Мэк и любовь побудий тут тэ росԥэнэс пала Дэл!

1. Со амэ уӷанглям по ежэӷодно собрания андо 2023 бэрш?

И ЕЖЭӶОДНО собрания андо 2023 бэршa сас особено! И ԥрала росԥэндэ пала библейски гиндоря, савэ амэ лям тэ полас май драго. Например, амэ уӷанглям, кай лэ манушэндэ инке авэла возможность тэ залэн лэ Иеговастири риг дажэ посли кода, сар розмарэна о Ашунгло Вавилоно. Кадяжэ пэ кадэя собрания сас дэсавэ объявлении пала амари служэния. Амэ уӷанглям, кай лэ ноябрёстар 2023 бэршэстар и вазвещателя трэбуй тэ здэн о отчёто важ и служэния па аврятэ. Сыкавэл када, кай тэ росԥэнас пала Дэл важ амэндэ акана най кадя дэ важно? Канешно най!

2. Тэ росԥэнас пала Дэл кажнонэ десэса ашэл вся май важно и май важно. Васо? (Марко 13:10).

² Кажнонэ десэса тэ росԥэнас пала Дэл ашэл вся май важно и май важно. Васо? Важ кода кай пашол и время кадэла люмати. Погиндон пала кода, со о Исусо ԥэндя пала кадэя дила, сави лэна тэ терэн лэстирэ ученикоря андэ послидни деса. (Проадинон Марко 13:10.) О Матфеё запистросардя лэ Исусостирэ алава кадя: «Па вся и ԥув росԥэнэна и лащи новость... и тоди поджала и время кадэла люмати» (Матф. 24:14). Катэ и дума жал пала кода, кай о Дэл улэла и найлащи лэ Сатанастири люма. О Иегова ужэ стодя «дес и часо» важ и событии, савэ трэбуй тэ авэн англэ (Матф. 24:36; 25:13; Дила 1:7). Кажно дес амэ пашувас каринг кадэя бахтали время (Римо 13:11). Ай пока амэнди трэбуй тэ росԥэнас пала Дэл.

3. Со побудий амэн тэ росԥэнас пала Дэл?

³ Амэ погиндосараса пала кацаво вопросо: «Со побудия амэн тэ росԥэнас и лащи новость?» Если тэ ԥэнас еқэ алавэса — любовь. Кала амэ росԥэнас пала Дэл, амэ сыкавас, кай любисарас кадэя новость, лэ манушэн, ай само ӷлавно лэ Дэвлэс и лэско алав, Иегова. Давайте подаса дума пала када май драго.

АМЭ РОСԤЭНАС ПАЛА ДЭЛ, ВАЖ КОДА КАЙ ЛЮБИСАРАС И ЛАЩИ НОВОСТЬ

4. Сар амэ андярас пэс, кала ашунас и лашэ новости?

⁴ Со тутэ сас по ди, кала ту уӷанглян варисави лащи новость? Возможно, варикастэ анда тиро родо арақаделяпэ бэято. Или ту виарақлян бути, сави тути фартэ трэбуй сас. Канешно, тути пала када камэласпэ тэ росԥэнэс пэстирэ родости и лэ друӷонэнди. Ай сар ту пэс андярдян, кала ашундян само бахтали новость — када и лащи новость пала лэ Дэвлэско Царство?

5. Со тутэ сас по ди, кала ту пэрво разо уӷанглян о чачимос анда Библия? (Диқэн кадяжэ и картинки.)

⁵ Погиндосар пала время, кала ту пэрво разо уӷанглян о чачимос анда Библия. Ту полян, кай о небесно Дад любий тут и камэл, кай ту тэ авэс андэ лэско ери. Ту уӷанглян, кай во улэла вся о ԥаримос и дук. Ай инке тутэ появисайля надия упалэ тэ диқэс лэ манушэн, савэ тути куч, кала вонэ ринапэ каринг и жызня андо раё пэ ԥув (Мар. 10:29, 30; Иоан. 5:28, 29; Римо 8:38, 39; Тайна 21:3, 4). Кадэла гиндоря фартэ подритярдэ тут (Лука 24:32). Ту полюбисардян о чачимос, и тиро ди цырдэлас тут тэ росԥэнэс пала лэстэ! (Сыстон Иеремия 20:9.)

6. Сости амэн сытярэл кода, со сас андэ жызня кай о Эрнесто и Роза?

