Сытярэн лэ бэятонэн пала Иегова через и тварении

1. Со и родителя камэн важ пэстирэ бэяцэ?

СОМНАКОНЭ родителя, амэ ӷанас, кай тумэ фартэ камэн тэ поможын пэстирэ бэятонэнди тэ уӷанэн лэ Иеговас и тэ полюбин лэс. Но лэ Дэвлэс тэ додиқэс нэвозможно. Сар тумэ можэте тэ поможын лэ бэятонэнди тэ полэн, кай о Иегова чаче исин и кай лэса можно тэ дружын? (Иак. 4:8).

2. Сар и родителя моӷут тэ поможын пэстирэ бэятонэнди тэ уӷанэн, саво Иегова?

² Кай тэ поможын лэ бэятонэнди тэ дружын лэ Иеговаса, важно лэнца тэ изучаете и Библия (2 Тим. 3:14—17). Но андэ Свынто Писания росԥэнэнпэ и пала авэр способо. Андэ книӷа Притчи ек дад дэл дума пэстирэ шавэса пала лэ Иеговастирэ тварении. Во мангэл пэстирэ шавэс тэ на бистрэл пала лэ Дэвлэстирэ качестворя, савэ драго дицон андэ кода, со во создал (Прит. 3:19—21). Амэ подаса дума пала дэсавэ способоря, сар и родителя моӷут тэ поможын, кай и бэяцэ тэ шон сама пэ тварении и кадя май драго тэ уӷанэн лэ Иеговас.

САР ТЭ СЫТЯРЭН ЛЭ БЭЯТОНЭН ЧЕРЕЗ И ТВАРЕНИИ?

3. Андэр со трэбуй и родителя тэ поможын лэ бэятонэнди?

³ Андэ Библия ԥэнэнпэ: «Лэстирэ качества, савэ и мануша нэ моӷут тэ диқэн... Вся када драго дицол кодэла времятар, сар во создал и люма, важ када кай лэн ӷатярэн через кода, со во создал» (Рим. 1:20). Родителя, наверно, тумэнди чалёл тэ авэн лэ бэятонэнца пэ природа. На умэкэн кадэя время, кай тэ поможын лэ бэятонэнди тэ додиқэн через и тварении, саво дэ лашо Дэл Иегова. Андэ када тумэнди можэт тэ поможый лэ Иисусоско примеро.

4. Сар о Иисусо сытярэлас лэ манушэн, кала шолас сама пэ лэ Дэвлэстирэ тварении? (Луки 12:24, 27—30).

⁴ Сар о Иисусо сытярэлас лэ манушэн, кала шолас сама пэ лэ Дэвлэстирэ тварении? Еқвар во мангля пэстирэ учениконэн тэ диқэн пэ кикирашки и пэ лилии. (Проадинон Луки 12:24, 27—30.) Канешно, о Иисусо моӷ тэ росԥэнэн пала любо жывотно или растения, но во витидя тэ росԥэнэн пала птицы и пала цвиторя. Када сас понятно кодэлэнди, ко лэс ашунэнас. И ученикоря моӷли тэ диқэн, сар вурян и кикирашки и сар барён и лилии пэ мал. Прецтавьте, сар о Иисусо сыкавэл лэ вастэса пэр лэндэ. Ай со во стердя посли кода, сар ԥэндя пала кадэла тварении? Во сыкадя пэстирэ учениконэнди, пэскати дэ щедро и дэ добро о небесно Дад. О Иегова лэла тэ праварэл и тэ утидэл пэстирэ служытелёнэн, савэ на парашэн лэс тэ кандэн кадя жэ, сар во заботийпэ пала кикирашки и пала лилии.

5. Пала савэ тварении и родителя моӷут тэ росԥэнэн лэ бэятонэнди, кай вонэ тэ уӷанэн пала Иегова?

