Источникоря важ и тетрадка, кай тэ сытювас «Дром и служэния»
7—13 октября
СОМНАК АНДА БИБЛИЯ | ИАКОВА 3—5
«Сыкав „и мудрость па нэбо“»
(Иакова 3:17) Но и мудрость па нэбо, спэрва вужи, тоди мирно, годявэрни, камэл тэ кандэл, вся и время жалуий и терэл лашимос, на диқэл ко о мануш, на притерэлпэ.
cl 221-222 ¶9-10
Дицол ли «и мудрость па нэбо» андэ тири жызня?
9 «Спэрва вужи». Тэ авэс вужо, значит тэ на вимацёс най кати упрал, но и андрал. Кала андэ Библия пистромэ пала мудрость, када ԥэнэн пала оди. Но и мудрость па нэбо нэ можэт тэ авэл андо ди, андо саво фартэ бут найлашэ гиндоря и саво камэл кода, со нэправильно (Притчи 2:10; Матфея 15:19, 20). Но если амэндэ вужо ди пэ скати када можэт тэ авэл кай о най совершэно мануш, тоди амэ ритярдюваса май дур лэ найлашимастар и тераса лашимос (Псалом 36:27; Притчи 3:7). Сар жэ дэ правильно, кай пала мудрость спэрва пистромэ, кай вой вужи! Важ кода кай если амэ найвужэ англа Дэл, сар жэ тоди амэндэ авэла вся, со ужал андэ мудрость па нэбо?
10 «Тоди мирно». И мудрость па нэбо поможый амэнди тэ терас вся, кай тэ авэл мирно, када ек, со жал лэ Дэвлэстирэ духостар (Галатам 5:22). Амэ терас вся, кай андэ лэ Дэвлэско народо тэ авэл мирно (Эфесянам 4:3). Амэ кадяжэ терас вся, кай тэ поладисарас кодэлэнца, каса акана нинай ладо. Васо када важно? Андэ Библия пистромэ: «На парашэн тэ... жувэн мирно, и о Дэл, саво дэл любовь и миро, авэла тумэнца» (2 Коринфянам 13:11). Вижал, если амэ жувас мирно, тоди о Дэл, саво дэл миро авэла амэнца. Кодэлэстар, сар амэ пэс андярас лэ ԥралэнца и лэ ԥэянца дицола, сави амэндэ дружба лэ Иеговаса. Но сар тэ терас, кай тэ авэл мирно? Роздиқам ек примеро.
(Иакова 3:17) Но и мудрость па нэбо, спэрва вужи, тоди мирно, годявэрни, камэл тэ кандэл, вся и время жалуий и терэл лашимос, на диқэл ко о мануш, на притерэлпэ.
cl 223, абз. 12
Дицол ли «и мудрость па нэбо» андэ тири жызня?
12 «Годявэрни». Со значит тэ авэс годявэр? Дэсавэ библеисторя гиндон, кай ԥарэс тэ подтидэс алав, савэса пэрэандярэса о греческо алав «годявэрни» анда Иакова 3:17. Дэсавэ переводчикоря пистросардэ кацавэ алава, сар «сэжо», «терэл лашимос», «уштавэл» и «шол сама». Ворта кадэва алав сыкавэл, кай о мануш «на тердёл пэ пэско». Сар тэ полэс, дицол кадэя риг анда мудрость па нэбо андэ тири жызня?
cl 224—225, абз. 14, 15
Дицол ли «и мудрость па нэбо» андэ тири жызня?
14 «Камэл тэ кандэл». Када ек ҭан андэ Христиански Гречески Писании, кай пистромэ о греческо алав «камэл тэ кандэл». Ек библиисто ԥэнэн, кай кадэва алав часто ԥэнэн кай и халавдэ, кала сытярэн сар пэс тэ андярэн. Кадэва алав сыкавэл «йто кандэл» или «кандино». Кодэва, ко жувэл па мудрость, сави па нэбо, камэл тэ терэл вся, со пистромэ андэ Свынто Писания. Лэс ӷанэн най сар манушэс, саво тердёл пэ пэско, кала лэсти сыкавэн кода, со доԥэнэн, кай во нэ право. Во ӷотово тэ парувэл пэстири ришэния, если лэсти па Писания сыкавэн, кай во нэ право. Ай тут ӷанэн кацавя ригатар?
