Со поможыя кодэлэнди, ко ля тэ общяюца, тэ прилэн годявэрни ришэния?

1, 2. Со дэсавэ ԥэнэн пала время, кала вонэ общялись?

ОБЫЧНО важ кодэла, ко общяюца, када лащи время, и вонэ аштярэн англэ бут лашымос. Бут ко ԥэнэна, кай кадя и исин. Если ту акана общяешся манушэса, ту, канешно, камэс тэ проандярэс кадэя время кадя, кай пала латэ потом драго тэ вспоминаеш. И ԥэй анда Эфиопия, савя ақарэн Ци́онa ԥэнэн: «Кала амэ лэ хуласа общялись, када сас райкани время! Амэ дасас дума пала важни темы, но андэ кодэя жэ время бут асасас. Мэ сымас бахтали, кай уӷанглэм манушэс, савэс любисарав и саво любий ман».

² Акэ со ԥэнэн о Але́сио анда Нидерланды: «Канешно, и время, кала амэ общялись мэрня тэрняса, — када на пэрэдэса алавэнца, сави дэ лащи время. Но авря ригатар, на сас вся кадя дэ вушэро». Андэ кадэя статья амэ уӷанаса, савэ трудности исин кодэлэндэ, ко лэн тэ общяюца, и савэ библейски советоря лэнди поможына. Кадяжэ амэ роздиқаса, сар авэр андэ собрания моӷут тэ подритярэн кодэлэн, ко ля тэ общяюца.

КАЛА ОБЩЯЕТЕСЬ, СЭРЭН ПАЛА ЦЭЛЬ

3. Сави цэль трэбуй тэ авэл кодэлэндэ, ко общяюца? (Притчи 20:25).

³ Кала о ԥрал и ԥэй андэ собрания общяюца ек еқэса, кадэя время можэт тэ анэн лэнди бут радость. Но авря ригатар, вонэ трэбуй серьёзно тэ диқэн пэ кадэя время, важ кода кай лэнди трэбуй тэ прилэн важно ришэния. Если вонэ закамэна тэ жэнинпэ, тоди андо дес, кала авэла ябьяв, вонэ солахана англа Иегова. Вонэ дэна алав, кай лэна тэ стон патив ек пэ еқэстэ, тэ любин и тэ подритярэн ек еқэс вся и время, пока жувэн пэ ԥув. Амэ серьёзно диқас пэ любо солах. (Проадинон Притчи 20:25.) Кодэла, ко общяюца, трэбуй май драго тэ уӷанэн ек еқэс, кай тэ полэн, поджан вонэ ек еқэсти чи най. Если вонэ полэна, кай трэбуй тэ парашэн тэ общяюца, када на сыкавэл, кай вонэ стердэ варисо нэправильно. Када кати сыкавэл, кай вонэ домарделэ пэстири цэль — прилинэ важ пэстэ ришэния.

4. Васо всаворэнди трэбуй правильно тэ диқэн пэ кода, кала и мануша общяюца?

⁴ Кала ту варикаса общяешся, сэр пала цэль — када тэ прилэс ришэния. Если ту пала када сэрэс, тоди на лэса тэ залэс и общения лэ манушэса, пэ саво на камэс тэ жэниспэ или пала саво на камэс тэ вижас. Но пала кадэя цэль трэбуй тэ сэрэн всаворэ, ай най кати кодэла, ко пока екжэнэ. Например, дэсавэ аштярэн, кай если о ԥрал и ԥэй андэ собрания линэ тэ общяюца, тоди вонэ обязательно трэбуй тэ пожэнинпэ. Сар када можэт тэ повлияет пэ кацавэ христианоря? И ԥэй Мели́са, сави най миростэ и жувэл андэ Соединёни Штаты, ԥэнэн: «Дэкала андэ собрания лэн тэ тасавэн пэ кацавэ мануша, и кодэла, ко общяюца, лэн тэ гиндон, кай вонэ обязани тэ пожэнинпэ, лиш бы тэ уӷодин аврэнди. Важ када дэсавэ на парашэн тэ общяюца, дажэ если полэн, кай на поджан ек еқэсти. Ай авэр, савэ диқэн пэ када ригатар, даран дажэ и тэ гиндон, кай варикаса тэ залэн и общения».

