Сытювас май драго тэ служисарас. Дэ помощь кодэлэсти, кас сытярэс па Библия, кай во екжэно тэ адиной и тэ полэл, со лэна тэ прожан

ВАСО КАДА ВАЖНО? Кала кодэва, ко сытёл па Библия, екжэно адиной и полэл кода, со лэна тэ прожан, тоди лэсти авэла май вушэро тэ полэл и тэ сэрэл, со во уӷангля. Кала во май бут полэл и сэрэл, тоди лэстири вера ашэл май састи. Када дэла помощь лэсти и тоди, кала во болдёла. Важ кода кай лэсти трэбуй авэла тэ адиной и тэ полэл, со лэна тэ прожан пэ собрания и кай тэ росԥэнэн важ о Дэл. Кадя во сыкавэл, кай на парашэл тэ терэл лэ Дэвлэстири дила (Мф 25:13). Вижал, кала о мануш ӷанэн драго тэ росполэл кода, со пистромэ андэ Библия и на промэкэл время, кай екжэно тэ сытёл, када анэна лашимос лэсти пэ вся жизня. Важ када спэрва дэ помощь лэ манушэсти, кай во тэ присытёл екжэно тэ адиной и тэ полэл, со лэна тэ прожан.

САР КАДА ТЭ ТЕРЭС?

• 

  Ав кацаво, кай тутар тэ сытён (Рм 2:21). Адиносар и полэ екжэно, сости ту лэса тэ сытярэс лэ манушэс и шу сама, со трэбуй лэ манушэсти, саво сытёл (km-U 11/15 3). Сыкав пэско плано, саво ту адиносардян и полян и андэ саво запистросардян пэстирэ гиндоря.

• 

  Тер вся, кай о мануш тэ сытёл екжэно тэ адиной и тэ полэл, со лэна тэ прожан. Спэрва росԥэн, кай кала во екжэно адиной и полэл, со лэна тэ прожан, кадя во сытёл па Библия. Кадяжэ росԥэн, васо када трэбуй. Подԥэн, сар о мануш тэ виарақэл время, кала кадя бут дила, кай во екжэно тэ адиной и тэ полэл, со лэна тэ прожан. Дэсавэ возвещателя сыкавэн кода, пар со вонэ екжэнэ када терэн. Васо? Кай кодэва, ко сытёл, тэ додиқэл, пэ скати вушэро тэ полэл и тема, кала подчёркнути ответоря и запистромэ и гиндоря. Похвалисар кодэлэс, ко сытёл, кала во екжэно адиносардя и поля, со лэна тэ прожан.

• Сыкав, сар трэбуй о мануш тэ адиной и тэ полэл, со лэна тэ прожан. Дэсавэ возвещателя терэн када, кала кати лэн тэ сытярэн лэ манушэс па Библия.