Бандяр пэско ди

Кала амэ адиносарас и Библия, амэ камас, кай лэ Иеговастирэ гиндоря тэ парувэн амэн. Но амаро ди трэбуй тэ авэл ӷотово каринг када. Амэ можэм тэ сытювас кай о Ездра, саво бандярдя «пэско ди, кай май драго тэ уӷанэн лэ Иеговаско законо» (Езд. 7:10). Со трэбуй важ када тэ стерэс?

Мангпэ. Старысав кажно разо тэ мангэспэ англа кода, сар тэ адинос и Библия. Манг лэ Иеговас тэ поможый тути тэ полэс и тема и тэ пристос зор тэ терэс кадя, сар уӷанглян (Пс. 119:18, 34).

На гиндосар пала пэстэ бут. О Дэл гаравэл о чачимос кодэлэндар, ко надеийпэ пэ пэстири годи (Лука 10:21). Кала ту камэс варисо тэ уӷанэс май драго, тер када най кай тэ сыкавэс аврэнди, сар дэ бут ту ӷанэс. Если ту диқэс, кай трэбуй варисо тэ парувэс андэр пэстэ, ковляр пэско ди и парудюв.

Ашун амарэ диля. И музыка можэт фартэ тэ лэл амэн лэ одестар. Важ када попробуй тэ ашунэс ек анда амарэ диля англа кода, сар тэ лэс тэ адинос. Тоди тути авэла май вушэро тэ прилэс кода, со ԥэнэн тути о Иегова.