О Иегова поможыя тути, кала авэла нэожыдано ԥаримос

1. Андэр со амэ патяс?

САР лэ Иеговастирэ служытеля амэ ӷанас, кай во амэн любий и камэл, кай амэ тэ лошавас ла жызняти (Рим. 8:35—39). Кадяжэ амэ патяс, кай и библейски принцыпоря всегда анэн амэнди кати о лашымос (Ис. 48:17, 18). Но со тэ терас, если амэндэ ашэля ԥаримос, саво амэ нэожыдали?

2. Саво ԥаримос амэндэ можэт тэ авэл и со амэ можэм тэ пушас пэстар?

² Кай всаворэ лэ Иеговастирэ свидетеля исин ԥаримос. Например, амэн обидел варико анда ери, амэндэ ашэля найлашо зор, через саво амэ ужэ нэ можэм кадя дэ бут тэ служысарас. Пар мэндэ дя бида андэ природа или амэн ӷонин важ амари вера. Кала амэндэ исин кацаво ԥаримос, амэ можэм тэ гиндосарас: «Васо манца када тердяпэ? Со мэ най кадя стердэм? Сыкавэл када, кай о Иегова ман будэр нэ блаӷословляет?» Сас тумэндэ кацаво по ди? Если сас, тоди на умэкэн и вас. Кацаво по ди сас кай бут кай лэ Иеговастирэ служытеля, савэ лэс кандэнас (Пс. 22:1, 2; Авв. 1:2, 3).

3. Сости амэ сытювас анда Псалом 34:19?

³ Проадинон Псалом 34:19. Шон сама пэ дуй важни гиндоря андэ кадэва Псалом: 1) о ԥаримос можэт тэ авэл и кай и мануша, савэ кандэн лэ Иеговас; 2) о Иегова улэл амэндар о ԥаримос. Сар во када терэл? Во поможый амэнди тэ диқас пэ жызня кадя, сар во и исин. Хоть о Иегова обещяет, кай и служэния лэла тэ анэн амэнди радость, но во на дэл ӷарантия, кай амэндэ на авэна проблемы андэ кадэя люма (Ис. 66:14). Во поможый амэнди всегда тэ ритярас андо шэро, со авэла англэ. Важ кода кай андо раё пэ ԥув амэндэ авэла па чачимастэ бахтали жызня, сави никала на кончияпэ (2 Кор. 4:16—18). Ай пока о Иегова кажно дес поможый амэнди тэ на сдаспэ и тэ жувас дальшэ (Плач 3:22—24).

4. Пала со амэ подаса дума андэ кадэя статья?

⁴ Давайте подаса дума, сости амэ сытювас лэ Иеговастирэ служытелёнэндар андэ библейско время и андэ амарэ деса. Амэ диқаса, кай кодэлэндэ, ко служый лэ Дэвлэсти, можэт тэ авэл нэожыдано ԥаримос. Но если о мануш надеийпэ по Иегова, о Дэл обязательно виарақэла, сар лэс тэ подритярэл (Пс. 55:22). Кала амэ ласа тэ роздиқас кадэла примероря, пушэн пэстар: «Со мэ тердоп андэ кацави ситуацыя? Сар кадэва примеро поможый манди инке май фартэ тэ надеисавав по Иегова? Сости мэ моӷу тэ сытював, кай тэ прилав када андэ пэстири жызня?»

АНДЭ БИБЛЕЙСКО ВРЕМЯ

5. Саво ԥаримос сас кай о Иаково через о Лавано? (Диқэн и картинка пэ обложка)

⁵ Кай лэ Иеговастирэ служытеля, савэ жувэнас андэ библейско время, сас трудности, савэ вонэ совсем на аштярэнас. Вспомним лэ Иаковос. Лэско дад, о Исако, ԥэндя лэсти тэ лэл пэсти хулая анда лэ Лаваностирэ щея, во сас лэнго родо, саво тожэ служыяс лэ Дэвлэсти. О Исако ԥэндя лэ шавэсти, кай о Иегова анда вся оди лэс блаӷословия (Быт. 28:1—4). О Иаково кангля пэстирэ дадэс. Во ужыля анда Ханаано и авеля андэ лэ Лаваноско цэр, савэстэ сас дуй щея — Лия и Рахиль. О Иаково полюбисардя ла цыкня щя, ла Рахиля. Кай тэ жэнийпэ пэр латэ, во соӷласисайля тэ терэл бути кай лако дад 7 бэрш (Быт. 29:18). Но о Лавано хохаимаса жэнисардя лэ Иаковос пэ пэсти барэдэр щей, пэ Лия. О Иаково кацаво нэожыдал. О Лавано мэкля, кай во через куртестэ тэ жэнийпэ пэ Рахиль, но кати, если во лэла тэ терэл и бути инке 7 бэрш (Быт. 29:25—27). Инке о Лавано андярэлас пэс лэ Иаковоса най чесно андэ дилови вопросоря. Варикай вся вмести о Лавано хохаимаса обжаласпэ лэ Иаковоса 20 бэрш (Быт. 31:41, 42).

