Поможыя манди и Библия, кай мэ тэ на умарав корко пэс?
Со ԥэнэнпэ андэ Библия
Да! Ведь и Библия лэ Дэвлэстар, саво дэл зор кодэлэнди, касти ԥарэс (2 Коринфянам 7:6). Хоть и Библия най справочнико па психиатрия, бутэнди вой ужэ дя помощь тэ улэн и гиндоря, кай тэ умарэн корко пэс. Советоря андар латэ моӷут тэ дэн помощь и тути.
Андэ Библия пистромэ варисо пала мануша, савэ тожэ камлэ тэ мэрэн?
Савэ библейски стихоря дэна помощь тэ улэс и гиндоря пала смэрть?
Савэ лашэ советоря исин андэ Библия?
● Росԥэн кода, со тутэ по ди.
Со ԥэнэнпэ андэ Библия. «Чачуно друӷо любий вся и время, во ԥрал, пэ саво можно тэ надеиспэ андэ бида» (Притчи 17:17).
Пояснение. Кала найлашэ гиндоря на вижан анда шэро, трэбуй тэ мангэс варикастар помощь.
Если тэ ритярэс о ԥаримос андэр пэстэ, тоди можэт тэ ашэл фартэ ԥарэс. Ай если варикасти пала када тэ росԥэнэс, тути можэт тэ ашэл май вушэро и ту лэса тэ диқэс пэ пэстирэ проблемы па аврятэ.
Совето. Подэ дума адес варикаса, например, варикаса анда ери или лэ лашэ друӷосаa. Можно кадяжэ тэ пистрос, со тутэ по ди, пэ бумаӷа.
● Манг помощь кай о спецыалисто.
Со ԥэнэнпэ андэ Библия. «Най лэ зоралэнди трэбуй о врачо, ай лэ насвалэнди» (Матфеё 9:12).
Пояснение. Кала амэ насвалэ, трэбуй тэ жас кай о врачо.
И гиндоря, кай тэ умарэс корко пэс, моӷут тэ сыкавэн, кай исин психическо или эмоцыонально растройство. Андэ када, сар и кала дуқал варисо андэ тила, нинай нисо лажаво. Психическо и эмоцыонально дук личийпэ.
Совето. Жа кай о врачо, сар можно май ӥто.
● На бистэр, лэ Дэвлэсти най всаек, со туса терэлпэ.
Со ԥэнэнпэ андэ Библия. «Хэба на битинэн панджен чириклян важ дуй хурдорэ монетки? И всаек о Дэл на бистэрдя ни пала ек андар лэндэ. [...] На даран, тумэ май куч, чем бут чирикля» (Луки 12:6, 7).
Пояснение. Важ о Дэл тумэ кучутнэ.
Тути можэт тэ авэл фартэ ԥарэс, кай ту екжэно, но о Дэл диқэл, сар тути дэ ԥарэс. Лэсти най всаек, со туса, дажэ если тути на камэлпэ тэ жувэс. Андо Псалом 51:17 ԥэнэнпэ: «Ту на отԥэндёса лэ одестар, саво каийпэ и савэсти фартэ ԥарэс». О Дэл камэл, кай ту тэ жувэс, важ кода кай во тут любий.
Совето. Андэ Библия бут пистромэ пала кода, кай о Дэл тут любий. Проадиносар пала када. Например, можно тэ диқэс 24-то ӷлава андэ книжка «Приближайся к Иегове».
● Мангпэ лэ Дэвлэсти.
Со ԥэнэнпэ андэ Библия. «И вся, пала со пэрэжываете, пэрэстон пэр лэстэ [по Дэл], важ кода кай во фэрий и диқэл пала тумэндэ» (1 Петра 5:7).
Пояснение. О Дэл камэл, кай ту тэ росԥэнэс лэсти вся, сар исин, пала со пэрэжываеш.
О Дэл можэт тэ дэл тути спокойство андо ди, ай кадяжэ зор, кай тэ жувэс май дур (Филиппийцам 4:6, 7, 13). Кадя во подритярэл всаворэн, ко лэсти всаворэ одеса мангэлпэ (Псалом 55:22).
Совето. Помангпэ адес лэ Дэвлэсти. Ақар лэс па алавэстэ Иегова и росԥэн лэсти вся, со тутэ по ди (Псалом 83:18). Манг лэс тэ дэл тути помощь вся тэ виритярэс.
● Гиндосар пала лашымос, саво авэла англэ.
Со ԥэнэнпэ андэ Библия. «Кадэя надежда амэндэ, сар якорё важ оди, вой надёжно и састи» (Евреям 6:19).
Пояснение. Важкода кай тутэ ӥто парудёл и настроения, ту можэш чуствовать пэс, сар по кораблё андо штормо, но и библейско надежда дэл помощь тэ тердёс састэс лэ пэрнэнца.
Кадэя надежда най шущи мечта. Вой ритярдёлпэ пэ солах лэ Дэвлэстар, кай во улэла вся, со анэн дук и ԥаримос (Откровение 21:4).
Совето. Пала библейско надежда можно май драго тэ уӷанэс андэ статья «Реальная надежда на лучшее завтра».
● Залэпэ кодэлэса, со ту любис.
Со ԥэнэнпэ андэ Библия. «О радосно ди личий, сар лашо драб» (Притчи 17:22).
Пояснение. Кала амэ заласпэ кодэлэса, со анэн амэнди радость, тоди психически и эмоцыонально ашэл май вушэро.