«Вся и время жалуий и терэл лашимос»
15 «Вся и время жалуий и терэл лашимос». Тэ жалуис, када важно качество, саво ужал андэ мудрость па нэбо, важ кода кай кацави мудрость «вся и время жалуий». Шам сама, кай и алава «жалуий» и «терэл лашимос» пистромэ вместе. И када най случайно, важ кода кай андэ Библия андо алав жалуий ужал тэ поможыс аврэнди, тэ полэс лэ одеса, сар дэ ԥарэс аврэсти и важ када тэ камэс тэ терэс бут лашимос. Андэ ек справочнико пистромэ, кай о алав «жалуий» пэрэдэл о гиндо, кай «о мануш анда оди жалуий аврэс, кай лэстэ тердяпэ варисави бида и камэл лэсти тэ поможый». Вижал, кай лэ Дэвлэстири мудрость най би одести и лати най всаек, со тердяпэ аврэстэ. Наоборот, вой шол сама, терэл лашимос и терэл май драго лэ одести. Но сар тэ сыкавас, кай амэ вся и время жалуисарас?
(Иакова 3:17) Но и мудрость па нэбо, спэрва вужи, тоди мирно, годявэрни, камэл тэ кандэл, вся и время жалуий и терэл лашимос, на диқэл ко о мануш, на притерэлпэ.
cl 226, абз. 18, 19
Дицол ли «и мудрость па нэбо» андэ тири жызня?
18 «На диқэл ко о мануш». Лэ Дэвлэстири мудрость май бари чем кода, кай вэрыцын авэр нацыи и кай дэсавэ нацыи заваздэн о шэро. Если амэ жувас па кацави мудрость, амэ тераса вся, кай тэ улас анда пэско ди вся, состар можэм тэ вэрыцысарас аврэн (Иакова 2:9). Амэ на трэбуй тэ шас май бут сама кодэлэнди, кастэ лащи образования, лашо достатко, или важ и дила, сави вонэ терэн андэ собрания. Амэ кадяжэ трэбуй тэ любисарас амарэ ԥралэн и ԥэян, савэн вэрыцын авэр. Если о Иегова лэн любий, тоди хэба ласа амэ тэ гиндосарас, кай вонэ на ашэн амари любовь?
19 «На притерэлпэ». О греческо алав, саво пэрэандярдэ сар «притерэлпэ», сыкавэл лэ манушэс, саво «играет андо театро». Андэ дэлмутни время и гречески и римски актёроря, лэнас пэр пэстэ барэ маски. Важ када о греческо алав «притерэлпэ», ля тэ сыкавэл лэ манушэс, саво играет или хохавэл. Лэ Дэвлэстири мудрость трэбуй тэ влияет най кати пэ кода, сар амэ андярас пэс кодэлэнца, каса патяс андо ек Дэл, но и пэ кода, со амэндэ андо ди каринг лэндэ.
Виарақас сомнак анда Библия
(Иакова 4:5) Или тумэ гиндон, кай андэ Писания евья ԥэнэнпэ: «Амаро ди, вся и время варисо камэл анда зависть»?
w08 15/11 20, абз. 6
Интересни гиндоря анда книӷи Иакова и Петра
4:5 — Катар анда Библия о Иаково ԥэнэн кадэла алава? О Иаково на ԥэнэн ни пала саво конкретно стихо. Но кадэла лэ Дэвлэстирэ алава, можэт линэ па гиндоря, савэ запистромэ андэ Бытие 6:5; 8:21; Притчи 21:10 и Галатам 5:17.
(Иакова 4:11, 12) Ԥрала, хутила вэрыто тэ дэн дума ек пала аврэстэ. Ко ԥэнэн вэрыто пала ԥрал или сындой пэстирэ ԥралэс, кодэва ԥэнэн вэрыто и пала законо и сындой о законо. Если жэ ту сындос о законо, тоди ту най кодэва, ко терэл па законо, ай о сындомари. 12 Исин кати ек, ко стол и законоря и ко сындой, саво можэт тэ спасый и тэ умарэл. Ай ко ту кацаво, кай тэ сындос аврэ манушэс?