6. Саво инке ԥаримос сас андэ жызня кай о Иаково?

⁶ Кай о Иаково сас и авэр ԥаримос. Лэстэ сас баро ери, но и шавэ най всегда ладинас машкар пэстэ. Вонэ дажэ битиндэ андо рабство пэстирэ ԥралэс, лэ Иосифос. Дуй лэ Иаковостирэ шавэ, о Симеоно и о Левиё, лажавардэ лэ ерес и андярдэ найлашо алав по Иегова. Лэ Иаковости любимо хулаи, Рахиль, муля, кала андя лэ дуйтонэ бэятос. И потом, через фартэ баро боқалимос, лэ Иаковости прижыляпэ андэ ԥурэ бэрша тэ пэрэладэл тэ жувэл андо Египто (Быт. 34:30; 35:16—19; 37:28; 45:9—11, 28).

7. Сар о Иегова сыкадя лэ Иаковости, кай во довольно лэса?

⁷ Хоть кай о Иаково сас фартэ бут ԥаримос, во никала на парашэлас тэ патял андо Иегова и андэ лэстирэ обещянии. Ай о Дэл най еқвар ԥэнэнас лэсти, кай во лэса довольно. Например, хоть о Лавано хохавэлас лэ Иаковос, о Иегова блаӷословияс лэ Иаковос мищимаса. И сар о Иаково, наверно, сас блаӷодарно лэ Иеговасти, кала додиқля лэ Иосифос, пала саво во долӷо гиндояс, кай во муля! Со поможысардя лэ Иаковости тэ виритярэл вся кадэва ԥаримос? Када и пашутни дружба лэ Иеговаса (Быт. 30:43; 32:9, 10; 46:28—30). Если амэ цэнисарас амари дружба лэ Иеговаса, амэ тожэ сможэм тэ виритярас любо ԥаримос, саво можэт нэожыдано тэ авэл андэ амари жызня.

8. Со фартэ камэлас тэ стерэл о царё Давидо?

⁸ Кай о царё Давидо на вижыля тэ стерэл вся, со камля важ о Иегова. Например, о Давидо фартэ камэлас тэ построий о храмо важ пэско Дэл. Во ԥэндя пала када лэ пророкости лэ Нафаности. И о Нафано ԥэндя лэсти: «Тер вся, со загиндосардян, важ кода кай о чачуно Дэл туса» (1 Лет. 17:1, 2). Наверно, кадэла алава фартэ придинэ зор лэ Давидости. И во можэт сразу ля тэ гиндой, сар лэла тэ терэл кадэя бари дила.

9. Сар андярдя пэс о Давидо, кала ашундя нэприятно новость?

⁹ Но ӥто лэ Иеговаско пророко рисайля и ԥэндя лэсти нэприятно новость. Андэ кодэя жэ рят о Иегова ԥэндя лэ Нафаности, кай о храмо строия най о Давидо, ай ек анда лэстирэ шавэ (1 Лет. 17:3, 4, 11, 12). Сар андярдя пэс о Давидо, кала ашундя кадэла алава? Во парудя пэско гиндо. О Давидо ля тэ стидэл о материало и вся, со трэбуй лэстирэ шавэсти, лэ Соломоности, кай тэ строий о храмо (1 Лет. 29:1—5).

10. Сар о Иегова блаӷословил лэ Давидос?

¹⁰ Хоть о Иегова ԥэндя, кай о храмо строия най о Давидо, сразу жэ посли кадэла алава во стердя лэ Давидоса доӷоворо. О Иегова дя лэсти алав, кай ек анда лэстирэ потомкоря лэла тэ правий вечно (2 Сам. 7:16). Кала авэла и Тысячелетнё правления, о Давидо уӷанэна, кай во жувэл тоди, кала правий о Иисусо — царё анда лэско колено. Кати погиндон, саво дэ бахтало авэла о Давидо! Сости амэ сытювас анда кадэва библейско случаё? Дажэ если амэ нэ можэм тэ терас андэ служэния лэ Иеговасти вся, со камлоп, амарэ Дэвлэстэ исин важ амэндэ авэр подаркоря, пала савэ амэ дажэ и нэ мечтали.