Совето. Тер кода, состар обычно ту ашэс лошало. Например, ашун приятно музыка, адиносар варисо вушэро, позитивно или арак пэсти хоби. Кадяжэ тути авэла май радосно, если стерэса варисо лашо важ авэр, мэк дажэ мелочь (Деяния 20:35).
● На замэк пэско зор.
Со ԥэнэнпэ андэ Библия. «И зарядка анэн... польза» (1 Тимофею 4:8).
Пояснение. Амэ май фэдэр пэс чуствуем, кала май бут двиӷаемся, висоваспэ, и диқас пала пэстири питания.
Совето. Ԥир быстронэ шаӷонэнца, хотя бы 15 минут.
● На бистэр, кай и чуства, сар и бут со авэр андэ жызня, парудён.
Со ԥэнэнпэ андэ Библия. «Тумэ на ӷанэн, со тумэнца авэла тэся» (Иакова 4:14).
Пояснение. Дажэ если здэлпэ, кай вся бибах, и на ӷанэс, со тэ терэс, на бистэр, када всаек варикала закончица.
Сар бы тэ на авэл найдраго адес, тэся можэт тэ авэл вся па аврятэ. Постарайся тэ на умэкэс и вас (2 Коринфянам 4:8). Па дэсави время и ԥари ситуацыя можэт тэ парудёл, ай если ту умарэса пэс, то ужэ нисо на риса.
Совето. Проадиносар андэ Библия пала мануша, савэнди сас кадя дэ ԥарэс, кай вонэ камэнас тэ мэрэн. Шув сама пэ кода, кай андэ лэндири жызня вся паруделя андэ лащи риг, и дэкала кадя, сар вонэ и на аштярэнас. Акэ дэсавэ примероря.
Андэ Библия пистромэ варисо пала мануша, савэ тожэ камлэ тэ мэрэн?
Да. Андэ Библия росԥэнэнпэ пала кодэла, ко, можно тэ ԥэнэс, дэлас дума: «Камав тэ мэрав». Но о Дэл на сындояс лэн, ай процырдэлас о вас, кай тэ дэл лэнди помощь. Во можэт тэ дэл помощь и тути.
Илья
● Ко во сас? О Илья сас смило пророко. Но лэсти тожэ дэкала сас ԥарэс по ди. «О Илья сас кацаво жэ мануш, сар и амэ» (Иакова 5:17).
● Васо во камэлас тэ мэрэл? Еқвар лэ Ильясти сас фартэ ԥарэс, лэстэ сас чуство, кай во екжэно, кай лэстар нинай нисави польза, и лэсти сас страшно. Во мангляпэ: «Авэла ужэ! Иегова, залэ мандар мэрни жызня» (1 Царей 19:4).
● Со лэсти поможысардя? О Илья росԥэндя лэ Дэвлэсти вся, со лэстэ по ди. Сар о Дэл дя лэсти зор? О Иегова жалуисардя лэс, позаботисайля пала лэстэ, ай кадяжэ сыкадя пэско баро зор. Кадяжэ о Дэл сыкадя лэ Ильясти, кай во нужно, сар и раньшэ. Инке о Дэл дя лэсти помошникос, саво надёжно и полэл, со лэстэ по ди.
▸ Проадиносар пала Илья: 1 Царей 19:2—18.
Иов
● Ко во сас? Кай о Иово сас баро барвалимос, баро ери, и во верно служыяс лэ чачунэ Дэвлэсти.
● Васо во камэлас тэ мэрэл? Лэ Иовостири жызня фартэ паруделя. Во хасардя вся о барвалимос. Через ек бида мулинэ всаворэ лэстирэ бэяцэ. О Иово занасвайля. Ай инке пэр лэстэ би лажаимаско хохадэ и дошалярдэ, кай во екжэно вужыло андэ пэстирэ биды. О Иово ԥэндя: «Вэрыцысайля манди и жызня, на камав будэр тэ жував» (Иов 7:16).
● Со лэсти поможысардя? О Иово мангэласпэ лэ Дэвлэсти и дэлас дума аврэнца (Иов 10:1—3). Лэс подритярдя одяло друӷо. Када о Елиуё, саво поможысардя лэсти андэ вся тэ розлэлпэ. Но само ӷлавно — о Иово приля лэ Дэвлэстар наставления и помощь.
▸ Проадиносар пала Иово: Иов 1:1—3, 13—22; 2:7; 3:1—13; 36:1—7; 38:1—3; 42:1, 2, 10—13.
Моисеё
● Ко во сас? О Моисеё сас начальнико андо древнё Израилё и верно лэ Дэвлэско пророко.
● Васо во камэлас тэ мэрэл? По Моисеё сас фартэ бари отвецтвеность, и лэс вся и время обсындонас. Кадэлэстар во фартэ вимарделя анда зор. Важ када во заровдя каринг о Дэл: «Фэдэр умар ман» (Числа 11:11, 15).
● Со лэсти поможысардя? О Моисеё на гаравэлас лэ Дэвлэстар кода, со лэстэ по ди. О Дэл дя помощь лэсти, и лэ Моисеёсти ашэля май вушэро.
▸ Проадиносар пала Моисеё: Числа 11:4—6, 10—17.
a Если о гиндо, кай тэ умарэс корко пэс на отжал тутар и паша тутэ никас нинай анда чаче или друӷоря, позвони па телефоно доверия или андэ экстрено служба.