Барэдэр ԥрала, сытён кай о Гедеоно

1. Сави важно дила о Иегова дя лэ барэдэрэ ԥралэнди, сар ԥэнэнпэ андэ 1 Пётро 5:2?

О ИЕГОВА ԥэндя лэ барэдэрэ ԥралэнди андэ собрания тэ диқэн пала лэстирэ бакрорэ, савэн во фартэ цэнуий. Кадэла ԥрала, сар заботливи пастухоря, цэнин пэстири служэния (Иер. 23:4; проадинон 1 Пётро 5:2). Сар жэ амэ блаӷодарни лэ Иеговасти пала кадэла мурша, пэ савэ можно тэ надеиспэ.

2. Саво ԥаримос можэт тэ авэл кай и барэдэр ԥрала?

² Кала и барэдэр ԥрала терэн пэстири дила, лэндэ моӷут тэ авэн бут трудности. Например, пэ дила андэ собрания лэндэ жал бут зор. О То́ни, саво жувэл андэ США, барэдэр ԥрал андэ собрания. Во па пэстири жызня поля, кай трэбуй сэжо тэ прижанэл, кай най вся па лэско зор. Во ԥэнэн: «Кала заляпэ и пандэмия COVID-19, появисайля бут дила. Акана трэбуй сас тэ полас, сар тэ прожал и собрании и служэния. Мэ лаваспэ тэ терав вся май бут и май бут дила, но скати мэ ла тэ на тердоп ла всаек на ашэлас май набут. Через када мэ нэ успевал тэ адиносарав и Библия, тэ проандярав лично изучения и тэ мангавпэ». Кай о барэдэр ԥрал Или́р анда Косово сас авэр трудность. Кала во жувэлас котэ, кай жалас и война, лэсти сас найвушэро тэ прилэл и указании, савэ дэлас амари арӷанизацыя. Во росԥэнэн: «О филиало мангля ман тэ поможысарав лэ ԥралэнди и лэ ԥэянди котэ, кай сас опасно. Пэ када манди трэбуй сас смилость. Но мэ даравас. И указании, савэ вонэ динэ, манди здэласпэ, кай сас найгодявэрнэ». Кай о Тимо, мисианеро, саво служый андэ Азия, сас кадя бут дила, кай во нэ успевал вся тэ терэл. Акэ лэстирэ алава: «Дэкала мэ чуствовал, кай кадэя дила вимарэл ман анда зор». Со можэт тэ поможый лэ барэдэрэ ԥралэнди, савэндэ кацавэ жэ трудности?

3. Васо всаворэнди амэнди авелоп драго тэ роздиқас лэ Гедеоноско примеро?

³ Лэ барэдэрэ ԥралэнди авелоп драго тэ роздиқэн о примеро лэ Гедеоноско, саво сас сындомари (Евр. 6:12; 11:32). Во сас кодэва, ко фэрий лэ Дэвлэско народо и диқэл пала лэстэ (Суд. 2:16; 1 Лет. 17:6). Сар и во, адес и барэдэр ԥрала заботинпэ пала лэ Дэвлэско народо андэ ԥари и нэспокойно время (Дила 20:28; 2 Тим. 3:1). Всаворэ амэ бутэсти можэм тэ сытювас кай о Гедеоно. Во полэлас, со па лэско зор, ай со най, сас найӷордо и кандино мануш. Кадяжэ, кай тэ стерэл вся пэстири дила, сави о Иегова лэсти дя, во трэбуй сас бут со тэ виритярэл. Нэважно, барэдэр ԥрала амэ или най, амэ можэм тэ цэнисарас кацавэ манушэн. Давайте подритяраса кадэлэ ԥралэн, савэ пристон бут зор, кай тэ терэн и дила (Евр. 13:17).

КАЛА НАЙВУШЭРО ТЭ АШЭСПЭ СЭЖО И НАЙӶОРДО

4. Сар о Гедеоно сыкадя, кай во сэжо и найӷордо?

⁴ О Гедеоно сас сэжо и найӷордо манушb. Еқвар о анӷело лэсти ԥэндя, кай о Иегова витидя лэс, кай во тэ освободий лэско народо лэ мадианитянонэндар. Пэ када о Гедеоно сэжо ԥэндя: «Мэрно колено со май цыкно анда кодэла, ко жыля лэ Манасия́стар, ай мэ само цыкнэдэр андо ери кай мэрно дад» (Суд. 6:15). Лэстэ сас кацаво андо ди, кай кадэя дила най важ лэстэ. Но о Иегова ӷанэнас, кай во можэт када тэ стерэл. И лэ Иеговастирэ зорэса лэстэ вся драго вижыля.

