Уӷан май бут пала Иегова анда лэстирэ тварении

1. Со поможысардя лэ Иовости май драго тэ уӷанэн лэ Иеговас?

КАЛА о Иово дя дума лэ Иеговаса, кадэя дума фартэ ля лэс лэ одестар. О Иово трэбуй сас май фартэ тэ патял андэ лэ Дэвлэстири мудрость и кай во можэт тэ заботийпэ пала пэстирэ служытеля. Важ када о Иегова шутя лэстири сама пэ дэсавэ удивительни тварении. Например, во ԥэндя, кай заботийпэ пала жывотни, ай значит, во можэт тэ позаботийпэ и пала Иово (Иов 38:39—41; 39:1, 5, 13—16). Кала о Иово погиндосардя пала кода, со создал о Иегова, во бут со уӷангля пала лэстирэ качестворя.

2. Со можэт тэ на домэкэл тэ шас сама пэ кода, со создал о Иегова?

² Амэ можэм май бут тэ уӷанас пала Дэл, кала шас сама пэ лэстирэ тварении. Но дэкала када найвушэро. Лэ манушэсти андо баро форо можэт тэ авэл ԥарэс тэ шол сама пэ природа, важ кода кай ла котэ почти нинай. И дажэ если во жувэл андо гаворо, лэстэ тожэ можэт просто тэ на хутилэл время. Подам дума, васо важно тэ витидас время и тэ пристас зор, кай тэ шас сама пэ кода, со создал о Дэл. Амэ уӷанаса, сар о Иегова и о Иисусо, сытярэнас па тварении. Ай инке, со амэ можэм тэ терас, кай май бут тэ уӷанас, кала диқас пэ природа.

ВАСО АМЭНДИ ТРЭБУЙ ТЭ ШАС САМА ПЭ ЛЭ ИЕГОВАСТИРЭ ТВАРЕНИИ

3. Камэлас о Иегова, кай о Адамо тэ радуийпэ кодэлэсти, савэ тварении сас круӷом лэстэ? Росԥэнэн.

³ О Иегова камэлас, кай о пэрво мануш тэ радуийпэ кодэлэсти, савэ тварении сас круӷом лэстэ. Кала о Иегова создал лэ Адамос, во дя лэсти тэ жувэл андо шукарно садо и ԥэндя, кай во тэ заботийпэ пала лэстэ и тэ стерэл, кай кадэва раё тэ авэл па вся и ԥув (Быт. 2:8, 9, 15). Наверно, кай о Адамо пэрэхутилэлас о фано, кала во диқэлас, сар пробарён и семена и розмэкэнпэ и цвиторя. Сави када дэ бари честь — тэ заботийпэ пала Эдэмско садо! О Иегова кадяжэ ԥэндя, кай о Адамо тэ дэл алав кажнонэ жывотнонэсти (Быт. 2:19, 20). О Дэл моӷ екжэно када тэ стерэл, но кадэя дила во дя лэ Адамости. Канешно, англа кода, сар тэ приақарэл кажно жывотно, о Адамо внимательно диқэлас, сар во андярэл пэс. Наверно, лэ Адамости фартэ чалёлас кадэлэса тэ залэлпэ. Через када во май драго поля лэ Иеговастири мудрость и пэскати о Дэл дэ лашо мастеро пэстиря дилати.

4. а) Васо амэнди трэбуй тэ шас сама пэ кода, со создал о Иегова? б) Сави лэ Иеговастири тварения тути чалёл со май фартэ?

⁴ Васо амэнди трэбуй тэ шас сама пэ лэ Иеговастирэ тварении? Во екжэно ԥэнэн амэнди: «Ваздэн упрэ и яқа и диқэн». Посли када о Дэл пушэл: «Ко стердя вся када?» О атвето амэ драго ӷанас (Ис. 40:26). О Иегова фартэ драго создал о нэбо, и ԥув и моря, — вся када бутэсти сытярэл пала лэстэ (Пс. 104:24, 25). Кадяжэ погиндон, сар о Иегова создал лэ манушэс. Во дя амэнди способность тэ любисарас и природа, ай кадяжэ тэ диқас, тэ ашунас, тэ ласпэ, тэ зумавас, тэ ашунас о запахо. Вся када поможый тэ радосавас кодэлэсти, кай о Иегова создал вся разно.

5. Сар ԥэнэнпэ андэ Римлянам 1:20, саво лашымос амэнди анэн, кала амэ шас сама пэ лэ Иеговастирэ тварении?

