Лэ Иаковости бут со пэрэдяпэ лэ дадэстар

Лэ Исаакости сас 40 бэрш, кала во женисайля пэ Ревекка. Во ла фартэ любияс. Прожыля время и лэндэ арақаделэпэ дуй бэятцэ, шавэ, савэ пэ ек муй.

Лэ барэдэрэс ақарэнас Исаво, ай лэ цыкнэс Иаково. О Исаво сас лашо охотнико и бут время проандярэлас пэ охота. Ай о Иаково любияс цэрэ тэ терэл бути.

Андэ кодэя время лэ барэдэрэ шавэсти ашэласпэ май бари пай кодэлэстар, со сас кай лэско дад. Када ԥув и ловэ. Андэ лэ Исаакоско ери андэ пай кадяжэ ужанас и алава, савэ о Иегова дя лэ Авраамости. Но Исаво на шолас сама пэ кадэла алава и лэсти сас всаек. Ай важ о Иаково кадэла алава сас фартэ куч.

Еқвар о Исаво рисайля па охота фартэ цыено. Во поля, кай о Иаково тавэлас лашо хамос, важ кода кай драго қандэлас. О Исаво ԥэндя: «Мэ фартэ камав тэ хав! Дэ манди кадэя лоли юшка!» О Иаково ԥэндя: «Ладно, кати спэрва дэ алав, кай ту отдэса манди кода, со тути прижал лэ дадэстар». О Исаво ԥэндя: «Манди када на трэбуй! Залэ пэсти! Мэ тэ хав камав». Сар ту гиндос, о Исаво драго стердя? Най. О Исаво парудя и лоли юшка пэ кода, со сас фартэ куч.

Кала о Исаако ашэля фартэ ԥуро, во закамля тэ блаӷословий лэ барэдэрэ шавэс. Но и Ревекка стердя, кай кадэя блаӷословения тэ лэл о Иаково, лэнго цыкнэдэр шаво. Кала о Исаво пала када уӷангля, во фартэ холяйля и закамля тэ умарэл пэстирэ ԥралэс. Кай тэ фэрин лэ Иаковос, о Исаако и Ревекка ԥэндэ лэсти: «Прастэ каринг пэско како Лавано и ашпэ котэ, пока кай о Исаво на пэрэжала и холи». О Иаково кангля лэ родителёнэн и май йто ужылятар.