Ай тумэ ӷанэн?
Васо о Иегова розришыл лэ израильтянонэнди тэ анэн андэ жэртва и лэ ӷолубонэн, и лэ ӷорлицэн?
АНДЭ жэртва па лэ Моисеёско законо можно сас тэ анэн и лэ ӷорлицэн, и лэ ӷолубонэн. Андо законо пала жэртвы всегда ԥэнэнаспэ пала лэдуй кадэла птицы, и любона андар лэндэ можно сас тэ анэн (Лев. 1:14; 12:8; 14:30). Но васо важ и израильтяноря када сас фартэ важно? Важ кода кай тэ виарақэн лэ ӷорлицэн най всегда сас вушэро.
Ӷорлицы
И ӷорлицы жувэн андо Израилё кати андэ тати время. Андо октябрё вонэ вурян андэ май татэ страны, ай весной ринпэ палпалэ (Песня 2:11, 12; Иер. 8:7). Важ када ӥвэндэ лэ израильтянонэнди сас найвушэро тэ анэн андэ жэртва лэ ӷорлицэн.
Суро ӷолубо
Ай акэ и ӷолуборя никаринг на завурян, вонэ жувэн андо Израилё вся о бэрш. Инке и израильтяноря розвэдинас лэ ӷолубонэн. (Сравнин Иоанна 2:14, 16.) Андэ ек книжка сас пистромэ: «Андэ Палестина андэ гава и фороря сас домашни ӷолуборя. Андэ кажно цэр сас пэстири ӷолубятня или ҭан андэ стина, кай жувэнас кадэла птицы». (Сравнин Исайя 60:8.)
Ӷолубо андэ ӷолубятня
О Иегова кадя сыкавэлас пэстири любовь каринг и израильтяноря, и вонэ моӷли тэ анэн андэ жэртва лэ птицэн андэ любо время.