ гиндосарас пала кода, со домарделэ авэр, амэндэ можэт тэ появийпэ зависть и амэ закамаса тэ сыстосавас аврэнца (Гал. 5:26). Если амэ ласа тэ старысавас тэ терас кода жэ, со и вонэ, и на гиндосараса, кай амэндэ разни способности и обстоятельства, кадэлэстар амэнди авэла кати хужэ. И если оди дуқал «кодэлэстар, кай долӷо аштярас», тоди инке май бари дук авэла, кай аштярас кода, со никала на авэла! (Прит. 13:12). Через када амэ можэм тэ вимардювас анда зор и тэ лас тэ прастас май медлено (Прит. 24:10).

11. Со поможыя тэ на аштярэн пэстар фартэ бут?

¹¹ Сар тэ ашавас када? На аштяр пэстар май бут, чем аштярэл о Иегова. Во никала на мангэл тумэн тэ дэн кода, со тумэндэ нинай (2 Кор. 8:12). Авэн уверени, кай о Иегова на сыстой тумэн аврэнца (Матф. 25:20—23). Во фартэ цэний тумари служэния, тумари преданость и тумари стойкость. Скромно прижанэн, кай через о зор, и бэрша или и обстоятельства тумэ нэ можэте тэ терэн кода, со раньшэ. Сар и о Барзиллаё, авэн ӷотови тэ отԥэндён кодэла дилатар, сави на вижала тэ стерэн через и бэрша или о зор (2 Сам. 19:35, 36). И, сар о Маисеё, прилэн помощь и пэрэдэн пэстири дила, кала када возможно (Исх. 18:21, 22). Если тумэндэ авэла кацави скромность, тумэ на лэна тэ аштярэн пэстар кода, со нэ сможэте тэ стерэн, и фэрина о зор, саво трэбуй, кай тэ прастэн.

12. Андярас амэ атвецтвеность важ и найлашэ ришэнии, савэ прилэн авэр? Росԥэнэн.

¹² Кала гиндос, кай атвецтвено важ и найлашэ ришэнии, савэ прилинэ авэр. Амэ нэ можэм важ авэр тэ прилас и ришэнии. И най всегда па амаро зор тэ фэрисарас лэн, кай вонэ тэ на шылинпэ. Например, варикастэ шаво или щей ришын будэр тэ на служын лэ Иеговасти. Кадэя ришэния анэн лэ родителёнэнди фартэ бари дук. Но если вонэ лэна тэ дошалярэн пэс важ када, тоди лэнди авэла инке май ԥарэс. Ай о Иегова на камэл, кай кадя тэ авэл (Рим. 14:12).

13. Со тэ терэн и родителя, если лэнго бэято приля найлащи ришэния?

¹³ Сар тэ ашавас када? О Иегова всаворэнди дя право екжэнэ тэ витидэн. Во домэкэл, кай кажно мануш екжэно тэ прилэл и ришэнии, кадяжэ и тэ витидэл, тэ служый лэсти чи най. Нинай идеальни родителя. О Иегова ӷанэн, кай тумэндэ най вся вижалас кадя, сар трэбуй. О Дэл просто камэл, кай тумэ тэ терэн кода, со па тумаро зор. Кода, со витидя тумаро бэято, — када лэстири атвецтвеность, ай най тумари (Прит. 20:11). И всаек тумэ можэте тэ пэрэжываете через кода, со най кадя стердэ. Кала кацаво исин, росԥэнэн лэ Иеговасти кода, со тумэндэ по ди, и мангэн лэстар прощения. Во ӷанэн, кай тумэ нэ можэте тэ рин и время палпалэ и тэ рин кода, со сас. И во на аштярэл, кай тумэ лэна тэ фэрин пэстирэ бэятос, кай во тэ на прилэл и найлашэ ришэнии. Сэрэн, кай, если тумаро бэято ришыя тэ рийпэ каринг о Иегова, о Иегова лэс анда вся оди прилэла (Луки 15:18—20).

