Жа лэ Исусостирэ дромэса и посли кода, сар болделян

1, 2. Саво лашымос исин кай о мануш посли кода, сар во болдёл?

САВИ дэ бари лош тэ болдёс! Тэ авэс андэ лэ Иеговаско ери и лэско друӷо — када бари бах! Амэндэ кацаво жэ андо ди, сар кай о Давидо, саво ԥэндя: «Бахтало кодэва, кас ту [Иегова] витидян и пашардян каринг пэстэ, кай во тэ жувэл андэ тирэ грады» (Пс. 65:4).

² Най кажнонэ манушэс о Иегова ақарэл андэ пэстири града, кай во тэ авэл лэско друӷо. Сар амэ роздиқлям андэ статья, сави сас май данглал, о Иегова пашол каринг кодэва, ко екжэно камэл тэ авэл май пашэ каринг лэстэ (Иак. 4:8). Кала о мануш дэл алав тэ жувэл важ о Иегова и болдёл, када инке май састэс сԥандэл лэс лэ Иеговаса. Тумэ можэте тэ патян, кай во шола «бут блаӷославении пэр тумэндэ, кай тумэ ужэ ни андэр со тэ на нуждаетесь» (Мал. 3:10; Иер. 17:7, 8).

3. Сави отвецтвеность пэрэл по мануш, кала во отдэл пэстири жызня лэ Иеговасти и болдёл? (Экклезиаст 5:4, 5).

³ Канешно, кала о мануш болдёл, када кати пэрво шаӷо. Лэсти трэбуй тэ терэл вся, кай тэ жувэл кадя, сар дя алав, и тэ на парашэл тэ служый лэ Дэвлэсти. Во лэла када тэ терэл дажэ тоди, кала лэстэ авэла ԥаримос или лэс лэла тэ цырдэл каринг о бэзэх. (Проадинон Экклезиаст 5:4, 5.) Кала о мануш ашэл лэ Исусоско ученико, во старыийпэ тэ шолпэ пэр лэстэ и тэ кандэл лэс (Матф. 28:19, 20; 1 Пёт. 2:21). Уӷанаса, сар када тэ терас.

ЖА ЛЭ ИСУСОСТИРЭ ДРОМЭСА, КАЛА ԤАРИМОС ИЛИ ОДИ ЦЫРДЭЛ КАРИНГ О БЭЗЭХ

4. О Исусо ԥэндя, кай лэстирэ ученикоря лэна тэ андярэн «пэско ԥаро столбо». Со во кадэлэса камля тэ ԥэнэн? (Лука 9:23).

⁴ На гиндон, кай посли кода, сар тумэ болдёна, тумэндэ на авэла нисаво ԥаримос. Сэрэн лэ Исусостирэ алава. Во ԥэндя, кай лэстирэ ученикоря лэна тэ андярэн «пэско ԥаро столбо» — причём «кажно дес». (Проадинон Лука 9:23.) Сыкавэл када, кай и христианоря трэбуй вся и время тэ мучинпэ? Канешно, най. О Исусо просто шутя сама, кай лэндэ андэ жызня авэна и блаӷословении и ԥаримос. И дэсаво ԥаримос авэла найвушэро тэ пэрэандярэн (2 Тим. 3:12).

5. Саво алав дя о Исусо кодэлэнди, ко варисостар отԥэндёл важ лэстэ?

⁵ Возможно, тумэндэ ужэ исин ԥаримос, важ кода кай пэр тумэндэ тасавэл о родо. Или тумэ бут состар отԥэнделэ, кай тэ жувэн май просто и май бут тэ отдэн время и о зор важ лэ Дэвлэстири дила (Матф. 6:33). Патян, о Иегова шол сама пэ вся, со тумэ важ лэстэ терэн (Евр. 6:10). Можэт, тумэ ужэ полинэ пар пэстэ, сар исполнинпэ лэ Исусостирэ алава: «Кажно, ко ради мандэ и ради лащи новость ашадя о цэр, или лэ ԥралэн, или лэ ԥэян, или ла да, или лэ дадэс, или лэ бэятонэн, или пэстирэ маля, получия акана в 100 раз май бут цэра, ԥралэн, ԥэян, дэян, бэятонэн и маля, и инке лэс лэна тэ ӷонин, ай май англэ во получия и вечно жызня» (Мар. 10:29, 30). О Иегова дэл тумэнди пэ бутэстэ май бут, чем кода, состар тумэ отԥэндён (Пс. 37:4).

6. Васо, кала болдёна, трэбуй тэ на парашэн тэ боринпэ кодэлэса, «каринг со цырдэл и ӷрешно тила»?