w97 15/11 20, абз. 8
Через и вера амэ камас тэ аштярас и тэ мангаспэ
8 Найдраго тэ дас дума пала амарэ ԥрала и ԥэя, када бэзэх (Иакова 4:11, 12). Но дэсавэ сындон лэ ԥралэн и лэ ԥэян, важ кода кай гиндон, кай кати вонэ прави или камэн тэ сыкавэн, кай вонэ май лашэ аврэндар (Псалом 49:20; Притчи 3:29). О греческо алав, саво пэрэандярдэ сар «дэл дума найдраго», значит вэрыцый, сыкавэл май бут найлашимос, чем во исин или хохавнэс дошалярэл. Када всаек со тэ сындос лэ ԥралэс. Сар можно тэ ԥэнэс вэрыто пала ԥрал и тэ сындос о законо? И книжникоря и фарисеёря сындонас па пэстирэ законоря, ай най па лэ Дэвлэстирэ (Марка 7:1—13). Если амэ сындосарас лэ ԥралэс, савэс на сындой о Иегова, тоди на лас амэ тэ сындосарас лэ Дэвлэско законо и на авэла ли бэзэх тэ гиндосарас, кай андо законо варисо най кадя? Ай кала амэ нэсправедливо дас дума пала ԥрал, амэ нэ можэм тэ жувас па законо пала любовь (Римлянам 13:8—10).
14—20 октября
СОМНАК АНДА БИБЛИЯ | 1 ПЕТРА 1, 2
«Авэн свынти»
(1 Петра 1:14, 15) Сар кандинэ бэятцэ, будэр на терэн, со тумэ камэнас, кала на ӷанэнас о чачимос. 15 Но екжэнэ авэн свынти андэ вся, со тумэ терэн, сар кодэва, ко Свынто, саво ақардя тумэн
w17.02 9, абз. 5
О выкупо, када совершэно даро амарэ Дадэско, саво по нэбо.
5 Сар амэ можэм тэ сыкавас, кай любисарас лэ Иеговас? Кодэлэса, сар амэ пэс андярас. О Иегова камэл кай амэ тэ авас свынти. (Адиносар 1 Петра 1:15, 16.) Када сыкавэл, кай амэнди трэбуй тэ тэлювас кати лэ Иеговасти и тэ кандас лэс всаворэ одеса. Дажэ если амэн ӷонин, амэ терас вся, кай тэ жувас па лэ Дэвлэстирэ праведни нормы и законоря. Кала амэ терас кадя, сар камэл о Дэл, амаро свето светий и кадэлэса терас, кай о Иегова тэ авэл ашунгло (Матфея 5:14—16). Амэ свынто лэ Иеговаско народо, и пэстиря жызняса сыкавас, кай лэско законо анэн амэнди лашимос, ай кода, андэр со дошалярэл о Сатана, хохаимос. Если, сар и всаворэ мануша, амэ терас варисо най кадя, амэ каисавас анда вся оди и будэр на терас кода, состар по Иегова жала найлащи дума (Псалом 79:9).
(1 Петра 1:16) важ кода кай пистромэ: «Авэн свынти, важ кода кай мэ свынто».
lvs 77, абз. 6
Сар тэ витидас и развлечении
6 О Иегова мангэл амэн: «Авэн свынти, важ кода кай мэ свынто» (1 Петра 1:14—16; 2 Петра 3:11). Лэ Дэвлэсти чалёл кода, сар амэ лэсти тэлювас, кати тоди, кала када свынто или вужэс (Второзаконие 15:21). Кода кай амэ тэлювас на авэла вужэс, если амэ терас кода, со о Иегова нэнавидит. Например, если амэ жэстоки, терас билажавардимос или бэнгалимос (Римлянам 6:12—14; 8:13). Но лэ Иеговасти кадяжэ на чалёл, если вся када исин андэ амарэ развлечении. Через кацавэ развличении амари служэния можэт тэ ашэл найвужи и тэ на чалёл лэ Иеговасти, ай кадяжэ тэ римой и дружба лэса.