11. Сар о Иегова блаӷословил лэ христианонэн андо пэрво вико, хоть о Царство на авеля тоди, кала вонэ аштярэнас? (Дила 6:7).

¹¹ И христианоря андэ пэрво вико фартэ аштярэнас лэ Дэвлэско Царство, но на ӷанэнас, кала во авэла (Дила 1:6, 7). Со жэ вонэ стердэ? Вонэ пристодэ вся пэско зор, кай тэ проповедуют. Со май ӥто розжаласпэ и лащи новость лэ Дэвлэстар, со май драго вонэ диқэнас, кай о Иегова блаӷословляет лэндири служэния. (Проадинон Дила 6:7.)

12. Со стердэ и христианоря анда пэрво вико, кала сас о боқалимос?

¹² Андэ пэрво вико кай и христианоря сас и авэр ԥаримос — «па вся и ԥув... [сас] баро боқалимос» (Дила 11:28). Кати погиндон, сар лэнди сас дэ ԥарэс! И хула́я андэ еря пэрэжывали, кай лэндирэ ерести авэла най со тэ хан. Ай со можно тэ ԥэнас пала тэрнэ ԥрала и ԥэя, савэ гиндонас инке май бут тэ служын? Можэт вонэ гиндонас, кай лэнди прижалапэ тэ отстон пэстирэ планоря. Но хоть лэндэ и сас ԥаримос, и христианоря смоӷли лэс тэ виритярэн. Вонэ на парашэнас тэ росԥэнэн и лащи новость везде, кай вонэ сас, и анда вся оди поделисайлэ лэ ԥралэнца и лэ ԥэянца андэ Иудея кодэлэса, со лэндэ сас (Дила 11:29, 30).

13. Сар о Иегова блаӷословил лэ христианонэн, кала сас о боқалимос?

¹³ Сар о Иегова блаӷословил лэ христианонэн, кала сас о боқалимос? Лэнди динэ вся, со трэбуй, и вонэ лично диқлэ, кай о Иегова пала лэндэ заботийпэ (Матф. 6:31—33). Вонэ, возможно, ашэлэ инке май пашэ каринг и ԥрала и ԥэя, савэ поможысардэ лэнди. Ай кодэла, ко терэнас и пожэртвовании или поможынас варисар па аврятэ, сас бахталэ кодэлэстар, кай делинаспэ аврэнца (Дила 20:35). О Иегова блаӷословил лэн всаворэн, кай вонэ сытелэ тэ жувэн па аврятэ, важ кода кай бут со паруделя.

14. Со сас кай о Варнава и кай о Павло и саво лашымос када андя? (Дила 14:21, 22).

¹⁴ Лэ христианонэн андэ пэрво вико часто ӷонинас. Дэкала када сас совсем нэожыдано. Роздиқам, со сас кай о Варнава и кай о апостоло Павло. Кала вонэ росԥэнэнас пала лэ Дэвлэско Царство андэ Листра, спэрва и мануша драго лэн прилинэ. Потом через и вороӷоря дэсавэ анда кодэлэ жэ мануша помардэ лэ Павлос барэнца и ашадэ тэ мэрэл (Дила 14:19). Но о Варнава и о Павло на парашэлэ тэ проповедуют андэ авэр ҭана. Саво лашымос када андя? Вонэ «сытярдэ бутэ манушэн», кай вонэ тэ ашэн ученикоря. Кадяжэ вонэ пэстиря диласа и алавэнца подритярэнас лэ ԥралэн и лэ ԥэян. (Проадинон Дила 14:21, 22.) О Варнава и о Павло на сдинэпэ, дажэ, кала лэн линэ нэожыдано тэ ӷонин. Када андя бутэнди лашымос. Если и амэ на сдаспэ, кала терас и дила, сави дя амэнди о Иегова, тоди амэндэ авэна бут блаӷословении.

АНДЭ АМАРИ ВРЕМЯ

15. Сости амэ сытювас кай о ԥрал Макмиллано?