⁶ Акэ со сас еқэ ерестэ. Кала кай о Эрне́стоb муля о дад, лэсти сас 10 бэрш. Во загиндояспэ, ка́й акана находийпэ лэско дад: по нэбо или во просто на ашэля? Во завидуияс аврэ бэятонэнди, савэндэ исин дад и дэй. О Эрнесто почти кажно дес ԥирэлас пэ моӷилка и пэ чанга мангэласпэ лэ Дэвлэсти: «Дэл, мангав тут, поможысар манди тэ уӷанав, ка́й мэрно дад». Варикай через 17 бэрш лэсти предложыли тэ изучает и Библия, и во радостяса соӷласисайля. Во поля, кай кодэла, кас нинай, нисо на ӷанэн, кабута састэс совэн, и англэ вонэ ринапэ каринг и жызня (Эккл. 9:5, 10; Дила 24:15). Вся када ля лэс лэ одестар. Во виарақля ответоря пэ пэстирэ вопросоря, савэ мучинас лэс бут бэрша. Лэсти чалёлас о чачимос анда Библия. Лэстири хулаи и Роза тожэ ля тэ изучает, и вой полюбисардя кода, со уӷангля анда Библия. Андо 1978 бэрш вонэ болделэ. Вмести вонэ на жалуинас пэско зор, кай тэ росԥэнэн о чачимос пэстирэ ерести, друӷонэнди и аврэнди. О Эрнесто и Роза поможысардэ май бут чем 70 манушэнди тэ уӷанэн лэ Иеговас и тэ болдён.

7. Со амэ камас тэ терас через кода, кай андэ амаро ди бари любовь каринг о чачимос? (Лука 6:45).

⁷ Чаче, кала андэ амаро ди ԥабол и любовь каринг о чачимос анда Библия, амэ нэ можэм тэ ашас мулком. (Проадинон Лука 6:45.) Амэндэ кацаво жэ по ди, сар кай лэ Исусостирэ ученикоря андо пэрво вико. Вонэ ԥэндэ: «Амэ нэ можэм тэ ашас мулком и тэ на росԥэнас пала кода, со диқлям и ашундям» (Дила 4:20). Амэ любисарас о чачимос и важ када фартэ камас тэ росԥэнас лэс со май бутэ манушэнди.

АМЭ РОСԤЭНАС ПАЛА ДЭЛ, ВАЖ КОДА КАЙ ЛЮБИСАРАС ЛЭ МАНУШЭН

8. Со побудий амэн тэ росԥэнас аврэнди и лащи новость? (Диқэн и рамка «Любин лэ манушэн. Сытярэн, кай вонэ тэ ашэн ученикоря».) (Диқэн кадяжэ и картинка.)

⁸ О Иегова и лэско Шаво любин лэ манушэн (Прит. 8:31; Иоан. 3:16). Амэ камас тэ сытювас лэндар. Амэ анда оди жалуисарас аврэн, важ кода кай вонэ жувэн би лэ Дэвлэско и лэндэ нинай надия (Еф. 2:12). Вонэ тасон андо ԥаримос, ай амэндэ исин важ лэндэ спасательно круӷо — када и лащи новость пала лэ Дэвлэско Царство. Амэ любисарас кацавэ манушэн и жалуисарас лэн. Важ када камас тэ росԥэнас лэнди лащи новость вся и время, кала пэ када исин возможность. Кода, со вонэ уӷанэна пала Дэл, можэт тэ поможый, кай вонэ тэ авэн инке май бахталэ ужэ акана, ай кадяжэ, кай лэндэ тэ авэл надия пэ вечно «чачуни жызня» андо раё пэ ԥув (1 Тим. 6:19).

9. Пала со амэ росԥэнас лэ манушэнди и васо амэ када терас? (Иезекииль 33:7, 8).

