Родителя, поможын пэстирэ бэятонэнди тэ полюбин лэ Иеговас

1, 2. Васо дэсавэ библейски принцыпоря ашэн важ амэндэ май важни, кала варисо парудёл андэ жызня?

ПРЕЦТАВЬТЕ пэсти ябьяв. Радосно тэрно и шукарни тэрни ашунэн и библейско речь пала брако, сави росԥэнэн о ԥрал. Важ лэндэ када най варисавэ нэвэ гиндоря, вонэ вся када ужэ ашунглэ раньшэ. Но акана кадэла принцыпоря важ лэндэ фартэ важни, важ кода кай вонэ ашэлэ ери.

² Кадяжэ можно тэ ԥэнас и пала христианоря, савэ ашэн родителёнэнца. Хоть важ бут бэрша андэ истина вонэ най еқвар ашунэнас речи пала бэяцэ, акана важ лэндэ када ашэл май важно. Лэндэ авэла бэято. Када бари отвецтвеность! Кала варисо парудёл андэ жызня, амэ пэ дэсавэ библейски принцыпоря лас тэ диқас па аврятэ. Важ када лэ Иеговастирэ служытеля адинон и Библия и гиндосарэн пала латэ «вся пэстири жызня кажно дес» (Втор. 17:19).

3. Пала со амэ подаса дума андэ кадэя статья?

³ Родителя, тумэндэ исин бари честь — тэ сытярэн пэстирэ бэятонэн пала Иегова. Старыинпэ най просто варисо тэ росԥэнэн пала Дэл, ай кай и бэяцэ анда вся оди тэ полюбин лэс. Со тумэнди андэ када поможыя? Андэ кадэя статья амэ роздиқаса штар принцыпоря, савэ моӷут тэ дэн зор лэ родителёнэнди. Кадяжэ амэ подаса дума, саво лашимос андя дэсавэ дадэнди и дэянди, кай вонэ прилэнас и библейски советоря (2 Тим. 3:16).

ШТАР ПРИНЦЫПОРЯ, САВЭ МОӶУТ ТЭ ПОМОЖЫН ЛЭ РОДИТЕЛЁНЭНДИ

4. Саво принцыпо поможыя лэ родителёнэнди тэ сытярэн лэ бэятос тэ полюбий лэ Иеговас? (Иакова 1:5).

⁴ Принцыпо 1. Родэн совето кай о Иегова. Мангэн кай о Иегова мудрость, кай тэ поможын лэ бэятонэнди тэ полюбин лэс. (Проадинон Иакова 1:5.) Во май драго всаворэндар ӷанэн тэ дэл советоря. Васо? Пэрво, кай о Иегова исин баро опыто андэ кода, сар тэ сытярэл лэ бэятонэн (Пс. 36:9). Дуйто, лэстирэ мудри советоря вся и время анэн лашимос (Ис. 48:17).

5. а) Сар лэ Иеговастири арӷанизацыя поможый лэ родителёнэнди? б) Сости тумэ можэте тэ сытён кай о ԥрал и ԥэй Аморим, сар тэ сытярэн лэ бэятонэн? (Диқэн и сноска.)

⁵ Амаро Дэл Иегова камэл, кай тумарэ бэяцэ тэ полюбин лэс. Важ када во дя амэнди и Библия. Кадяжэ через пэстири арӷанизацыя о Иегова поможый амэнди май драго ла тэ полас (Матф. 24:45). Например, тумэ можэте тэ виарақэн бут лашэ советоря андэ рубрика «Помощь лэ еренди», сави варикала сас андо журнало «Прошонпэ!», ай акана вижал пэ амаро сайто. Инке котэ исин бут видеоря и интэрвью, савэ поможын лэ родителёнэнди тэ прилэн лэ Иеговастирэ советоря и тэ сытярэн пэстирэ бэятонэнb (Прит. 2:4—6).

6. Со росԥэнэн ек ԥрал пала помощь, сави дэл о Иегова через пэстири арӷанизацыя?

