Жа па чачуно дром

1. Васо амэнди чалёл тэ росԥэнас пала кода, сар амэ уӷанглям и истина?

«САР ту уӷанглян и истина?» Возможно, ту най еқвар росԥэнэсас пала када, кала знакомился лэ ԥралэнца и лэ ԥэянца. Амэнди чалёл тэ ашунас, сар авэр уӷанглэ и полюбисардэ лэ Иеговас. Амэ кадяжэ любисарас тэ росԥэнас пэскати дэ куч амэнди о чачимос анда Библия (Рим. 1:11). Кацави дума поможый амэнди тэ на бистрас, васо амэ любисарас и истина. И амэ инке май фартэ камас тэ андярас лэ Иеговастири время — тэ жас чачунэ дромэса, пэ саво амэн аштярэл бут лашымос (3 Иоан. 4).

2. Со амэ уӷанаса андэ кадэя статья?

² Спэрва давайте роздиқаса, васо амэ любисарас о чачимос анда Библия. Ай тоди подаса дума, сар пэ дила тэ сыкавас, кай амэ цэнисарас кадэва кучутно подарко. Кадэя статья поможыя амэнди тэ авас инке май блаӷодарни лэ Иеговасти, кай во дя амэнди тэ ӷанас и истина (Иоан. 6:44). Тоди амэ инке май фартэ закамаса тэ росԥэнас пала када аврэнди.

ВАСО АМЭ ЛЮБИСАРАС О ЧАЧИМОС АНДА БИБЛИЯ

3. Сави ӷлавно причина, васо амэ любисарас о чачимос анда Библия?

³ Амэндэ исин бут причины, васо тэ любисарас о чачимос анда Библия. Само ӷлавно — амэ любисарас амарэ Дэвлэс лэ Иеговас, савэстар жал и истина. Кала амэ изучали и Библия, амэ уӷанглям, кай о Иегова най кати зорало Создателё, но и амаро любящё небесно Дад, саво драго заботийпэ пала амэндэ (1 Пет. 5:7). О Иегова «добро Дэл, во полэл и жалуий анда вся оди, на грабий тэ холявэл, никала на ашавэл и лэстири преданно любовь фартэ бари» (Исх. 34:6). О Иегова любий справедливость (Ис. 61:8). Лэстэ дуқал оди, кала во диқэл, кай амэндэ исин ԥаримос, и во фартэ камэл тэ улэл када андэ время, сави во стодя (Иер. 29:11). Сар жэ амэ аштярас кадэя время! Важ када амэ фартэ любисарас лэ Иеговас.

4, 5. Васо о Павло сыстосардя о якорё и амари надежда?

⁴ Васо амэ инке любисарас и истина? Важ кода кай вой анэн амэнди бут лашымос. О чачимос анда Библия дэл амэнди райкани надежда пэ лащи жызня англэ. О апостоло Павло сыкадя пэскати дэ куч амэнди кадэя надежда. Во пистросардя: «Кадэя надежда амэндэ, сар якорё важ оди, вой надёжно и састи» (Евр. 6:19). О якорё поможый, кай о кораблё тэ тердёл пэ ек ҭан и тэ на розмардёл андэ плая. Кадяжэ и о чачимос анда Библия дэл амэнди надежда, сави поможый тэ виритярас о ԥаримос андэ жызня.

⁵ Андэ пэско письмо о Павло дэлас дума пала небесно надежда важ и памазаникоря. Но лэстирэ алава пашон и каринг авэр лэ Дэвлэстирэ служытеля, савэ надеинпэ тэ жувэн вечно андо раё пэ ԥув (Иоан. 3:16). Кацави надежда придэл амэнди зор и поможый тэ полас, васо амэ жувас.

6, 7. Саво лашымос андя ла ԥьяти, кай вой уӷангля о чачимос пала кода, со авэла англэ?

⁶ Уӷанам, со сас андэ жызня кай и ԥэй Ивон. В децтве вой на ӷанэнас и истина и фартэ даралас ла смэртятар. Еқвар вой проадиносардя андэ книӷа алава, савэ пэ долӷонэстэ ашэлэпэ латэ андо шэро: «Авэла дес, кала на авэла тэся». Акэ со вой росԥэнэн: «Посли када мэ вся и рят нэ моӷла тэ засовав и фартэ пэрэжывала, со авэла англэ. Мэ гиндосаравас: “Андэ жызня трэбуй тэ авэл варисаво смысло. Состэ мэ авелэм пэ люма?” Мэ на камавас тэ мэрав!»

⁷ Потом, кала и Ивон подбареля, вой уӷангля лэ Иеговастирэ свидетелёнэн. Вой росԥэнэн: «Мандэ появисайля надежда тэ жував вечно андо раё пэ ԥув». Саво лашымос андя амаря ԥьяти, кай вой уӷангля о чачимос пала Дэл? Вой ԥэнэн: «Акана и рят мэ будэр нэ пэрэжываю пала кода, со авэла англэ или пала смэрть». И Ивон фартэ цэний и истина, и лати чалёл тэ росԥэнэн пала пэстири надежда аврэнди (1 Тим. 4:16).

