СТАТЬЯ, КАЙ ТЭ СЫТЮВАС 50
«Сар кодэла, ко мэрэн, ринпэ каринг и жызня?»
«Смэрть, кай тири победа? Смэрть, кай тутар и дук?» (1 КОРИНФЯНАМ 15:55).
ДИЛИ 141 Жызнь, када подарко
ПАЛА СО УӶАНАСА АНДА СТАТЬЯ?a
1, 2. Васо амэ трэбуй тэ ӷанас, кай и мануша ринапэ каринг и жызня, кай тэ жувэн по нэбо?
АДЕС бут христианоря аштярэн и время, кала лэна вечно тэ жувэн андо раё пэ ԥув. Но дэсавэ христианоря авэна тэ жувэн по нэбо, важ кода кай о Дэл лэн витидя пэстирэ свынтонэ духоса. И памазаникоря фартэ камэн тэ уӷанэн, сави жызня лэндэ авэла посли кода, сар вонэ ринапэ каринг и жызня. Но васо када авэла интересно и кодэлэнди, ко лэла тэ жувэл пэ ԥув? Кода, кай и мануша, ринапэ каринг и жызня по нэбо, када анэна блаӷословения и кодэлэнди, ко авэла тэ жувэл пэ ԥув. Нэ важно, кай амэ авэса тэ жувас, по нэбо чи пэ ԥув амэ трэбуй всаворэ пала када тэ ӷанас.
2 О Дэл дя пэско свынто духо лэ Иисусостирэ учениконэнди, кай вонэ тэ пистрон, кай дэсавэ мануша ринапэ каринг и жызня, кай тэ жан по нэбо. О апостоло Иоанно пистросардя: «Кучутнэ, акана амэ лэ Дэвлэстирэ бэяцэ, но инке на ӷанас, савэ ашаса. Амэ ӷанас кати кода, кай кала о Дэл сыкавэла пэс, амэ ашаса, сар во» (1 Иоанна 3:2). Анда кадэва стихо дицол, кай и памазаникоря на ӷанэн, савэ вонэ авэна, кала ринапэ каринг и жызня, сар анӷелоря. Но кала вонэ авэна кацавэ, вонэ додиқэна лэ Иеговас. Андэ Библия на росԥэнэнпэ вся пала кода, сави жызня авэла по нэбо. Но набут о Павло росԥэндя пала када. Кадэла памазаникоря авэна лэ Иисусоса, кала во улэла «всаворэ правительстворя, власти и зора», ай кадяжэ улэла лэ послиднёнэ вороӷос, када и смэрть. Тоди о Иисусо и кодэла, ко лэса авэна тэ правин, тэлёна лэ Иеговасти и вся отдэна лэсти (1 Коринфянам 15:24—28). Скати жэ радость када анэна всаворэнди амэнди!b
3. Сар поможыяс лэ Павлости кода, кай во патялас, кай и мануша ринапэ каринг и жызня, сар ԥэнэнпэ андэ 1 Коринфянам 15:30—32?
3 О Павло патялас, кай и мануша, савэ мулинэ, ринапэ каринг и жызня, и када придэлас лэсти зор тэ пэрэандярэл любо ԥаримос. (Адиносар 1 Коринфянам 15:30—32c.) О Павло пистросардя лэ коринфянонэнди, кай лэс кажно дес камэнас тэ умарэн. Во кадяжэ ԥэндя: «Мэ борисававас лэ зверёнэнца андо Эфесо». Можэт, о Павло камля тэ ԥэнэн, кай лэсти па чачимастэ прижаласпэ тэ фэрийпэ лэ зверёнэндар, савэ сас по стадионо андо Эфесо (2 Коринфянам 1:8; 4:10; 11:23). Ай можэт, зверёря во ԥэнэнас пэ мануша, савэ камэнас лэс тэ умарэн (Деяния 19:26—34; 1 Коринфянам 16:9). Када моӷли тэ авэн иудеёря и авэр мануша. Кай о Павло сас бут ԥаримос и во дажэ моӷ тэ мэрэл. Но во ӷанэнас, кай англэ лэс аштярэлас о лашимос (2 Коринфянам 4:16—18).
