Сар тэ арақэс пэстирэ манушэс?

1, 2. а) Сар о мануш можэт тэ полэл, кай во ӷотово тэ общяеца варикаса? б) Со када тэ общяешся варикаса? (Диқэн «Объяснения».)

КАМЭС ту, тэ жэниспэ или тэ жас миростэ? Кай тэ авэс бахтало када нэ обязательно. Но дэсавэ христианоря, тэрнэ или андэ бэршэндэ, родэн пэстирэ манушэс. Канешно, англа кода сар варикаса тэ общяешся, трэбуй тэ уӷанэс корко пэс, ай кадяжэ, кай тутэ тэ авэл састи дружба лэ Иеговаса. Инке трэбуй тэ сытёс тэ затерэс важ пэстэ (1 Кр. 7:36)a. Тоди, кала тутэ авэла ери, во авэла бахтало.

² Но най кадя дэ вушэро тэ виарақэс манушэс, саво тути поджала (Прит. 31:10). И дажэ если варико тути чалеля, можэт тэ авэл найвушэро тэ залэс тэ общяешсяb. Андэ кадэя статья амэ подаса дума, со поможыя тути тэ арақэс пэстирэ манушэс. Ай кадяжэ амэ уӷанаса, сар и ԥрала и ԥэя андэ собрания моӷут тэ подритярэн кодэлэн, ко камэл тэ жэнийпэ или тэ жал миростэ.

СО ПОМОЖЫЯ ТЭ АРАҚЭС МАНУШЭС, САВО ТУТИ ПОДЖАЛА?

3. Пала со трэбуй тэ погиндой кодэва, ко родэл пэстирэ манушэс?

³ Спэрва ту трэбуй тэ полэс, со ту камэс тэ диқэс андэ пэско мануш. Если ту када на стерэса, ту можэш тэ промэкэс лашэ манушэс или лэса общяца кодэлэса, ко тути на поджал. Канешно, тути трэбуй тэ витидэс анда кодэла, ко ужэ болделя (1 Кр. 7:39). Но най кажно, ко болделя, поджала тути. Важ када пуш пэстар: «Савэ цэли мандэ андэ жызня? Саво характеро мэ камав тэ авэл кай о мануш, саво авэла манди хулай чи хулаи? Годявэрнэс кода, со мэ аштярав?»

4. Пала со мангэнпэ дэсавэ ԥрала и ԥэя?

⁴ Если ту камэс тэ жэниспэ или тэ жас миростэ, ту, наверно, мангэспэ пала када (Флп. 4:6). Канешно, о Иегова нэ обещял, кай лэла тэ родэл важ тутэ хулас или хулая. Но во полэл, со тутэ по ди, и ӷанэн, со тути трэбуй. Во можэт тэ поможый тути тэ арақэс пэстирэ манушэс. Важ када росԥэн лэсти вся, со тутэ по ди, пала со ту пэрэжываеш и со ту камэс (Пс. 62:8). Мангпэ, кай о Иегова тэ поможый тути тэ аштярэс и тэ авэс мудро (Иак. 1:5). О ԥрал Джоноc анда Америка, саво най жэнато, росԥэнэн, пала со во мангэлпэ: «Мэ росԥэнав лэ Иеговасти, саво характеро мэ камав тэ авэл кай мэрни хулаи. Кадяжэ мэ мангавпэ, кай мандэ тэ авэл возможность тэ познакомлюсь варикаса. Ай инке мэ мангавпэ, кай мандэ тэ авэл кацаво характеро, саво трэбуй тэ авэл кай о лашо хулай». И ԥэй Таня анда Шри-Ланка ԥэнэн: «Мэ пока на виарақлэм пэстирэ манушэс, но мэ на умэкав и вас. Мэ мангав лэ Иеговас тэ поможый манди тэ на парашав тэ служысарав лэсти, кай мандэ тэ авэл радость андо ди, ай мэрни жызня тэ авэл бахтали». Дажэ если прижалапэ тэ аштярэс май долӷо, чем ту камлян, о Иегова лэла тэ заботийпэ пала тутэ и стерэла кадя, кай ту тэ додиқэс, кай во любий тут и шол сама (Пс. 55:22).

5. Со поможыя тэ познакомишся кодэлэса, ко фартэ любий лэ Иеговас? (1 Коринфо 15:58). (Диқэн кадяжэ и картинка.)