8, 9. а) Сар о мануш андэ лэ Иисусостири притча цэнияс о сомнак, саво арақля? б) Пэскати важ тумэндэ куч и истина?

⁸ Со инке ужал андо чачимос, пала саво пистромэ андэ Библия? Када и лащи новость пала лэ Дэвлэско Царство. О Иисусо сытярэлас, кай и истина пала Царство шолпэ по загарадо сомнак. Во ԥэндя: «О небесно Царство шолпэ по сомнак, саво гарадо пэ мал. Лэс о мануш арақля и упалэ гарадя. Во кадя залошайля, кай жыля, битиндя вся, со лэстэ сас, и тиндя кодэя мал» (Матф. 13:44). Шон сама, кадэва мануш на родэлас спецыально кадэва сомнак, но кала во лэс виарақля, во сас ӷотово бут пэр со тэ жал, кай кадэва сомнак тэ авэл лэско. Сар ԥэндя о Иисусо, во «битиндя вся, со лэстэ сас». Васо во када стердя? Во ӷанэнас, кай кадэва сомнак сас фартэ кучутно и ашэлас пэ бутэстэ май бут кодэлэстар, состар во отԥэнделя.

⁹ Ай тумэ кадяжэ цэнин и истина? Амэ уверени, кай да! И служэния лэ Иеговасти анэн амэнди бари радость, и када на сыстояпэ кодэлэса, со можэт тэ дэл амэнди кадэва миро. Кадяжэ амэндэ исин надежда тэ жувас вечно тала лэ Дэвлэско Царство. Ай инке амэ фартэ цэнисарас амари дружба лэ Иеговаса, дажэ если важ латэ прижалпэ варисостар тэ отԥэндювас! Важ лэ Дэвлэско народо бари бах «андэ вся тэ уӷодин лэсти» (Кол. 1:10).

10, 11. Васо о Майкло закамля полностью тэ парувэл пэстири жызня?

¹⁰ Кай тэ радуин лэ Иеговас, бут андар мэндэ фартэ парудэ пэстири жызня. Дэсавэ ашадэ лащи бути. Авэр парашэлэ тэ барвадён. Ай варико фартэ паруделя, кала уӷангля пала Иегова. Кацаво сас андэ жызня кай о Майкло. Андэ тэрнэ бэрша во ԥирэлас пэ каратэ. Во росԥэнэн: «Мэ фартэ абуросаравас, кай сымас драго пар пэстэ. Дэкала мэ гиндосаравас, кай ман нико нэ сможэт тэ победий». Но кала о Майкло ля тэ изучает и Библия, во уӷангля сар о Иегова диқэл пэ жэстокость (Пс. 11:5). Во ԥэнэн: «Лэ Иеговастирэ свидетеля, савэ изучали манца и Библия, никала на ԥэнэнас, кай мэ трэбуй тэ ашавав и каратэ. Вонэ просто на парашэнас тэ росԥэнэн манди пала чачимос анда Библия».

¹¹ Со май бут о Майкло уӷанэнас пала Иегова, со май фартэ во лэс любияс. Лэс фартэ ля лэ одестар, кай о Иегова полэл и жалуий пэстирэ служытелёнэн. Прожыля время, и о Майкло поля, кай трэбуй варисо тэ парувэл. Во росԥэнэн: «Мэ полавас, кай манди авэла найвушэро тэ ашавав и каратэ. Но кадяжэ мэ полавас, кай если мэ кадя стерава, када анэна радость лэ Дэвлэсти. И служэния лэ Иеговасти май куч всаворэстар, состар прижалпэ тэ отԥэндював». О Майкло фартэ цэнияс о чачимос, саво уӷангля, и блаӷодаря кадэлэсти во закамля полностью тэ парувэл пэстири жызня (Иак. 1:25).

12, 13. Сар о чачимос анда Библия поможысардя амаря ԥьяти?

¹² Кай тэ дицол, пэскати дэ куч и истина, андэ Библия вой сыстойпэ лэ светильникоса, саво ԥабол андэ тэмнота (Пс. 119:105; Эф. 5:8). Акэ, со сас андэ жызня кай и ԥэй Майли анда Азербайджано. Кала вой уӷангля о чачимос анда Библия, и любовь каринг лэстэ ля тэ ԥабол латэ андо ди, сар яг. Латирэ родителя па разному патянас андо Дэл. О дад сас мусульманино, ай и дэй — иудейка. Вой ԥэнэн: «Мэ никала нэ сомневалась, кай о Дэл исин, но мандэ сас вопросоря, пэ савэ мэ нащи виарақавас атветоря. Мэ нащи полавас: “Состэ о Дэл создал лэ манушэн и васо варико трэбуй тэ пэрэандярэл о ԥаримос вся пэстири жызня, ай потом инке цыло вечность тэ мучийпэ андо адо?” И мануша ԥэнэнас, кай кадя уӷодно лэ Дэвлэсти, но мэ гиндосаравас: “Нэужэли важ о Дэл и мануша нисо на ашэн, и лэсти чалёл тэ диқэл, сар вонэ мучинпэ?”».

