СТАТЬЯ ВАЖ И ИЗУЧЕНИЯ 29
Терас дила, савяса руководий о Иисус Христос
«Мэрно Дад дя манди вся и власть по нэбо и пэ ԥув» (МАТФ. 28:18).
ДИЛИ 13 Сытювас лэ Иисусостар
ПАЛА СО И СТАТЬЯa
1. Со о Иегова камэл андэ амарэ деса?
О ИЕГОВА камэл, кай адес и радосно новость пала лэско Царство тэ авэл ашунгли па вся и ԥув (Мар. 13:10; 1 Тим. 2:3, 4). Када лэ Иеговастири дила. Во дя ла пэстирэ любимонэ Шавэсти, важ кода кай вой фартэ важно. Амэ можэм тэ авас уверени, кай и служэния, савяса руководий о Иисусо, закончица англа кодэя время, кала авэла конец кадэла люмати (Матф. 24:14).
2. Пала со амэ подаса дума андэ кадэя статья?
2 Андэ кадэя статья амэ подаса дума, сар о Иисусо через «о кандино и годявэрно рабо» дэл амэнди вся, со трэбуй важ и лащи дружба лэ Дэвлэса (Матф. 24:45). Кадяжэ амэ уӷанаса, сар через лэстэ лэ Дэвлэско Шаво диқэл пала само бари проповедническо дила, сави инке никала на сас. Инке амэ роздиқаса, сар амэ можэм тэ подритярас лэ Иисусос и лэстирэ кандинэ рабос.
О ИИСУСО ДИҚЭЛ ПАЛА СЛУЖЭНИЯ
3. Сави власть о Иегова дя лэ Иисусости?
3 Катар амэ ӷанас, кай о Иисусо диқэл пала служэния? Англа кода, сар во тэ ваздэлпэ по нэбо, во диқляпэ пэстирэ учениконэнца андэ Галилея и ԥэндя лэнди: «Мэрно Дад дя манди вся и власть по нэбо и пэ ԥув». Шон сама, савэ инке алава о Иисусо ԥэндя сразу посли када: «Важ када жан каринг всаворэ народоря... кай тэ поможын лэ манушэнди тэ ашэн ученикоря» (Матф. 28:18, 19). Вижал, о Иегова кадяжэ дя лэ Иисусости власть тэ диқэл пала служэния.
4. Васо амэ патяс, кай о Иисусо диқэл пала служэния андэ амари время?
4 О Иисусо ԥэндя, кай андэ «всаворэ народоря» лэна тэ росԥэнэн и лащи новость пала Дэл и тэ сытярэн лэ манушэн. Кадяжэ во дя алав, кай авэла пэстирэ учениконэнца «кажно дес, пока на поджала и время кадэла люмати» (Матф. 28:20). Кадэла алава драго сыкавэн, кай о Иисусо диқэл пала служэния андэ амарэ деса.
5. Сар амэ терас кадя, сар пистромэ андо Псалом 110:3?
5 О Иисусо нэ пэрэжывал, кай андэ послиднё время на лэла тэ хутилэл лэ манушэн, савэ авэна тэ терэн кадэя дила. Во ӷанэнас, кай исполнияпэ о пророчество, саво ԥэндя о псалмопевцо: «Тиро народо анда оди жала, кала ту жаса войнаса» (Пс. 110:3). Если ту росԥэнэс и лащи новость пала лэ Дэвлэско Царство, ту подритярэс лэ Иисусос и лэ кандинэ рабос, ай инке терэс кадя, сар пистромэ андэ кадэва пророчество. Нико нэ можэт тэ тердярэл кадэя дила, но всаек исин дэсавэ трудности.
6. Сави трудность исин кодэлэндэ, ко росԥэнэн пала лэ Дэвлэско Царство?