⁵ Андэ Библия пистромэ: «Стон бут зор андэ лэ Барэ Хуластири дила». (Проадинон 1 Каринфо 15:58.) Пристов бут зор, кай тэ служыс лэ Иеговасти, и общяйся разнонэ ԥралэнца и ԥэянца. Кадя ту най кати лэса драго тэ проандярэс и время, но и сможэш тэ познакомишся кодэлэнца, кастэ састи дружба лэ Иеговаса, и ко тожэ камэл тэ жэнийпэ или тэ жал миростэ. Старысав тэ радуис лэ Иеговас, и тоди тири жызня авэла па чачимастэ бахтали.

6. Пала со трэбуй тэ сэрэн и христианоря, савэ камэн тэ жэнинпэ чи тэ жан миростэ?

⁶ Када драго, если ту камэс тэ арақэс пэстирэ манушэс, но ав осторожно, кай и гиндоря пала када тэ на ашэн само ӷлавно андэ тири жызня (Флп. 1:10). Ту авэса па чачимастэ бахтало тоди, кала тутэ авэла састи дружба лэ Иеговаса, ай най тоди, кала жэнисапэ или жаса миростэ (Матф. 5:3). Кодэлэндэ, ко екжэнэ, май бут свобода (1 Кр. 7:32, 33). Используй кадэя время, кай тэ сытёс май бут тэ терэс андэ служэния. И ԥэй Дже́сика анда Америка, сави вижыля миростэ, кала лати сас варикай 40 лет, ԥэнэн: «Хоть мэ и камавас тэ жав миростэ, мэ на загиндосававас кати пала када. Мэ анда вся оди служысаравас лэ Иеговасти, и када поможыяс манди тэ ашавпэ лошали и бахтали».

НА ГРАБИСАВ — ПРИДИҚПЭ

7. Васо годявэрнэс тэ придиқэспэ каринг о мануш, англа кода сар тэ росԥэнэс, со тутэ андо ди каринг лэстэ? (Притчи 13:16).

⁷ Ԥэнаса, тути варико чалеля. Со тоди тэ терэс? Андэ Библия ԥэнэнпэ, кай о годявэрно поджал каринг любо дила годяса. (Проадинон Притчи 13:16.) Важ када авелоп годявэрнэс тэ придиқэспэ каринг о мануш, англа кода сар тэ ԥэнэс, со тутэ андо ди каринг лэстэ. О А́свино анда Нидерланды ԥэнэн: «И чуства моӷут ӥто тэ появинпэ и ӥто тэ прожан. Если тэ дэс пэсти время, тоди на лэса тэ грабиспэ и на лэса тэ общяешся кодэлэса, ко тути на поджал». Кала ту придиқэспэ каринг о мануш, ту, возможно, полэса, кай тумэ ек еқэсти вобще на поджан.

8. Со поможыя май бут тэ уӷанэс пала мануш? (Диқэн кадяжэ и картинка.)

⁸ Кай май бут тэ уӷанэс пала мануш, шув сама, сар во андярэл пэс пэ собрания и лэ друӷонэнца. Кадя ту полэса лэско характеро и сави лэстэ дружба лэ Иеговаса. Пуш пэстар: «Каса во дружый? Пала со во дэл дума? (Лука 6:45). Кацавэ жэ цэли лэстэ, сар и мандэ?» Кадяжэ ту можэш тэ подэс дума лэ барэдэрэ ԥралэнца андэ собрания или аврэ ԥралэнца и ԥэянца, савэндэ лащи дружба лэ Иеговаса и савэ драго лэс ӷанэн (Прит. 20:18). Например, пуш пала лэско характеро и розуӷан, со пала лэстэ дэн дума авэр (Руфь 2:11). Но кала ту придиқэспэ каринг о мануш, на ӷуль черезчур андэ лэстири жызня и на тер кадя, кай лэсти тэ ашэл лажаво. Стов патив пэр лэстэ.

9. Со трэбуй тэ полэс, англа кода сар тэ росԥэнэс, со тутэ андо ди каринг авэр мануш?

⁹ Скати трэбуй тэ аштярэс, кай тэ ԥэнэс лэ манушэсти, кай во тути чалёл? Если тэ стерэс када фартэ ӥто, лэсти можэт тэ здэлпэ, кай ту фартэ грабиспэ (Прит. 29:20). Ай авря ригатар, если кодэва мануш ужэ поля, кай чалёл тути, ай ту фартэ цырдэс и время, во можэт тэ погиндой, кай ту на ӷанэс, со тути трэбуй (Эккл. 11:4). На бистэр, если ту поджаса тэ подэс дума кадэлэ манушэса, када инке на сыкавэл, кай тумэ обязательно цэлэна о ябьяв. Но андэ кодэя жэ время, ту ужэ трэбуй тэ авэс уверено, кай ӷотово тэ жэниспэ или тэ жас миростэ и кай кадэва мануш можэт тэ ашэл важ тутэ лашо хулай чи хулаи.

