Родителя, поможын пэстирэ бэятости тэ ашэл май пашэ каринг о Иегова

1, 2. Сар и родителя тэ андярэн пэс, кала лэнго бэято задэл лэнди вопросоря пала Дэл и пала Библия?

БУТ мануша полэн, кай тэ барярэс бэятос — када ԥари бути. Родителя, тумэ пристон бут зор, кай тэ поможын пэстирэ бэятонэнди састэс тэ тердён пэ лэ Дэвлэско дром (Втор. 6:6, 7). Тэ авэл тумэнди зор важ када! Пока о бэято барёл, во можэт тэ задэл дэсавэ найвушэри вопросоря, например васо и Библия дэсо на домэкэл тэ терас.

² Мэк када тумэн на́ пэрэдаравэл. На́ гиндон, кай о бэято задэл кацавэ вопросоря, важ кода кай на патял андо Дэл. Па чачимастэ, кадя во камэл тэ полэл и жызня. И андэ када нинай ни́со — о бэято просто лэл тэ барёл (1 Кр. 13:11). Кочай на трэбуй фартэ тэ загрыжонпэ. Фэдэр кажно разо, кала о бэято варисо тумэндар пушэл, на́ умэкэн кадэва маменто! Поможын лэсти тэ погиндой, васо кода, со пистромэ андэ Библия, — чачимос.

3. Со амэ роздиқаса андэ кадэя статья?

³ Андэ кадэя статья амэ роздиқаса, сар и родителя моӷут тэ поможын пэстирэ бэятости: 1) май састэс тэ патял андо Иегова, 2) май фартэ тэ любий лэ Дэвлэско законо и 3) тэ сытёл тэ зашолпэ пала кода, андэр со патял. Кадяжэ амэ уӷанаса, васо драго, кала и бэяцэ варисо пушэн, и со и родителя моӷут тэ терэн, кай лэ бэятонэнди тэ авэл интересно тэ дэн дума пала Библия.

ПОМОЖЫН ЛЭ БЭЯТОСТИ МАЙ САСТЭС ТЭ ПАТЯЛ

4. Пала со можэт тэ пушэл о бэято и васо?

⁴ Амэ полас, кай и вера на пэрэдэлпэ лэ родителёнэндар. Амэ жэ на лям тэ патяс андо Иегова сразу сар арақаделям. И амарэ бэяцэ — тожэ. О бэято можэт тэ пушэл, например: «Катар мэ ӷанав, кай о Дэл исин? Можно тэ патяс ла Библияти?» И када драго. Дажэ андэ Библия ԥэнэнпэ, кай амэнди трэбуй тэ терас вся годяса и андэ вся тэ розласпэ (Рим. 12:1; 1 Фес. 5:21). Сар тоди тэ поможыс пэстирэ бэятости май фартэ тэ патял андо Иегова?

5. Со моӷут тэ терэн и родителя, кай о бэято май фартэ тэ патял ла Библияти? (Римо 12:2).

⁵ Сытярэн лэ бэятос тэ родэл о чачимос. (Проадинон Римо 12:2.) Кала тумаро бэято задэл тумэнди вопросоря, на промэкэн када. Поможын лэсти тэ виарақэл ответоря через амарэ публикацыи и видеоря. Кадя во додиқэла, кай и Библия — када най просто интересно книжка, сави пистросардэ и мануша, ай «о алав лэ Дэвлэстар» (1 Фес. 2:13). Роздиқаса ек примеро. Андэ Библия пистромэ пала дэлмутно асирийско форо Ниневия. Варикала дэсавэ учони ԥэнэнас, кай кадэва форо никала на сас. Но андэ 1850-ти бэрша вонэ виарақлэ кода, со лэстар ашэляпэ. Кадэва случаё инке еқвар доԥэнэн, кай андэ Библия пистромэ чачимос (Соф. 2:13—15). Кадяжэ андэ Библия сас запистромэ, со авэла ла Ниневияса. И вся ашэля кадя, сар сас ԥэндо май данглал. Пала када тумаро бэято можэт тэ проадиной андэ статья «Ниневия. Со тердяпэ кадэлэ фороса?» андэ «Сторожэво башня» пала ноябрё 2021 бэрш. Кала во лэла тэ сыстой кода, со ԥэнэнпэ андэ амарэ публикацыи, кодэлэса, со ԥэнэнпэ андэ разни инцыклапедии и авэр ашунглэ книжки, во май драго полэла, кай ла Библияти можно тэ патяс.