⁵ Андэ Библия исин инке ек важно причина, васо амэнди трэбуй тэ шас сама пэ лэ Иеговастирэ тварении. Вонэ сыкавэн лэстирэ качестворя. (Проадинон Римлянам 1:20.) Например, андэ природа можно тэ диқас, сар о Иегова вся идеально стердя. Андэ када дицол лэстири мудрость. Погиндон кадяжэ пала разно хамос, саво амэнди фартэ чалёл. Када доԥэнэн, кай о Дэл фартэ любий лэ манушэн. Кала розмышляем пала тварении, амэ полас, саво о Иегова, саво лэстэ характеро, и камас тэ пашувас каринг лэстэ. Акана давайте диқаса, сар во шолас лэ манушэндири сама пэ тварении, кай тэ сытярэл пэстирэ чачимасти.

О ДЭЛ РОСԤЭНЭН ПАЛА ПЭСТЭ ЧЕРЕЗ И ТВАРЕНИИ

6. Сости амэ сытювас, кала диқас пэ птицы, савэ вурян андэ татэ краёря?

⁶ Кай о Иегова исин пэско ӷрафико важ и дила. Кажно бэрш в концэ февраля жы кай середина мая и израильтяноря диқэнас, сар и аисторя провурян через лэндири страна по северо. О Дэл ԥэндя: «О аисто андо нэбо — и кодэва ӷанэн пэстири время» (Иер. 8:7). Кадяжэ, сар о Иегова стодя и время важ птицы, во стодя и время, кала лэла тэ сындой лэ мирос. Адес, кала амэ диқас, сар и птицы вурян андо нэбо, када напоминает, кай о Иегова стодя о дес, кала улэла кадэя найлащи люма (Авв. 2:3).

7. Андэр со ту можэш тэ патяс, кала диқэс, сар и птицы вурян андо нэбо? (Исайя 40:31).

⁷ О Иегова можэт тэ дэл зор пэстирэ служытелёнэнди. Через о Исая о Иегова дя алав пэстирэ служытелёнэнди, кай если вонэ фартэ вицыёна и умэкэна и вас, во дэла лэнди зор и «вонэ ваздэнапэ вучес, сар пэ крылоря ваздэлпэ о орло». (Проадинон Исайя 40:31.) И израильтяноря най еқвар диқэнас, сар о орло ваздэлпэ вучес андо нэбо. Кадэла птицы астарэн о воздухо, саво ваздэлпэ ла ԥувьятар. Блаӷодаря кадэлэсти вонэ моӷут тэ ваздэнпэ вучес и почти тэ на тратин пэско зор. Если о Иегова дэл зор кадэлэ птицэнди, тоди во дэла зор и амэнди. Кала ту диқэс, сар и птица почти на махыий крылонэнца и ваздэлпэ вся май упрэ и май упрэ андо нэбо, сэр, кай о Иегова можэт тэ дэл зор и тути тэ ваздэспэ анда пэстирэ проблемы.

8. Сости о Иово сытеля, кала розмышлял пала лэ Дэвлэстирэ тварении, и васо амэнди тожэ када важно тэ терас?

⁸ О Иегова достойно, кай амэ лэсти тэ доверяем. О Иово ля май фартэ тэ патял лэ Иеговасти посли кода, сар подя дума лэса (Иов 32:2; 40:6—8). О Дэл шутя лэстири сама пэ пэстирэ бут тварении: пэ звёзды, тучи и моря. Кадяжэ пэ жывотни, кацавэ, сар дыко гурув и грас (Иов 38:32—35; 39:9, 19, 20). Кадэлэса о Иегова сыкадя пэско баро зор, ай кадяжэ любовь и мудрость. Посли кадэя дума о Иово ля тэ доверяет лэ Иеговасти, сар никала (Иов 42:1—6). Кала и амэ шас сама пэ тварении, када напоминает, кай о Иегова пэ бутэстэ май мудро и май зорало, чем амэ. Лэстэ исин зор тэ улэл амаро ԥаримос и биды, и во обязательно када стерэла. Кадэва гиндо можэт тэ придэл амэнди зор май фартэ тэ доверяем лэ Иеговасти.

О ИИСУСО РОСԤЭНЭНАС ЛЭ МАНУШЭНДИ ПАЛА ПЭСКО ДАД, КАЛА ШОЛАС САМА ПЭ ТВАРЕНИИ

9, 10. Со амэ уӷанас пала Иегова, кала диқас по қам и по брышын?