10. Со тэ терэс, если ту диқэс, кай чалёс варикасти, ай во тути — най?

¹⁰ Ай со, если ту додиқлян, кай чалёс варикасти? Если тутэ нинай кацаво жэ андо ди каринг кадэва мануш, дэ лэсти ворта када тэ полэл. Авэла фартэ жэстоко, если ту андярэса пэс кадя, кай о мануш пэ варисо тэ надеийпэ (1 Кр. 10:24; Еф. 4:25).

11. Пала со трэбуй тэ сэрас, если амэн манглэ тэ арақас лэ манушэс важ амаро друӷо или родо?

¹¹ Андэ дэсавэ страны и родителя екжэнэ витидэн пэстирэ шавэсти хулая́ или пала кастэ тэ отдэн пэстиря щя. Ай андэ авэр ҭана о родо или и друӷоря знакомят кодэлэн, ко, сар лэнди здэлпэ, поджан ек еқэсти, и вонэ ужэ екжэнэ прилэн ришэния, лэна тэ общяюца чи най. Если амэн манглэ тэ виарақас лэ друӷости или лэ родости манушэс, амэнди трэбуй тэ шас сама пэ кода, со чалёл лэнди лэдонди. Кодэла, ко родэн варикасти манушэс, трэбуй май бут тэ уӷанэн пала лэ манушэско характеро, ай само ӷлавно — пала лэстири дружба лэ Иеговаса. И лащи дружба лэ Иеговаса пэ бутэстэ май важно, чем достатко, образования и ашунгло во чи най. Но давайте ласа тэ сэрас, кай потом о ԥрал и ԥэй екжэнэ лэна тэ ришают, лэна вонэ тэ жэнинпэ чи най (Гал. 6:5).

САР ТЭ ЗАЛЭС ТЭ ОБЩЯЕШСЯ?

12. Сар предложыть варикасти тэ общяетесь?

¹² Ни акэ, ту камэс варикасти предложыть тэ общяетесь. Сар када тэ стерэс?d Например, тумэ можэте тэ доԥэндён тэ диқэнпэ котэ, кай исин мануша, или тэ подэн дума па телефоно. Ворта ԥэн лэ манушэсти, кай во тути чалёл и кай ту камэс май драго тэ уӷанэс лэс (1 Кр. 14:9). Если о мануш нэ ӷотово сразу тэ ответит тути, дэ лэсти время тэ погиндой (Прит. 15:28). Ай если во на камэл туса тэ общяеца, стов патив пэ лэстири ришэния.

13. Со тэ терэс, если варико ԥэнэн тути, кай ту лэсти чалёс? (Калосы 4:6).

¹³ Ай со тэ терэс, если тути варико ԥэнэн, кай ту лэсти чалёс? Наверно, кадэлэ манушэсти прижыляпэ тэ пристол бут зор, кай тэ поджал каринг тутэ. Важ када дэ дума лэса ковлэс и стов патив пэр лэстэ. (Проадинон Калосы 4:6.) Если тути трэбуй время тэ погиндос, ԥэн пала када. Но старысав тэ дэс ответо май ӥто, кай о мануш тэ на аштярэл фартэ долӷо (Прит. 13:12). Если ту на камэс тэ общяешся кадэлэ манушэса, ԥэн пала када ворта, но ковлэс. Акэ сар андярдя пэс о ԥрал Хансо анда Австрия, кала и ԥэй предложыла лэсти общяца. Во ԥэнэн: «Мэ ворта, но ковлэс ԥэндэм лати най. Мэ стердэм када сразу, важ кода кай на камавас, кай вой пэ варисостэ тэ надеийпэ. Кадяжэ мэ лэм тэ андярав пэс кадя, кай вой тэ на погиндой, кай мэ моӷу тэ парував пэстири ришэния». Ай если ту закамэса тэ общяешся кадэлэ манушэса, подэн дума, со тумэ лэдуй аштярэн кадэлэстар. Важ кода кай тумэ можэте по разному тэ диқэн пэ кадэва вопросо через кода, сар тумэн барярдэ или кай тумэ жувэн.