⁵ Родителя, сости тумэ можэте тэ сытён кай о Иисусо, кала сытярэн пэстирэ бэятонэн? Например, росԥэнэн лэ бэятости пала пэско любимо жывотно или растения. Ԥэнэн, со через када амэ можэм тэ уӷанас пала Иегова, ай потом пушэн кай о бэято, со за лэстэ любимо жывотно или цвиточко. Если тумэ дэн дума лэ бэятоса пала кода, со лэсти интересно, во, возможно, авэла тэ ашунэл инке май внимательно, кала тумэ лэна тэ росԥэнэн пала Иегова.

6. Сости амэ можэм тэ сытювас кай лэ Кристоферости дэй?

⁶ И родителя трэбуй тэ сытярэн лэ бэятонэн, кай вонэ через и тварении май бут тэ уӷанэн пала Иегова. Но трэбуй лэнди важ када тэ тратин фартэ бут время, кай тэ виарақэн инфармацыя пала варисаво жывотно или растения? Нэобязательно. О Иисусо на росԥэнэнас подробно пала кода, со хан и кикирашки или пала кода, сар стерди и лилия. Да, тумарэ бэятости моӷут тэ чалён кацавэ интересни маменторя. Но дэкала, кай тэ сытярэс лэс варисости, трэбуй кати дэсавэ алава или просто вопросо. Акэ со вспоминает пала пэско децтво о Кри́стоферо. Во ԥэнэн: «И мама ӷанэнас простонэ алавэнца тэ шол сама пэ лэ Дэвлэстирэ тварении, савэ сас круӷом амэндэ. Например, кала амэ самас паша плая, вой ԥэнэнас: „Савэ дэ барэ плая, хэба о Иегова най райкано Художнико?“ Или кала амэ самас по бэрэӷо паша океано, вой моӷла тэ ԥэнэн: „Диқэн, саво зор кай кадэла волны! Лэ Дэвлэстэ фартэ баро зор, чаче ш?“». О Кристоферо ԥэнэн инке: «Кацавэ прости, но важни алава заставинас амэн тэ загиндосавас».

7. Сар тэ сытярэн лэ бэятонэн тэ гиндон пала лэ Дэвлэстирэ тварении?

⁷ Кала и бэяцэ подбарён, сытярэн лэн тэ гиндон пала лэ Дэвлэстирэ тварении, и через када вонэ лэна тэ диқэн, саво о Иегова. Например, можно тэ витидэн варисави лэ Дэвлэстири тварения и тэ пушэн кай о бэято: «Со ту уӷанглян анда када пала Иегова?» Кода, савэ атветоря во дэла, тумэн можэт фартэ тэ удивий (Матф. 21:16).

КАЛА И КАЙ МОЖНО ТЭ СЫТЯРЭН ЛЭ БЭЯТОНЭН ЧЕРЕЗ И ТВАРЕНИИ?

8. Сави возможность сас кай и родителя андо Израилё, кала вонэ жанас лэ бэятонэнца па дром?

⁸ Лэ родителёнэнди андо Израилё сас ԥэндо тэ сытярэн лэ бэятонэн тэ ӷанэн лэ Иеговастирэ законоря. Вонэ трэбуй сас када тэ терэн най кати цэрэ, но и кала жанас па дром (Втор. 11:19). И дрома, савэ сас андо Израилё, прожанас через и гава. Котэ можно сас тэ додиқэс бут разни жывотни, птицы и цвиторя. Кала о израильско ери жалас па дром, кай и родителя сас розлащи возможность тэ подэн дума лэ бэятонэнца пала лэ Иеговастирэ тварении. Тумэндэ, родителя, тожэ, наверно, исин лащи возможность. Давайте роздиқаса, со терэн дэсавэ родителя.

9. Сости тумэ сытён кай и Пунита и кай и Катя?