⁶ Бут родителя блаӷодарни лэ Иеговасти, кай во через пэстири арӷанизацыя дэл лэнди помощь. Ек ԥрал, савэс ақарэн Джо, росԥэнэн: «Тэ поможысарас лэ бэятонэнди тэ полюбин лэ Иеговас найвушэро. Амэ ла хулаяса мангаспэ лэ Иеговасти пала помощь. И сар кати амэндэ появийпэ варисави проблема, имено тоди вижал и статья или о видео пэ кадэя тема. Амэ всегда прилас лэ Иеговастирэ советоря». О Джо и лэстири хулаи фартэ блаӷодарни лэ Иеговасти, кай во заботийпэ пала лэндирэ бэяцэ и поможый, кай вонэ тэ ашэн лэстирэ друӷоря.

7. Васо и родителя трэбуй тэ сыкавэн лашо примеро лэ бэятонэнди? (Римлянам 2:21).

⁷ Принцыпо 2. Сыкавэн лашо примеро. И бэяцэ диқэн, сар андярэн пэс и родителя, и терэн кадяжэ. Канешно, и родителя нэсовершэни (Рим. 3:23). Но всаек вонэ трэбуй тэ пристон вся пэско зор, кай тэ сыкавэн лашо примеро лэ бэятонэнди. (Проадинон Римлянам 2:21.) Акэ со росԥэнэн ек ԥрал: «Лэ бэятонэн можно тэ сыстосарас ла ӷубкаса, сави ӥто лэл андэр пэстэ о паи. Если тумэ на терэн кадя, сар сытярэн лэн, вонэ ӥто пала када ԥэнэна». Важ када, если тумэ камэн, кай тумарэ бэяцэ тэ полюбин лэ Иеговас, вонэ трэбуй тэ диқэн, кай тумэ екжэнэ любин лэс.

8, 9. Сости можно тэ сытён кай о Андрей и кай и Эмма?

⁸ Давайте подаса дума, сар и родителя моӷут тэ сыкавэн лашо примеро лэ бэятонэнди. О ԥрал Андрей, савэсти 17 лет, росԥэнэн: «Мэрнэ родителя вся и время ԥэнэнас манди, пэскати дэ важно тэ мангавпэ. Кажно рят о дад мангэласпэ манца, дажэ если мэ екжэно ужэ манглэмпэ. Мэрнэ родителя часто ԥэнэнас амэнди ла ԥьяса, кай амэ можэм фартэ долӷо тэ дас дума лэ Иеговаса, скати камас. Важ када и молитва ашэля важ мандэ фартэ важно. Мэ моӷу тэ росԥэнав лэ Иеговасти вся, со мандэ по ди, сар любящёнэ Дадэсти». Родителя, сэрэн: тумаро примеро можэт тэ поможый лэ бэятонэнди тэ полюбин лэ Иеговас. Мэк вонэ диқэн тумари любовь каринг о Иегова!

⁹ Подам дума пала Эмма. Кала вой сас цынёни, лако дад ашадя лэ ерес. Лэстэ сас бут вужылимос и ла дати прижаласпэ тэ отдэл кадэла ловэ важ лэстэ. И Эмма росԥэнэн: «Дэкала амэнди ла даса сас фартэ ԥарэс лэ ловэнца. Но вой всегда ԥэнэнас, кай о Иегова никала на ашавэла пэстирэ друӷонэн андэ бида. Дицолас, кай вой па чачимастэ патял андэ када. Мэрни дэй най просто сытярэлас аврэн, вой прилэлас када андэ пэстири жызня». Сости можно тэ сытён? Дажэ андэ найвушэро время и родителя моӷут тэ сыкавэн лашо примеро лэ бэятонэнди (Гал. 6:9).

10. Кала и родителя андо Израилё моӷли тэ росԥэнэн лэ бэятонэнди пала Иегова? (Второзаконие 6:6, 7).

¹⁰ Принцыпо 3. Май часто общяйтесь лэ бэятонэнца. О Иегова ворта ԥэндя лэ израильтянонэнди, кай вонэ тэ сытярэн пэстирэ бэятонэн. (Проадинон Второзаконие 6:6, 7.) Андэ кодэя время кай и родителя сас бут возможности тэ дэн дума лэ бэятонэнца пала Иегова, кай вонэ тэ полюбин лэс. Например, кала о дад пэстирэ шавэса терэлас бути пэ мал. Или кала и бэята поможыяс пэстиря дати па цэр. Вонэ проандярэнас вмести бут время. И родителя моӷли тэ росԥэнэн лэ бэятонэнди, саво дэ добро о Иегова и сар во поможый лэндирэ ерести.

