Ашпэ лошало, кала росԥэнэс пала Дэл

1. Васо дэсавэнди на чалёл тэ росԥэнэн пала Дэл? (Диқэн кадяжэ и картинка.)

ЛЭ ИЕГОВАСТИРЭ служытеля любин пэстирэ небеснонэ Дадэс и камэн тэ росԥэнэн пала лэстэ аврэ манушэнди. Бутэ вазвещятелёнэнди чалёл тэ росԥэнэн пала Дэл. Ай аврэнди када най фартэ анэн радость. Васо? Варико фартэ лажавно и нэуверено андэр пэстэ. Аврэнди найвушэро тэ авэн каринг авэр мануша, если лэн на ақардэ. Ай варикасти страшно, кай лэс на лэна тэ ашунэн или холявэна. Варикас сытярдэ, кай во никала тэ на терэл кода, со на чалёл аврэнди. Всаворэ кадэла ԥрала и ԥэя любин лэ Иеговас, но лэнди ԥарэс тэ залэн и дума пала Библия кодэлэнца, кас вонэ на ӷанэн. Но всаек, вонэ полэн, пэскати дэ важно кадэя дила, и важ када на парашэн тэ росԥэнэн пала Дэл. О Иегова фартэ абурой лэнца!

2. Васо на трэбуй тэ умэкэн и вас, если тумэндэ пока нинай радость кала росԥэнэн пала Дэл?

² Ай тутэ исин кацаво, кай ту заставис пэс тэ жас тэ росԥэнэс пала Дэл? Если да, на умэк и вас. Если ту нэуверено андэр пэстэ, када можэт тэ сыкавэл, кай ту найӷордо мануш. Ту просто на любис тэ спориспэ и тэ шос пэр пэстэ фартэ бут сама. Канешно, кала цыпин и на камэн тэ ашунэн, када никасти на чалёла. Особено, если ту камэс тэ росԥэнэс варисо лашо. Амаро небесно Дад ӷанэн, со тутэ по ди, и дэл алав, кай поможыя (Ис. 41:13). Андэ кадэя статья амэ роздиқаса панч маменторя. Вонэ поможына тэ улас и гиндоря, савэ тасавэн, и тэ полюбисарас тэ росԥэнас пала Дэл.

МЭК И БИБЛИЯ ПРИДЭЛ ТУТИ ЗОР

3. О Иеремия служыяс котэ, кай сас найвушэро тэ пэрэдэл лэ Дэвлэстирэ алава. Со поможыяс лэсти?

³ Андэ дэлмутни время кай лэ Дэвлэстирэ служытеля тожэ сас найвушэро дила. Со поможыяс лэнди ла тэ стерэн? Лэнди придэнас зор лэ Дэвлэстирэ алава. Роздиқам лэ Иеремияско примеро. О Иегова дя лэсти задания тэ росԥэнэн пала лэстэ. Но о Иеремия гиндояс, кай во на поджал важ кадэя дила. Во ԥэндя: «Мэ на ӷанав тэ дав дума, мэ фартэ тэрно» (Иер. 1:6). Со поможысардя лэсти тэ ашэл май смило? Лэ Дэвлэстирэ алава. О Иеремия ԥэндя: «Во [о алав лэ Дэвлэстар] сас сар яг андэ мэрнэ кокаля, и мэ цыелэм кодэлэстар, кай ритярав лэс андэр пэстэ» (Иер. 20:8, 9). О Иеремия служыяс котэ, кай сас найвушэро тэ росԥэнэн пала Дэл. Но через лэ Иеговастирэ алава, савэ во трэбуй сас тэ пэрэдэл лэ манушэнди, во ашэля май зорало и май смило.

4. Кала амэ адиносарас и Библия и гиндосарас пала латирэ алава, сар када влияет пар мэндэ? (Калосы 1:9, 10).

⁴ И христианоря лэн зор анда лэ Иеговастирэ алава, савэ исин андэ Библия. О апостало Павло пистросардя письмо ла собранияти андэ Калосы. Во ԥэндя, кай кала и ԥрала май бут уӷанэн пала кода, со камэл о Иегова, вонэ смоӷут «тэ андярэн пэс, сар прижал лэ Иеговастирэ помошниконэнди... тэ терэн и лащи дила». (Проадинон Калосы 1:9, 10.) Ек анда кацави лащи дила — када тэ росԥэнас и лащи новость. Кала амэ адиносарас и Библия и гиндосарас пала кода, со проадиносардям, тоди амэ лас май фартэ тэ патяс андо Иегова. Кадяжэ амэ инке май драго полас, сар дэ важно тэ росԥэнас лэ манушэнди пала лэ Дэвлэско Царство.