ДРАГО УӶАНЭН ЕК ЕҚЭС

5, 6. Со трэбуй тэ уӷанэн ек пала еқэстэ кодэла, ко общяюца? (1 Пётро 3:4).

⁵ Если ту варикаса общяешся, со поможыя тути тэ полэс, трэбуй тумэнди тэ пожэнинпэ чи най? Старысав драго тэ уӷанэс лэ манушэс. Канешно, дэсо ту ужэ ӷанэс пала лэстэ. Но важно тэ полэс, со лэстэ «андрэ, андо ди». (Проадинон 1 Пётро 3:4.) Например, уӷан, сави дружба лэ Иеговаса кай кадэва мануш, саво лэстэ характеро и сар во гиндой. Ӷэт май интя ту сможэш тэ дэс ответоря пэ кацавэ вопросоря: «Авэла во чи вой важ мандэ лашо хулай чи хулаи? (Прит. 31:26, 27, 30; Еф. 5:33; 1 Тим. 5:8). Вижала амэндэ тэ подритярас ек еқэс? Сможэм амэ тэ на шас сама пэ ек еқэстирэ нэдостаткоря? (Римо 3:23)»b. Сэр акэ со: важно най кода, пэскати тумэ шонпэ, ай пэскати тумэ ӷотови тэ уступин ек еқэсти.

⁶ Со инке тути трэбуй тэ уӷанэс пала авэр мануш? Англа кода сар ту присытёса каринг лэстэ, ту, возможно, закамэса тэ подэс дума пала варисавэ важни темы, например, пала тумарэ цэли. Ай можэт, пала варисавэ лични вопросоря, например, пала зор, пала проблемы лэ ловэнца или пала ԥаримос, саво тумэ пэрэжудэ. Най пала вся када трэбуй тэ дэс дума сразу, сар кати тумэ линэ тэ общяетесь. (Сыстон Иоано 16:12.) Если ту полэс, кай важ кадэя дума инке на поджыля время, кадя и ԥэн. Но сэр, кай варикала тути всаек прижалапэ тэ подэс дума, важ кода кай тумэнди трэбуй тэ прилэн годявэрни ришэния, ай кай када тэ стерэн, тумэ трэбуй драго тэ ӷанэн ек еқэс.

7. Сар о ԥрал и ԥэй, савэ общяюца, моӷут май драго тэ уӷанэн ек еқэс? (Кадяжэ диқэн и рамка «Если тумэ жувэн дур ек еқэстар».) (Диқэн кадяжэ и картинки.)

⁷ Сар па чачимастэ тэ уӷанэс лэ манушэс, саво во? Ек анда со май лашо маменто — када ворта и би хохаимаско тэ дэн дума ек еқэса. Задэ вопросоря и внимательно ашун (Прит. 20:5; Иак. 1:19). Со андэ када поможыя? Например, вмести хан, ӷуляйте, росԥэнэн важ о Дэл. Кадяжэ можно май драго ек еқэс тэ уӷанэн, если проандярэн и время лэ друӷонэнца и лэ еренца. Ай инке терэн дила, сави поможыя тумэнди тэ диқэн, сар кажно андар тумэндэ андярэл пэс андэ разни ситуацыи и разнонэ манушэнца. Акэ со терэлас о А́свино анда Нидерланды, кала общялся ла Алисия́са, сави потом ашэля лэстири хулаи: «Кай тэ уӷанас ек еқэс май драго, амэ витидасас разно дила. Например, амэ вмести тавасас тэ хан и терасас авэр цэрутни дила. Када поможыяс амэнди тэ додиқас, со исин лашо андар мэндэ и андэр со трэбуй тэ парудювас».

8. Саво лашымос анэна, если вмести тэ розлэн и гиндоря анда Библия?