5. Кала лэ барэдэрэ ԥралэсти найвушэро тэ авэл сэжо и найӷордо?

⁵ И барэдэр ԥрала андэ собрания старыинпэ андэ вся тэ авэн сэжи и найӷорди (Мих. 6:8; Дила 20:18, 19). И барэдэр ԥрала на хвалинпэ кодэлэса, кай вонэ май лашэ аврэндар. Но и на гиндон, кай нисо на ашэн, если лэндэ варисо на вижыля. Дэкала найвушэро тэ авэс сэжо и найӷордо. Например, о барэдэр ԥрал можэт тэ соӷласийпэ тэ терэл най ек дила, но потом тэ полэл, кай кадэя дила най па лэско зор. Акэ инке ек ситуацыя: лэ барэдэрэ ԥралэс моӷут тэ хвалин, или, наоборот, тэ виԥэнэн кода, со андэр лэстэ на чалёл. Сар андэ кацавэ ситуацыи лэ барэдэрэ ԥралэнди можэт тэ поможый лэ Гедеоноско примеро?

6. Сости о барэдэр ԥрал можэт тэ сытёл кай о Гедеоно, сар тэ авэл сэжо? (Диқэн кадяжэ и картинка.)

⁶ Манг и помощь. О сэжо мануш полэл, кай най вся па лэско зор. О Гедеоно сас сэжо и на лажалас тэ мангэл и помощь аврэндар (Суд. 6:27, 35; 7:24). И годявэр барэдэр ԥрала терэн кадяжэ. О ԥрал Тони, пала саво амэ дямас дума, росԥэнэн: «Кала манди дэнас тэ терав варисави дила, манди сас ԥарэс тэ отԥэндював. Кадя ман вибарярдэ. Важ када мэ ришыл май бут тэ уӷанав пала кода, сар тэ авав сэжо пэ амари семейно изучения и манглэм мэрня хулая́ тэ поделийпэ, со вой пала када гиндой, дицол ригатар, кай мэ сэжо чи най. Инке мэ диқлэм пэ амаро сайто видео „Обучайте других, доверяйте им и передавайте полномочия, подражая Иисусу“». О Тони ля тэ пэрэдэл пэстирэ задании аврэ ԥралэнди. Сар паруделя и ситуацыя? Во росԥэнэн: «И андэ собрания жалас и дила, и мандэ появисайля май бут время, кай тэ састярав мэрни дружба лэ Иеговаса».

7. Сар и барэдэр ԥрала моӷут тэ терэн, сар о Гедеоно, кала лэнди виԥэнэн кода, со на чалёл андэр лэндэ? (Иаково 3:13).

⁷ Дэ дума ковлэс, кала тути виԥэнэн кода, со на чалёл андэр тутэ. Кадяжэ лэ барэдэрэ ԥралэнди можэт тэ авэл найвушэро, кала лэнди виԥэнэн кода, со на чалёл андэр лэндэ. Андэ кацави ситуацыя вонэ кадяжэ моӷут тэ сытён кай о Гедеоно. Канешно, во полэлас, кай екжэно най еқвар шылияспэ. Важ када, кала ефремляноря линэ тэ виԥэнэн лэсти вся, во всаек дэлас дума ковлэс (Суд. 8:1—3). О Гедеоно на ля тэ холявэл. Во сыкадя, кай сас найӷордо: виашундя, со лэнди на чалёлас и успокоил лэн. И годявэр барэдэр ԥрала терэн кадя жэ, сар о Гедеоно. Вонэ внимательно виашунэн кода, со на чалёл аврэнди, и дэн дума ковлэс. (Проадинон Иаково 3:13.) Кадя вонэ терэн, кай андэ собрания тэ авэл мирно.

8. Сар о барэдэр ԥрал трэбуй тэ диқэл пэ кода, кала лэс хвалин? Росԥэнэн примеро.

