Кода, со сас андэ жызня

Анда вся оди жалуисарас разнонэ манушэн

Еқвар андэ Новая Зеландия и ԥэй диқля по сайто jw.org о видео пала кода, васо важно тэ заботисавас ек пала еқэстэ. Андэ кадэва видео ԥэнэнпэ, кай о Иегова най просто анда вся оди жалуий лэ манушэн, во сыкавэл када пэ дила и поможый лэнди (Ис. 63:7—9). Вой закамля тэ прилэл андэ жызня кода, со уӷангля, и тэ дэл зор варикасти. Потом, андэ кодэва жэ дес, кала жалас варисо тэ тинэн, вой додиқля манушня, савятэ андэ жызня нисо нинай. И ԥэй закамля варисо тэ тинэл лати тэ хал. Кодэя манушни соӷласисайля. Кала и ԥэй рисайля лэ хамаса, вой ԥэндя ла жувляти, кай ӥто и жызня ашэла май лащи и сыкадя лати о буклето «Авэла время, кала на авэна и биды?».

И манушни розровьяпэ. Вой ԥэндя, кай бареля андо ери кай лэ Иеговастирэ свидетеля, но бут бэрша палпалэ ашадя и собрания. Совсем найдэлмут вой мангэласпэ лэ Иеговасти, кай во тэ поможый лати тэ рийпэ каринг лэстэ. И ԥэй дя лати и Библия и доԥэнделя, кай лэла ласа изучатьa.

Кадя жэ, сар о Иегова, амэ можэм пэ дила тэ сыкавас, кай анда вся оди жалуисарас амарэ родос, лэ ԥралэн и лэ ԥэян андэ собрания и аврэ манушэн. Если амэ анда вся оди жалуисарас аврэн, тоди амэ закамаса тэ росԥэнас лэнди пала чачимос анда Библия.