6 Ек анда трудности — када преследовании. И отступникоря, и рашая и мануша анда политика ԥэнэн пала амэндэ бут хохаимос. Если амаро родо, кодэла, каса амэ терас бути, и авэр мануша патяна кадэлэ хохаимасти, тоди вонэ моӷут тэ тасавэн пар мэндэ, кай амэ тэ ашавас лэ Иеговас и тэ парашас тэ проповедуем. Андэ дэсавэ страны лэ Иеговастирэ свидетелёнэнди уӷрожают, залэн андэ ваздии и дажэ бэшарэн андо баруно. Амэ на трэбуй кадэлэсти тэ удивисавас, важ кода кай о Иисусо ԥэндя: «Всаворэ народоря лэна тэ вэрыцын тумэн через мэрно алав» (Матф. 24:9). Кала и мануша амэн вэрыцын, када доԥэнэн, кай амэ терас, сар о Иисусо, и о Иегова амэнца довольно (Матф. 5:11, 12). Амэ ӷанас, кай вся када терэл о Сатана. Но во нико против о Иисусо! Лэ Дэвлэско Шаво подритярэл амэн, и блаӷодаря кадэлэсти и лащи новость ашунэн и мануша анда разни народоря.
7. Со доԥэнэн, кай и алава анда Откровение 14:6, 7 исполнинпэ?
7 Инке ек трудность — амэ дас дума пэ разни шыба. О Иисус Христос сыкадя лэ Иоанности андэ видения, кай андэ амари время и лащи новость ашунэна всаворэ мануша, хоть вонэ и дэн дума пэ разни шыба. (Проадинон Откровение 14:6, 7.) Сар када дицол андэ амарэ деса? Амэ росԥэнас пала лэ Дэвлэско Царство всаворэ манушэнди. Адес и мануша па вся и люма адинон и литература пэ амаро сайто, важ кода кай вой пэрэандярдёл май бут чем пэ 1 000 шыба. О Руководящё совето домэкля, кай и ӷлавно книӷа, па сави амэ проандярас и изучения Библии, «Жувэн вечно пэ бахтатэ!» тэ вимэкэн май бут чем пэ 700 шыба. Инке пэ амаро сайто исин литература, сави напечатано шрифтом Брайля важ кодэла, ко на диқэн, ай кадяжэ видео важ и мануша, савэ на ашунэн. Амэ пэстирэ яқэнца диқас, сар исполнинпэ и пророчества анда Библия. И мануша «андэ кажно нацыя, ери, народо и шыб» сытён тэ дэн дума пэ «вужи шыб» сар сытярэл и Библия (Зах. 8:23; Соф. 3:9). Вся када возможно блаӷодаря кодэлэсти, кай о Иисус Христос фартэ драго руководий всаворэса.
8. Каринг саво лашымос ужэ андя и служэния?
8 Адес андэ лэ Иеговастири арӷанизацыя май бут чем 8 000 000 мануша андэ 240 страны и тиритории, и кажно бэрш болдён и ашэн лэ Иисусостирэ ученикоря тысячи нэвэ мануша. Но ӷлавно най кай амэн ашэл май бут, ай кай амэ утидаспэ андэ «нэви личность»: амэ парудювас андэ лащи риг и пристас зор, кай амэндэ тэ авэн христиански качестворя (Кол. 3:8—10). Кадя исполнийпэ о пророчество анда Исайя 2:4: «И народоря... на лэна будэр тэ сытён тэ марэнпэ, кай тэ жан пэ война». Бут ко ашадя пэстири жэстоко и билажаварди жызня и ля па аврятэ тэ диқэл пэ мануша и пэ лэндири нацыя. Кала амэ достойно пэс андярас, амэ поможысарас, кай и мануша тэ авэн каринг о Иегова. Кадя амэ сыкавас, кай жас пала амаро Руководителё, о Иисус Христос (Иоан. 13:35; 1 Пет. 2:12). Васо амэндэ када вижал? Важ кода кай амэнди поможый о Иисусо.
О ИИСУСО СТОДЯ КАНДИНЭ И ГОДЯВЭРНЭ РАБОС
9. Со авэла андэ послиднё время, сар ԥэнэнпэ андэ Матфея 24:45—47?
9 Проадинон Матфея 24:45—47. О Иисусо ԥэндя, кай андэ послидни деса во стола «кандинэ и годявэрнэ рабос», кай тэ дэл пэстирэ учениконэнди вся, со трэбуй важ и лащи дружба лэ Иеговаса. И амэ диқас, кай адес кадэва рабо пристол вся пэско зор важ када. Амаро Руководителё использует кадэя найбари ӷрупа помазани мурша, кай «вовремя тэ дэл... о хамос» пэстирэ служытелёнэнди и кодэлэнди, ко камэл тэ уӷанэн о чачимос. Кадэла помазани христианоря най хулая пэ аврэндири вера (2 Кор. 1:24). Лэ Дэвлэско народо полэл лэ Иисусос «сар барэдэрэс и начальникос» (Ис. 55:4).