⁹ И Пуни́та, сави жувэл андо баро форо андэ Индия, росԥэнэн: «Кала амэ ладас каринг о родо андо гав, амэ арақас время, кай тэ поможысарас лэ бэятонэнди тэ уӷанэн пала лэ Иеговастирэ тварении. Мэ гиндосарав, кай если мэрнэ бэяцэ авэна май дур кодэлэ ҭанэндар, кай шумно и исин бут мануша, лэнди авэла май вушэро тэ шон сама пэ тварении и тэ розмышляют пала лэндэ». Родителя, тумарэ бэяцэ, наверно, никала на бистрэна и время, сави вонэ проандярдэ тумэнца андэ варисаво шукарно ҭан пэ природа. И Катя анда Молдова ԥэнэн: «Мэрнэ со май лашэ воспоминании анда децтво, — када, сар амэ лэ родителёнэнца виладасас пала форо. Мэ фартэ блаӷодарно лэнди, кай вонэ жы бэятатар сытярэнас ман тэ притердював и тэ диқав пэ вся, со создал о Иегова, и через и тварении тэ полав, саво во».

10. Со моӷут тэ терэн и родителя, если лэ ерести найвушэро тэ виладэл пала форо? (Диқэн и рамка «Помощь лэ родителёнэнди».)

¹⁰ Ай со, если тумэ нэ можэте тэ виладэн пала форо? О Амо́ло, саво тожэ жувэл андэ Индия, ԥэнэн: «Котэ, кай мэ жував, лэ родителёнэнди прижалпэ фартэ бут тэ терэн пэ бути, ай тэ виладас пала форо ашэл фартэ куч. Но дажэ цынёнё парко или балконо — розлашо ҭан, кай можно тэ диқэс пэ лэ Иеговастирэ тварении и тэ подэс дума пала лэстирэ качестворя». Если тумэ внимательно диқэна круӷом пэстэ, тоди тожэ виарақэна дажэ паша цэр бут лэ Иеговастирэ тварении, савэ можэте тэ сыкавэн лэ бэятонэнди (Пс. 104:24). Када моӷут тэ авэн птицы, насекоми, растении и бут со авэр. И Карина анда Германия ԥэнэн: «Кала мэ сымас цынёни, амэ ла мамаса ӷуляли, и вой всегда шолас сама пэ шукарнэ цвиторя, важ кода кай вой лэн фартэ любий». Ай инке лэ родителёнэнди андэ када дэл помощь бут видеоря и статьи пала лэ Иеговастирэ тварении, савэ вимэкэл амари арӷанизацыя. Сомнаконэ родителя, ай тумэ пользуетесь кадэлэса? Сар бы тэ на авэл, тумэ можэте тэ сытярэн пэстирэ бэятонэн тэ диқэн пэ кода, со создал о Иегова. Ай акана давайте роздиқаса дэсо, со сыкавэл, саво о Иегова, и сар амэ можэм тэ поможысарас, кай и бэяцэ тэ шон сама пэ када.

И ТВАРЕНИИ ДРАГО СЫКАВЭН, САВО О ИЕГОВА

11. Сар и родителя моӷут тэ поможын пэстирэ бэятонэнди тэ диқэн лэ Иеговастири любовь?

¹¹ Кай тэ поможын пэстирэ бэятонэнди тэ додиқэн, сар любий лэн о Иегова, тумэ можэте тэ шон сама, сар нежно бут жывотни заботинпэ пала пэстирэ бэятичкоря (Матф. 23:37). Кадяжэ тумэ можэте тэ шон сама круӷом пэстэ, кай андэ природа исин бут со разно. И Карина, кастирэ алава пистромэ май упрэ, ԥэнэн: «Кала амэ ла мамаса ӷуляли, вой ԥэнэнас манди тэ притердював и тэ диқав пэ цвиторя. Вой ԥэнэнас манди тэ погиндосарав, васо кажно цвиточко особено и сар лэско шукаримос сыкавэл лэ Иеговастири любовь. Прожылэ бэрша, ай мэ всаек инке на парашав тэ шав сама пэ цвиторя. Манди фартэ чалёл, кай вонэ кацавэ разни и шукарнэ. Вонэ манди напоминают, сар дэ фартэ амэн любий о Иегова».