6. Сар и родителя моӷут тэ поможын лэ бэятости май фартэ тэ патял ла Библияти? Призындярэн примеро. (Кадяжэ диқэн и картинка.)

⁶ Витидэн интересно способо, кай тэ поможын лэ бэятости май фартэ тэ патял ла Библияти. Родителя, старыинпэ тэ залэн интересно дума лэ бэятонэнца важ и Библия и важ о Дэл. Например, када можно тэ стерэн андо музеё, андо батаническо садо или пэ выставка андо Вефилё. Кала тумэ ԥирэн па музеё или продиқэн лэс па интэрнэто, шон лэ бэятостири сама пэ варисостэ и росԥэнэн, сар када сԥангло ла Библияса. Кадя во лэла тэ патял кодэлэсти, со пистромэ андэ Библия. Ай ӷанэн тумаро бэято важ о Мавицко бар? Када баро бар, савэсти 3000 бэрш, и пэр лэстэ пистромэ лэ Дэвлэско алав. О чачуно бар тердёл андо Лувро (Парижо, Францыя). Ай и копия можно тэ диқэс пэ выставка «Библия и лэ Дэвлэско алав» андэ лэ Иеговастирэ свидетелёнэндири всемирно ӷлавно управления андо Уорвико (США). Пэ кадэва бар пистромэ, кай о Меша, саво сас царё андо Маво, звазглясаспэ против Израилё. И када зжалпэ кодэлэса, со ԥэнэнпэ андэ Библия (2 Цар. 3:4, 5). Кала тумаро бэято пэстирэ яқэнца диқэла, кай вся, со запистромэ андэ Библия, сас па чачимастэ, во лэла инке май састэс тэ патял андэр латэ. (Диқэн 2 Летопись 9:6.)

7, 8. а) Сости амэн сытярэн и шукарнэ узороря андэ природа? Призындярэн примеро. (Кадяжэ диқэн и картинка.) б) Савэ вопросоря поможына тумарэ бэятости инке май фартэ тэ патял андо Дэл?

⁷ Поможын лэ бэятости тэ шол сама по шукаримос, саво создал о Иегова. Кала прожанпэ андо парко или терэн варисо аврял, поможын лэ бэятости тэ шол сама пэ шукарнэ узороря андэ природа. Мэк во полэл: если исин кацавэ узороря, значит, исин и кодэва, ко лэн стердя. Например, и учони ужэ бут бэрша май драго розуӷанэн и спиральни узороря. Ек учоно, савэс ақарэн Нико́ла Фаме́ли, ԥэнэн, кай, если тэ подадинос и спирали андэ варисаво предмето анда природа, можно тэ полэс, кай андэ кода, скати лэн, исин порядко. Пэ кацаво порядко ԥэнэн «рядо Фибоначи»a. Кацавэ узороря можно тэ додиқэс везде: андэ дэсавэ галактики, андэ ракушки, пэ савэ ԥэнэн «наутилусо», андэ листочкоря пэ растения и андо подсолнухоb.