⁶ Посли кода сар тумэ болдёна, тумэнди и май дур трэбуй авэла тэ боринпэ кодэлэса, «каринг со цырдэл и ӷрешно тила» (1 Иоан. 2:16). Важ кода кай тумэ на ашэлэ идиальни. Дэкала тумэндэ можэт тэ авэл по ди кацаво жэ, сар кай о апостало Павло, саво пистросардя: «Мэрнэ одести чалёл лэ Дэвлэско законо. Но андэ мэрни тила диқав авэр законо, саво жал против законо, саво андэ мэрнэ гиндоря. Кадэва законо терэл ман рабоса лэ бэзэхэстирэ законости, саво исин андэ мэрни тила» (Римо 7:22, 23). Кала тумэ полэн, кай оди цырдэл каринг о найлашымос, тумэндэ моӷут тэ умэкэнпэ и вас. Но на здэнпэ! Сэрэн пала алав, саво тумэ динэ лэ Иеговасти, када поможыя тумэнди тэ на подэнпэ лэ бэзэхэсти. Кала тумэ динэ алав лэ Иеговасти тэ жувэн важ лэстэ, через када тумари жызня ашэля май просто. Сар када тэ полас?

7. Кала амэ дас алав тэ жувас важ о Иегова, када поможый тэ на парашас тэ кандас лэс. Васо?

⁷ Кала тумэ отдинэ пэстири жызня лэ Иеговасти, тумэ отԥэнделэ пэстар. Возможно, раньшэ тумэ камэнас варисо важ пэстэ и тумэндэ сас цэли, савэ на чалёнас лэ Иеговасти (Матф. 16:24). Но тумэ ашадэ вся када. Важ када андэ ԥари ситуацыя акана тумэнди на трэбуй тэ витидэн, со тэ терэн. Васо? Тумэ ужэ витидэ важ пэстэ ек дром — тэ на парашэн тэ служын лэ Иеговасти, со бы тэ на авэл, и анда вся оди камэн тэ радуин лэс. Тумэ авэна кацавэ жэ састэ, сар о Иово. Лэстэ сас фартэ баро ԥаримос, но во ԥэндя: «Ашавапэ вужо англа Дэл!» (Иов 27:5).

8. Сар кода, кай амэ дям алав лэ Иеговасти, поможый тэ на подаспэ лэ бэзэхэсти?

⁸ Тумэ динэ алав лэ Иеговасти, кай кода, со во камэл, авэла ӷлавно андэ тумари жызня. Если тумэ пала када сэрэн, када поможыя тэ на подэнпэ лэ бэзэхэсти. Например, лэна тумэндэ тэ цэлэн и яқа андо чикат каринг о мануш, савэстэ ужэ исин хулай или хулаи? Най канешно! Важ кода кай тумэ ужэ отԥэнделэ тэ андярэн пэс кадя. Через када тумэндэ на авэла тэ дуқал оди, сар кай и мануша, савэ домэклэ, кай о найлашымос лэн тэ зацырдэл. Тумэ авэна бахталэ, кай обжылэ ригаса «лэ бэзэхалэ манушэнго дром»! (Прит. 4:14, 15).

9. Сар кода, кай дян алав тэ жувэс важ о Иегова, поможый, кай во тэ авэл ӷлавно андэ тири жызня?

⁹ Ай со, если тути ԥэнэна пала бути, через сави тути прижалапэ тэ промэкэс и собрании? Катэ и тэ гиндос най пала со. Ту ужэ дэлмут прилян важ пэстэ ришэния тэ на жас пэ кацави бути. Важ када ту на лэса тэ хохавэс пэс и тэ гиндос, кай тутэ вижала тэ жас пэ кацави бути и андэ кодэя жэ время тэ терэс варисо, кай о Иегова тэ авэл ӷлавно андэ тири жызня. Сэр пала Исусо. Во витидя важ пэстэ вся и время тэ радуий пэстирэ Дадэс. Када поможыя тути ӥто и састэс тэ отшос вся, со можэт тэ на чалёл лэ Дэвлэсти, савэсти ту отдян пэстири жызня (Матф. 4:10; Иоан. 8:29).

10. Сар о Иегова поможыя тути тэ жас лэ Исусостирэ дромэса и посли кода, сар болделян?

¹⁰ Кала андэ жызня исин ԥаримос или оди цырдэл каринг о найлашымос, тоди амэ можэм тэ доԥэнас, кай анда вся оди камас тэ жас лэ Исусостирэ дромэса. Патя, о Иегова тути поможыя андэ када. Андэ Библия ԥэнэнпэ: «О Дэл на ашавэл, и во на домэкэла ԥаримос, саво май бут тумарэ зорэстар, но, кала авэла ԥарэс, дэла помощь, кай тумэ тэ виритярэн» (1 Кр. 10:13).