⁸ Кадяжэ тумэ уӷанэна ек еқэс май драго, кала вмести розлэн и гиндоря анда Библия. Если тумэ пожэнинапэ, тумэнди авэла трэбуй тэ витидэн время важ и семейно изучения. Кадэлэса тумэ сыкавэна, кай о Дэл тумэндэ по пэрво ҭан андо ери (Эккл. 4:12). Но авелоп драго, кай тумэ ужэ акана тэ витидэн время, кай тэ розлэн и гиндоря анда Библия вмести. Канешно, кодэла, ко общяюца, инке най ери и о ԥрал най хулай пэ ԥэй. Но через кода, кай тумэ вмести лэна тэ розлэн и дэвликунэ вопросоря, тумэ сможэте тэ диқэн, сави тумэндэ дружба лэ Иеговаса. О ери анда США, о Максимо и Ла́йза, ԥэнэн пала авэр лашымос. О Максимо росԥэнэн: «Сар кати амэ лям тэ общяемся, амэ лям тэ розлас и статьи пала общения, ябьяв и ери. Блаӷодаря кадэлэсти амэ смоӷли тэ подас дума пала вопросоря, пала савэ амэнди авелоп найвушэро тэ задас дума».

ПАЛА СО ИНКЕ ТРЭБУЙ ТЭ ПОГИНДОН

9. Пала со трэбуй тэ погиндон кодэла, ко линэ тэ общяюца, кала витидэн, касти тэ росԥэнэн пала када?

⁹ Касти трэбуй тэ росԥэнэн пала кода, кай тумэ общяетесь? Када витидэн тумэ екжэнэ. Возможно, тумэ ришына, кай спэрва пала када тэ ӷанэн кати дэсавэ мануша (Прит. 17:27). Кадя пэр тумэндэ на лэна тэ шон чересчур бут сама и тэ задэн лишни вопросоря. Но авря ригатар, если тумэ лэна тэ гаравэн пэстири общения всаворэндар, тумэнди, возможно, прижалапэ тэ проандярэн и время кати дуйжэнэ, ай када опасно. Важ када авелоп драго, кай пала тумари дружба тэ ӷанэн хоть варико. Тоди во сможэт тэ дэл тумэнди лашо совето или тэ поможый инке варисар (Прит. 15:22). Например, можэте тэ росԥэнэн пала кода, кай линэ общяца, варикасти анда родо, лэ друӷонэнди, савэндэ лащи дружба лэ Иеговаса, или лэ барэдэрэ ԥралэнди анда собрания.

10. Со поможыя лэ манушэнди, савэ общяюца, тэ андярэн пэс вужэс? (Притчи 22:3).

¹⁰ Сар тэ андярэн пэс вужэс? Со май бут время тумэ проандярэн вмести, со май фартэ тумэн лэла тэ цырдэл ек еқэстэ. Со поможыя, кай тумэ вужэс пэс тэ андярэн? (1 Кр. 6:18). На росԥэнэн ек еқэсти билажаварди дума, на ашэнпэ екжэнэ и авэн осторожни лэ пимаса (Еф. 5:3). Через када тумэндэ моӷут тэ появинпэ найлашэ гиндоря, савэ авэла ԥарэс тэ зритярэн. Часто дэн дума, со тумэ можэте тэ стерэн, кай тэ на дуқавэн лэ Иеговаско ди и тэ на лажаварэн ек еқэс. (Проадинон Притчи 22:3.) Акэ со стердя о Дави́т и А́лмаз анда Эфиопия. Вонэ росԥэнэн: «Амэ проандярасас и время котэ, кай сас бут мануша, или лэ друӷонэнца. Амэ никала на ашасаспэ екжэнэ андэ машына или андо цэр. Када фэрияс амэн кодэлэстар, кай тэ на стерас бэзэх».

11. Кодэла, ко общяюца, моӷут тэ закамэн тэ приоблэн ек еқэс, тэ лэнпэ вастэсар или варисар па аврятэ тэ сыкавэн пэстирэ чуства. Но пэр со лэнди трэбуй тэ шон сама?