⁸ Хвалисар лэ Иеговас. И мануша камэнас тэ прославин лэ Гедеонос, кала во победисардя лэ мадианитянонэн, но во шутя лэндири сама по Иегова (Суд. 8:22, 23). Сар и барэдэр ԥрала моӷут тэ терэн кадяжэ, сар о Гедеоно? Если лэндэ варисо драго вижал, вонэ трэбуй тэ хвалин лэ Иеговас (1 Кор. 4:6, 7). Например, варико хвалий лэ барэдэрэ ԥралэс, кай во драго сытярэл. Тоди о барэдэр ԥрал можэт тэ шол лэ манушэстири сама, кай амэ всаворэ сытювас па Библия и кай лэ Иеговастири арӷанизацыя. Дэкала лэ барэдэрэ ԥралэсти авелоп драго тэ погиндой, на шол во фартэ бут сама пэр пэстэ. Кала о Тимоти кати ля тэ служый сар барэдэр ԥрал, лэсти фартэ чалёлас тэ ԥэнэн и речи важ всаворэ. Во росԥэнэн: «Мы вигиндосаравас нэобычни пэрви алава андэ речь и примероря. Потом ман фартэ хвалинас пала када. Жалко, но кадэлэса мэ шавас май бут сама пэр пэстэ, ай най по Иегова и пэ Библия». Прожыля время и о Тимоти поля, кай лэсти трэбуй тэ парувэл кода, сар во ԥэнэн и речи, кай май набут тэ шол сама пэр пэстэ (Прит. 27:21). Во ԥэндя: «Акана и ԥрала и ԥэя ԥэнэн манди, кай мэрни речь поможысардя лэнди тэ ришын варисави проблема, тэ виритярэн о ԥаримос и тэ ашэн май пашэ каринг о Иегова. Кала мэ када ашунав, када анэн манди май бари радость, чем кода, со вонэ ԥэнэнас май данглал».

КАЛА НАЙВУШЭРО ТЭ АШЭСПЭ КАНДИНО И СМИЛО

9. Васо о Гедеоно трэбуй сас тэ авэл кандино и смило? (Диқэн и картинка пэ обложка.)

⁹ Посли кода, сар о Гедеоно сас стодо сындомареса андо Израилё, во трэбуй сас тэ авэл кандино и смило. Лэстэ сас опасно задания — тэ розмарэл лэ Ваалоско жэртвенико, саво сас лэстирэ дадэско (Суд. 6:25, 26). Ӷэт май интя о Дэл дуварэс дясас лэсти указании тэ стерэл пэско войско май цыкно (Суд. 7:2—7). Ай инке, лэсти сас ԥэндо тэ жал пэ вороӷоря и рят (Суд. 7:9—11).

10. Кала лэ барэдэрэ ԥралэнди найвушэро тэ кандэн?

¹⁰ И барэдэр ԥрала трэбуй тэ кандэн (Иак. 3:17). Вонэ терэн кадя, сар пистромэ андэ Библия, и всаворэ́ одеса прилэн и указании, савэ дэл лэ Иеговастири арӷанизацыя. Кадэлэса вонэ подэн розлашо примеро важ авэр. И всаек моӷут тэ авэн кацавэ ситуацыи, андэ савэ найвушэро тэ кандэн. Например, лэ барэдэрэ ԥралэсти моӷут тэ бишалэн бут указании или вонэ ӥто парудён и лэсти найвушэро лэн тэ прилэл. Или лэсти можэт тэ здэлпэ, кай дэсавэ указании найгодявэрнэ и лэндар нинай нисаво толко. Или лэсти динэ варисави дила, через сави во можэт тэ бэшэл андо бар. Сар андэ кацавэ ситуацыи и барэдэр ԥрала моӷут тэ сытён кай о Гедеоно?

11. Сар лэ Гедеоноско примеро поможый лэ барэдэрэ ԥралэнди тэ кандэн?

¹¹ Драго ашун о руковоцтво и кандэ. О Дэл ԥэндя лэ Гедеоности, сар тэ розмарэл о жэртвенико пэстирэ дадэско и пэ саво ҭан тэ стерэл нэво жэртвенико. Во кадяжэ ԥэндя, савэ жывотнонэс трэбуй тэ анэн андэ жэртва. О Гедеоно на ля тэ виԥэнэн пэско гиндо пала кадэла указании. Во просто стердя кадя, сар ԥэндя о Дэл. Адес и барэдэр ԥрала получин и указании лэ Иеговастиря арӷанизацыятар. Када андэ письморя, объявлении или через авэр руководство, саво фэрий амари дружба лэ Иеговаса и амаро зор. Амэ фартэ цэнисарас амарэ барэдэрэ ԥралэн важ кода, кай вонэ терэн кадя, сар ԥэнэн о Иегова. И када анэн бут лашымос ла собранияти (Пс. 119:112).