СО ПОМОЖЫЯ ТУТИ ТЭ ЖАС ЛЭ ИСУСОСТИРЭ ДРОМЭСА?

11. Росԥэнэн, со тумэ можэте тэ стерэн, кай тэ жан лэ Исусостирэ дромэса? (Диқэн кадяжэ и картинка.)

¹¹ О Исусо служыяс лэ Иеговасти анда вся оди. Во на парашэлас лэсти тэ мангэлпэ (Лука 6:12). Со поможыя тути тэ жас лэ Исусостирэ дромэса и посли кода, сар болделян? Пристов о зор, кай андэ тири жызня тэ авэл бут дила, сави пашарэла тут каринг о Иегова. Андэ Библия ԥэнэнпэ: «Дажэ если амэ ужэ бут со домарделям, давайте и май дур тэ жас па кодэва жэ дром» (Флп. 3:16). Дэкала ту лэса тэ ашунэс, кай дэсавэ ԥрала и ԥэя линэ тэ терэн май бут андэ лэ Иеговастири служэния. Возможно, вонэ сытелэ пэ Школа блаӷовесников Царства или пэрэлаглэ кордэ, кай на хутилэл лэ вазвещятелёнэн. Если када па тиро зор, тожэ стер када. Лэ Иеговастирэ служытеля вся и время родэн возможность тэ терэн важ лэстэ май бут (Дила 16:9). Но со, если акана ту нэ можэш тэ терэс важ о Иегова май бут? На гиндосар, кай ту май хужэ аврэндар и тири служэния нисо на ашэл. Важ о Дэл важно, кай ту тэ на здэспэ и тэ на зжас па христианско дром (Матф. 10:22). На бистэр, кай лэ Иеговаско ди фартэ лошавэл, кала ту терэс вся, со па тиро зор. Када поможыя тути тэ жас лэ Исусостирэ дромэса и посли кода, сар болделян (Пс. 26:1).

12, 13. Со ту можэш тэ стерэс, если тутэ на ԥабол оди андэ служэния лэ Иеговасти, сар варикала? (1 Каринфо 9:16, 17). (Кадяжэ диқэн и рамка «На зжан па дром».)

¹² Со тэ терэс, если ту полян, кай лян тэ мангэспэ и тэ служыс лэ Иеговасти най анда вся оди, сар раньшэ? Ай можэт, кала ту адинос и Библия, када на анэн тути кацави бари радость, сар варикала? Если ту шутян сама пэ када, на гиндосар, кай о Иегова будэр на дэл тути пэско свынто зор. Амэ найидиальни мануша и кода, со амэндэ андо ди, можэт часто тэ парудёл. Если тиро ди ужэ най кадя ԥабол андэ служэния, погиндосар пала апостало Павло. Хоть во старыияспэ андэ вся тэ шолпэ по Исусо, во ӷанэнас, кай най вся и время лэстири жылания тэ служый лэ Дэвлэсти авэла кацави дэ бари. (Проадинон 1 Каринфо 9:16, 17.) Во ԥэндя: «Дажэ если ман оди на цырдэл, мэ всаек трэбуй када тэ терав, важ кода кай када мэрни дила». Аврэ алавэнца, о Павло витидя важ пэстэ тэ терэл лэ Дэвлэстири дила всегда — кала лэсти када камэласпэ и кала най.

¹³ Кадяжэ и ту, на прилэ и ришэния кати па кода, со тутэ андо ди. Тер кода, со правильно, дажэ если на камэлпэ. Кала ту терэса лашымос, када повлияет пэ тиро ди и через и время тутэ появияпэ и жылания. Ай акана просто приритярдюв кодэлэсти, кай тэ жувэс па лашо, дэвликоно ӷрафико. Кала и ԥрала и ԥэя диқэна, кай ту на парашэс тэ служыс лэ Иеговасти, када фартэ лэн подритярэла (1 Фес. 5:11).

ПУШ ПЭСТАР

14. Пала со амэ дэкала трэбуй тэ пушас пэстар и васо? (2 Каринфо 13:5).