¹¹ Ай можно кодэлэнди, ко общяеца, тэ приоблэн ек екэс, тэ лэнпэ вастэсар или варисар па аврятэ тэ сыкавэн пэстирэ чуства? Кала тумэ уӷанэна ек еқэс май драго, возможно, тумэ закамэна кадя пэс тэ андярэн. Но трэбуй тэ ритярэн пэс андэ вас, важ кода кай и жэлания тэ авэн вмести можэт тэ ашэл фартэ бари, и тоди тумэнди авэла ԥарэс тэ андярэн пэс годявэрнэс (Песня 1:2; 2:6). Кала тумэ сыкавэн пэстирэ чуства, авэн осторожни, кай тэ на стерэн варисо найлашо (Прит. 6:27). Важ када, сар кати тумэ линэ тэ общяетесь, подэн дума пала лэ Иеговаско законо и пала кода, со тумэ лэна тэ терэн, ай со пэсти на домэкэна (1 Фес. 4:3—7)c. Пушэн пэстар: «Моӷут варикастэ андар мэндэ тэ появинпэ и нэправильни жэлании через кода, сар амэ пэс андярас? Ай на авэла нэловко через када аврэ манушэнди?».

12. Пала со трэбуй тэ погиндон, кала тумэ на дополэн ек еқэс?

¹² Со тумэ терэн, кала на дополэн ек еқэс? Если тумарэ гиндоря на сжанпэ, сыкавэл када, кай тумэндэ на авэла нисаво лашымос англэ? Най, када най кадя. Кацаво сас бутэндэ. О састо ери — када дуй мануша, савэ шон сама, со ек еқэстэ по ди. Кода, сар тумэ ришын и проблемы акана, сыкавэл сар тумэ лэна када тэ терэн англэ. Пушэн пэстар: «Вижал амэндэ тэ дас дума пала вопросоря спокойно и пативалэс? Прижанас амэ пэстири дош и старысавас тэ парудювас? Ӥто амэ уступисарас ек еқэсти, мангас прощения и простисарас?» (Еф. 4:31, 32). Если тумэ споринпэ пала кажно маменто ужэ акана, и ситуацыя на ашэла май фэдэр, кала тумэ пожэнинапэ. Если ту полэс, кай кадэва мануш на поджал тути, тоди со май лащи ришэния важ тумэндэ лэдондэ — тэ парашэн тэ общяетесьd.

13. Со поможыя тэ полэн, скати трэбуй тэ общяетесь?

¹³ Скати время трэбуй тэ общяетесь? Сар ԥэнэнпэ, кодэва, ко грабийпэ, хала о муй лажаимастар (Прит. 21:5). Вижал, тумэнди трэбуй тэ общяетесь скати трэбуй, кай драго тэ уӷанэн ек еқэс. Но авря ригатар, на трэбуй тэ цырдэн и время просто кадя. Андэ Библия ԥэнэнпэ: «Кала долӷо аштярэс, лэл тэ дуқал оди» (Прит. 13:12). Кадяжэ со май бут время тумэ общяетесь, со май ԥарэс тумэнди авэла тэ зритярэн пэс, кай тэ на стерэн билажавардимос (1 Кр. 7:9). Чем тэ гиндон, скати тумэнди инке трэбуй тэ общяетесь, фэдэр пушэн пэстар: «Со манди инке трэбуй тэ уӷанав пала кадэва мануш, кай тэ прилав ришэния?»

САР ТЭ ПОДРИТЯРАС КОДЭЛЭН, КО ОБЩЯЮЦА?

14. Сар амэ всаворэ можэм тэ поможысарас кодэлэнди, ко общяюца? (Диқэн кадяжэ и картинка.)