О ери, саво жувэл андэ страна, кай амари дила заԥандадэ, на парашэн тэ служын лэ Иеговасти. Вонэ кандэн лэ Дэвлэс и патян, кай во на ашавэла лэн. (Диқэн о абзацо 4.)
4. Сар кода, кай о Иегова рия лэ манушэн каринг и жызня, дэл амэнди зор? (Диқэн и картинка пэ обложка.)
4 Амэ жувас андэ фартэ ԥари время. Дэсавэ ԥралэнца и ԥэянца и мануша андярэн пэс фартэ жэстоко. Дэсавэ жувэн андэ кацавэ ҭана, кай жан войны, ай авэр ԥрала и ԥэя жувэн котэ, кай амари служэния лэ Дэвлэсти заԥандадэ и лэнди на дэн тэ росԥэнэн пала Дэл кадя, сар камлоп. Важ кода кай вонэ патян андо Иегова, лэн моӷут тэ бэшарэн или дажэ тэ умарэн. Но всаек амарэ ԥрала и ԥэя на парашэн тэ служын лэ Иеговасти, и амэ можэм лэндар андэ када тэ сытювас. Вонэ точно ӷанэн, дажэ если вонэ хасарэна акана и жызня, о Иегова ла рия лэнди андо раё пэ ԥув.
5. Васо амэ можэм тэ парашас тэ патяс, кай и мануша ринапэ каринг и жызня?
5 О Павло пистросардя лэ ԥралэнди андэ собрания пала кода, пэ скати дэ опасно тэ гиндон кадя: «Если кодэла, ко муля нэ моӷут тэ ринпэ каринг и жызня, тоди давайте тэ хас и тэ пас, важ кода кай тэся мэраса». Кадя бут ко гиндояс андэ кодэя время. Инке можэт о Павло ԥэндя лэнди и алава анда Исаия 22:13. Котэ ԥэнэнпэ, савэ гиндоря сас кай и израильтяноря. Вонэ камэнас кати ек, када тэ жувэн кадя, сар лэнди чалёл. Можно тэ ԥэнэс, кай вонэ гиндонас, кай жувэн кати еқвар андэ жызня. Важ кода лэндири дружба лэ Дэвлэса отжыля лэндэ по дуйто ҭан. Кацавэ жэ гиндоря и адес кай и мануша. Но анда Библия амэ ӷанас, сави бида и ԥаримос андя лэ израильтянонэнди кода, кай вонэ кадя гиндонас (2 Летопись 36:15—20).
6. Сар кода, кай амэ патяс, кай и мануша ринапэ каринг и жызня, поможый тэ витидас правильно лэ друӷонэн?
6 Амэ патяс, кай о Иегова рия каринг и жызня лэ манушэн. Када трэбуй тэ дицол дажэ тоди, кала амэ витидас пэсти друӷонэн. И ԥрала и ԥэя анда Коринфо линэ тэ дружын кацавэ манушэнца, савэ на патянас, кай и мануша ринапэ каринг и жызня. Вонэ жувэнас еқэ десэса и на загиндонаспэ, со авэла англэ. Адес амэнди тожэ на трэбуй тэ дружысарас кацавэ манушэнца, савэ жувэн кати важ пэстэ и на гиндон пала кода, со авэла англэ. Через кацавэ мануша амаро гиндо можэт тэ парудёл. Кадяжэ вонэ моӷут тэ парувэн амарэ лашэ привычки и дажэ тэ стерэн кадя, кай амэ тэ стерас бэзэх англа Иегова. Важ када о Павло ԥэндясас лэ ԥралэнди и лэ ԥэянди: «Загиндонпэ и терэн правильно и будэр на терэн бэзэх» (1 Коринфянам 15:33, 34).
САВИ ТИЛА АВЭЛА КОДЭЛЭНДЭ, КО РИЯПЭ КАРИНГ И ЖЫЗНЯ?
7. Со моӷут тэ пушэн дэсавэ мануша пала кода, сар ринапэ каринг и жызня, кодэла ко муля, сар запистромэ андэ 1 Коринфянам 15:35—38?