⁹ О Иисусо вся драго ӷанэнас пала природа. Вмести пэстирэ дадэса во создавал вся и Вселено, и андэ Библия пала лэстэ ԥэнэнпэ, кай во «лашо мастеро» (Прит. 8:30). Потом, кала о Иисусо жувэлас пэ ԥув, во шолас лэ учениконэндири сама пэ тварении. Кадэлэса во сытярэлас лэн и росԥэнэнас пала пэско Дад. Диқаса, сости во лэн сытярэлас.

¹⁰ О Иегова любий всаворэ манушэн. О Иисусо андэ пэстири ашунгли дума по плай шутя лэ учениконэндири сама пэ дуй маменторя андэ природа, — када о свето лэ қамэстар и о брышын (Матф. 5:43—45). Хоть бут мануша прилэн када, сар кабута кадя и трэбуй тэ авэл, но па чачимастэ када нэобходимо важ и жызня. О Иегова моӷ бы тэ залэл када кодэлэндар, ко на служый лэсти, но во кадя на терэл. Во дэл лэ қамэско свето и о брышын всаворэнди. Кадэлэса о Иисусо сыкадя важно гиндо. О Иегова камэл, кай амэ тэ любисарас кажнонэ манушэс. Кала амэ диқас по шукарно закато и сар жал о брышындоро, амэ можэм тэ розмышляем, кай о Иегова любий всаворэ манушэн. Лэско примеро можэт тэ побудий амэн тэ обжаспэ всаворэнца кадя жэ, сар и во, и тэ на витидас, касти тэ проповедуем.

11. Сар амэнди можэт тэ придэл зор, кала диқас пэ птицы?

¹¹ О Иегова заботийпэ пала кода, со амэнди трэбуй важ и жызня. Андэ пэстири ашунгли дума по плай о Иисусо кадяжэ ԥэндя: «Шон сама пэ птицы: вонэ на сеин, на стидэн о зэрно и никай лэс на гаравэн, но тумаро небесно Дад праварэл лэн». Возможно, андэ кодэва маменто и мануша, савэ ашунэнас лэ Иисусос, диқэнас, сар и птицы вурян андо нэбо. Ай сави дэ бари любовь дицол андэ лэ Иисусостирэ алава, савэ во потом ԥэндя: «Пэскати жэ тумэ май куч лэндар!» (Матф. 6:26). О Иегова ԥэнэн амэнди, кай дэла вся, со трэбуй важ и жызня (Матф. 6:31, 32). Кадэла алава идоси подритярэн лэ Дэвлэстирэ служытелёнэн. Ек тэрни пианерка анда Испания фартэ пэрэжывала, кай нэ моӷла тэ виарақэл цэр, кай тэ жувэл. Но кала вой додиқля пэ вулица лэ птицэн, савэ ханас и яӷоды, ла када фартэ подритярдя. Вой ԥэнэн: «Мэ додиқлэм, сар о Иегова заботийпэ пала птички, и када поможысардя манди тэ на бистрав, кай во позаботияпэ и пала мандэ». Кадя и сас. Потом кадэя ԥэй виарақля цэр, кай тэ жувэл.

12. Со амэ уӷанас пала Иегова, кала диқас пэ чириклёра? (Матфея 10:29—31).

¹² О Иегова цэнуий кажнонэс андар мэндэ. Кала о Иисусо бишалэлас лэ учениконэн тэ росԥэнэн пала Дэл, во поможысардя лэнди тэ на даран лэ манушэндар, савэ лэна лэн тэ ӷонин. (Проадинон Матфеё 10:29—31.) Сар во када стердя? Во шутя лэндири сама пэ птичка — по воробушко. Кадэлэ чириклёран драго ӷанэнас андо Израилё. Андэ лэ Иисусостирэ деса кацави птичка почти нисо на ашэлас. Но о Иисусо ԥэндя пэстирэ учениконэнди: «Ни ек андар лэндэ на пэрэла пэ ԥув, кай тэ на ӷанэн тумаро Дад». Ай тоди во инке ԥэндя: «Во цэний тумэн май фартэ, чем бутэ чириклян». Кадя о Иисусо сыкадя лэ учениконэнди, кай о Иегова ценуий кажнонэс андар лэндэ. Важ када лэнди на трэбуй тэ даран, если лэн ӷонина важ и вера. Кала лэ Иисусостирэ ученикоря росԥэнэнас важ о Дэл па фороря и па гава, вонэ диқэнас кадэлэ птичкэн и вспоминали лэ Иисусостирэ алава. Кала ту диқэс цынёне птичкэн, сэр, кай о Иегова цэний лично тут. Ту май куч, чем бут чириклёра. Лэ Дэвлэса ту можэш тэ на дарас, кала авэр жан против тутэ (Пс. 118:6).