⁹ Через и любовь каринг и мануша амэ кадяжэ камас тэ росԥэнас лэнди, кай пашол и время кадэла найлащя люмати. (Проадинон Иезекииль 33:7, 8.) Амэндэ фартэ дуқал оди, кала гиндосарас пала кода, со авэла всаворэ́ манушэнца, ай кадяжэ амарэ чаченца, савэ на служын лэ Иеговасти. Бут ко жувэл и на гиндой пала кода, кай авэла «бари бида, сави на сас кодэла времятар, сар появисайля и люма, жы каринг амари время и будэр никала на авэла» (Матф. 24:21). Амэ камас, кай вонэ тэ ӷанэн, со авэла андэ лэ Иеговаско сындо. Спэрва авэна розмардэ всаворэ хохавнэ веры, ай тоди андо Армагедоно — вся и найлащи люма (Тайна 16:14, 16; 17:16, 17; 19:11, 19, 20). Амэ мангаспэ, кай май бут мануша тэ шон сама пэ кода, со амэ лэнди росԥэнас, и ужэ акана тэ залэн лэ Иеговастири риг. Ай со авэла лэ манушэнца, савэ на ашунэн амэн, и амарэ родоса, саво амэнди куч, но пока на прилэл и лащи новость?

10. Васо акана фартэ важно тэ росԥэнас лэ манушэнди пала кода, со авэла англэ?

¹⁰ Сар ԥэнэнаспэ андэ статья, сави сас май данглал, возможно, о Иегова домэкэла тэ спасынпэ и мануша, савэ патяна андэр лэстэ, кала розмарэна и хохавнэ веры. Важ када фартэ важно акана тэ росԥэнас всаворэнди, кай о Ашунгло Вавилоно авэла улино. Погиндон: кода, со амэ ԥэнаса лэ манушэнди акана, вонэ смоӷут тэ вспомнят англэ. (Сыстон Иезекииль 33:33.) Можэт, вонэ погиндона пала кода, со амэ лэнди ԥэндям, и када побудия лэн вмести амэнца тэ тэлён лэ Иеговасти, пока инке исин время. Например, о охранико анда баруно андэ Филипы патяя андо Исусо посли кода, сар «фартэ тиносайля и ԥув» (Дила 16:25—34). Возможно, кала лэна тэ розмарэн о Ашунгло Вавилоно, када побудия дэсавэ манушэн тэ залэн лэ Дэвлэстири риг, кадя жэ сар када сас лэ охраникоса. Дажэ если вонэ адес на прилэн и лащи новость, када на сыкавэл, кай вонэ на парувэна пэско гиндо англэ.

АМЭ РОСԤЭНАС ПАЛА ДЭЛ, ВАЖ КОДА КАЙ ЛЮБИСАРАС ЛЭС И ЛЭСКО АЛАВ

11. Сар амэ хвалисарас лэ Иеговас, стас патив пэр лэстэ и отдас лэсти пэско зор? (Свынто тайна 4:11). (Диқэн кадяжэ и картинки.)

¹¹ Само ӷлавно, васо амэ росԥэнас и лащи новость, — важ кода кай любисарас лэ Иеговас и лэско свынто алав. Кала амэ терас лэстири дила, кадэлэса амэ поможысарас, кай о алав амарэ Дадэско тэ ашундёл инке май фартэ. (Проадинон Свынто тайна 4:11.) Амэ всаворэ́ одеса прилас кадэла алава: «Иегова, амаро Дэл, всаворэ трэбуй тэ прижанэн, кай ту ашунгло, пативало и зорало» (Тайна 4:11). Кала амэ росԥэнас аврэнди пала кода, со доԥэнэн, кай вся создал о Дэл и кай во дя амэнди и жызня, кадэлэса амэ хвалисарас лэ Иеговас и стас патив пэр лэстэ. Кала амэ тратисарас пэстири время, зор и ловэ, кай тэ росԥэнас пала Дэл, пэскати можэм, кадя амэ отдас лэсти пэско зор (Матф. 6:33; Лука 13:24; Клс. 3:23). Вся када амэ терас, важ кода кай амэнди чалёл тэ росԥэнас пала Иегова, савэс амэ любисарас. Кадяжэ амэнди камэлпэ тэ росԥэнас аврэнди пала лэско алав и пала кода, саво сыно амаро Дэл. Васо?

12. Сар кодэлэса, кай росԥэнас важ о Дэл, амэ терас, кай лэско алав тэ авэл свынто?

