Тер кадя, сар ԥэнэн о Дэл

1, 2. Васо лэ Дэвлэстирэ мануша бахталэ? (Иаково 1:22—25).

О ИЕГОВА и лэско кучутно Шаво камэн, кай амэ тэ авас бахталэ. Андо Псалом 119:2 ԥэнэнпэ: «Бахталэ кодэла, ко терэн кадя, сар во сытярэл, ко родэл лэс всаворэ одеса». О Исусо кадяжэ ԥэндя: «Бахталэ кодэла, ко ашунэл о алав лэ Дэвлэстар и терэл кадя, сар во ԥэнэн!» (Лука 11:28).

² Лэ Иеговаско народо — бахтало народо. Васо? Пэ када исин бут маменторя. Ек андар лэндэ — амэ кажно дес адиносарас и Библия и старысавас тэ прилас андэ жызня кода, со уӷанас. (Проадинон Иаково 1:22—25.)

3. Сар парувэл амари жызня кода, кай амэ прилас и библейски советоря?

³ Кала амэ терас кадя, сар ԥэнэн о Дэл, када анэн лашымос андэ вся амари жызня. Например, амэ точно ӷанас, кай кадэлэса радосарас лэ Иеговас. И важ када амэ бахталэ (Эккл. 12:13). Кадяжэ, кала амэ прилас андэ жызня и библейски советоря, амэ инке май драго ладисарас андо ери, лэ друӷонэнца, лэ ԥралэнца и лэ ԥэянца андэ христианско ӷурто. Кадя и исин, чаче жэ? Инке амэ обжас бут проблемы, савэ точно авэна кодэлэндэ, ко на шол сама пэ лэ Дэвлэско законо. Амэндэ по ди кадя жэ, сар кай о царё Давидо. Во пистросардя, кай лэ манушэндэ авэла бут лашымос, если вонэ жувэна па лэ Иеговаско законо, подритярэна лэстирэ ришэнии и кандэна лэс (Пс. 19:7—11).

4. Васо найвушэро тэ терас кадя, сар ԥэнэн о Дэл?

⁴ Кай тэ жувас кадя, сар ԥэнэн о Дэл, амэнди трэбуй тэ адиносарас и Библия и тэ уӷанас андар латэ май бут. Но най вся и время вушэро тэ витидас и время пэ када. Давайте подаса дума, со поможыя амэнди тэ адиносарас и Библия кажно дес, тэ гиндосарас пала кода, со проадиносардям, и тэ прилас када андэ пэстири жызня.

ВИАРАК ВРЕМЯ, КАЙ ТЭ АДИНОС ЛЭ ДЭВЛЭСКО АЛАВ

5. Сави важно дила исин кай и христианоря?

⁵ Кай лэ Иеговастирэ служытеля андэ жызня фартэ бут дила. Всаворэ́ христианонэндэ исин обязаности англа Дэл. Например, бут ко андар мэндэ терэл бути, кай тэ затерэл важ пэстэ и важ пэско ери (1 Тим. 5:8). Варико диқэл пала пэско родо, савэстэ найлашо зор или ԥурэ бэрша. Кадяжэ амэ всаворэ заботисавас пала пэско зор, ай пэ када трэбуй бут время. Инке амэндэ исин задании андо ӷурто. И само ӷлавно андар лэндэ — тэ росԥэнас и лащи новость. Сар через бут дила тэ виарақас время, кай тэ адиносарас и Библия, тэ гиндосарас и тэ прилас латирэ советоря?

6. Со тэ стерэс, кай и Библия тэ авэл по пэрво ҭан андэ жызня? (Диқэн кадяжэ и картинка.)

⁶ Андэ Филипы 1:10 ԥэнэнпэ, кай амэ всегда тэ витидас кода, «со па чачимастэ важно». Тэ адиносарас и Библия — када ек анда со май важно дила. Андо Псалом 1:1, 2 пала бахтало мануш ԥэнэнпэ: «[Во] радуийпэ лэ Иеговастирэ законости, и во лэс адиной и гиндой пала лэстэ дес и рят». Кадэла алава сыкавэн, кай кала амэ адиносарас и Библия, трэбуй тэ отдас кадэлэсти время, скати трэбуй. Сави время важ када со май драго поджал? Кажно дэла ответо по разному. Ӷлавно, кай амэ тэ терас када кажно дес. О ԥрал, савэс ақарэн Викторо, росԥэнэн: «Манди чалёл тэ адиносарав и Библия тэсара. Хоть мэ на любисарав тэ ущяв рано, важ мандэ када со май спокойно время. О шэро инке нисоса най замардо и мэ моӷу тэ адиносарав внимательно». Ай со можно тэ ԥэнас пала тутэ? Пуш пэстар: «Сави время важ мандэ со май лащи, кай тэ адиносарав и Библия?»

ПОГИНДОСАР ПАЛА КОДА, СО ПРОАДИНОСАРДЯН

7, 8. Васо можэт тэ авэл кадя, кай амэ адиносарас, но када на анэн лашымос? Росԥэнэн примеро.

