Васо лэ Иеговастирэ свидетеля на празнуин день рождения?

Лэ Иеговастирэ свидетеля нэ празнуют и дни рождения, важ кода кай вонэ гиндон, кай када на чалёл лэ Дэвлэсти. Андэ Библия на ԥэнэнпэ ворта, кай нащи празновать и дни рождения. Но и Библия шол сама, со исин ек андэ всаворэ дни рождения, и када поможый тэ полас, сар диқэл о Дэл пэр лэндэ. Роздиқам штар маменторя пала када, ай кадяжэ библейски принцыпоря.

1. О празнико день рождения жыля анда язычество. Андэ ек инцыклапедия ԥэнэнпэ, кай кадэва абычаё жал кодэлэстар, кай и мануша патянас, кай андэ время, кала празнуин и день рождения и «холинатирэ бэнга моӷут тэ терэн варисо найлашо лэ манушэсти», но «лэс фэрий, кай паша лэстэ и друӷоря и лэндирэ лашэ пожэлания» (Funk & Wagnalls Standard Dictionary of Folklore, Mythology, and Legend). Сар ԥэнэнпэ андо авэр источнико, «андэ пурани время сас важно тэ запистрон, кала арақаделяпэ о мануш, важ кода кай па кодэя дата терэнас ӷороскопо», ай када сас «мистическо учения астрологии» (The Lore of Birthdays). Котэ жэ ԥэнэнаспэ, кай и «мануша патянас, кай кала дэн яг и свечки пэ день рождения, терэлапэ волшэбство, кай тэ исполняца и жылании».

   Но андэ Библия ԥэнэнпэ, кай о Дэл сындоя важ магия, ӷадания, драбатяримос, колдовство и вся, со кадэлэса связано (Второзаконие 18:14; Галатам 5:19—21). Ек анда кода, васо о Дэл сындосардя о пурано форо Вавилоно, када кай и мануша андэ кадэва форо залэнаспэ астрологией, када тожэ ужал андэ ӷадания (Исаия 47:11—15). Канешно, лэ Иеговастирэ свидетеля на розуӷанэн всаворэ традицыи или абычаи, но, кала андэ Библия ясно ԥэнэнпэ, со камэл о Дэл па кадэва вопросо, вонэ терэн кода, со камэл во .

2. Пэрви христианоря нэ празновали дни рождения. Андэ инцыклапедия «Уорлд бук» ԥэнэнпэ, кай и пэрви христианоря «гиндонас, кай и празнования дня рождения любонэ манушэсти, када языческо обычаё». Анда Библия дицол, кай лэ Иисусостирэ апостолоря и авэр, кас во лично сытярэлас, стодэ порядко, савэсти трэбуй тэ приритярдён всаворэ христианоря (2 Фессалоникийцам 3:6).

3. Ек дес, саво и христианоря трэбуй тэ сэрэн, када най день рождения, ай дес, андо саво муля о Иисус Христос (Луки 22:17—20). Када най удивительно, важ кода кай андэ Библия ԥэнэнпэ, кай о дес, кала муля о мануш, фэдэр лэ десэстар, кала во арақаделяпэ (Экклезиаст 7:1). Каринг о дес, кала о Иисусо трэбуй сас тэ мэрэл, во затердя пэсти лащи репутацыя англа Дэл. Важ када о дес, кала во муля май важно, чем о дес, кала во арақаделяпэ (Евреям 1:4).

4. Андэ Библия на ԥэнэнпэ, кай варико анда лэ Дэвлэстирэ служытеля отмечал день рождения. И када най просто кадя. Андэ Библия ԥэнэнпэ пала дуй празновании дня рождения лэ манушэндэ, савэ на служынас лэ Дэвлэсти. И пала лэдуя кадэла дни рождения пистромэ най лащя ригатар (Бытие 40:20—22; Марка 6:21—29).

Чуствуют ли и бэяцэ кай лэ Иеговастирэ свидетеля, кай вонэ варисо хасарэн, важ кода кай нэ празнуют и дни рождения?

Сар и всаворэ заботливи родителя, и свидетеля сыкавэн пэстири любовь каринг пэстирэ бэяцэ постояно. Например, вонэ дарин лэнди подаркоря и устраивают лэнди дружески встречи. Вонэ старыинпэ тэ терэн сар о Дэл, саво дэл пэстирэ бэятонэнди само лашо андэ любо время (Матфея 7:11). Па кода, со ԥэнэн и бэяцэ кай лэ Иеговастирэ свидетеля, дицол, кай вонэ нэ чуствуют пэс обделённи:

• «Получить о подарко тоди, кала лэс на аштярэс, пэ бутэстэ май приятно» (Тэмми, 12 лет).

• «Кала мандэ день рождения мэ нэ получаю подаркоря, но и родителя дарин манди подаркоря андэ авэр деса. И манди када фартэ чалёл, важ кода кай мэ люблю сюрпризоря» (Грегори, 11 лет).

• «Тумэ гиндон, кай и десять минут, ай кадяжэ кексоря и дили, када и исин празднико? Авэн амэндэ цэрэ и диқэна, со када чачуно празднико!» (Эрико, 6 бэрш).