12. Сар и родителя моӷут тэ поможын лэ бэятонэнди тэ додиқэн лэ Дэвлэстири мудрость? (Псалом 139:14). (Кадяжэ диқэн и картинка.)

¹² Поможын пэстирэ бэятонэнди тэ полэн, саво дэ мудро о Дэл. Лэ Иеговастири мудрость пэ бутэстэ май бари, чем амари (Рим. 11:33). Кай и бэяцэ када май драго тэ полэн, тумэ, например, можэте тэ ԥэнэн: «Диқэн пэ тучи. Вонэ стердэ анда фартэ бут паи, но сар жэ вонэ вушэро жан па нэбо!» (Иов 38:36, 37). Кадяжэ тумэ можэте тэ шон лэ бэятонэндири сама пэ кода, сар дэ удивительно стерди амари тила. (Проадинон Псалом 139:14.) Акэ со еқвар стердя о Владимиро. Во ԥэнэн: «Еқвар амаро шаворо пэля па велосипедо и розмардя и чанг. Через дэсавэ деса и рана зажудя. Амэ ла хулаяса росԥэндям лэсти, кай о Иегова стердя, кай амарэ клетки моӷут екжэнэ пэс тэ ремонтируют. Амэ росԥэндям, кай андэ механизморя, савэ стердэ и мануша, кацаво нинай. Например, и машына посли авария нэ можэт екжэни тэ стерэл пэсти ремонто. Када поможысардя амарэ шаворэсти тэ полэл, кай о Иегова фартэ мудро».

13. Сар и родителя моӷут тэ поможын лэ бэятонэнди тэ диқэн лэ Дэвлэско зор? (Исайя 40:26).

¹³ О Иегова мангэл, кай амэ тэ ваздас и яқа каринг о нэбо и тэ погиндосарас, сар лэско баро зор уритярэл всаворэ звёзды пэ пэско ҭан. (Проадинон Исайя 40:26.) Тумэ можэте вмести лэ бэятонэнца тэ диқэн по нэбо и тэ подэн дума, со вонэ котэ диқэн. И ԥэй, савя ақарэн Тинти́н, сави жувэл андэ Тайвань, вспоминает пала пэско децтво. Вой ԥэнэн: «Еқвар амэ ла мамаса жылям андо походо. Вэчэром, май дур лэ форостар, амэ диқасас по нэбо, кай сас фартэ бут звёзды, савэ драго дицонас. Андэ кодэя время манди сас ԥарэс кодэлэстар, кай пэр мандэ тасавэнас андэ школа, и мэ пэрэжывала, смоӷу мэ тэ на парашав тэ служысарав лэ Дэвлэсти чи най. И мама ԥэндя манди тэ погиндосарав, саво зор трэбуй лэ Иеговасти, кай во тэ создаст всаворэ кадэла звёзды. Вой ԥэндя манди тэ патяв, кай во можэт кадэлэ зорэса тэ поможый манди тэ пэрэандярав любо ԥаримос. Посли кода, сар амэ диқасас пэ звёзды, мэ фартэ закамлэм инке май бут тэ уӷанав пала Иегова, и мандэ появисайля май бари жылания тэ служысарав лэсти».

14. Сар и родителя моӷут тэ поможын лэ бэятонэнди тэ диқэн, кай о Иегова — бахтало Дэл?

¹⁴ Лэ Иеговастирэ тварении сыкавэн, кай во бахтало Дэл, и во ӷанэн тэ ԥэрясуий. И учони уӷанглэ, кай бут жывотни, кадяжэ птицы и маще, ӷанэн тэ цэлэнпэ и тэ балуинпэ (Иов 40:20). Наверно, тумэ сэрэн, сар тумарэ бэяцэ асан, кала диқэн пэ жывотни. Можэт, и бэяцэ диқлэ, сар и мыцыца цэлэлпэ лэ клубкоса анда ҭава или сар и хортицоря цэлэнпэ ек еқэса. Пэ авэр разо, кала тумарэ бэяцэ лэна тэ асан, кала диқэна, сар андярэн пэс и жывотни, ԥэнэн лэнди, кай амэ служысарас лэ бахталэ Дэвлэсти (1 Тим. 1:11).