¹⁵ Жы каринг кода, сар тэ авэл о 1914 бэрш, лэ Иеговастирэ служытеля аштярэнас важни событии. Акэ примеро еқэ ԥралэско, савэс ақарэн Александро Макмиллано. Сар и бут авэр, кадэва ԥрал гиндояс, кай ӥто жала тэ жувэл по нэбо. Андэ пэстири дума, сави сас андо сентябрё андо 1914 бэрш, во ԥэндя: «Возможно, кадэя дума мэ ԥэнав послиднё разо». Но када сас най кадя. Потом о ԥрал Макмиллано пистросардя: «Дэсавэ андар мэндэ набут грабисайлэ тэ ԥэнэн, кай амэ ӥто жаса тэ жувас по нэбо». Потом во инке ԥэндя: «Амэнди трэбуй анда вся оди тэ служысарас лэ Ӷосподиности». Кай о ԥрал Макмиллано ԥаболас оди андэ лэ Иеговастири служэния. Во екжэно терэлас кадя, сар ԥэндя. Во подритярэлас бутэ ԥралэн, савэ бэшэнас андо баруно пала кода, кай отԥэнделэ тэ жан андэ халавдэ. И во авэлас пэ собрании андэ пэстирэ ԥурэ бэрша. Саво лашымос андя лэ ԥралэсти кода, кай во терэлас бут дила андэ служэния и аштярэлас пэстири наӷрада? Андо 1966 бэрш, кала пашолас лэстири время, во пистросардя: «Адес мэрни вера састи, сар никала». Саво дэ лашо примеро важ амэндэ — особено если амэ аштярас май долӷо, чем гиндосардям! (Евр. 13:7).

16. Саво нэожыдано ԥаримос сас кай о Херберто и лэстири хулаи? (Иакова 4:14).

¹⁶ Кай бут лэ Иеговастирэ служытеля можэт тэ авэл нэожыдано ԥаримос лэ зорэса. Акэ примеро еқэ ԥралэско, савэс ақарэн Хе́рберто Дже́ннингсоb. Андэ пэсти биаӷрафия во росԥэндя, сар вонэ ла хулаяса служынас мисианеронэнца андэ Гана. Вонэ фартэ любинас пэстири служэния. Но через дэсави время лэстэ виарақлэ серьёзно насвалимос, саво влиял пэ лэско психическо зор. О ԥрал Дженнингсо вспоминает алава анда Иакова 4:14 и ԥэнэн, кай андэ лэндири жызня кадя и тердяпэ, важ лэндэ пашэля кадэя время, кадэва «тэся», саво вонэ на аштярэнас (проадинон). Во пистросардя: «Кала амэ полям, сави проблема ашэля андэ амаро ери, амэ ришыли тэ уладас анда Гана, тэ ашавас пэстирэ бутэ друӷонэн и тэ рисавас андэ Канада, [кай тэ личисарас о зор]». О Иегова дэлас зор кадэлэ ԥралэсти и лэстиря хулаяти, кай и дальшэ тэ служын, хоть лэндэ сас баро ԥаримос.

17. Сар о примеро, саво сыкадя о ԥрал Дженнингсо, повлиял пэ авэр?

¹⁷ О ԥрал Дженнингсо андэ пэстири биаӷрафия анда вся оди росԥэндя кода, со сас лэстэ андэ жызня и када фартэ повлияло пэ авэр. Ек ԥэй пистросардя: «Нисо кадя дэ фартэ ман на лясас лэ одестар, сар и биаӷрафия кадэлэ ԥралэстири. Кода, кай о ԥрал Дженнингсо ашадя пэстири назначения и заляпэ драго тэ диқэл пала пэско зор, поможысардя манди твэрэзо тэ диқав пэ кода, со терэлпэ андэ мэрни жызня». Кадяжэ ек ԥрал росԥэндя: «Мэ 10 бэрш сымас барэдэр ԥрал андэ собрания и фартэ любисаравас кадэя дила. Но потом манди прижыляпэ тэ ашавав кадэя назначения через о насвалимос, саво влиял пэ мэрно психическо зор. Дэкала мэ чуствовал, кай мэ нисаво. Кала мэ адиносаравас и биаӷрафии и диқавас, сар дэ бут ԥрала и ԥэя терэн дила важ о Иегова, мэ умэкавас и вас. Но кала мэ уӷанглэм анда кадэя статья, сар о ԥрал Дженнингсо пэрэандярдя вся пэско ԥаримос, мэ лэм зор». Кацавэ ԥралэндирэ и ԥэяндирэ алава сыкавэн, кай амэ можэм тэ подритярас аврэн дажэ тоди, кала амэндэ андэ жызня терэлпэ нэожыдано ԥаримос. Дэкала андэ амари жызня терэлпэ вся кадя, сар амэ на аштярдям. Но дажэ андэ кадэя время амэ можэм тэ подас аврэнди лашо примеро кодэлэса, кай патяс и на парашас тэ служысарас лэ Дэвлэсти (1 Пёт. 5:9).

