Васо трэбуй лэ Дэвлэстири арӷанизацыя?

1. Васо о Дэл стидя лэ израильтянонэн?

Андэ дэлмутни время жувэлас мануш, савэс ақарэнас Авраам. Во андэ вся кандэлас лэ Дэвлэс и важ када анда лэстирэ потомкоря о Дэл стидя народо и дя лэнди законоря. Кати кадэва народо, савэсти о Дэл приԥэндя «Израилё», ритярэлас лэско законо и тэлёлас лэсти кадя, сар во камэл (Псалом 147:19, 20). Через кадэва народо авэр мануша моӷли тэ уӷанэн лэ чачунэ Дэвлэс. (Адиносар Бытие 22:18.)

О Дэл витидя лэ израильтянонэн, кай вонэ тэ авэн лэстирэ свидетеля. Кода, со сас кадэлэ народоса, сыкавэл, пэскати дэ годявэрнэс тэ жувас па лэ Дэвлэстирэ законоря (Второзаконие 4:6). И мануша анда авэр народоря диқэнас, сар андярэн пэс и израильтяноря, и через када моӷли тэ уӷанэн пала чачуно Дэл и тэ патян андэр лэстэ. (Адиносар Исаия 43:10, 12.)

2. Васо о Дэл стидя лэ чачунэ христианонэн?

Прожыля время и израильтяноря парашэлэ тэ кандэн лэ Дэвлэс. О Иегова отԥэнделя кадэлэ народостар и стидя и христианско собрания (Матфея 21:43; 23:37, 38). Спэрва лэ Иеговаско народо сас о Израилё, ай акана када и чачунэ христианоря. (Адиносар Деяния 15:14, 17.)

О Иисусо ԥэндя пэстирэ учениконэнди тэ росԥэнэн пала Дэл и тэ поможын лэ манушэнди анда всаворэ народоря тэ кандэн лэ Дэвлэс (Матфея 10:7, 11; 24:14; 28:19, 20). Адес пала Дэл росԥэнэн кадя бут, сар инке никала на росԥэнэнас, и када сыкавэл, кай о часо, кала кадэя время будэр на авэла, фартэ пашэ. О Иегова пэрво разо важ вся и время стидя милионоря манушэн анда всаворэ нацыи, кай вонэ тэ тэлён лэсти (Откровение 7:9, 10). О Дэл стидя лэ чачунэ христианонэн андэ ек арӷанизацыя, кай вонэ тэ подритярэн ек еқэс. Вонэ па вся и ԥув сытён па ек проӷрама. (Адиносар Евреям 10:24, 25.)

3. Катар линэпэ лэ Иеговастирэ свидетеля?

Андэ 1870 бэрша набут мануша, савэ сытёнас па Библия, линэ тэ родэн о чачимос. Вонэ ӷанэнас, кай о Иисусо стидя и христианско собрания, кай тэ росԥэнэн и лащи новость пала Царство. Важ када вонэ линэ бут со тэ терэн, кай и мануша па вся и ԥув тэ уӷанэн пала Дэл. Анда 1931 бэрш вонэ линэ тэ ԥэнэн пэр пэстэ лэ Иеговастирэ свидетеля. (Адиносар Деяния 1:8; 2:1, 4, 11; 5:42.)

4. Сар лэ Иеговастирэ свидетеля терэн дила?

Андэ пэрво вико всаворэ христиански собрании андэ разни страны терэнас кода, со ԥэнэнас о руководящё совето, саво прижанэнас, кай о Иисусо Барэдэр андэ собрания (Деяния 16:4, 5). Адес кай лэ Иеговастирэ свидетеля кадяжэ исин о Руководящё совето, када мурша, савэ дэлмут служын лэ Иеговасти. О Руководящё совето диқэл пала филиалоря кай лэ Иеговастирэ свидетеля. И филиалоря вимэкэн и литература май бут чем пэ 900 шыба, кай и мануша тэ сытён па Библия. Через када о Руководящё совето можэт тэ андярэл лэ Дэвлэско народо, саво май бут чем андэ 120 000 собрании па вся и ԥув. Андэ кажно собрания исин годявэрнэ мурша, савэ служын сар старейшыноря. Вонэ анда оди заботинпэ пала авэр ԥрала и ԥэя андэ собрания. (Адиносар 1 Петра 5:2, 3.)

Сар ек арӷанизацыя, лэ Иеговастирэ свидетеля росԥэнэн и лащи новость и поможын лэ манушэнди, кай вонэ тэ ашэн учениконэнца. Кадя жэ сар и апостолоря, амэ росԥэнас пала Дэл па цэра (Деяния 20:20). Амэ ақарас тэ сытён па Библия всаворэн, ко анда оди камэл тэ уӷанэн о чачимос. Но лэ Иеговастирэ свидетеля най просто арӷанизацыя. Амэ всаворэ ек дружно ери, андэ саво исин любящё Дад. Амэ всаворэ ԥрала и ԥэя, савэ любисарас и поможысарас ек еқэсти (2 Фессалоникийцам 1:3). Всаворэ лэ Иеговастирэ мануша кандэн лэс и поможын аврэнди. Важ када вонэ со май бахтало и со май радосно ери пэ ԥув. (Адиносар Псалом 33:12; Деяния 20:35.)