¹³ И Майли на парашэлас тэ родэл атветоря пэ пэстирэ вопросоря. Через дэсави время вой ля тэ изучает и Библия и ашэля лэ Иеговаско свидетелё. Вой ԥэнэн: «Андэ Библия вся пистромэ годявэрнэс, и через када мэ лэм па аврятэ тэ диқав пэ жызня. Кала мэ виарақлэм атветоря пэ пэстирэ вопросоря, мандэ по ди ашэля спокойно». Кадя жэ, сар и Майли, амэ можэм тэ восхваляем лэ Иеговас, саво «анда тэмнота ақардя [амэн] андэ пэско удивительно свето» (1 Пет. 2:9).

14. Со поможыя амэнди инке май фартэ тэ любисарас о чачимос анда Библия? (Кадяжэ диқэн и рамка «Соса инке сыстойпэ о чачимос анда Библия».)

¹⁴ Амэ подям дума пала дэсавэ примероря, савэ росԥэндэ амарэ ԥэя и о ԥрал. Када поможысардя амэнди тэ полас, пэскати дэ куч и истина. Амэ роздиқлям кати трин примероря, но тумэ, канешно, можэте вспомнить пэ бутэстэ май бут. Авелоп драго пэ лично изучения тэ виарақэс и авэр примероря, савэ поможына тути инке май фартэ тэ любис о чачимос анда Библия. Если и истина авэла куч амарэ одести, амэ закамаса тэ сыкавас пэстири любовь пэ дила.

САР ПЭ ДИЛА ТЭ СЫКАВАС, КАЙ АМЭ ЛЮБИСАРАС О ЧАЧИМОС АНДА БИБЛИЯ?

15. Сар амэ можэм пэ дила тэ сыкавас, кай любисарас о чачимос анда Библия?

¹⁵ Если амэ любисарас и истина, амэ ласа вся и время тэ изучаем и Библия и амари литература. Дажэ если амэ андэ истина ужэ бут бэрша, амэ всаек можэм тэ уӷанас варисо нэво. Андэ пэрво выпуско «Сторожэво башня» ԥэнэнаспэ: «О чачимос анда Библия шолпэ по цвиточко, саво барёл андэ пустыня машкар бурьяноря. И бурьяноря — када о хохаимос, саво амэ ашунас андэ пэстири жызня. Если тумэ камэн тэ виарақэн кадэва чачимос машкар бурьяноря — родэн лэс о дес и рят. [...] Если камэн, кай во тэ авэл андэ тумари жызня — пристон вся пэско зор. И на хутила тэ виарақэн кати ек цвиточко. [...] Стидэн цыло букето, кай тэ уӷанэн май бут пала истина». Тэ изучаеш лэ Дэвлэско алав найвушэро, но када анэн бут лашымос.

16. Сар ту проандярэс и лично изучения? (Притчи 2:4—6).

¹⁶ Най всаворэ любин тэ адинон и тэ изучают. Но о Иегова камэл, кай амэ тэ родас и тэ виарақас. Аврэ алавэнца, кай амэ тэ пристас вся пэско зор, кай май драго тэ полас о чачимос анда Библия. (Проадинон Притчи 2:4—6.) Но када анэн бут лашымос! Кала амаро ԥрал Кори проандярэл и лично изучения, во розлэл кати ек стихо. Во росԥэнэн: «Мэ продиқав всаворэ сноски и перекрёсни ссылки и старысавав май бут тэ уӷанав, со пала кадэва стихо ԥэнэнпэ андэ амарэ публикацыи. Блаӷодаря кадэлэсти мэ моӷу фартэ бут тэ уӷанав!» Амэ можэм тэ сыкавас, кай цэнисарас и истина, если кадяжэ ласа тэ витидас май бут время важ пэстири лично изучения (Пс. 1:1—3).

17. Сар тэ полас, жувас амэ кадя, сар сытярэл и Библия чи най? (Иакова 1:25).

¹⁷ Канешно, амэ полас, кай на хутила просто тэ уӷанас и истина. Важно тэ жувас кадя, сар амэ уӷанглям. Кати тоди амэ сможэм тэ ашас па чачимастэ бахталэ. (Проадинон Иакова 1:25.) Но сар тэ полас, жувас амэ кадя, сар ԥэнэнпэ андэ Библия чи най? Трэбуй тэ погиндосарас, со амэндэ ужэ драго вижал, ай со инке трэбуй тэ стерас. О апостоло Павло ԥэндя: «Дажэ если амэ ужэ бут со домарделям, давайте и май дур тэ жас кодэва жэ дром» (Флп. 3:16).

18. Васо трэбуй тэ жувас кадя, сар сытярэл о Иегова?

¹⁸ Кати погиндон, скати лашымос анэн амэнди и истина! Амэ ашас май бахталэ и радосарас лэ Иеговас и амарэ ԥралэн и ԥэян (Прит. 27:11; 3 Иоан. 4). Канешно, амэндэ исин бут причины тэ любисарас о чачимос анда Библия и тэ жувас кадя, сар сытярэл о Иегова!