5. Со тэ терас, кай и Библия тэ анэн амэнди май бут лашымос?

⁵ На бистэр пала ек маменто. Кала адинос и Библия, иследуеш ла и гиндос, трэбуй тэ на грабис. Кати тоди лэ Дэвлэстирэ алава анэна амэнди май бут лашымос. Дэкала амэнди можэт тэ попэрдёл о стихо, саво найвушэро тэ полас. Чем тэ промэкас лэс, фэдэр тэ притердювас и тэ родас каринг лэстэ объяснения через «Списко па темы андэ публикацыи кай лэ Иеговастирэ свидетеля» или «Справочнико па публикацыи кай лэ Иеговастирэ свидетеля». Кала амэ на грабисавас и май бут уӷанас, со пистромэ андэ Библия, када поможыя амэнди тэ патяс, кай вся со пистромэ андэр латэ, — када о чачимос (1 Фес. 5:21). Кала тумэ май драго када полэна, тумэ май фартэ закамэна тэ росԥэнэн аврэнди, со адиносардэ андэ Библия.

ДРАГО ӶОТОВЬСЯ, КАЙ ТЭ РОСԤЭНЭС ПАЛА ДЭЛ

6. Васо амэнди трэбуй драго тэ ӷотовимся, кай тэ росԥэнас пала Дэл?

⁶ Если ту драго подӷотовишся, тоди лэса май набут тэ пэрэжываеш и тути авэла май вушэро тэ дэс дума. Англа кода сар о Исусо тэ бишалэл лэ учениконэн тэ росԥэнэн пала Дэл, во драго росԥэндя лэнди, со вонэ трэбуй тэ терэн (Лука 10:1—11). Вонэ прилинэ кода, сости во лэн сытярэлас. Через када вонэ смоӷли тэ стерэн бут лашымос, и кадэлэстар лэнго ди фартэ лошавэлас (Лука 10:17).

7. Сар тэ подӷотовишся, кай тэ росԥэнэс пала Дэл? (Диқэн кадяжэ и картинка.)

⁷ Сар тэ подӷотовишся каринг и служэния? Погиндосар, пала со ту камэс тэ подэс дума и сар када тэ ԥэнэс пэстирэ алавэнца. Прецтавь, сар и мануша пэс андярэна, кала ашунэна тирэ алава, и тоди погиндосар, со ту ԥэнэса андэ кацаво маменто. Посли када тути ашэлапэ кати тэ андярэс пэс одялэс и ни пала со тэ на пэрэжываеш.

8. Васо о апостало Павло сыстосардя лэ христианонэн ла посудаса анда ӷлина?

⁸ О апостало Павло ԥэндя лэ ԥралэнди и лэ ԥэянди: «Амэ сар и посуда анда ӷлина, андэ сави исин кадэва сомнак» (2 Кр. 4:7). Со када за сомнак? Када амари служэния, сави фартэ куч (2 Кр. 4:1). Важ кода кай, кала амэ росԥэнас лэ манушэнди новость пала Царство, амэ спасысарас лэнди и жызня. Ай кас сыкавэл и посуда анда ӷлина? Када лэ Дэвлэстирэ служытеля. Васо о Павло призындярдя кацаво примеро? Андэ кодэя время и торӷовцоря пэрэандярэнас андэ ӷлиняно посуда кучутно товаро. Например, о хамос, о вино и ловэ. Амэ тожэ андярас лэ манушэнди кода, со фартэ куч, — лащи новость, сави о Иегова дя амэнди тэ росԥэнас. И во диқэл пала кода, кай амэндэ тэ авэл зор тэ стерас кадэя дила.

МАНГПЭ ПАЛА СМИЛОСТЬ

9. Со тэ терас, если амэ дарас тэ задас дума лэ манушэнца? (Диқэн кадяжэ и картинка.)