¹⁴ Если варико, кас амэ ӷанас, общяюца, со амэ можэм важ лэндэ тэ стерас? Например, амэ можэм лэн тэ ақарас амэндэ цэрэ тэ хан, пэ семейно изучения или просто вмести тэ отцыювас (Римо 12:13). Вся када поможыя лэнди тэ уӷанэн ек еқэс май драго. Возможно, лэнди трэбуй тэ авэл варико паша лэндэ, кала вонэ варикаринг ладэн или жан, или ҭан, кай спокойно тэ подэн дума (Гал. 6:10). И Алисия и о Асвино блаӷодарни, кай лэнди андэ када поможынас. И Алисия ԥэнэн: «Дэсавэ ԥрала и ԥэя ақарэнас амэн пэстэ, кай амэ моӷли тэ побэшас дуйжэнэ, но андэ кодэя жэ время тэ ашаспэ аврэндэ пэ яқа. Када сас роздраго!» Если кодэла, ко общяюца, манглэ тут тэ авэс паша лэндэ, цэнисар када. Кадя вонэ сыкавэн, кай патян тути. На ашав лэн екжэнэн, но и авря ригатар, на тердюв пэ кор, кай лэндэ тэ авэл возможность тэ подэн дума пала варисо пэско (Флп. 2:4).

15. Со амэ инке можэм тэ терас важ кодэла, ко ля тэ общяюца? (Притчи 12:18).

¹⁵ Амэнди трэбуй тэ гиндосарас, со тэ дас дума, ай со най. Кадэлэса амэ сможэм тэ подритярас кодэлэн, ко общяюца. Дэкала амэ трэбуй тэ зритярас пэс. (Проадинон Притчи 12:18.) Например, амэнди фартэ камэлпэ май ӥто тэ росԥэнас пала када аврэнди. Но можэт, кадэла мануша екжэнэ камэн тэ росԥэнэн кадэя новость? Кадяжэ амэ на трэбуй тэ дас дума лэндэ пала думэ и тэ сындосарас лэн пала лэндири ришэния (Прит. 20:19; Римо 14:10; 1 Фес. 4:11). Кадяжэ кадэлэ манушэнди можэт тэ авэл нэловко, если амэ лэнди задас вопросоря, со вонэ лэна тэ терэн англэ. И ԥэй Эли́з и лако хулай ԥэнэн: «Амэнди сас нэловко, кала амэндар пушэнас пала ябьяв. Амэ дажэ екжэнэ пала када инке на дям дума».

16. Сар пэс тэ андярас, кала о ԥрал и ԥэй парашэлэ тэ общяюца?

¹⁶ Ай со если о ԥрал и ԥэй полинэ, кай важ лэндэ авэла фэдэр тэ парашэн тэ общяюца? Амэнди на трэбуй тэ ӷуляс андэ лэндири дила и тэ залас варикастири риг (1 Пёт. 4:15). И ԥэй, савя ақарэн Лия, росԥэнэн: «Жалас разно дума пала кода, васо амэ парашэлям тэ общяемся. Манди кадэлэстар сас фартэ ԥарэс». Сар амэ ужэ ԥэнасас май данглал андэ статья, кала и мануша парашэн тэ общяюца, када на сыкавэл, кай вонэ стердэ варисо най кадя. Обычно, када просто сыкавэл, кай и общения поможысардя лэнди тэ прилэн ришэния. Но всаек лэ ԥралэстэ и ла ԥьятэ можэт тэ авэл ԥарэс по ди, и вонэ моӷут тэ гиндон, кай ашэлэпэ екжэнэ. Важ када, амэнди трэбуй тэ погиндосарас, сар лэн тэ подритярас (Прит. 17:17).

17. Пэр со трэбуй тэ пристон о зор кодэла, ко общяюца?

¹⁷ Сар амэ ужэ диқлям, кала о ԥрал и ԥэй андэ собрания общяюца, када анэн лэнди радость, ай кадяжэ дэсавэ трудности. И Дже́сика росԥэнэн: «Кай май драго тэ уӷанас ек еқэс, амэнди трэбуй сас лэдонди тэ пристас зор пэ када. И хоть пэ када ужыля фартэ бут время и зор, но всаек кадэя время сас бахтали!». Если тумэ акана общяетесь, пристон о зор май драго тэ уӷанэн ек еқэс. Када поможыя тумэнди тэ прилэн годявэрни ришэния.