⁸ Андэ школа тумаро бэято уӷанэна, кай андэ май бут предметоря анда природа исин порядко или законоря, па савэ вонэ стердэ. Например, андэ кажно снежынка исин пэстирэ узороря, пэ савэ ԥэнэн фракталоря. Но кацавэ фрактальни узороря исин най кати андэ снежынка. Ко када вся стердя? Кала тумаро бэято лэла тэ гиндой пала кацавэ найпрости вопросоря, во полэла, кай вся стердя о Дэл (Евр. 3:4). Кала о бэято подбарёла, тумэ можэте тэ пушэн лэстар: «Если о Дэл амэн создал, хэба во на сытярэла амэн тэ жувас кадя, кай тэ авас бахталэ?» Ай потом тумэ можэте тэ росԥэнэн, кай кадэлэсти о Дэл сытярэл амэн через и Библия.

NASA, ESA, and the Hubble Heritage (STScl/AURA)-ESA/Hubble Collaboration

ПОМОЖЫН ЛЭ БЭЯТОСТИ МАЙ ФАРТЭ ТЭ ЛЮБИЙ ЛЭ ДЭВЛЭСКО ЗАКОНО

9. Если о бэято пушэл, васо и Библия дэсо на домэкэл тэ терэс, со можэт тэ сыкавэл лэско вопросо?

⁹ Дэкала о бэято можэт тэ пушэл, васо и Библия дэсо на домэкэл тэ терэс. Старыинпэ тэ полэн, васо во када пушэл. Сыкавэл када, кай во на патял кодэлэсти, сости сытярэл и Библия? Када най всегда кадя. Можэт, во просто на ӷанэн, сар тэ росԥэнэн аврэнди, андэр со во патял. Сар бы тэ на авэл, лэско вопросо сыкавэл, кай авэла драго тэ адинон лэса и книжка «Жувэн вечно пэ бахтатэ!»c.

10. Сар тэ поможын лэ бэятости тэ полэл, кай о Иегова можэт тэ авэл лэско друӷо?

¹⁰ Поможын лэ бэятости тэ полэл, кай о Иегова можэт тэ авэл лэско друӷо. Кала тумэ розуӷанэн и Библия пэстирэ бэятоса, старыинпэ, кай во май бут тэ дэл дума. Кадя тумэ уӷанэна, со лэстэ андо ди и со во гиндой па чачимастэ. Андэ када тумэнди дэна помощь и вопросоря и примероря анда книжка «Жувэн вечно пэ бахтатэ!» (Прит. 20:5). Например, андэ 8-мо ӷлава о Иегова сыстойпэ лэ лашэ друӷоса, саво ӷотово тэ фэрий лэ найлашымастар. Кала роздиқэна 1 Иоано 5:3, тумэ можэте тэ пушэн: «Если о Иегова — амаро само лашо друӷо, сар амэ трэбуй тэ диқас пэ лэстирэ советоря?» Кадэва просто вопросо поможыя лэ бэятости тэ полэл, кай о Дэл стодя законоря, важ кода кай любий амэн (Ис. 48:17, 18).

11. Сар тэ стерэн кадя, кай о бэято тэ закамэл тэ жувэл па советоря анда Библия? (Притчи 2:10, 11).

¹¹ Дэн дума пала кода, сар и советоря анда Библия терэн амари жызня май бахтали. Кала тумэ вместе адинон и Библия или о стихо пэ кажно дес, дэн дума, сар и советоря анда Библия анэн лашымос тумарэ ерести. Например, вместе погиндон, васо драго никала тэ на хохавэн и тэ любин тэ терэн дила (Евр. 13:18). Кадяжэ шон лэ бэятостири сама пэ кода, кай, кала амэ терас кадя, сар ԥэнэн и Библия, амэ ашас инке май бахталэ и май зоралэ (Прит. 14:29, 30). Кала во полэла, кай и библейски советоря поможын бахталэс тэ жувас, во закамэла тэ жувэл пар лэндэ. (Проадинон Притчи 2:10, 11.)

12. Сар о Стиво и лэстири хулаи поможын пэстирэ шавэсти тэ полэл, кай и библейски советоря анэн лашымос?

