Сар вся терэлпэ андэ христианско собрания?

О Иегова любий, кала вся па порядко (1 Коринфянам 14:33). Кочай и андэ лэско народо вся па порядко. Саво порядко исин андэ собрания? Со кажно можэт тэ терэл, кай тэ авэл кадя, сар камэл о Иегова?

1. Ко ӷлавно андэ собрания?

«О Христос хулай» андэ собрания (Эфесянам 5:23). Па нэбо о Иисусо диқэл и ԥэнэн, со тэ терэл лэ Иеговаско народо. О Иисусо стодя «годявэрнэ и кандинэ рабос». Инке по рабо ԥэнэн Руководящё совето, када дэсавэ опытни старейшыноря. (Адиносар Матфея 24:45—47.) Андо пэрво вико и апостолоря и старейшыноря анда Иерусалимо ԥэнэнас, со тэ терэн и собрании. И о Руководящё совето ԥэнэн, со тэ терэн и собрании адес (Деяния 15:2). Но вонэ най ӷлавни андэ амари арӷанизацыя. Вонэ старыинпэ тэ полэн и Библия, тэ полэн, сар пэ вся диқэл о Иегова, и кандэн лэ Иисусос.

2. Ко када старейшыноря и со вонэ терэн?

Старейшыноря, када мурша андэ собрания, савэ кандэн лэ Дэвлэс бут бэрша. Вонэ сытярэн лэ Иеговастирэ народос па Библия и диқэн пала собрании. Вонэ терэн кадэя дила най важ и ловэ, ай «кай камэн тэ стон зор» и анда вся оди (1 Петра 5:1, 2). Андэ собрания инке исин помошникоря андэ собрания, савэ поможын лэ старейшынонэнди. Через дэсави время вонэ моӷут тэ ашэн старейшыноря.

О Руководящё совето стол дэсавэ старейшынонэн, сар раёни надзирателя. Ай вонэ стон лэ ԥралэн, савэ жувэн па Библия, тэ авэн старейшыноря и помошникоря андэ собрания (1 Тимофею 3:1—10, 12; Титу 1:5—9). И надзирателя авэн андэ разни собрании и пэрэдэн, со и собрании трэбуй тэ терэн, и подритярэн всаворэн.

3. Сави дила исин кажнонэстэ андэ собрания?

Всаворэ андэ собрания «прославляют лэ Иеговас». Вонэ дэн каминтарии, дилабэн, росԥэнэн речи, и сыкавэн, сар тэ дэн дума пала Дэл. Инке вонэ, пэ скати лэндэ вижал, росԥэнэн о чачимос анда Библия. (Адиносар Псалом 148:12, 13.)

УӶАНАМ МАЙ БУТ

4. О Иисусо драго руководий

О Иисусо ақарэл всаворэн. Адиносарам Матфея 11:28—30 и подам дума пала вопросоря, савэ май тэлэ.

• О Иисусо камэл, кай амэнди тэ авэл драго кодэлэстар, кай во диқэл пала амэндэ. Росԥэн васо.

ВИДЕО: «И старейшыноря поможын посли землетрясения андо Непало» (4:56)

Андэ Библия драго пистромэ, сар и старейшыноря трэбуй тэ терэн пэстири дила.

Адиносарам Исаия 32:2 и 1 Петра 5:1—3 и подам дума пала вопросоря, савэ май тэлэ.

• Со тутэ по ди кодэлэстар, кала диқэс, кай и старейшыноря старыинпэ тэ диқэн пала мануша кадя жэ, сар и о Иисусо?

• Андэр со инке и старейшыноря сытён лэ Иисусостар?

5. Кай и старейшыноря бут со можно тэ сытювас

ВИДЕО: «И старейшыноря подэн примеро аврэнди» (7:39)

О Иисусо кодэва, кастар трэбуй тэ сытён кодэла, ко диқэл пала собрания. Адиносарам Матфея 23:8—12 и подам дума пала вопросо, саво май тэлэ.

• Шутян сама, со запистромэ андэ Библия, сар трэбуй тэ андярэн пэс и старейшыноря, и сар андярэн пэс и рашая и барэ мануша анда веры?

1. 1. Кажно старейшына старыийпэ, кай лэстэ и кай лэско ери тэ авэл лащи дружба лэ Иеговаса

2. 2. И старейшыноря диқэн пала кажно мануш андэ собрания

3. 3. И старейшыноря вся и время росԥэнэн пала Дэл

4. 4. И старейшыноря сытярэн андэ собрания. Вонэ кадяжэ поможын тэ прилэн андо Зало Царства и терэн авэр дила

6. Сар тэ подритярас лэ старейшынонэн?

Андэ Библия пистромэ, васо авелоп драго тэ кандас лэ старейшынонэн. Адиносарам Евреям 13:17 и подам дума пала вопросо, саво май тэлэ.

• Сар ту гиндос, правильно чи най тэ кандас лэ старейшынонэн? Росԥэн, васо кадя гиндос.

Адиносарам Луки 16:10 и подам дума пала вопросо, саво май тэлэ.

• Васо амэ трэбуй тэ кандас лэ старейшынонэн, дажэ кала па амарятэ када най фартэ трэбуй?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иисусо барэдэр андэ собрания. Амэ ради тэ подритярас лэ старейшынонэн, важ кода кай вонэ драго диқэн пала амэндэ и андэ вся сытён кай о Христос.

Сар ту гиндос?

• Ко ӷлавно андэ собрания?

• Сави дила андэ собрания терэн и старейшыноря?

• Со кажно лэ Иеговаско служытелё трэбуй тэ терэл?

ДИК ИНКЕ

Уӷан май бут пала кода, кай важ о Руководящё совето и авэр старейшыноря куч кажно андэ собрания.

«Подритярасас ек еқэс, кала сас запрето» (4:22)

Уӷан май бут, сар жувэн и сар служын и раёни надзирателя.

«Сар прожал жызня кай о раёно надзирателё» (4:51)

Проадиносар, сави дила андэ собрания терэн и жувля.

«Кай лэ Иеговастирэ свидетеля и жувля служын лэ Дэвлэсти?» («Сторожэво башня» лэ 1 сентябрёстар пала 2012 бэрш)

Уӷан, со терэн и старейшыноря, кай всаворэнди андэ собрания тэ авэл драго.

«Христиански старейшыноря поможын, кай амэндэ тэ авэл радость» («Сторожэво башня» лэ 15 январёстар пала 2013 бэрш)