14. Васо кода, кай амэ фартэ пэс дошалярас, — када ԥаримос, саво трэбуй тэ ашавас?

¹⁴ Кала фартэ пэс дошалярас. Кала амэ терас бэзэх, када нормально, кай амэ дошалярас пэс. Но о Иегова на камэл, кай амэ фартэ пэс тэ дошалярас. Када ԥаримос, саво амэ трэбуй тэ ашавас. Сар тэ полас, кай амэ евья пэс дошалярас? Если амэ росԥэндям пала бэзэх, каисайлям и терас вся, кай будэр лэс тэ на терас, амэ можэм тэ патяс, кай о Иегова амэн простисардя (Дл. 3:19). О Иегова на камэл, кай посли када амэ и дальшэ пэс тэ дошалярас. Во ӷанэн, саво дэ баро вредо када можэт тэ анэн (Пс. 31:10). Если амэнди авэла фартэ ԥарэс по ди, амэндэ на вижала и дальшэ тэ прастас (2 Кор. 2:7).

15. Сар тэ парашас фартэ пэс тэ дошалярас? (1 Иоано 3:19, 20). (Диқэн кадяжэ и картинка.)

¹⁵ Сар када тэ ашавас? Если тумэ фартэ пэс дошалярэн, сэрэн, кай о Иегова — када «Дэл, саво простий» (Пс. 130:4). Кодэлэнди, ко каийпэ анда вся оди, во дэл алав: «Мэ... пала лэндирэ бэзэха будэр на лава тэ сэрав» (Иер. 31:34). Када сыкавэл, кай о Иегова на лэла тэ напоминает тумэнди пала бэзэха, савэ тумэ тердэ. Важ када, если тумэндэ исин ԥаримос через и бэзэха, савэ тумэ стердэ, када на сыкавэл, кай о Дэл тумэн на простисардя. И на схан пэс, если через пэстирэ ошыбки тумэ нэ можэте тэ терэн варисави дила андэ собрания. О Иегова будэр на гиндой пала тумарэ бэзэха — на трэбуй када тэ терэн и тумэ. (Проадинон 1 Иоано 3:19, 20.)

ПРАСТЭН КАДЯ, КАЙ ТЭ ПОЛУЧИН И НАӶРАДА

16. Со трэбуй, кай амэ и дальшэ тэ прастас па ла жызняко дром?

¹⁶ Амэ трэбуй тэ прастас кадя, кай тэ получисарас и наӷрада (1 Кор. 9:24). Сар амэндэ када вижала? Если амэ ласа тэ терас пэстири дила и ашаваса вся, через со амэ ласа тэ прастас май медлено. Андэ кадэя статья амэ подям дума кати пала дэсавэ примероря. Но исин и авэр. О Иисусо ԥэндя, кай амэнди тэ на авэл ԥарэс через кода, кай «бут хан, пэрэпэн и фартэ заботинпэ пала цэрутни дила» (Луки 21:34). Кадэва и авэр библейски стихоря поможына тэ диқас, андэр со трэбуй тэ парудювас, кай и дальшэ тэ прастас па дром, саво андярэл каринг и вечно жызня.

17. Васо амэ уверени, кай амэндэ вижала тэ допрастас ла жызняко дром?

¹⁷ Амэ ӷанас, кай допрастаса жы каринг о финишо, важ кода кай о Иегова дэла амэнди пэ када зор (Ис. 40:29—31). Важ када на здэнпэ! Сытён кай о апостало Павло, саво отдэлас вся пэско зор, кай в концэ тэ получий и наӷрада (Флп. 3:13, 14). Нико на прастэла па кадэва дром важ тумэндэ, но лэ Иеговастирэ зорэса тумэндэ вся вижала. Во поможыя тумэнди тэ терэн пэстири дила и тэ ашавэн кода, со лишнё (Пс. 68:19). Лэ Иеговастирэ зорэса тумэндэ вижала тэ на сдэнпэ, кала прастэн па ла жызняко дром, и тэ победин!