¹² О Сти́во пэстирэ ереса жувэл андэ Францыя. Во и лэстири хулаи поможын пэстирэ шавэсти лэ Итаности, савэсти 16 бэрш, тэ полэл, кай о Иегова стодя законоря важ кода, кай любий амэн. Вонэ росԥэнэн: «Например, амэ пушас лэстар: „Васо о Иегова камэл, кай амэ тэ ритярас кадэва законо? Сар па кадэва законо дицол, кай о Иегова любий имено тут? Со авэла, если ту стерэса най кадя, сар потԥэнэн о Иегова, ай па пэстирятэ?“». Через кацави дума о И́тано поля, кай во можэт андэ вся тэ патял лэ Иеговасти, важ кода кай во нисо вэрыто на потԥэнэна. Инке о Стиво ԥэнэн: «Амэ старысавас тэ поможысарас лэ Итаности драго тэ полэл, кай и Библия пэбутэстэ май годявэр, чем вся, сости сытярэн и мануша».

13. Сар и родителя моӷут тэ сытярэн лэ бэятос тэ приашундёл каринг и советоря анда Библия? Призындярэн примеро.

¹³ Сытярэн лэ бэятос тэ жувэл па советоря анда Библия. Ԥэнаса, лэ бэятости задинэ андэ школа тэ проадиной варисави книжка. Можэт, андэр латэ росԥэнэнпэ важ и жэстоки и билажавардэ мануша, но о автаро вистол лэн лащя ригатар. Поможын лэ бэятости тэ полэл, со по ди кай о Иегова, кала и мануша андярэн пэс кадя, сар росԥэнэнпэ андэ кадэя книжка (Прит. 22:24, 25; 1 Кр. 15:33; Флп. 4:8). Тоди, если о учителё или и однокласникоря пушэна, со во гиндой пала кадэя книжка, во сможэт тэ росԥэнэн лэнди, андэр со во патял и васо во камэл тэ кандэл лэ Иеговас.

ПОМОЖЫН ЛЭ БЭЯТОСТИ ТЭ ЗАШОЛПЭ ПАЛА КОДА, АНДЭР СО ПАТЯЛ

14. Савэ темы моӷут тэ даравэн лэ тэрнорэ христианонэн и васо?

¹⁴ Дэкала и тэрнорэ христианоря даран тэ росԥэнэн аврэнди пала кода, андэр со патян. Например, кала андо класо дэн дума, кай вся ляпэ корко пэстар, лэнди можэт тэ авэл лажаво тэ ԥэнэн англа всаворэ, кай вонэ андэ када на патян. Васо? Бут ко анда учителя доԥэнэн важ и эвалюцыя кадя, ԥэнэса када чачимос. Родителя, сар тумэ можэте тэ поможын пэстирэ бэятости тэ на парашэл тэ патял, кай и Библия сытярэл лэ чачимасти?

15. Со поможыя лэ тэрнорэ христианиности тэ полэл, кай кода, андэр со во патял, правильно?

¹⁵ Поможын лэ бэятости тэ полэл, кай кода, андэр со во патял, правильно. Тумарэ бэятости на трэбуй тэ лажал, кай во ӷанэн о чачимос пала кода, сар появисайля и жызня (2 Тим. 1:8). Дажэ бут учони на патян, кай вой ляпэ корко пэстар. Вонэ диқэн, кай вся, со исин андэ люма, стердо фартэ годявэрнэс и не моӷло тэ лэлпэ корко пэстар. Важ када вонэ на патян кодэлэсти, сости сытярэн андэ школа. Со поможыя лэ бэятости май састэс тэ патял андо Дэл и тэ авэл май смило? Например, мэк во уӷанэн, васо авэр ԥрала и ԥэя патян, кай о Дэл исинd.

16. Сар и родителя моӷут тэ сытярэн лэ бэятос тэ росԥэнэн аврэнди, васо во патял андо Дэл? (1 Пётро 3:15). (Кадяжэ диқэн и картинка.)