СО ТЭ ТЕРАС, КАЙ МАЙ БУТ ТЭ УӶАНАС ПАЛА ДЭЛ АНДА ТВАРЕНИИ?

13. Со амэнди трэбуй тэ терас, кай тэ уӷанас пала Дэл анда кода, со во создал?

¹³ Через и тварении амэ можэм бут со тэ уӷанас пала Иегова. Но со амэ трэбуй тэ терас? Пэрво, трэбуй тэ витидас время, кай тэ шас сама пэ кода, со создал о Дэл. Дуйто, трэбуй тэ гиндосарас, со анда природа амэ уӷанас пала Иегова. Канешно, када най всегда вушэро тэ терэс. И ԥэй Жеральди́на анда Камеруно ԥэнэн: «Мэ вибарелэм андо баро форо. Мэ полав, кай трэбуй тэ пристав бут зор, кай тэ шав сама пэ природа». О барэдэр ԥрал, савэс ақарэн Альфо́нсо, росԥэнэн: «Мэ полав, кай трэбуй спецыально тэ витидав время, кай тэ шав сама пэ тварении и кай кадэлэсти нисо тэ на помешает. Ай кадяжэ, кай тэ розмышляю, со через лэндэ мэ уӷанав пала Иегова».

14. Сости сытеля о Давидо, кала розмышлял пала кода, со создал о Дэл?

¹⁴ О Давидо драго розмышлял пала кода, со создал о Дэл. Во ԥэндя лэ Иеговасти: «Кала мэ диқав по нэбо, пэ тварении, савэ стердэ тирэ вас, пэ луна и черӷая, савэ ту создал, тоди гиндосарав, ко кацаво о мануш, кай ту сэрэс пала лэстэ?» (Пс. 8:3, 4). Кала о Давидо и рят диқэлас по нэбо, во най кати лошавэлас кодэлэсти, сави дэ бари Вселено. Во камэлас тэ полэл, сар через кадэла звёзды во май бут уӷанэн пала Дэл. Кадя во уӷангля, кай о Иегова фартэ мудро и лэстэ исин баро зор. Инке о Давидо розмышлял, сар лэстири дэй ԥиравэлас лэс, пока во инке на арақаделя. Кала во гиндояс, сар удивительно появисайля пэ люма, во ашэлас инке май блаӷодарно лэ Иеговасти (Пс. 139:14—17).

15. Росԥэнэн, сар амэ можэм тэ додиқас лэ Иеговастирэ качестворя андэ лэстирэ тварении? (Пс. 148:7—10).

¹⁵ Наверно, тути, сар лэ Давидости, чалёл тэ розмышляеш пала тварении. Круӷом амэндэ всегда исин кода, со сыкавэл бут райканэ лэ Иеговастирэ качестворя. Андо жарко дес, кала ԥабарэл о кам, ту можэш тэ погиндос, саво дэ баро зор кай о Дэл (Иер. 31:35). Если ту шутян сама, сар и птица терэл пэсти ӷниздо, погиндосар пала лэ Иеговастири мудрость. Ай кала ту диқэс, сар о хортико цэлэлпэ пэстиря пуряса, ту, наверно, лэс тэ асас. Када сыкавэл, кай о Иегова — бахтало Дэл и создал дэсо кадя, кай амэ тэ асас. Дицол, кай во тожэ ӷанэн тэ терэл ԥэряс. Кажно разо, кала ту диқэс, сар и дэй ԥиравэл пэстирэ бэятос андэ вас, ԥэн лэ Иеговасти «наис» пала лэстири любовь. Кажно дес амэ можэм бут со тэ уӷанас пала Иегова. Дэсавэ лэстирэ тварении барэ, ай авэр — цынёне. Дэсавэ паша амэндэ, ай авэр — фартэ дур. Всаворэ вонэ прославляют лэ Дэвлэс. (Проадинон Псалом 148:7—10.)

16. Со амэнди трэбуй тэ терас?

¹⁶ Амаро Дэл мудро, любящё, зорало и велико мастеро. Андэ када лэса нико на сыстояпэ. Кадэла и бут авэр качестворя дицон андэ лэстирэ тварении. Кати трэбуй тэ придиқаспэ. Давайте всегда тэ витидас время, кай тэ шас сама пэр лэндэ и тэ гиндосарас, сости вонэ сытярэн амэн пала Иегова. Через када амэ пашуваса каринг о Создателё (Иак. 4:8). Андэ авэр статья амэ роздиқаса, сар и родителя моӷут тэ шон лэ бэятонэндири сама пэ кода, со создал о Иегова, кай вонэ тэ пашон каринг лэстэ.