12. Сар лэ барэдэрэ ԥралэнди можэт тэ поможый Евреям 13:17, кала и арӷанизацыя дэл нэвэ указании?

¹² Ав ӷотово тэ терэс и дила па аврятэ. Вспомним, кай о Иегова дясас лэ Гедеоности указания тэ стерэл пэско войско май цыкно пэ 99 процэнтов (Суд. 7:8). Во моӷ тэ гиндой: «Нэужэли када обязательно? Сар жэ амэ тоди победисараса?» И всаек о Гедеоно кангля. И барэдэр ԥрала андэ амарэ деса сытён кай о Гедеоно — вонэ терэн кадя, сар ԥэнэн лэ Иеговастири арӷанизацыя, кала варисо трэбуй тэ парувэн или тэ стерэн па аврятэ. (Проадинон Евреям 13:17.) Например, андо 2014 бэрш о Руководящё совето приля ришэния тэ парувэл, сар тэ роспределин и ловэ, савэ жан пэ кода, кай строин Залоря Царства и Залоря важ и канӷрэсоря (2 Кор. 8:12—14). И собрании будэр на трэбуй сас тэ випотинэн кадэла ловэ. Вместо када и ловэ, савэ дэнас и собрании па вся и ԥув, стидэнас вмести и отстонас важ ек общё дила. Блаӷодаря кадэлэсти появисайля возможность тэ строин нэвэ здании важ лэ Дэвлэстири дила котэ, кай када трэбуй, дажэ если кай и катутни собрания нинай пэ када ловэ. Кала о Хосе́ уӷангля пала кадэла изменении, во ля тэ на допатял и погиндосардя: «Если амэ ласа кадя тэ терас, амэ ни ек Зало Царства на построисараса. Када на поджал каринг амари страна». Со поможысардя, кай о Хосе тэ подритярэл и нэвэ указании? Во ԥэнэн: «И алава анда Притчи 3:5, 6 поможысардэ манди тэ полав, кай трэбуй тэ патяв лэ Иеговасти. Амэндэ вся вижыля роздраго, сар мэ и на аштяравас. Акана амэ строисарас май бут Залоря Царства. Ай инке кадэла изменении поможысардэ, кай амарэ пожэртвовании тэ анэн лашымос лэ ԥралэнди и лэ ԥэянди, савэ жувэн андэ авэр ҭана. И ловэ роспределин кадя, кай всаворэнди тэ хутилэл».

13. а) Андэр со патялас о Гедеоно? б) Сар и барэдэр ԥрала моӷут тэ сытён кай о Гедеоно? (Диқэн кадяжэ и картинка.)

¹³ Смило тер кода, со камэл о Иегова. О Гедеоно кандэлас лэ Иеговас, хоть лэсти сас страшно тэ терэл и дила, через сави во моӷ тэ хасарэл и жызня (Суд. 9:17). О Иегова ԥэндя, кай во лэс подритярэла. Важ када о Гедеоно анда вся оди патялас, кай во сможэт тэ фэрий лэ Дэвлэско народо. Адес андэ дэсавэ страны амари дила заԥандадэ. И барэдэр ԥрала, савэ котэ жувэн, лэн примеро лэ Гедеоностар. Вонэ смило проандярэн и собрании и ԥэнэн лэ ԥралэнди и лэ ԥэянди сар тэ служын. Кадяжэ и барэдэр ԥрала анда вся оди росԥэнэн пала Дэл, хоть через када моӷут тэ попэрэн андо баруно, тэ хасарэн и бути или дажэ и жызняc. Кала авэла и бари бида, лэ барэдэрэ ԥралэнди трэбуй авэла смилость, кай тэ прилэн и указании, савэ вонэ получина андэ кодэя время. Кадэла указании моӷут тэ сыкавэн, сар тэ росԥэнэн и ӷрозно весть, сави шолпэ по ӷрадо, ай кадяжэ, сар тэ спасынпэ, кала дэла о Гого анда Магого (Иез. 38:18; Отк. 16:21).

КАЛА НАЙВУШЭРО ТЭ НА СДЭСПЭ

14. Кала дицэля, кай о Гедеоно на здэлпэ?