¹⁶ Сытярэн лэ бэятос тэ росԥэнэн аврэнди, васо во патял андо Дэл. (Проадинон 1 Пётро 3:15.) Роздиқэн лэса и статьи по сайто jw.org, андэ савэ росԥэнэнпэ пала кода, сар вся появисайля. Потом мэк о бэято витидэл кодэва гиндо, саво лэсти чалеля, и пар лэстэ росԥэнэн тумэнди, васо во патял андо Дэл. Када поможыя лэсти тэ авэл ӷотово тэ дэл дума лэ однокласниконэнца. Ԥэнэн лэ бэятости, кай лэсти на трэбуй никаса тэ спорийпэ. Ай если варико закамэла май бут тэ уӷанэн пала Дэл, важно, кай лэ бэятости дума тэ авэл просто и понятно. Например, о однокласнико ԥэнэн: «Мэ патяв кати андэ кода, со диқав. Ай лэ Дэвлэс мэ никала на диқлэм». Пэ када о тэрноро ԥрал или ԥэй можэт тэ ԥэнэн: «Прецтавь: ту жас па вэш, саво фартэ дур лэ форостар, и акэ додиқэс хаинг. Со тутэ авэла андо шэро? Дажэ если паша тут никас нинай, понятно жэ, кай ла варико стердя. Точно кадя жэ и амаря ԥувьяса и всаворэса, со пэр латэ исин. Вся када трэбуй сас варико тэ стерэл!»

17. Сар и родителя моӷут тэ сытярэн лэ бэятос тэ росԥэнэн аврэнди важ и Библия? Призындярэн примеро.

¹⁷ Сытярэн лэ бэятос тэ росԥэнэн важ и Библия аврэнди (Римо 10:10). Тэ росԥэнэс важ и Библия аврэнди — када сар тэ сытёс тэ дилабэс пэ ӷитара или пэ пианина. Амэ залас тэ сытювас тэ дилабас прости диля, ай потом, кала ужэ сытелям май драго, амэндэ вижал тэ дилабас и май ԥарэ. Кала о тэрноро христианино камэл тэ росԥэнэн варикасти, андэр со во патял, во можэт тэ залэл просто дума. Например, можно тэ пушэс пэстирэ однокласникостар: «Ту ӷанглян, кай бут решэнии важ пэстирэ изобретении и учони линэ анда природа? Камэс, мэ сыкавава тути ек видео пэ кадэя тема?» Тоди сыкав о видео: «Дэзначай чи када сас загиндомэ?» и ԥэн: «И мануша часто хвалин лэ учононэн, хоть вонэ просто линэ кода, со ужэ сас андэ природа. Касти тоди прижал о лашо алав важ и ӷлавно идея?» Можэт, посли када о однокласнико закамэла май бут тэ уӷанэн важ о Иегова.

НА ПАРАШЭН ТЭ ПОМОЖЫН ЛЭ БЭЯТОСТИ ТЭ АШЭЛ МАЙ ПАШЭ КАРИНГ О ИЕГОВА

18. Сар и родителя моӷут тэ поможын лэ бэятости тэ ашэл май пашэ каринг о Иегова?

¹⁸ Амэ жувас андэ люма, кай фартэ бут мануша на патян андо Иегова (2 Пёт. 3:3). Важ када, кучутнэ родителя, кала тумэ розуӷанэн и Библия пэстирэ бэятоса, поможын лэсти май драго тэ розлэлпэ андэ кодэла темы, через савэ во инке май фартэ лэла тэ любий лэ Дэвлэс и лэско законо. Шон лэстири сама пэ кода, сар дэ шукарнэс вся стердя о Иегова. Поможын лэсти тэ уӷанэн, сар тердяпэ кода, со пистромэ андэ Библия. Ай само ӷлавно — мангэнпэ лэса и пала лэстэ. Родителя, патян: о Иегова цэний вся, со тумэ терэн, кай тэ поможын пэстирэ бэятости тэ ашэл май пашэ каринг лэстэ. Амаро Дэл обязательно блаӷословия тумэн (2 Лет. 15:7).