7 Адиносар 1 Коринфянам 15:35—38d. О христианино можэт тэ парашэл тэ патял, кай и мануша ринапэ каринг и жызня, если лэстар лэна тэ пушэн акэ со: «Ай сар ринапэ и мануша каринг и жызня? Сави тила лэндэ авэла?» Кажнонэ манушэстэ пэско гиндо пала кода, со авэла лэ манушэса, сар во мэрэла. Драго авелоп тэ сэрас, со пала када пистросардя о Павло андэ Библия.
О Дэл дэла авэр тила лэ манушэнди, савэ жана по нэбо. Пала када росԥэндя о Павло андэ пэско примеро пала зэрно и растения (Диқэн о абзацо 8.)
8. Саво примеро сыкавэл, со авэла кодэлэнца, ко рияпэ каринг и жызня по нэбо?
8 Кала о мануш мэрэл, лэсти тила тернёл. Но о Дэл, саво создал вся и ԥув, можэт тэ рий лэ манушэс каринг и жызня (Бытие 1:1; 2:7). О Павло призындярдя о примеро пала зэрно, кай тэ полас, андэ сави тила ринапэ каринг и жызня по нэбо. Во ԥэндя, кай кала о зэрно попэрэл андэ ԥув, андар лэстэ вибарёл растения, сави совсем на шолпэ по зэрно. Через кадэва примеро о Павло сыкадя, кай о Дэл можэт тэ дэл лэ манушэсти кацави «тила, сави во камэл».
9. Пала со жал дума андэ 1 Коринфянам 15:39—41?
9 Адиносар 1 Коринфянам 15:39—41e. Андэ люма о Иегова вся стердя шукарно и разно. Кай и птицы ек тила, кай о мащё авэр тила. О Қам на шолпэ по Шон. Дажэ и черӷая на шонпэ ек пэ ек. И учони ԥэнэн, кай исин фартэ барэ лолэ черӷая, ай исин фартэ цынёне парнэ, и исин галбэни черӷая. Ек андар лэндэ, када о Қам. И здэлпэ, кай вонэ шонпэ ек пэ ек, но вонэ разни. Кадяжэ о Павло пистросардя, кай исин тила, кай тэ жувэл по нэбо, ай исин тила, кай тэ жувэл пэ ԥув. Со во кадэлэса камля тэ ԥэнэн? Кай кодэлэндэ, ко жувэл пэ ԥув, и тила анда рат и мурцы. Ай кодэлэндэ, ко жувэл по нэбо, авэла кацави тила, сар кай и анӷелоря.
10. Сави тила авэла кай кодэла, ко рияпэ каринг и жызня, кай тэ жувэн по нэбо?
10 Шон сама, со инке о Павло пистрой пала када: «Кадяжэ авэла и тоди, кала кодэла, ко мулинэ, ринапэ каринг и жызня. Мэрэн андэ тила, сави можэт тэ тернёл, ай ринпэ каринг и жызня андэ тила, сави нэ можэт тэ тернёл». Кай о мануш и тила, кала во мэрэл, тернёл и рийпэ андо прахо (Бытие 3:19). Тоди, сар о Павло пистросардя, кай авэла кадя, кай и тила рияпэ каринг и жызня и на тернёла? Катэ о Павло на ԥэнэн пала кодэла мануша, савэн рисардя каринг и жызня о Елисеё, о Илья и о Иисусо, и савэ посли када жувэнас пэ ԥув. Во дэл дума пала авэр мануша, савэ ринапэ каринг и жызня, кай тэ жан по нэбо андэ тила, сави сар кай и анӷелоря (1 Коринфянам 15:42—44).
11, 12. Со ашэля лэ Иисусоса посли кода, сар во рисайля каринг и жызня, и со терэлпэ лэ памазаниконэнца?
11 Кала о Иисусо сас пэ ԥув, лэстэ и тила сас, сар манушэстэ. Но кала во рисайля каринг и жызня по нэбо, котэ лэстэ и тила ашэля, сар кай и анӷелоря. Кадяжэ кай и памазаникоря. Кала вонэ ринпэ каринг и жызня, кай тэ жувэн по нэбо, лэндэ и тила ашэл, сар кай о Иисусо. О Павло ԥэндя, кай пэ ԥув лэндэ сас ек тила, ай по нэбо авэла авэр (1 Коринфянам 15:45—49).