Виарақас сомнак анда Библия
(1 Петра 1:10—12) И пророкоря, савэ росԥэнанас пала лэ Дэвлэско лашимос, саво исин тумэндэ и саво на затердэ, драго родэнас и роспушэнас пала кадэя спасения. 11 Вонэ вся и время розуӷанэнас, пэ сави именно время пала Христос, сыкавэлас лэнди о духо, саво сас пэр лэндэ. Кадэва духо росԥэнэнас май англэ пала ԥаримос, саво авэла кай о Христос и важ и слава, сави лэстэ авэла. 12 И лэнди сас ԥэрнадо, кай вонэ служынас най пэсти, ай тумэнди, кала росԥэнэнас кода, со акана росԥэндэ тумэнди кодэла, ко через о свынто духо па нэбо росԥэндя тумэнди и лащи весть. И када фартэ камэн тэ полэн и анӷелоря.
w08 15/11 21, абз. 9
Интересни гиндоря анда книӷи Иакова, 1 Петра и 2 Петра
1:10—12. И анӷелоря камэнас тэ полэн о чачимос, саво лэ Дэвлэстирэ пророкоря андэ дэлмутни время пистронас важ и памазаникоря анда христианско собрания. Но када ашэля понятно кати тоди, кала о Иегова ля действовать через и христианско собрания (Эфесянам 3:10). Хэба амэнди на трэбуй тэ терас сар и анӷелоря, кай тэ полас май драго лэ Дэвлэско чачимос? (1 Коринфянам 2:10).
(1 Петра 2:25) Тумэ слинэ сар бакрорэ, савэ змарделэ па дром, но акана рисайлэ каринг о пастырё и кодэва, ко фэрий тумари жызня.
it «Надзиратель», подзаг. «Верховный надзиратель»
Надзирателё
Со май баро надзирателё. Дицол, кай кала о апостоло Пётро ԥэнэнас и алава анда Исаия 53:6, во ԥэндя пала «бакрорэ, савэ змарделэ па дром» (1 Петра 2:25). Май дур о Пётро ԥэнэн: «Но акана [тумэ] рисайлэ каринг о пастырё и кодэва, ко фэрий [греческо эпи́скопос] тумари жызня». Дицол кай и дума жал пала Дэл Иегова, важ кода кай пэ кодэла, касти пистрояс о Пётро, нащи тэ ԥэнэс, кай вонэ одмарделэ лэ Иисусостар, или «змарделэ па дром», ай наоборот, через лэстэ вонэ рисайлэ каринг о Иегова, саво Само Баро Пастырё пэстирэ народоско (Псалом 23:1; 80:1; Иеремия 23:3; Иезекииль 34:12). По Иегова можно тэ ԥэнэс надзирателё инке и важ кода, кай во терэл и проверка (Псалом 17:3). Посли кацави проверка во моӷ тэ виандярэл ришэния тэ сындой варикас. Например, кадя сас андо пэрво вико важ о Иерусалимо, саво на росполя кодэя время (Луки 19:44). Но о сындо можэт тэ авэл и лашо, сар и кодэлэнди, ко лэла тэ прославляет лэ Дэвлэс «андо дес, кала во авэла тэ диқэл, сави вера кай и мануша» (1 Петра 2:12).
21—27 октября
СОМНАК АНДА БИБЛИЯ | 1 ПЕТРА 3—5
«Йто всаворэсти авэла конец»
(1 Петра 4:7) Но йто всаворэсти авэла конец. Важ када авэн годявэрнэ и на парашэн тэ мангэнпэ.
«На парашэн тэ мангэнпэ»
«И РЯТ само ԥарэс тэ на совэс англа тэсара», ԥэндя ек мурш, саво терэлас бути и рят. Кодэла, касти прижалпэ тэ на совэн вся и рят, полэн лэс. Адес кай и христианоря исин кацаво жэ ԥаримос, важ кода кай и бари рят кай кадэя найлащи лэ Сатанастири система, сар никала вэрыто (Римлянам 13:12). Сар дэ опасно тэ засовэс андэ кадэва часо! Амэнди фартэ трэбуй тэ терас кадя, сар пистромэ андэ Библия, тэ авас годявэрнэ и тэ на парашас тэ мангаспэ (1 Петра 4:7).