11. Сави возможность исин кай и родителя тэ общяюца пэстирэ бэятонэнца?

¹¹ Адес амари жызня фартэ паруделя. Андэ бут страны и бэяцэ сытён андэ школа, ай и родителя ԥирэн пэ бути. Важ када вонэ ужэ нэ моӷут тэ проандярэн вмести бут время. Фартэ важно, кай и родителя тэ на хасарэн ни ек минута, кай тэ дэн дума пэстирэ бэятонэнца (Эф. 5:15, 16; Флп. 1:10). Када можно тэ терэн пэ семейно изучения. Ек тэрно ԥрал, савэс ақарэн Александр росԥэнэн: «Мэрно дад доԥэндёл амэнца пала семейно изучения и на домэкэл, кай варисо тэ помешает тэ проандярэл ла, дажэ если лэстэ фартэ бут дила. Ай посли изучения амэ общяемся лэ ереса и росԥэнас вся, со амэндэ по ди».

12. Пала со трэбуй тэ сэрэн и хула́я, кала проандярэн и семейно изучения?

¹² Хула́я, со тумэ можэте тэ стерэн, кай тумарэ бэятонэнди тэ чалёл и семейно изучения? Например, амэндэ исин райкани книӷа «Жувэн вечно пэ бахтатэ!». Вой дэл розлащи возможность драго тэ подэн дума пала Библия. Если тумэ камэн, кай и бэяцэ тэ росԥэнэн тумэнди, со лэндэ по ди и пала пэстирэ пэрэжывании, на трэбуй пэ изучения тэ цыпин пэр лэндэ и тэ просытярэн лэн. Ай наоборот, старыинпэ тэ обжанпэ лэнца по доброму, дажэ если вонэ ԥэнэна варисо, со тумэнди на чалёла. Радуинпэ, кай и бэяцэ росԥэнэн, со лэндэ по ди, и терэн вся, кай вонэ тэ на даран тэ ԥэнэн пэско гиндо. Тумэнди авэла май вушэро тэ дэн зор лэ бэятонэнди, если тумэ ӷанэна, пала со вонэ гиндон.

13. Сар инке тумэ можэте тэ поможын лэ бэятонэнди, кай вонэ тэ подружынпэ лэ Иеговаса?

¹³ Родителя, старыинпэ тэ родэн любо возможность, кай тэ поможын лэ бэятонэнди тэ подружынпэ лэ Иеговаса. На трэбуй тэ аштярэн и семейно изучения, кай тэ сытярэн лэ бэятонэн пала Дэл. И ԥэй Лиза росԥэнэн: «Амэ лэ хуласа поможысарас лэ бэятонэнди тэ шон сама, сар дэ драго о Иегова вся создал. Дэкала и бэяцэ асанаспэ лэ риконорэстар. Тоди амэ росԥэнасас, кай кадя лэс создал о Дэл, и кай о Иегова тожэ ӷанэн тэ радуийпэ и камэл, кай амэ тэ авас бахталэ».

14. Васо лэ родителёнэнди важно тэ поможын лэ бэятонэнди тэ виарақэн лашэ друӷонэн? (Притчи 13:20).

¹⁴ Принцыпо 4. Поможын лэ бэятонэнди тэ виарақэн лашэ друӷонэн. Андэ Библия ԥэнэнпэ ворта: амарэ друӷоря фартэ влияют пар мэндэ и амэ парудювас — либо андэ лащи, либо андэ найлащи риг. (Проадинон Притчи 13:20.) Родителя, тумэ ӷанэн, каса дружын тумарэ бэяцэ? Проандярэнас тумэ время лэндирэ друӷонэнца? Со тумэ можэте тэ стерэн, кай тэ поможын пэстирэ бэятонэнди тэ виарақэн лашэ друӷонэн андэ собрания? (1 Кор. 15:33). Например, тумэ можэте тэ ақарэн в ӷости лэ ԥралэн и лэ ԥэян, савэндэ лащи дружба лэ Иеговаса, кай тэ проандярэн время вмести (Пс. 119:63).

15. Сар и родителя моӷут тэ поможын пэстирэ бэятонэнди тэ виарақэн лашэ друӷонэн?