12 Амэ ӷанас, кай кала о Иисусо рисайля каринг и жызня, лэстэ ужэ на сас тила, сар кай о мануш. О Павло камля тэ сыкавэл, кай «о рат и тила нэ моӷут тэ авэн андэ лэ Дэвлэско Царство» (1 Коринфянам 15:50). Важ када кай и апостолоря и кай и памазаникоря, посли кода, сар вонэ ринапэ каринг и жызня по нэбо, лэндэ тожэ на авэла тила анда рат и мурцы, сави тернёл. Кала вонэ трэбуй сас тэ ринпэ каринг и жызня? О Павло ԥэндя, кай када най сразу авэла, када трэбуй сас тэ терэлпэ май англэ. Каринг кодэва маменто, кала о Павло пистрояс о Пэрво письмо лэ коринфянонэнди, дэсавэ лэ Христостирэ ученикоря ужэ мулинэ. Например, када сас о апостоло Иаково (1 Коринфянам 15:6; Деяния 12:1, 2). Ай аврэ памазаниконэнди инке трэбуй сас тэ мэрэн.
СМЭРТЬ БУДЭР НА АВЭЛА
13. Сар ԥэнэнпэ андэ Библия, со лэла тэ терэлпэ, кала авэла о Иисусо?
13 Сар и сас ԥэндо андэ пророчество, кай кала авэла о Иисусо, када авэла особо время. Тоди па вся и ԥув авэла землетрясения, война, бут насвалимос и авэр бида. Амэ диқас, кай када вся ля тэ терэлпэ андо 1914 бэрш. Кадяжэ и инке о Иисусо ԥэндя пала кадэва пророчество, кай андэ послидни деса «кадэя лащи весть пала Царство росԥэнэна па вся и ԥув, кай тэ уӷанэн всаворэ народоря и тоди авэла конец» (Матфея 24:3, 7—14). Ай о Павло пистросардя, кай кала авэла о Иисусо, о Дэл рия каринг и жызня лэ памазаниконэн, савэ мулинэ (1 Фессалоникийцам 4:14—16; 1 Коринфянам 15:23).
14. Со трэбуй тэ терэлпэ лэ памазаниконэнца, андэ время, кала авэла о Иисусо?
14 Адес, кала и памазаникоря мэрэн пэ ԥув, вонэ сразу жэ ринпэ каринг и жызня по нэбо. Кадэва гиндо запистросардя о апостоло Павло андэ 1 Коринфянам 15:51, 52: «Най всаворэ амэ мэраса, но всаворэ парудюваса, сразу, фартэ ӥто, кала ашундёла и послиднё труба». Кадэла лэ Павлостирэ алава терэнпэ андэ амарэ деса! И памазаникоря, кала ринпэ каринг и жызня, фартэ лошалэ, важ кода кай вонэ авэна вся и время лэ Иисусоса (1 Фессалоникийцам 4:17).
И памазаникоря сразу посли смэрть жана по нэбо. Вонэ лэ Иисусоса стерэна кадя, кай лэ найлашэ манушэн пэ ԥув будэр на авэла (Диқэн о абзацо 15.)
15. Со лэна тэ терэн и памазаникоря, кала жана по нэбо?
15 Со лэна тэ терэн и памазаникоря по нэбо? О Иисусо ԥэндя лэнди: «Кодэва, ко победия, стерэла вся, со мэ камав, кодэлэсти мэ дава тэ правий лэ народонэнца, кадяжэ, сар и манди дя кадэя власть мэрно Дад. Во лэла тэ пасый лэн ла саструня рувляса, сави кай и царёря, кадя, кай вонэ розмардёна, сар посуда анда ӷлина» (Откровение 2:26, 27). О Иисусо лэла тэ диқэл, сар и памазаникоря лэна ла саструня рувляса тэ правин лэ народонэнца (Откровение 19:11—15).
16. Сар бут мануша победина и смэрть, сави пэрэдяпэ лэнди лэ Адамостар?
