И читателя пушэн

Кас о Дэл рия каринг и жызня пэ ԥув и со лэн аштярэл?

Давайте уӷанаса, сар и Библия дэл атветоря пэ кадэла вопросоря.

Андэ Деяния 24:15 ԥэнэнпэ, кай «ринапэ каринг и жызня кодэла, ко муля, праведни и нэправедни». И праведни — када мануша, савэ жы каринг пэстири смэрть кандэнас лэ Дэвлэс. Важ када лэндирэ алава запистромэ андэ книӷа важ и жызня (Мал. 3:16). Ай и нэправедни — када кодэла, кастэ на сас и возможность драго тэ уӷанэн пала Иегова жы каринг кода, сар тэ мэрэн. Важ када лэндирэ алава нинай андэ кадэя книӷа.

Андэ Иоанна 5:28, 29 ԥэнэнпэ пала кодэла жэ дуй ӷрупы манушэн, савэ ринапэ каринг и жызня, сар и андэ Деяния 24:15. О Иисусо ԥэндя: «Ко терэнас лашымос, ринапэ каринг и жызня, кай тэ жувэн. Ай ко терэнас о найлашымос, ринапэ, кай о Дэл тэ сындой лэн». И праведни терэнас лашымос англа пэстири смэрть. Вонэ воскреснут, кай тэ получин и вечно жызня, важ кода кай лэндирэ алава инке авэна запистромэ андэ книӷа важ и жызня. Ай и нэправедни жы каринг кода, сар тэ мэрэн, терэнас о найлашымос. Вонэ воскреснут, кай лэн тэ сындон. Лэндирэ алава пока нинай андэ книӷа важ и жызня. Важ када и небесни сындомаря лэна драго тэ диқэн, сар вонэ пэс андярэна. Кай и нэправедни мануша авэла возможность тэ уӷанэн пала Иегова, кай лэндирэ алава тэ авэн запистромэ андэ книӷа важ и жызня.

Андэ Откровение 20:12, 13 ԥэнэнпэ, кай всаворэ, ко воскреснут, трэбуй тэ терэн кадя, сар пистромэ андэ свиткоря. Вижал, вонэ трэбуй авэна тэ жувэн па лэ Дэвлэско нэво законо, саво во дэла андо раё пэ ԥув. Кодэлэн, ко на закамэна тэ ритярэн кадэва законо, о Иегова уничтожыт (Ис. 65:20).

Андэ Даниила 12:2 ԥэнэнпэ, кай «бут анда кодэла, ко муля, ущена — дэко важ и вечно жызня, ай авэр важ о вечно позоро». Андэ кадэва стихо ԥэнэнпэ, со аштярэл кодэлэн, ко воскреснут, — «вечно жызня» или «вечно позоро». Вижал, кала закончица и 1 000 лет, дэко получия и вечно жызня, ай авэр авэна уничтожэни (Отк. 20:15; 21:3, 4).

Роздиқам ек примеро. Кадэла дуй ӷрупы манушэн, савэ ринапэ каринг и жызня, можно тэ сыстосарас лэ манушэнца, савэ камэн тэ пэрэладэн андэ авэр страна. И праведни мануша шонпэ пэ кодэла, касти динэ и виза пэ долӷонэстэ. Через кадэя виза вонэ моӷут котэ тэ терэн бути, и вой дэл лэнди дэсави свобода. Ай и нэправедни шонпэ пэ кодэла, савэнди динэ времено виза. Кай вонэ тэ ашэнпэ май долӷо андэ кадэя страна, лэнди трэбуй тэ затерэн лащи репутацыя англа власти. Кадяжэ и нэправедни мануша, савэн воскресия о Иегова, трэбуй тэ ритярэн лэ Иеговаско законо и тэ доԥэнэн пэстири праведность, кай тэ ашэнпэ тэ жувэн андо раё. Сави бы тэ на авэл виза кай и мануша анда авэр страна, варикасти моӷут тэ дэн о ӷражданство, ай аврэн моӷут котар тэ одбишалэн. Када зависит кодэлэстар, сар вонэ лэна тэ андярэн пэс андэ нэви страна. Кадяжэ авэла и кодэлэнца, ко рияпэ каринг и жызня. Вонэ сыкавэна, пэскати дэ предани вонэ лэ Дэвлэсти. И тоди па кода, сар вонэ пэс андярэна андо раё пэ ԥув, авэла прилино послиднё ришэния пала кажно андар лэндэ.

О Иегова най кати полэл и жалуий, во кадяжэ справедливо Дэл (Втор. 32:4; Пс. 33:5). Во любий лэ манушэн, и важ када воскресия и кодэлэн, ко праведно, и кодэлэн, ко нэправедно. Но андэ кодэя жэ время, во на лэла тэ парувэл пэско законо. Кати кодэлэнди, ко любий лэс и ритярэл лэско законо, во дэла вечно жызня андо раё пэ ԥув.