¹⁵ Амаро ԥрал Энтони росԥэнэн, со вонэ ла хулаяса терэнас, кай тэ поможын лэ бэятонэнди тэ виарақэн лашэ друӷонэн: «Амэ ақарасас амэндэ в ӷости лэ ԥралэн и лэ ԥэян, савэ любин лэ Иеговас и радостяса служын лэсти. Када сас и тэрнэ, и ԥурэ. Амэ хасас вмести, общялись, ай кадяжэ проандярасас и семейно изучения. Када райкани возможность май драго тэ уӷанэс кодэлэн, кастэ лащи дружба лэ Иеговаса и тэ подружыспэ лэнца! Амэндэ авэнас и раёни старейшыноря, и мисианероря, ай кадяжэ авэр ԥрала и ԥэя. Вонэ росԥэнэнас, сар анда вся оди служынас лэ Иеговасти и виритярэнас разно ԥаримос. Када фартэ повлияло пэ амарэ бэяцэ и поможысардя лэнди тэ полюбин лэ Иеговас». Родителя, поможын пэстирэ бэятонэнди тэ виарақэн лашэ друӷонэн.

НА ПАРАШЭН ТЭ ПАТЯН!

16. Пала со важно тэ сэрэн, если тумаро бэято парашэля тэ служый лэ Иеговасти?

¹⁶ Но со, если тумаро бэято на закамля тэ служый лэ Иеговасти? На дошалярэн пэс! О Иегова дя амэнди возможность екжэнэ тэ витидас, камас амэ лэсти тэ служысарас чи най. Если тумаро бэято ришыл важ пэстэ тэ на служый лэ Иеговасти, на парашэн тэ патян, кай во варикала рияпэ каринг о Иегова. На бистрэн лэ Иисусостири притча пала шаво, саво ужылятар цэрал (Луки 15:11—19, 22—24). Кадэва шаво стердя бут найлашимос, но потом обгиндосайля, паруделя и рисайля цэрэ. Варико можэт тэ гиндой: «Да када кати история. Хэба можэт тэ авэл кацаво андэ жызня?». Да, можэт. И кацаво сас андэ жызня кай о тэрно мануш, савэс ақарэн Эли́.

17. Сар тумэн подритярэл кода, со росԥэндя о Эли?

¹⁷ О Эли росԥэнэн пала пэстирэ родителя: «Вонэ терэнас вся, кай мэ тэ полюбисарав лэ Иеговас и лэско алав, и Библия. Но кала манди сас варикай 15 бэрш, мэ закамлэм тэ терав кадя, сар чалёл манди». О Эли чоралэс ля тэ терэл кода, со нэправильно. Лэстирэ родителя старыинаспэ тэ поможын лэсти, кай во тэ на парашэл тэ служый лэ Иеговасти. Но во на камэлас лэн тэ ашунэл. Во ужылятар цэрал и ля тэ андярэл найлащи жызня. Но всаек дэкала во дэлас дума пэстирэ друӷоса пала Дэл. О Эли росԥэнэн: «Со май часто мэ росԥэнавас лэ друӷости пала Иегова, со май бут мэ пала лэстэ гиндосаравас. Полокорэс мэ лэм тэ вспоминаю кода, сости ман сытярэнас и родителя. И истина сас мандэ андо ди». Прожыля время, и о Эли рисайля каринг о Иегова. Прецтавьте, савэ дэ бахталэ сас лэстирэ родителя! Вонэ сытярэнас лэс тэ любий лэ Иеговас и када на сас евья (2 Тим. 3:14, 15)c.

18. Со тумэ камэн тэ ԥэнэн лэ родителёнэнди, савэ сытярэн пэстирэ бэятонэн тэ любин лэ Иеговас?

¹⁸ Родителя, тумэндэ исин бари бах: тэ поможын пэстирэ бэятонэнди тэ служын лэ Иеговасти (Пс. 78:4—6). Камас тэ похвалисарас тумэн, кай тумэ пристон вся пэско зор, хоть када и найвушэро. И май дур сытярэн лэ бэятонэн, кай вонэ тэ любин лэ Иеговас и тэ кандэн лэс (Эф. 6:4). Тоди када анэна бари радость лэ Иеговасти!