⁹ Дэкала амэ дарас тэ задас дума лэ манушэнца, важ кода кай гиндосарас, кай вонэ ԥэнэна или стерэна амэнди варисо вэрыто. Со поможыя тэ улас кацави дар? Погиндосар, пала со мангэнаспэ и апосталоря, кала лэнди запретисардэ тэ росԥэнэн важ о Дэл. Вонэ на домэклэ, кай и дар тэ тердярэл лэн. Вонэ манглэ лэ Иеговас: «Поможысар тирэ рабонэнди смило тэ росԥэнэн о алав тутар». И о Иегова сразу жэ ответил пэ лэндири молитва (Дила 4:18, 29, 31). Дэкала и дар англа мануша зритярэл амэн кодэлэстар, кай тэ росԥэнас важ о Дэл. Амэнди тожэ трэбуй тэ мангас лэ Иеговас, кай во тэ поможый амэнди фартэ тэ любисарас лэ манушэн. Тоди амэ на ласа тэ дарас тэ росԥэнас лэнди и лащи новость.

10. Сар о Иегова поможый амэнди тэ авас лэстирэ свидетеля? (Исайя 43:10—12).

¹⁰ О Иегова дя амэнди бах тэ авас лэстирэ свидетеля. И во дэл алав, кай поможыя амэнди тэ авас смили. (Проадинон Исайя 43:10—12.) Роздиқаса кати штар маменторя, сар во када терэл. Пэрво, кала амэ росԥэнас и лащи новость, амэ най екжэнэ — амэнца о Исусо (Матф. 28:18—20). Дуйто, о Иегова бишалэл лэ анӷелонэн, кай вонэ тэ поможын амэнди (Тайна 14:6). Трито, о Иегова дэл амэнди пэско свынто зор, саво поможыя тэ вспомним кода, со амэ ужэ ӷанас (Иоан. 14:25, 26). Штарто, амэндэ исин надёжни амала андэ служэния, када амарэ ԥрала и ԥэя. Лэ Иеговаса и амарэ ԥралэнца и ԥэянца амэндэ вся вижала!

АВ ӶОТОВО ВАРИСО ТЭ ПАРУВЭС И ДИК ПЭ ВСЯ ЛАЩЯ РИГАТАР

11. Со тэ терас, кала росԥэнас пала Дэл па цэра, ай нико на вижал? (Диқэн кадяжэ и картинка.)

¹¹ Кала ту росԥэнэс пала Дэл па цэра, ай нико на вижал, со тутэ по ди? Умэкэнпэ тутэ и вас? Тоди пуш пэстар: «Кай щяс кадэла мануша? Можэт, вонэ инке пэ бути или ԥирэн па маӷазиноря?» (Дила 16:13). Тоди авелоп драго тэ росԥэнэс пала Дэл пэ вулица — котэ ту арақэса май бут манушэн, чем па цэра. О ԥрал, савэс ақарэн Джо́шуа, ԥэнэн: «Манди чалёл тэ росԥэнав пала Дэл андэ барэ маӷазиноря и пэ стоянки». Во и лэстири хулаи, и Бри́джит, старыинпэ тэ росԥэнэн пала Дэл па цэра вэчэром и в курте десэ, тоди май бут мануша моӷут тэ авэн пэстэ цэрэ (Еф. 5:15, 16).

12. Со можно тэ стерэс, если о гиндо, саво амэ росԥэнас, на лэл лэ манушэн лэ одестар?

¹² Если о гиндо, саво амэ росԥэнас, на лэл лэ манушэн лэ одестар, попробуй тэ полэс, андэр со вонэ патян или пала со вонэ пэрэжывают. Акэ со важ када терэн о Джошуа и Бриджит. Вонэ задэн о вопросо па пэрво страница анда амарэ буклеторя. Например, анда буклето «Со ту гиндосарэс важ и Библия?». Вонэ ԥэнэн: «Дэсавэ гиндон, кай и Библия лэ Дэвлэстар. Авэр на патян андэ када. Ай со гиндос ту?» Через када часто залэлпэ лащи дума.

13. Васо амэ на хасарас и радость, дажэ если и мануша амэн на ашунэн? (Притчи 27:11).

¹³ Дажэ если и мануша амэн на ашунэн, кала амэ росԥэнас важ о Дэл, всаек можно тэ ԥэнас, кай амэ драго терас пэстири дила. Ӷлавно, кай амэ терас кода, со амэндар мангэл о Иегова и лэско Шаво, — росԥэнас и лащи новость (Дила 10:42). Дажэ если амэндэ на вижал варикаса тэ подас дума, амэ на хасарас и радость. Важ кода кай амэ ӷанас, кай уӷодисарас амарэ небеснонэ Дадэсти. (Проадинон Притчи 27:11.)

14. Васо амэ можэм тэ лошавас, кала най амэ, ай варико авэр виарақэл манушэс, саво камэл тэ уӷанэн о чачимос пала Дэл?

