Пушэн кодэла, ко адинон

Васо лэ ԥралэнди и лэ ԥэянди трэбуй тэ авэн осторожни, кала общяюца андо интэрнэто?

Андэ амари время бут ԥрала и ԥэя бэшэн андо интэрнэто, кай тэ общяюца пэстирэ чаченца, ай кадяжэ лэ ԥралэнца и лэ ԥэянца андэ собрания. Када, например, андо вацапо, телеӷраммо, вайберо или авэр прилажэния. И андэ када нинай нисо вэрыто. Но о мануш, савэстэ лащи дружба лэ Иеговаса, на лэла тэ бистрэл и алава анда Библия: «О годявэрно мануш, кала додиқэл и опасность, грабий тэ фэрийпэ, ай и найгодявэрнэ жан англэ и попэрэн андэ бида» (Прит. 27:12).

О Иегова фэрий амэн и важ када ԥэнэн, кай амэ совсем тэ на дас дума лэ отступниконэнца и кодэлэнца, кас исключисардэ анда собрания (Рим. 16:17; 1 Кор. 5:11; 2 Иоан. 10, 11). Но и андэ собрания исин ԥрала и ԥэя, савэ пэс най драго андярэн (2 Тим. 2:20, 21). Важ када амэнди трэбуй тэ витидас, каса тэ дружысарас. Но кала амэ общяемся лэ манушэса кати андо интэрнэто, тоди амэ на поласа, авэла во важ амэндэ лашо друӷо чи най.

Но инке авэла май ԥарэс тэ полас, саво о мануш, кала общяемся лэса андо интэрнэто андэ ӷруппы, кай фартэ бут мануша, савэн амэ дажэ на ӷанас. Дэкала сас кацаво, кай амарэ ԥрала и ԥэя общялись котэ и кадэлэстар нисо лашо на вижыля, ай, наоборот, андя кати бида. Васо? Если фартэ бари ӷруппа, андэ сави общяюца сто или май бут мануша, ай можэт дажэ и тысячи, хэба тоди можно тэ полас, ко андар лэндэ лашо, ай ко най? Кадя амэ нэ сможэм тэ полас, сави дружба лэ Дэвлэса кай кодэва мануш, и ко во па чачимастэ. Най евья о Давид андо Псалом 26:4 пистросардя: «Мэ на бэшавас кодэлэнца, ко хохавэл, кодэлэнца, ко гаравэл саво во исин, на ԥиравас». Анда кадэла алава дицол, кай андо интэрнэто фэдэр тэ общяешся кати кодэлэнца, кас ту ӷанэс.

И дажэ если андэ ӷруппа най фартэ бут миро, тути всаек трэбуй тэ следис, скати тутэ время пэ када ужал и пала со котэ жал и дума. На гиндосар, кай тути трэбуй тэ дэс атвето пэ всаворэ сообщении андэ ӷруппа. О Павло инке андэ кодэя время пистросардя лэ Тимофеёсти, кай тоди ужэ сас ԥрала и ԥэя, савэ розмэкэнас и сплетни и ӷуленас най андэ пэстири дила (1 Тим. 5:13). Адес тожэ исин кацавэ ԥрала и ԥэя, савэ кадяжэ андярэн пэс, кала бэшэн андо интэрнэто.

О христианино, савэстэ лащи дружба лэ Иеговаса, на лэла найдраго тэ дэл дума пала ԥрала и ԥэя или тэ росԥэнэн кода, со во ӷанэн, но нащи тэ росԥэнэн аврэнди. Во дажэ на лэла тэ адиной кацавэ сообщении (Пс. 15:3; Прит. 20:19). Кадяжэ во на лэла тэ шол сама и тэ пэрэԥэнэн кодэла новости, савэ фартэ интересни, но савэ най точни. Фэдэр авэла тэ шас сама пэ новости, савэ точни и андэ савэ нинай хохаимос (Эф. 4:25). Кадэла новости амэ можэм тэ уӷанас пэ амаро сайто jw.org или андо Бродкастинго, саво вижал кажно шон.

Дэсавэ амарэ ԥрала и ԥэя через о интэрнэто битинэн, тинэн и сыкавэн о товаро, саво битинэн. Или родэн манушэн, савэ тердоп бути. И андэ када нинай нисо вэрыто. Када лэндири бути. Но трэбуй тэ сэрас, кай на трэбуй и служэния лэ Дэвлэсти тэ ӷамисарас ла бутяса. Важ када кала общяешся андо интэрнэто лэ ԥралэнца или лэ ԥэянца, на трэбуй тэ гиндос, кай пар лэндэ можно тэ затерэс ловэ. Если амэ кадя терас, тоди дицола, кай андэ амари жызня нинай любовь каринг и ловэ (Евр. 13:5).

Ай со если ту камэс тэ поможыс лэ ԥралэнди и лэ ԥэянди, савэндэ ԥаримос андэ жызня или савэ пэрэжудэ кода, кай андэ природа тердяпэ бида? Сар ту гиндос, можно тоди тэ стерэс бари ӷруппа андо интэрнэто, через сави ту можэш тэ стидэс ловэ па ԥрала и ԥэя? Амэ любисарас амарэ ԥралэн и ԥэян и важ када часто подритярас ек еқэс и поможысарас (Иак. 2:15, 16). Но трэбуй тэ сэрас акэ со. Пала кода, сар тэ стидэн барэ ловэ важ и помощь лэ ԥралэнди и лэ ԥэянди, диқэн и ԥрала анда филиало или и старейшыноря. Но можэт тэ авэл кацаво, кай амэ екжэнэ пэстар стераса бари ӷруппа андо интэрнэто, кай бут ԥрала и ԥэя анда разни собрании, кай тэ стидас ловэ, кай тэ поможысарас лэ ԥралэнди и лэ ԥэянди. Если амэ ласа када тэ терас, тоди андэ лэ Дэвлэстири арӷанизацыя на авэла порядко (1 Тим. 5:3, 4, 9, 10, 16). Ай инке амэ на камас тэ сыкавас, кабута амэ май драго ӷанас, чем и ԥрала, савэн стодя о Иегова, сар тэ дас помощь лэ ԥралэнди, савэ попэлинэ андэ бида.

Всаворэ амэ старысавас тэ терас, вся кай о Дэл тэ авэл ашунгло (1 Кор. 10:31). Важ када, кала общяемся андо интэрнэто, трэбуй тэ гиндосарас, сави опасность можэт тэ авэл, и важ када трэбуй тэ авас фартэ осторожни.