10. Сави книӷа поможысардя тути тэ жас па дром, саво андярэл каринг и вечно жызня? (Кадяжэ диқэн и картинка.)
10 Анда 1919 бэрш, кала стодэ лэ кандинэ рабос, во вимэкля бут книӷи, савэ поможысардэ лэ манушэнди, кастэ ковло ди, тэ полэн, скати лашымос анэн о чачимос анда Библия. Андо 1921 бэрш о рабо вимэкля и книӷа «Арфа Божия», кай и мануша тэ уӷанэн о ӷлавно чачимос анда Библия. Время жалас, и появияспэ нэви литература. Ай сави книӷа поможысардя тути тэ полюбис амарэ небеснонэ Дадэс? «Бог верен», «Истина, ведущая к вечной жизни» или «Ты можешь жить вечно в раю на земле»? Ай можэт, «Познание, ведущее к вечной жизни», «Чему на самом деле учит Библия?», «Сости сытярэл амэн и Библия?» или амари нэви книӷа — «Жувэн вечно пэ бахтатэ!»? Кадэла книӷи вимэкэнас, кай амэ тэ поможысарас лэ манушэнди тэ ашэн лэ Христостирэ ученикоря. И всаворэ вонэ вижанас андэ кодэя время, кала када сас трэбуй.
11. Васо важно, кай всаворэ тэ сытён май драго тэ полэн лэ Дэвлэс и тэ уӷанэн и Библия?
11 Най кати кодэлэнди, ко найдэлмут уӷангля о чачимос, трэбуй тэ сытён май драго тэ полэн лэ Дэвлэс. Када трэбуй всаворэнди. О апостоло Павло ԥэндя: «О састо хамос трэбуй важ и мануша, савэ драго полэн лэ Дэвлэс». Блаӷодаря кадэлэсти вонэ моӷут «май драго тэ полэн со лашо, ай со най» (Евр. 5:14). Дицол, кай и мануша андэ амари время тасон андэ найлащи и билажаварди дила жы па кан. Важ када фартэ найвушэро тэ терас кадя, сар сытярэл амэн о Иегова. Но о Иисусо диқэл пала кода, кай амэ тэ лас зор через о «хамос», саво подӷотавливает и дэл амэнди о кандино рабо. Вся, со вимэкэл лэ Иеговастири арӷанизацыя, стердо па Библия и поможый, кай амэндэ тэ авэл састи вера.
12. Васо можно тэ ԥэнас, кай амэ, сар и о Иисусо, стас бари патив по лэ Дэвлэско алав?
12 Кадя жэ, сар о Иисусо, амэ стас бари патив по лэ Дэвлэско алав (Иоан. 17:6, 26). Например, андо 1931 бэрш, амэ лям тэ ԥэнас пэр пэстэ — лэ Иеговастирэ свидетеля. Када сыкавэл, кай амэндэ особо дружба амарэ небеснонэ Дадэса (Ис. 43:10—12). Лэ октябрёстар андэ кодэва бэрш линэ тэ пистрон лэ Иеговаско алав пэ кажно журнало «Сторожэво башня». Инке андэ Библия «Нэвя люмако переводо», рисардэ лэ Дэвлэско алав андэ кодэла ҭана, кай во трэбуй тэ тердёл. Кадэлэса амэ на шаспэ пэ христиански қандиря, савэ наоборот улэн лэ Иеговаско алав анда пэстирэ Библии!
О ИИСУСО ДЭЛ АМЭНДИ РУКОВОЦТВО
13. Васо тумэ уверени, кай адес о Иисусо терэл дила через «о кандино и годявэрно рабо»? (Иоанна 6:68).
13 О Иисусо через «о кандино и годявэрно рабо» дя амэнди руковоцтво, кай амэ тэ поможысарас лэ манушэнди тэ авэн каринг о Дэл. Со тумэ гиндон пала лэ Иеговастири арӷанизацыя? Можэт тумэндэ кацаво жэ по ди, сар кай о апостоло Пётро, саво ԥэндя лэ Иисусости: «Кастэ амэ тэ жас? Тутэ и алава пала вечно жызня» (Иоан. 6:68). Сави амэндэ жызня авелоп, если амэ тэ на уӷанглоп лэ Иеговастирэ свидетелёнэн? Через лэ Иеговастири арӷанизацыя о Иисусо дэл амэнди вся, со трэбуй, кай тэ ашаспэ верни лэ Дэвлэсти. Кадяжэ во сытярэл амэн драго тэ служысарас. Инке во поможый амэнди тэ парудювас и тэ ашас аврэ манушэнца, кай тэ радосарас лэ Иеговас (Эф. 4:24).
