Ай тумэ ӷанэн?

Домэклоп и римски власти, кай лэ манушэс, савэс примардэ каринг о столбо, тэ притидэн, сар трэбуй?

БУТ мануша ӷанэн, кай лэ Иисусос примардэ каринг о столбо машкар дуй преступникоря (Матф. 27:35—38). Но дэсавэ на допатян кодэлэсти, со пистромэ андэ Библия, кай лэ Иисусостири тила подӷотовили, кай тэ притидэн, и стодэ андэ ӷробница (Мар. 15:42—46).

И учони, савэ розлэнпэ андэ Евангелии, дэкала ԥэнэн, кай лэ манушэс, савэс казнинас, на домэкэнас тэ притидэн кадя, сар трэбуй. Вонэ ԥэнэн, кай кацавэ преступникоса обжанаспэ совсем па аврятэ. Акэ со пистрой о журналисто Ариэлё Сабаро андо журнало «Смитсониан»: «По столбо примарэнас кати фартэ найлашэ манушэн. Важ када авелоп найгодявэрнэс тэ аштярэн, кай и римляноря тэ домэкэн, кай кацавэ манушэс тэ притидэн, сар трэбуй». И римляноря ашавэнас по столбо кодэлэн, кас умардэ, кай кадя тэ тэлярэн лэн и кай лэндири тила тэ похан и жывотни. Кода, со лэндар ашэласпэ, потом шонас андэ общё моӷила.

Но и археолоӷоря полинэ, кай кадя терэнас най вся и время. Андо 1968 бэрш вонэ виарақлэ паша Иерусалимо лэ муршэстирэ кокаля, савэс казнисардэ андо пэрво вико. Вонэ пашлёнас андэ еврейско ӷробница важ и обычни еря, андо оссуариё — спецыально ящико важ и кокаля. Андэр лэстэ сас ла пяткако кокали, саво примардо лэ саструнэ карфинэса каринг о каш. О карфин сас лунгимаса 11,5 сантиметров. О Сабаро ԥэнэн: «Кадэва ла пяткако кокали прижалас лэ муршэсти, савэс ақарэнас Иехоханано. Кадэя находка сыкадя, кай андэ Евангелии пистромэ чачимос пала кода, кай лэ Иисусос гарадэ андэ ӷробница. [...] Када доԥэнэн, кай андэ лэ Иисусостирэ деса и римляноря домэкэнас тэ гаравэн лэ манушэс, савэс примардэ каринг о столбо».

И учони, савэ изучают кадэва кокали, моӷут по разному тэ объяснин, сар лэ Иисусостири тила сас росположэно по столбо. Но драго дицол, кай дэсавэ преступниконэн на шонас андэ общё моӷила, ай притидэнас, сар трэбуй. Вижал, амэ можэм тэ патяс кодэлэсти, со пистромэ андэ Библия пала кода, кай лэ Иисусостири тила стодэ андэ ӷробница.

Но со май ӷлавно, екжэно о Иегова май данглал ԥэндя, кай лэ Иисусос гаравэна андэ ӷробница, сави сас кай о барвало мануш. И нико нэ можэт тэ стерэл кадя, кай во тэ на зритярэл пэско алав (Ис. 53:9; 55:11).