18. Сости амэн сытярэл ла ԥивляко примеро анда Нигерия? (Диқэн кадяжэ и картинки.)

¹⁸ Кай бут лэ Иеговастирэ служытеля андэ жызня исин бут разни биды. Кала андэ Нигерия сас пандэмия COVID-19, акэ со сас еқа ԥэяса, сави котэ жувэлас. Вой ашэляпэ би хуласко и латэ на ашэляпэ ни ловэ, ни со тэ хан, кати ек жмэня рэзо. Еқвар тэсара латири щеёры пушля, со вонэ лэна тэ хан посли кода, сар гитона о послиднё рэзо. Амари ԥэй ԥэндя, кай лэндэ будэр нинай ловэ и хамос, но вонэ моӷут тэ стерэн кадя, сар ек ԥивли анда Сарепта, тэ тавэн о послиднё хамос, саво ашэляпэ, и андэ вся тэ надеинпэ по Иегова (1 Цар. 17:8—16). Сар кати вонэ погиндосардэ, со лэна тэ хан по обедо, вонэ получисардэ помощь лэ ԥралэндар и лэ ԥэяндар. Лэнди андэ́ о хамос, саво хутилдя май бут чем пэ дуй курте. И ԥэй ԥэндя, кай дажэ на гиндояс, сар дэ внимательно о Иегова ашунэлас кода, со вой ԥэнэнас пэстиря щяти. Амэ патяс, если амэ надеисавас по Иегова, тоди ашаса май пашэ каринг лэстэ, кала авэла нэожыдано ԥаримос (1 Пёт. 5:6, 7).

19. Саво нэожыдано ԥаримос сас кай о Алексеё Ершово?

¹⁹ Андэ послидни бэрша бутэ ԥралэн и ԥэян преследуют, важ лэндэ када нэожыдано ԥаримос. Роздиқам примеро еқэ ԥралэско анда Россия, савэс ақарэн Алексеё Ершово. Во болделя андо 1994 бэрш, тоди кай лэ Иеговаско народо сас дэсави свобода. Но ӷэт май интя андэ Россия и ситуацыя паруделя. Андо 2020 бэрш и рая динэ андэ квартира кай о Алексеё и проандярдэ обыско. Бут лэстирэ вещи и рая залинэ. Через дэсавэ шона лэ ԥралэсти ԥэндэ андэр со лэстири дош. Кати погиндон, вонэ смоӷли тэ дошалярэн лэ ԥралэс, важ кода кай лэндэ сас видеозаписи. Лэн стердя ек мануш, саво май бут бэршэстар притерэласпэ, кай камэл тэ уӷанэн пала Библия. Саво дэ сдимари!

20. Сар о Алексеё састярэл пэстири дружба лэ Иеговаса?

²⁰ Через и преследовании о Алексеё Ершово на умэкля и вас. Наоборот лэстири дружба лэ Иеговаса ашэля май састи. О Алексеё ԥэнэн: «Амэ ла хулаяса лям май часто тэ мангаспэ, мэ полав, кай би лэ Иеговастирэ зорэско мэ на виритярава». Во ԥэнэн: «Манди поможый и лично изучения, мэ розмышляю пала кода, сар андярэнас дэлмут пэс и верни лэ Иеговастирэ служытеля. Андэ Библия запистромэ бут случаёря, савэ сыкавэн, сар важно тэ ашэспэ спокойно и тэ патяс лэ Иеговасти».

21. Сости амэн сытярэл кадэя статья?

²¹ Сости амэн сытярэл кадэя статья? И жызня андэ кадэя люма можэт фартэ ӥто тэ парудёл. Но о Иегова всегда поможый кодэлэнди, ко пэр лэстэ надеийпэ. Сар ԥэнэнпэ андо ӷлавно стихо андэ кадэя статья, «бут ԥаримос кай о праведнико, но Иегова вся када улэла лэстар» (Пс. 34:19). Давайте вся и время ласа тэ шас сама най пэ трудности, ай по зор, саво дэл о Иегова. Тоди амэ кадяжэ, сар и о Павло, можэм тэ ԥэнас: «Вся па мэрно зор блаӷодаря кодэлэсти, ко ман подритярэл»! (Флп. 4:13).