14. Саво лашымос андя тути, кай ту андэ лэ Иеговастири арӷанизацыя, кала заляпэ и пандэмия COVID-19?
14 О Иисусо дэл амэнди лашо руковоцтво андэ ԥари время. Када драго дицэля, кала заляпэ и пандэмия COVID-19. Кала и мануша андэ люма на ӷанэнас и на полэнас, со тэ терэн, о Иисусо ужэ дя амэнди указании, со трэбуй, кай тэ фэрисавас. Амэн манглэ тэ ԥиравас маски и тэ ритярас и дистанцыя. Лэ старейшынонэнди ԥэндэ, кай важно вся и время тэ шон сама всаворэ ԥралэн и ԥэян андэ собрания, тэ уӷанэн, сар лэндэ о зор и со вонэ терэн, кай тэ ашэн май пашэ каринг о Иегова (Ис. 32:1, 2). Ай андэ обращении, савэ вижанас кажно шон, о Руководящё совето дэлас инке дэсавэ указании и подритярэлас амэн.
15. Савэ указании дя и арӷанизацыя пала собрании и пала служэния, кала заляпэ и пандэмия, и саво лашымос када андя?
15 Кала заляпэ и пандэмия, амэнди кадяжэ динэ указании, сар тэ проандярас и собрании и тэ служысарас. Почти сразу амэ лям тэ стидаспэ пэ собрании и пэ канӷрэсоря па видеосвязь. Кадяжэ амэ лям тэ служысарас па телефоно и тэ пистросарас письморя. О Иегова блаӷословил амэн, кай амэ старысавасас кадя тэ терас. Дицол, кай андэ бут страны ашэля пэ бутэстэ май бут вазвещятеля. Бутэндэ сас фартэ интересни случаёря андэ служэния. (Диқэн и рамка «О Иегова блаӷословий амари служэния».)
16. Андэр со амэ можэм тэ авас уверени?
16 Варико можэт тэ погиндой, кай лэ Иеговастири арӷанизацыя черезчур осторожно. Но амэ най еқвар диқлям, кай о руковоцтво, саво амэнди ԥэнэнас, фартэ мудро (Матф. 11:19). Амэ патяс, кай о Иисусо подԥэнэн амэнди, важ кода кай любий амэн. Со бы амэн тэ на аштярэл англэ, амэ уверени: о Иегова и лэско любимо Шаво никала амэн на ашавэна. (Проадинон Евреям 13:5, 6.)
17. Сар тумэ диқэн пэ кода, кай тумэнца руководий о Иисусо?
17 Амэ фартэ лошалэ, кай о Иисусо диқэл пала амэндэ. Амэ находисавас андэ арӷанизацыя, андэ сави нэ важно, сави кай о мануш культура, нацыя и пэ сави шыб во дэл дума. Амэндэ исин вся, кай амари вера тэ авэл май састи. Кажно андар мэндэ драго сытеля, сар тэ росԥэнэн и лащи новость пала лэ Дэвлэско Царство. Всаворэ амэ сытювас тэ любисарас ек еқэс и кай амэндэ тэ авэн и христиански качестворя. Амэндэ исин, васо тэ абуросарас андэ амаро Руководителё, о Иисусо!
ДИЛИ 14 Славин лэ нэвэ Царёс!
a Адес милионоря мурша, жувля и бэяцэ анда вся оди росԥэнэн и лащи новость пала лэ Дэвлэско Царство. Если ту тожэ терэс кадэя дила, значит туса руководий амаро Ӷосподо, о Иисус Христос. Андэ кадэя статья амэ уӷанаса, со доԥэнэн, кай о Иисусо диқэл пала служэния андэ амарэ деса. Если амэ ласа пала када тэ гиндосарас, када поможыя амэнди и дальшэ тэ служысарас лэ Иеговасти и тэ кандас лэстирэ Шавэс, лэ Иисусос.