ЛОШАВЭН ЛЭ ЕРЕСА КОДЭЛЭСТИ, САВЭ ТВАРЕНИИ ИСИН

15. Со поможыя лэ родителёнэнди тэ полэн, пала со гиндон лэндирэ бэяцэ? (Притчи 20:5). (Диқэн кадяжэ и картинка.)

¹⁵ Дэкала и родителя диқэн, кай лэ бэятостэ варисо тердяпэ, но трудность можэт тэ авэл, кай о бэято най вся росԥэнэн. Если кацаво исин, тоди тумэ можэте тэ старыинпэ тэ полэн, пала со гиндой тумаро бэято. (Проадинон Притчи 20:5.) Дэсавэ родителя шон сама, кай лэнди май вушэро када тэ стерэн, кала вонэ лэ бэятонэнца пэ природа. Васо? Например, важ кода кай котэ май набут, со отвлекает, сар лэ бэятонэн, кадя и лэ родителёнэн. О ԥрал, савэс ақарэн Масахи́ко, саво жувэл андэ Тайвань, ԥэнэн и пала авэр причины: «Кала амэ отцыювас лэ бэятонэнца по свижо воздухо — ԥирас андэ плая или гуляем па пляжо, вонэ обычно чуствуют пэс май свободно. Блаӷодаря кадэлэсти амэнди май вушэро тэ уӷанас, пала со вонэ гиндон». И Катя, кастирэ алава сас пистромэ май упрэ, ԥэнэн: «Посли школа амэ ла мамаса часто ԥирасас андо шукарно парко. Котэ манди сас май вушэро тэ росԥэнав лати, со тердяпэ мандэ андэ школа или пала со мэ пэрэжываю».

16. Сар и еря моӷут тэ отцыён и тэ проандярэн время котэ, кай бут лэ Иеговастирэ тварении?

¹⁶ И еря моӷут вмести тэ отцыён и тэ проандярэн время пэ природа и тэ диқэн лэ Иеговастирэ тварении. Када поможыя, кай и еря тэ авэн май састэ. Андэ Библия ԥэнэнпэ, кай исин «время тэ асан» и «время тэ цэлэн» (Эккл. 3:1, 4). О Иегова создал пэ амари планета бут шукарнэ ҭана, кай можно тэ терас кодэя дила, сави амэ любисарас. Бутэ еренди чалёл вмести тэ ԥирэн андо вэш, тэ жан андэ плая или тэ отцыён по бэрэӷо паша моря. И бэяцэ любин тэ беӷиин, тэ цэлэнпэ андо парко, тэ наён андэ лэн или тэ диқэн пала жывотни. Кай и еря исин бут райканэ возможности драго тэ проандярэн и время пэ природа. Сар дэ драго, кай круӷом амэндэ исин кацави тварения!

17. Васо и родителя трэбуй тэ сытярэн лэ бэятонэн, кай вонэ тэ лошавэн через лэ Иеговастирэ тварении?

¹⁷ Андо раё пэ ԥув и родителя и бэяцэ додиқэна инке бут со нэво, со создал о Иегова, и авэна тэ лошавэн. Амэнди на трэбуй авэла тэ дарас лэ жывотнонэндар, и вонэ на авэна тэ даран амэндар (Ис. 11:6—9). Амэндэ авэла фартэ бут время, кай тэ лошавас всаворэсти, со подарисардя амэнди о Иегова (Пс. 22:26). Но, родителя, на аштярэн о раё. Ужэ акана сытярэн лэ бэятонэн тэ лошавэн кодэлэсти, со создал о Иегова, и росԥэнэн лэнди пала лэстэ. Тоди тумарэ бэяцэ соӷласинапэ кодэлэса, со ԥэндя о царё Давидо: «Иегова... нисоса на сыстоса тири дила!» (Пс. 86:8).