(1 Петра 4:8) Но май англал фартэ любин еқаврэс, важ кода кай и любовь простий бут грехоря.
w99 15/4 22, абз. 3
Сар тэ росполас и тэ улас и духовно слабость
Важно вся и время тэ ритярас андо шэро лэ Петростирэ алава, савэ во ԥэндя, важ кода кай любий: «Йто всаворэсти авэла конец. Важ када авэн годявэрнэ и на парашэн тэ мангэнпэ. Но май англал фартэ любин ек аврэс, важ кода кай и любовь простий бут грехоря» (1 Петра 4:7, 8). Вушэро тэ лас тэ гиндосарас и тэ ритярас андо ди кода, со нэправильно терэн авэр, када амэнди на дэл варисо тэ терас и через када амэ можэм тэ пэрас. О Сатана драго ӷанэн кай лэ манушэстэ исин кацави слабость. Ек анда лэстирэ ловушки, када «разделяй и властвуй». Важ када фартэ важно тэ на дас лэ Сатанасти ҭан и сар можно май йто тэ простисарас аврэн, важ кода кай любисарас (Эфесянам 4:25—27).
(1 Петра 4:9) Драго прилэн ек еқэс, и на дэн дума найдраго пала када.
Кала драго прилэн ек еқэс, када анэн лошалимос
2 Инке о Пётро ԥэндя лэ христианонэнди: «Драго прилэн ек еқэс» (1 Пет. 4:9). Алава «драго прилэн» пэ ӷреческо шыб сыкавэн, «тэ любис кодэлэн, кас на ӷанэс (чи тэ терэс лашимос)». Но шон сама, касти о Пётро ԥэндя алава, «драго тэ прилэн ек еқэс»? Кадэла алава во ԥэндя лэ ԥралэнди и лэ ԥэянди, савэн вонэ ӷанэнас и савэнца вонэ проандярэнас и время. Васо лэнди трэбуй сас драго тэ прилэн ек еқэс?
3 Кадэлэстар вонэ ашэлоп май пашэ ек еқэстэ. Тумэ, файма, кадяжэ гиндон. Хэба тумэнди на чалёл, кала тумэн ақарэн каринг пэстэ тэ побэшэн? Тумэнди када фартэ чалёл и пэ долӷонэстэ ашэлпэ андо шэро. Кала амэ анда оди ақарас лэ ԥралэн и лэ ԥэян анда собрания, амари дружба ашэл май састи. Инке, кала амэ кадя диқаспэ, амэ май бут тэ уӷанас ек еқэс. Со май бут кай и пэрви христианоря сас ԥаримос, со май пашэ вонэ ашэнас ек еқэстэ. Када поджал и каринг и христианоря, савэ жувэн андэ «послидни деса» (2 Тим. 3:1).
Виарақас сомнак анда Библия
(1 Петра 3:19, 20) Тоди во жыля и росԥэндя пала сындо лэ анӷелонэнди, савэ андо баруно, 20 савэ варикала на канглэ. Када сас, кала андэ лэ Ноёстирэ деса о Дэл аштярэлас и на холявэлас, пока терэнас о ковчеӷо. Андэр лэстэ сас найбут мануша. Лэн сас восемь, савэн фэрисардэ через о паи.
Пушэн кодэла, ко адинон
Андэ Библия ԥэнэнпэ, кай о Иисусо «росԥэндя пала сындо лэ анӷелонэнди, савэ андо баруно» (1 Петра 3:19). Сар када тэ полас?
▪ О апостоло Пётро ԥэндя, кай када и анӷелоря, савэ варикала на канглэ, «кала андэ лэ Ноёстирэ деса о Дэл аштярэлас и на холявэлас» (1 Петра 3:20). Дицол, кай о Пётро ԥэнэнас пала анӷелоря, савэ залинэ лэ Сатанастири риг. О Иуда ԥэнэн пала анӷелоря, «савэ на фэрисардэ кодэва ҭан, саво лэндэ сас, но ашадэ пэско цэр», и ԥэнэн, кай о Дэл «ашадя [лэн] андэ тэмнота и шутя пэр лэндэ вечни цэпоря, кай тэ ритярэл лэн важ о баро сындо» (Иуды 6).