САР МОӶУТ ТЭ ПОДРИТЯРЭН И ԤРАЛА И ԤЭЯ АНДА СОБРАНИЯ?

14. Сар амэ можэм тэ подритярас лэ ԥралэн, савэ найжэнати, и лэ ԥэян, савэ най миростэ?

¹⁴ Сар кажно андар мэндэ можэт тэ подритярэл кодэлэн, ко камэл тэ жэнийпэ чи тэ жал миростэ? Пэрво, трэбуй тэ слидон пала кода, со амэ дас дума (Еф. 4:29). Можэш тэ пушэс пэстар: «Подлав мэ кодэлэн, ко камэл тэ жэнийпэ чи тэ жал миростэ? Если мэ диқав, кай о найжэнато ԥрал дэл дума ла ԥьяса, сави най миростэ, сар мэ пэс андярав? Лав мэ тэ гиндосарав, кай вонэ чалён ек еқэсти, хоть, возможно, па чачимастэ нисо кацаво нинай?» (1 Тим. 5:13). Дуйто, нащи тэ домэкас, кай через амарэ алава или дила, и ԥрала, савэ найжэнати, и ԥэя, савэ най миростэ, тэ чуствуют, кай вонэ екжэнэ. О Хансо, пала саво амэ ужэ дям дума, росԥэнэн: «Дэсавэ моӷут тэ ԥэнэн: „Ӷольтяй, кала ту ужэ жэнисапэ? Скати тути бэрш? Ту ужэ ԥуро“. Через кацавэ алава ашэл фартэ ԥарэс, и лэс тэ гиндос, кай туса варисо най кадя и трэбуй ӥто варикас тэ виарақэс». Май фэдэр анда вся оди тэ хвалин кацавэ ԥралэн и ԥэян! (1 Фес. 5:11).

15. а) Пала со трэбуй тэ погиндос, англа кода сар тэ родэс варикасти лэ тэрнэс или ла тэрня? (Римо 15:2). (Диқэн кадяжэ и картинка.) б) Сости тумэ сытелэ, кала диқлэ о видео? (Диқэн и сноска.)

¹⁵ Ай со, если тути здэлпэ, кай о ԥрал и ԥэй драго поджан ек еқэсти? О Дэл сытярэл, кай амэ трэбуй тэ шас сама, со по ди кай и мануша. (Проадинон Римо 15:2.) Бут христианоря, савэ пока екжэнэ, на камэн, кай лэн тэ знакомят варикаса. И амэ трэбуй тэ стас патив пэ када (2 Фес. 3:11). Ай авэр, наоборот, камэн, кай лэнди тэ поможын. Но если амэн пала када на манглэ, на трэбуй тэ ӷуляс най андэ пэстири дила (Прит. 3:27)e. Дэсавэ христианоря, савэ камэн, кай лэн варикаса тэ познакомят, на камэн, кай када тэ авэл ворта. Акэ со ԥэнэн и ԥэй Лидия анда Германия, сави най миростэ: «Можно тэ стидэн компания и тэ ақарэн кордэ лэ ԥралэс и ла ԥья, савэ, сар здэлпэ, поджан ек еқэсти. Кадя вонэ смоӷут тэ уӷанэн ек еқэс и екжэнэ тэ прилэн и ришэния: тэ общяюца чи най».

16. Пала со трэбуй тэ сэрэн и христианоря, савэ пока екжэнэ?

¹⁶ Амэндэ всаворэндэ можэт тэ авэл бахтали и интересно жызня и нэ важно, исин амэндэ хулай чи хулаи или най (Пс. 128:1). Важ када, если ту камэс тэ арақэс пэстирэ манушэс, но пока на арақлян, на параш анда вся оди тэ служыс лэ Иеговасти. И ԥэй анда Мака́о, савя ақарэн Синь И, ԥэнэн: «Ту лэса вся и вечность тэ жувэс андо раё пэстирэ манушэса. И кала ту лэса тэ вспоминаеш пала время, пока инке на санас миростэ, ту полэса, кай вой провуряйля фартэ ӥто. Важ када радосав ла жызняти и годявэрнэс проандяр и время, сави тутэ исин». Но со, если ту арақлян пэстирэ манушэс, и тумэ линэ тэ общяетесь? Андэ авэр статья амэ подаса дума, сар андэ кадэя время тэ полэс, поджал тути кадэва мануш чи най.