⁷ Кажно дес амэ бут со уӷанас нэво. Но най вся заритярдёл андо шэро. Сас тутэ кадя, кай варисо проадиносардян, ай через дэсавэ деса, ужэ нисо на сэрэс? Кацаво сас бутэндэ. Кадя можэт тэ авэл и тоди, кала амэ адиносарас и Библия. Возможно, ту витидян важ пэстэ, скати ӷлавы ту лэса тэ адинос кажно дес. Райканэс! Кацави цэль трэбуй тэ стон англа пэстэ всаворэ и тэ домардён ла (1 Кр. 9:26). Спэрва амэ можэм тэ стас цэль просто тэ адиносарас и Библия. Но на трэбуй тэ тердювас кати пэ када. Кай и Библия тэ анэн май бут лашымос, на хутила ла просто тэ адинос — трэбуй инке варисо.

⁸ Погиндосар пала кацаво примеро. Кай пэ ԥув варисо тэ барёл, трэбуй паи, например, о брышын. Но если важ найбари время жала баро брышын, тоди и ԥув фартэ ростиндёла и нэ сможэт тэ впитой о паи. Можно тэ ԥэнас, кай кадэва паи ужэ на анэна нисаво лашымос. Трэбуй тэ прожал время, кай и ԥув тэ впитой о паи. Кадяжэ, если амэ грабисавас, кала адиносарас и Библия, и камас тэ проадиносарас май бут, тоди амари годи нэ сможэт тэ впитой и тэ уритярэл андэр пэстэ кода, со амэ проадиносардям (Иак. 1:24).

9. Если нащи астарэс о гиндо, кала адинос и Библия, со трэбуй тэ терэс?

⁹ Сас тутэ кацаво, кай ту грабиспэ, кала адинос и Библия? Если да, со тоди тэ терэс? Адиносар май полокэс. Сэр, кай тири цэль най кати варисо тэ проадинос, но и тэ погиндос пала када. Варикас када даравэл. Но па чачимастэ када най кадя дэ ԥарэс. Просто притердюв и погиндосар пала кода, со кати проадиносардян. Када можэш тэ терэс, кала инке адинос, или в концэ. Возможно, кала ту екжэно изучаеш и Библия, ту закамэса тэ терэс када май долӷо, кай тэ обгиндос кода, со уӷанглян. Или мэк тири изучения прожал па время кадя, сар раньшэ, но адиносар май набут стихоря. Акэ, со ԥэнэн о Викторо: «Мэ на старысавав тэ адиносарав важ ек разо май бут, чем ек ӷлава. Мэ адиносарав и Библия тэсараса, важ када мандэ исин цыло дес тэ гиндосарав пала кода, со уӷанглэм». Со бы ту тэ на витидоп, ӷлавно тэ адинос кадя, кай тэ астарэс о гиндо, саво проадиносардян (Пс. 119:97; диқэн и рамка «Вопросоря, кай тэ погиндос»).

10. Со поможыя тэ прилэс кода, пала со проадиносардян андэ Библия? Росԥэнэн примеро (1 Фесалоники 5:17, 18).

¹⁰ И акэ ту полян важ пэстэ, кала и скати тэ адинос. Акана трэбуй тэ прилэс кода, со уӷанглян. Кала ту проадиносардян варисо анда Библия, пуш пэстар: «Сар кадэла гиндоря поможына манди акана или май англэ?» Ԥэнаса, ту проадиносардян 1 Фесалоники 5:17, 18 (проадинон). Ту притердёс и гиндос: «Часто мэ мангавпэ? Анда ди мэ када терав чи най?» Тоди ту сгиндос, васо ту блаӷодарно лэ Иеговасти, и ԥэнэс лэсти наис, например, пала трин лэстирэ подаркоря. Ту шутян сама, со щас сас? Кати важ дэсавэ минуты, кала ту обгиндосас и библейски стихоря, ту най кати ашундян лэ Иеговаско ӷолосо, но и прилян лэско совето. Ай прецтавь, со авэла, кала ту лэса тэ терэс када кажно дес! Тутэ лэла май драго тэ вижал тэ терэс кадя, сар ԥэнэн о Дэл. Но со, если тутэ умэкэнпэ и вас через кода, кай трэбуй бут со тэ парувэс андэр пэстэ?

АВ СЭЖО, КАЛА СТОС ЦЭЛИ

11. Васо тутэ дэкала моӷут тэ умэкэнпэ и вас? Росԥэнэн примеро.

¹¹ Кала адинос и Библия и полэс, сар дэ бут андэр пэстэ трэбуй тэ парувэс, тутэ моӷут тэ умэкэнпэ и вас. Акэ сар када можэт тэ авэл: адес ту адинос андэ Библия пала кода, кай трэбуй всаворэнца тэ обжаспэ еқэндар (Иак. 2:1—8). И ту камэс тэ прилэс кадэва совето. Райкани цэль! Тэся ту адинос пала кода, васо важно тэ слидос пала пэстири дума (Иак. 3:1—12). Ту полэс, кай чаче, дэкала тирэ алава най ковлэ и на подритярэн аврэн. Ту камэс тэ парудёс андэ када. Ай послитэся о библейско стихо сыкавэл, васо опасно тэ дружыс кадэла люмаса (Иак. 4:4—12). И ту диқэс, кай трэбуй тэ авэс май осторожно, кала витидэс, сар тэ отцыёс. Каринг о штарто дес, ту полэс, сар дэ бут тути трэбуй тэ парувэс андэр пэстэ, и кадэлэстар лэл тэ тирёл о шэро.