Андэ лэ Ноёстирэ деса андэр со и анӷелоря на канглэ? Жы кай о Потопо кадэла найлашэ анӷелоря линэ пэсти манушыкани тила. Кода, со вонэ тердэ, о Дэл на загиндосардясас важ лэндэ (Бытие 6:2, 4). Кадяжэ кода, кай вонэ линэ тэ совэн лэ жувлянца, када сас нэ естествено важ лэндэ и сас фартэ баро найлашимос. О Дэл нэ создавал лэн, кай вонэ тэ совэн лэ жувлянца (Бытие 5:2). Кадэлэн найлашэ анӷелонэн, савэ на канглэ, о Дэл умарэла андэ пэстири время. Ай акана вонэ «андэ тэмнота» или андо духовно баруно.
Кала и сар о Иисусо росԥэндя пала сындо «лэ анӷелонэнди, савэ андо баруно»? О Пётро пистрой, кай када сас посли кода, сар во вазгляпэ по нэбо (1 Петра 3:18, 19). Шон сама пэ лэ Петростирэ алава, кай о Иисусо «росԥэндя». О Пётро ԥэнэн, кай о Иисусо «росԥэндя» жы кай кодэя время, кала о Пётро пистросардясас пэско пэрво письмо. Можэт через дэсави время, посли кода, сар о Иисусо рисайля каринг и жызня, во ԥэндя лэ найлашэ анӷелонэнди, кай лэн аштярэл о мэримос, саво вонэ затердэ. Кадэла алава на дэнас лэнди нисаво лашимос англэ. Када важ лэндэ сас сындо (Иона 1:1, 2). Важ кода кай о Иисусо патяя и ашэляпэ кандино жы каринг пэстири смэрть, ай тоди рисайля каринг и жызня (када доԥэнэнас, кай лэ Сатанастэ нинай пэр лэстэ власть), кай о Иисусо сас, васо тэ виандярэл кацаво сындо (Иоанна 14:30; 16:8—11).
Англэ о Иисусо сԥандэла и шола андо баруно лэ Сатанас и лэстирэ анӷелонэн (Луки 8:30, 31; Откровение 20:1—3). Ай жы кай кодэя время и найкандинэ анӷелоря авэна андэ духовно тэмнота и амэ ӷанас, кай лэн умарэна пэ вся и вечность (Откровение 20:7—10).
(1 Петра 4:6) И лащи весть росԥэндэ кадяжэ и лэ мулэнди, кай, хоть лэн и сындон па кода, савэ вонэ пар пэстэ, сар када обычно терэн и мануша, вонэ тэ жувэн па духо кадя, сар пэ када диқэл о Дэл.
w08 15/11 21, абз. 7
Интересни гиндоря анда книӷи Иакова, 1 Петра и 2 Петра
4:6 — Ко слинэ кодэла мулэ, савэнди росԥэнэнас и лащи весть? И дума жал пала кодэла, ко слинэ мулэ андэ пэстирэ дилы и бэзэха, то есть слинэ мулэ духовно, сар инке на ашундэ и лащи весть (Эфесянам 2:1). Но кала вонэ прилинэ и лащи весть, вонэ духовно жунделэ.
28 октября — 3 ноября
СОМНАК АНДА БИБЛИЯ | 2 ПЕТРА 1—3
«На бистэр пала лэ Иеговаско дес»
(2 Петра 3:9, 10) О Иегова на цырдэл и время, кай тэ стерэл кода, пала со дя алав, сар дэсавэ гиндон. Во аштярэл тумэн, важ кода кай на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ. 10 Но лэ Дэвлэско дес авэла сар о чор. Андэ кодэва дес и небесоря барэ шумоса и свистоса провуряна и дэсавэ росԥабардэ котора роспэрэнапэ, и ԥув и дила пэр латэ дицола.
w06 15/12 27, абз. 11
О Иегова «рия и справедливость»
11 Но сар тэ полас лэ Иисусостирэ алава, кай о Иегова грабия тэ рий и справедливость? Анда лэ Дэвлэско Алав амэ диқас, кай хоть о Иегова и аштярэл, андэ пэстири время во йто рия и справедливость (Луки 18:7, 8; 2 Петра 3:9, 10). Андэ лэ Ноёстирэ деса, андо Потопо и найлашэ мануша йто потасылэ. Кадяжэ и андэ лэ Лотостирэ деса, кала па нэбо сас брышын анда яг, и найлашэ мануша помулинэ. О Иисусо ԥэндя, кай кадяжэ авэла, кала авэла о Шаво манушыкано (Луки 17:27—30). И упалэ и найлашэ мануша йто помэрэна (1 Фессалоникийцам 5:2, 3). Амэ можэм тэ патяс кай о Иегова на домэкэла, кай лэ Сатанаско миро тэ авэл пэ десэстэ май бут, чем када трэбуй па справедливость.