16 И памазаникоря победина и смэрть (1 Коринфянам 15:54—57). И через кода, кай вонэ ринапэ каринг и жызня, вонэ смоӷут тэ улэн вся о найлашимос па ԥув андэ война Армагеддоно. И милионоря авэр лэ Иеговастирэ служытеля пэрэжувэна и само бари бида и лэна тэ жувэн андо раё пэ ԥув. И кадэла мануша диқэна, сар лэна тэ ринпэ каринг и жызня фартэ бут мануша, савэ дэлмут мулинэ (Откровение 7:14). Кати погиндон, сави дэ бахтали авэла время! (Деяния 24:15). И всаворэ мануша, савэ на парашэн тэ кандэн лэ Дэвлэс, победина и смэрть и лэна тэ жувэн вечно.
17. Со амэнди трэбуй тэ терас, сар запистромэ андэ 1 Коринфянам 15:58?
17 Кажно лэ Дэвлэско служытелё, трэбуй тэ авэл блаӷодарно важ лэ Павлостирэ алава, савэ во пистросардя пала кода, кай ринапэ каринг и жызня кодэла, ко муля. И амэ камас тэ терас кадя, сар ԥэндя о Павло: «Вся и время терэн бут лэ Ӷосподостири дила». (Адиносар 1 Коринфянам 15:58f.) Если амэ анда вся оди терас кадэя дила, амэ диқаса о лашимос, саво аштярэл амэн англэ. Када авэла фартэ лащи время, сави амэ кати пэсти можэм представить. И амэ поласа, кай най евья вся терасас важ о Ӷосподо.
ДИЛИ 140 Вечно жызня
a Андэ дуйто часть анда 15 ӷлава 1 Коринфянам о Павло росԥэнэн пала кода, сар лэна тэ ринпэ каринг и жызня кодэла, ко муля. Катэ жал и дума, кай ринапэ каринг и жызня и памазаникоря. Но васо амэ када трэбуй тэ ӷанас? Кадэя статья сыкавэл, сар кода, кай амэ патяс, кай и мануша ринапэ каринг и жызня поможый амэнди тэ аштярас о лашимос англэ.
b Лэ Павлостирэ алава, савэ запистромэ андэ 1 Коринфянам 15:29, исин андэ кадэва журнало андэ рубрика «Пушэн кодэла, ко адиной».
c 1 Коринфянам 15:30—32: «Состэ тоди и амэ вся и время жас пэ бида? Ман кажно дес камэн тэ умарэн. Ԥрала, када кадяжэ чачимос, сар и кода, кай мэ абуросарав кодэлэса, кай тумэ ученикоря лэ Христостирэ, амарэ Ӷосподостирэ. Если мэ борисававас лэ зверёнэнца андо Эфесо, сар авэр мануша, тоди со манди авэла кадэлэстар? Если кодэла, ко муля нэ моӷут тэ ринпэ каринг и жызня, тоди давайте тэ хас и тэ пас, важ кода кай тэся мэраса».
d 1 Коринфянам 15:35—38: «Но варико ԥэнэна: „Сар ринапэ каринг и жызня кодэла, ко мулинэ? Сави тила лэндэ авэла?“ Найгодявэрно ту мануш! Кода, со ту садис, нэ можэт тэ жувэл, если май англал на мэрэла. Ту сеис най растения, ай просто зэрно, анда саво барёл пшэница или варисо авэр. Но о Дэл лэсти дэл тила кацави, сави камэл. Кай кажно семена исин пэстири тила».
e 1 Коринфянам 15:39—41: «Най всаворэндэ и тила еқэндар. Кай и мануша ек тила, кай и жывотни авэр, кай и птица ек тила, кай и маще авэр. Исин тила, кай тэ жувэл по нэбо, ай исин, кай тэ жувэл пэ ԥув. Кай и небесно тила пэстири слава, ай кай тила пэ ԥув авэр слава. Кай о Қам пэстири слава, ай кай о Шон авэр слава. И кай и черӷая пэстири слава. Дажэ кажнона черӷаятэ исин пэстири слава».
f 1 Коринфянам 15:58: «Важ када, мэрнэ кучутнэ ԥрала, авэн састэ, на́ парашэн тэ патян, вся и время терэн бут лэ Ӷосподостири дила, и сэрэн, кай вся, со тумэ терэн важ о Ӷосподо, най евья».