¹⁴ Кала о мануш болделя, авелоп драго, кай во дэкала тэ задэл пэсти вопросоря. (Проадинон 2 Каринфо 13:5.) Пуш пэстар: «Присытелэм мэ тэ мангавпэ кажно дес? Тэ адиносарав Библия? Май бут тэ уӷанав, со пистромэ андэр латэ? Тэ ԥирав пэ собрании и тэ росԥэнав пала Дэл? Анэн вся када манди радость и лашымос?» Если най, пристов зор, кай варисо тэ лашарэс. Например, пуш пэстар: «Моӷу мэ тэ росԥэнав ӷлавно, сости сытярэл и Библия? Со мэ моӷу тэ стерав, кай и служэния манди май фартэ тэ чалёл? Дицол па мэрнэ молитвы, кай мэ анда вся оди патяв лэ Иеговасти и ворта росԥэнав лэсти, со мандэ андо ди? Промэкав мэ и собрании чи най? Со поможыя манди драго тэ ашунав пэ собрании и тэ участвую андэр лэндэ?»

15, 16. Сар ек ԥрал на подяпэ лэ бэзэхэсти и сости тут када сытярэл?

¹⁵ Кадяжэ важно тэ полэс, кала и андэр со ту можэш тэ подэспэ лэ бэзэхэсти. О ԥрал, савэс ақарэн Ро́берто, поля када па пэстири жызня. Во вспоминает: «Кала манди сас 20 бэрш, посли бути ек жувли ақардя ман каринг пэстэ цэрэ. Вой ԥэндя, кай амэ аваса кати дуйжэнэ и роздраго проандяраса и время. Спэрва мэ варисо пригиндосаравас, кай тэ одмардював. Но потом ворта ԥэндэм, кай на жава ласа, и объяснисардэм васо». О Роберто на подяпэ лэ бэзэхэсти и када роздраго. Но ӷэт май интя во поля, кай моӷ тэ андярэл пэс андэ кадэя ситуацыя май фэдэр. О Роберто ԥэнэн: «Мэ на отԥэнделэмпэ ӥто кадя, сар о Иосифо, савэстэ долэласпэ лэ Патифаростири хулаи [Быт. 39:7—9]. Па чачимастэ мэ удивисайлэм, сар дэ ԥарэс манди сас тэ ԥэнав най. Кадэва случаё сыкадя, кай манди трэбуй тэ састярав пэстири дружба лэ Иеговаса».

¹⁶ Ту можэш тэ погиндос пала пэстири жызня кадя жэ, сар о Роберто. Дажэ если ту на подянпэ лэ бэзэхэсти, пуш пэстар: «Скати время мандэ жыля пэ кода, кай тэ ԥэнав най?» Если тути най фартэ чалёл, сар ту пэс андярдян, на умэк и вас. Радосав, кай акана ту ӷанэс, со трэбуй тэ лашарэс. Мангпэ пала када. Ай кадяжэ пристов о зор, кай вся и время тэ камэс тэ кандэс лэ Иеговас (Пс. 139:23, 24).

17. Сар о Роберто зашутяпэ пала лэ Иеговаско лашо алав?

¹⁷ Акэ сости амэн инке сытярэл лэ Робертоско примеро. Во ԥэнэн: «Кала мэ на стердэм кадя, сар мангэлас кодэя жувли, вой ԥэндя: „Хамари сан, ту вицэлдян!“ Мэ пушлэм, пала со вой дэл дума. Вижыля кадя, кай лако друӷо, саво варикала сас лэ Иеговаско свидетелё, ԥэндя лати, кай всаворэ тэрнэ свидетеля андярэн двойно жызня. Лэн кати ақар, и вонэ сразу жэ бистрэна пала пэстири вера. Важ када вой лэ друӷоса доԥэнделэпэ тэ проверят ман. Сар жэ мэ сымас лошало, кай на лажавардэм лэ Иеговас!»

18. Со ту камэс тэ терэс и посли кода, сар болдёса? (Кадяжэ диқэн и рамка «Статьи, савэ точно чалёна ла молодёжати».)

¹⁸ Кала ту дэс алав лэ Иеговасти тэ жувэс важ лэстэ и болдёс, кадэлэса ту сыкавэс, кай вся и время, со бы тэ на авэл, камэс тэ терэс кадя, кай лэско алав тэ авэл ашунгло. Патя, о Иегова ӷанэн пала вся о ԥаримос, саво тутэ исин. Во кадяжэ диқэл, сар ту на подэспэ кодэлэсти, каринг со цырдэл тут тиро ди. Во блаӷословия тут пала кода, кай ту пристос зор тэ на парашэс тэ служыс лэсти. Тутэ када вижала, важ кода кай о Иегова дэла тути пэско свынто зор (Лука 11:11—13). Лэ Иеговастирэ зорэса тутэ вижала тэ жас па лэ Исусоско дром и посли кода, сар болдёса.