(2 Петра 3:11, 12) Важ кода кай вся када кадя розмардёла, погиндон, савэнца тумэ трэбуй тэ авэн? Кода, сар тумэ пэс андярэн, трэбуй тэ авэл свынто и тумэ трэбуй тэ терэн дила, сави сыкавэл, кай тумэ кандэн лэ Дэвлэс, 12 кала аштярэн и састэс ритярэн андо шэро лэ Иеговаско дес, кала о нэбо сԥабола ла ягатар, и вся, со лэ нэбостар и ла ԥувьятар, билала кодэлэстар, кай авэла фартэ ԥабардэс!
w06 15/12 19, абз. 18
«Лэ Иеговаско дес пашэ»
18 Амэ на удивисавас, кай о Пётро ԥэнэн амэнди састэс тэ ритярас андо шэро «лэ Иеговаско дес»! Сар када можно тэ стерас? Например, амэ трэбуй вся и время тэ авас свынти андэ кода, сар пэс андярас и тэ кандас лэ Дэвлэс (2 Петра 3:11, 12). Када поможыя амэнди тэ аштярас «лэ Иеговаско дес». О греческо алав, саво пэрэандярдо сар «састэс тэ ритярас андо шэро», означает «тэ терас май йто». Канешно, амэ нэ можэм тэ терас, кай лэ Иеговаско дес тэ авэл май йто. Но если амэ, кала аштярас кадэва дес, терас вся андэ служэния лэ Дэвлэсти, и время провуряла май йто (1 Коринфянам 15:58).
Виарақас сомнак анда Библия
(2 Петра 1:19) Важ када амэ инке май фартэ патяс андо пророческо алав, и тумэ драго терэн, кай диқэн пэр лэстэ сар по светильнико, саво ԥабол андо тэмно ҭан (пока на вижала о қам и на ваздэлапэ и утреннё черӷай), андэ тумарэ одя.
w08 15/11 22, абз. 2
Интересни гиндоря анда книӷи Иакова, 1 Петра и 2 Петра
1:19 — Ко када «и утреннё черӷай», кала вой трэбуй тэ ваздэлпэ и через со амэ можэм тэ полас, кай када ужэ стердяпэ? «И утреннё черӷай», када о Иисус Христос, савэсти динэ и царско власть (Откровение 22:16). Андо 1914 бэрш о Иисусо вазгляпэ понад всавори тварения, сар Царё андэ лэ Дэвлэско Царство, и кадэлэстар жыля нэво дес. Кода, кай сас видения пала Иисусо, дя тэ полэн, сави авэла лэ Христостири слава и и власть андо Царство, ай кадяжэ доԥэндя, кай лэ Дэвлэско пророческо алав чачуно. Если амэ прилас кадэва алав, во терэл май драго амарэ одести и через када амэ полас, кай и Утреннё черӷай вазгляпэ.
(2 Петра 2:4) И чаче, о Дэл на простисардя лэ анӷелонэн, савэ стердэ бэзэх, но шутя лэн андо та́ртаро, и шутя лэн андэ тэмнота андэ латирэ цэпоря, кай тэ ритярэл лэн котэ важ о сындо.
08 15/11 22, абз. 3
Интересни гиндоря анда книӷи Иакова, 1 Петра и 2 Петра
2:4 — Со када «та́ртаро» и кала андэр лэстэ сшутэ лэ найлашэ анӷелонэн? Та́ртаро, када сар баруно, но най важ и мануша, ай важ и анӷелоря. Лэндири годи кадя заделярди, кай вонэ нэ моӷут тэ полэн о лашимос, саво загиндосардя о Дэл. Кодэлэн, ко андо та́ртаро, англэ на аштярэл нисаво лашимос. Андэ лэ Ноёстирэ деса о Дэл тэлярдя кадэлэ найкандинэ анӷелонэн, кала шутя лэн андо та́ртаро и вонэ ашэнапэ котэ жы кай и время, пока лэн на умарэна.