¹⁴ Кадяжэ амэ можэм тэ лошавас, кала варико андэ собрания виарақэл манушэс, саво камэл тэ уӷанэн о чачимос пала Дэл. Андэ «Сторожэво Башня» амари служэния сыстойпэ кодэлэса, кала родэн лэ бэятос, саво хасарделя. Лэс родэн бут мануша. Вонэ драго продиқэн вся и месность. Хоть обычно лэ бэятос виарақэл варико ек, кадэлэсти лошавэн всаворэ. Точно кадя жэ всаворэ ԥрала и ԥэя пристон о зор, кай о мануш тэ авэл лэ Исусоско ученико. Вонэ поможын тэ обжан ла собраниятири тиритория. И кала пэ собрания авэл нэво мануш, кажнонэстэ андар мэндэ исин, сости тэ лошавас.

ЛЮБИН ЛЭ ИЕГОВАС И ЛЮБИН ЛЭ МАНУШЭН

15. Сар о гиндо анда Матфеё 22:37—39 поможыя май фартэ тэ радосавас, кала росԥэнас пала Дэл? (Диқэн и картинка пэ обложка.)

¹⁵ Амэнди лэла май фартэ тэ чалёл тэ росԥэнас пала Дэл, если ӷлавно важ амэндэ авэла любовь каринг о Иегова и каринг и мануша. (Проадинон Матфеё 22:37—39.) Погиндон, сар о Иегова лошавэл, кала диқэл, сар амэ росԥэнас и лащи новость! И сави авэла радость кай и мануша, кала вонэ лэна тэ изучают и Библия! Ай инке ритярэн андо гиндо, кай кодэла, ко прилэна и лащи новость, смоӷут тэ жувэн вечно (Иоан. 6:40; 1 Тим. 4:16).

16. Сар тэ росԥэнас пала Дэл и тэ лошавас, дажэ если амэ нэ можэм тэ вижас анда цэр? Призындярэн примеро.

¹⁶ Возможно, через варисави причина ту нэ можэш тэ вижас анда цэр. Дажэ если када кадя, ту всаек можэш тэ сыкавэс пэстири любовь каринг о Иегова и каринг и мануша. Кала сас пандэмия КОВИДО-19, о Самве́ло и Да́ния ашэлэсаспэ цэрэ андэ штар стины. Андэ кодэя ԥари время вонэ часто росԥэнэнас важ о Дэл па телефоно, пистронас письморя и проандярэнас изучении Библии па зумо. Кай о Самвело инке сас найлащи дук. Кала во личияспэ андэ больница, во росԥэнэнас и лащи новость кодэлэнди, кас котэ диқэлас. Во ԥэнэн: «Через о ԥаримос можэт тэ на авэл зор и тэ авэн пэрэжывании. Када дажэ можэт тэ влияет пэ дружба лэ Иеговаса. Кай тэ виритярас када, амэ трэбуй тэ росԥэнас пала Дэл и тэ лошавас кадэлэсти». Кадэлэ ерестэ появисайля инке ек ԥаримос. И Дания пэля и трин шон пашлёлас и нэ моӷла тэ ԥирэл. Посли када вой епаш бэрш сас андэ инвалидно каляска. Вой ԥэнэн: «Мэ шавас сама пэ кода, со моӷла тэ терав андэ мэрни ситуацыя. Мэ росԥэнавас важ о Дэл ла медсестрати, сави амэндэ авэлас, и кодэлэнди, ко анэнас амэнди по цэр кода, со амэ заԥэнасас. Инке мандэ драго вижалас тэ дав дума па телефоно ла манушняса, сави терэлас андэ медицынско фирма». О Самвело и Дания нэ моӷли тэ терэн важ о Дэл кадя дэ бут, сар раньшэ. Важ када вонэ линэ тэ терэн кода, со па лэнго зор, и лошавэнас кадэлэсти.

17. Со трэбуй, кай и советоря анда кадэя статья тэ анэн амэнди май бут лашымос?

¹⁷ Если амэ приласа най кати ек дуй, ай всаворэ панч советоря анда кадэя статья, када анэна бут лашымос. Када сар, кала гитос варисаво хамос, кай во тэ авэл вкусно, важно тэ на бистрэс тэ шос вся, со трэбуй па рецепто. Если амэ тераса вся, сар пистромэ андэ кадэя статья, амэнди авэла май вушэро тэ улас о ԥаримос па ди и тэ лошавас, кала росԥэнас пала Дэл.