¹² Амэ любисарас лэ Иеговас, и када побудий амэн тэ терас вся, кай лэско алав тэ авэл свынто (Матф. 6:9). Амэ камас тэ злас о хохаимос па лэ Дэвлэско алав, саво андярдя пэр лэстэ о Сатана (Быт. 3:1—5; Иов 2:4; Иоан. 8:44). Амэ зашаспэ пала лэ Дэвлэско алав, кала росԥэнас пала лэстэ о чачимос всаворэнди, ко камэл амэн тэ ашунэл. Амэнди камэлпэ, кай и мануша тэ уӷанэн кода жэ, со и амэ ӷанас. Ӷлавно, со исин андэ амаро Дэл, — када и любовь. Во правий правильно и справедливо. Ӥто лэско Царство улэла вся о ԥаримос и дэла лэ манушэнди ладо и бахталицко жызня (Пс. 37:10, 11, 29; 1 Иоан. 4:8). Кала амэ зашаспэ пала лэ Иеговаско алав, амэ терас вся, кай во тэ авэл свынто. Кадяжэ амэ бахталэ, кай жувас кадя, сар прижал кодэлэнди, ко ԥиравэл лэско алав. Со када сыкавэл?

13. Васо амэ абуросарас, кай амэ лэ Иеговастирэ свидетеля? (Исайя 43:10—12).

¹³ О Иегова витидя, кай амэ тэ авас лэстирэ свидетеля. (Проадинон Исайя 43:10—12.) Андэ ек письмо, саво пистросардя о Руководящё совето, ԥэнэнаспэ: «Пар мэндэ ԥэнэн лэ Иеговастирэ свидетеля — када само бари бах, сави можэт тэ авэл кай о мануш»c. Васо можно кадя тэ ԥэнас? Роздиқам примеро. Прицтавь, кай тут дошалярэн андэ найлащи дила. Тути трэбуй свидетелё, саво авелоп по сындо и ԥэндоп, кай ту лашо мануш и кай ту пэ кацаво никала на жылоп. Кас ту витидоп? Канешно, кодэлэс, кас ту драго ӷанэс и касти патяс. Када трэбуй тэ авэл мануш, пала кастэ жал лашо алав и каринг кастэ приашундёна. О Иегова витидя, кай амэ тэ авас лэстирэ свидетеля. Кадэлэса во сыкадя, кай драго амэн ӷанэн и доверяет амэнди тэ росԥэнас пала лэстэ, кай во ек чачуно Дэл. Важ амэндэ тэ авас лэстирэ свидетеля — бари бах! Важ када амэ на умэкас и возможность тэ росԥэнас пала лэско алав и тэ доԥэнас, кай кода, со ԥэнэн пэр лэстэ, — када хохаимос. Кала амэ кадя терас, амэ сыкавас, кай амэ чаче лэстирэ свидетеля и абуросарас кодэлэса, кай ԥиравас лэско алав! (Пс. 83:18; Римо 10:13—15).

АМЭ ЛАСА ТЭ РОСԤЭНАС ПАЛА ДЭЛ ЖЫ КАРИНГ САМО ПОСЛИДНЁ ДЕС

14. Со ӥто трэбуй тэ авэл?

¹⁴ Со ӥто трэбуй тэ авэл? Амэ надеисавас, кай о Иегова блаӷословия, кай амэ росԥэнас важ лэстэ, и инке бут мануша прилэна о чачимос жы каринг кода, сар тэ залэлпэ и бари бида. Кадяжэ амэ радосавас кодэлэсти, кай андэ само ԥари время, сави никала на сас, и мануша смоӷут тэ вижан анда лэ Сатанастири люма. Амэ фартэ лошалэ, кай андэ кадэя бари бида и мануша залэна лэ Дэвлэстири риг и лэна тэ хвалин лэско алав (Дила 13:48).

15, 16. Со амэ ласа тэ терас и жы каринг сави время?

¹⁵ Ай акана амэндэ фартэ бут бути. Амэ терас и дила, сави будэр никала на авэла. Па вся и ԥув амэ росԥэнас и лащи новость пала лэ Дэвлэско Царство. Ай инке амэ росԥэнас лэ манушэнди, кай фартэ ӥто пашол и время кадэла найлащя люмати. И кала авэла лэ Дэвлэско сындо, вонэ полэна, кай и новость, пала сави амэ росԥэнасас, сас лэ Иеговастар (Иез. 38:23).

¹⁶ Со ту закамлян тэ терэс, кала проадиносардян кадэя статья? Любисар и лащи новость, лэ манушэн и само ӷлавно, лэ Дэвлэс и лэско алав, Иегова. Тоди ту лэса и май дур анда вся оди тэ росԥэнэс пала Дэл, пока о Иегова на ԥэнэна: «Хутила!»