¹⁴ И дила, сави сас кай о Гедеоно, сар кай о сындомари, залэлас бут зор. Кала и мадианитяноря нашэнастар посли война, сави сас и рят, о Гедеоно прастая пала лэндэ. Во прастэлас пала лэндэ жы кай о Изреелё, кай сас и лэн Иардано. По бэрэӷо кай кадэя лэн, возможно, барёлас ӷусто кустарнико (Суд. 7:22). Но терделя о Гедеоно паша Иардано? Най. Хоть во и лэстирэ 300 воиноря цыелэ, вонэ пэрэжылэ и лэн и прастае дальшэ. Вонэ доӷонисардэ и победисардэ лэ мадианитянонэн (Суд. 8:4—12).

15. Кала дицол, кай и барэдэр ԥрала на сдэнпэ?

¹⁵ Бут дила андэ собрания и андо ери, лэ барэдэрэ ԥралэс можэт фартэ тэ вицыярэл. Лэстэ можэт совсем тэ на ашэлпэ физическо зор, кай тэ поможый аврэнди, ай кадяжэ и эмоционально зор, кай лэн тэ подритярэл. Сар тоди лэсти поможыя лэ Гедеоноско примеро?

16, 17. а) Блаӷодаря сости о Гедеоно моӷ тэ стерэл и дила, сави лэсти динэ? б) Андэр со моӷут тэ патян и барэдэр ԥрала? (Исайя 40:28—31). (Диқэн кадяжэ и картинка.)

¹⁶ Патя, кай о Иегова дэла тути зор. О Гедеоно патялас, кай о Иегова дэла лэсти зор, и о Иегова чаче подритярдя лэс (Суд. 6:14, 34). О Гедеоно и лэстирэ воиноря нашэнас пала Мадианитянски царёря, ай вонэ сас пэ верблюдоря и смоӷли тэ унашэн (Суд. 8:12, 21). И всаек лэ Дэвлэстирэ зорэса вонэ доӷонисардэ лэ вороӷонэн и победисардэ лэн. Адес и барэдэр ԥрала тожэ моӷут тэ патян, кай андэ пэстири время о Иегова дэла лэнди зор, важ кода кай «во на цыёл и лэстэ вся и время исин зор». (Проадинон Исайя 40:28—31.)

¹⁷ Барэдэр ԥрал, савэс ақарэн Мэтью, служый андо камитето па связи лэ больницэнца. Со поможый лэсти тэ терэл и дила, сави лэсти динэ? Во росԥэнэн: «Мэ полэм, кай Филиппийцам 4:13 драго поможый. Часто, кала мэ вицыювавас и мандэ совсем на сас зор, мэ анда вся оди мангаваспэ. Мэ мангавас лэ Иеговас, кай во тэ дэл манди мудрость и зор, кай мэ тэ подритярав лэ ԥралэн. Андэ кацавэ маменторя мэ чуствовал, кай лэ Иеговаско свынто духо дэлас манди зор и поможый манди вся тэ виритярав». Сар и о Гедеоно, амарэ барэдэр ԥрала андя вся оди заботинпэ пала лэ Иеговастирэ бакрорэ. Хоть када най вся и время вушэро. Канешно, лэнди трэбуй тэ сэрэн, кай лэнго физическо и эмоционально зор най пэ вся можэт тэ хутилэл. Но вонэ моӷут тэ патян, кай о Иегова ашунэла пала кода, со вонэ мангэн, и дэла лэнди зор вся тэ виритярэн (Пс. 116:1; Флп. 2:13).

18. Саво лашымос лэ барэдэрэ ԥралэнди анэн лэ Гедеоноско примеро?

¹⁸ Сар амэ ужэ уӷанглям, лэ Гедеоноско примеро можэт тэ анэн лашымос лэ барэдэрэ ԥралэнди. Лэнди трэбуй тэ авэн сэжи и найӷорди. Када поможый тэ полэн, скати обязаности вонэ моӷут тэ лэн пэр пэстэ и сар тэ андярэн пэс, кала варико хвалий лэн или виԥэнэн кода, со на чалёл андэр лэндэ. Лэ барэдэрэ ԥралэнди трэбуй тэ кандэн и тэ авэн смили. Особено акана, кала пашол и время кадэла люмати. Лэнди трэбуй тэ патян, кай лэ Иеговастирэ зорэса вонэ смоӷут тэ стерэн и дила, сави лэндэ исин. Давайте анда вся оди тэ цэнисарас кадэлэ ԥралэн! (Флп. 2:29).