12. И Библия можэт тэ сыкавэл, кай трэбуй бут андэр со тэ парудёс. Васо на трэбуй тэ умэкэс и вас через када? (Диқэн кадяжэ и сноска.)

¹² Если ту полэс, кай бут со трэбуй тэ парувэс, на умэк и вас. Наоборот, када драго, кай кала адинос и Библия, ту старыиспэ тэ додиқэс, андэр со трэбуй тэ парудёсa. Када сыкавэл, кай тутэ лашо ди, и ту найӷордо, ай кадяжэ, кай ту на хохавэс корко пэс. Сэр: кай тэ лэс пэр пэстэ «о нэво характеро», трэбуй время и зор (Клс. 3:10). Со поможыя тути и май дур тэ терэс кадя, сар ԥэнэн о Дэл?

13. Сар тэ авэс сэжо, кала витидэс цэль? (Диқэн кадяжэ и картинка.)

¹³ Кала адинос и Библия, на старысав тэ прилэс вся и сразу. Ав сэжо и на стов англа пэстэ фартэ бут цэли (Прит. 11:2). Стер акэ со: запистросар дэсавэ маменторя, савэ тути трэбуй тэ парувэс, ай тоди витидэ ек или дуй андар лэндэ, ай вся авэр отстов. Состар трэбуй тэ залэс тэ парудёс?

14. Савэ цэли ту спэрва можэш тэ стос англа пэстэ?

¹⁴ Спэрва можэш тэ стос англа пэстэ цэль тэ парувэс андэр пэстэ кода, со важ тутэ май вушэро. Или можэш тэ витидэс май ԥари цэль. Посли кода сар ту витидян цэль, май бут уӷан, сар ла тэ домардёс. Андэ када тути поможына амарэ публикацыи. Например, «Списко па темы андэ публикацыи кай лэ Иеговастирэ свидетеля» или «Справочнико па публикацыи кай лэ Иеговастирэ свидетеля». Мангпэ пала пэстири цэль, и кай о Иегова тэ поможый тути тэ цырдэспэ тэ терэс и дила, и кай тутэ тэ авэл зор (Флп. 2:13). Тоди тер кадя, сар уӷанглян. Кала ту додиқэса, кай домардёс пэстири цэль, ту, наверно, закамэса тэ жас и каринг авэр цэли. Если ту шутян сама, андэр со тутэ вижыля тэ парудёс и ашэлян май лашо христианино, тоди када придэла тути зор. И тэ парудёс май дур тути авэла, файма, май вушэро.

МЭК И БИБЛИЯ ДЭЛ «ЗОР ТЭ ТЕРЭН И ДИЛА»

15. Соса лэ Иеговастирэ служытеля на шонпэ пэ бут авэр мануша, савэ адинон и Библия? (1 Фесалоники 2:13).

¹⁵ Дэсавэ мануша абурон кодэлэса, кай бут разоря проадиносардэ и Библия. Но патян вонэ андэ кода, сости вой сытярэл? Прилэн вонэ латирэ советоря, и влияет вой пэ лэндири жызня чи най? Жалко, но часто о ответо — «най». Лэ Иеговастирэ мануша диқэн пэ Библия па аврятэ. Амэ кадя жэ, сар и христианоря андо пэрво вико, прилям ла «сар о алав лэ Дэвлэстар», сави вой и исин па чачимастэ. И амэ старысавас тэ жувас кадя, кай тэ дицол, кай и Библия парувэл амари жызня. (Проадинон 1 Фесалоники 2:13.)

16. Со поможыя амэнди тэ терас кадя, сар ԥэнэн о Дэл?

¹⁶ Чаче, тэ адиносарас и Библия и тэ прилас латирэ советоря най всегда вушэро. Амэнди можэт тэ авэл ԥарэс тэ арақас и время, кай тэ адиносарас лэ Дэвлэско Алав. Или, можэт, амэ присытелям тэ адиносарас фартэ ӥто и тэ на астарас о гиндо. Ай возможно, амэндэ умэкэнпэ и вас, кала амэ диқас, скати трэбуй тэ парувас андэр пэстэ. Саво бы ԥаримос амэндэ тэ на авэл, лэ Иеговаса амэндэ вижала вся тэ стерас. Давайте вся и время тэ прилас лэстири помощь. На ласа тэ бистрас кода, со амэ проадиносардям, но ласа тэ терас кадя, сар ԥэнэн о Дэл. Со май бут амэ ласа тэ адиносарас и Библия и тэ прилас латирэ советоря, со май бахталэ амэ аваса (Иак. 1:25).