И жызня, када подарко

И жызня, када подарко, и пока амэ жувас, амэ бут со можэм тэ стерас. Дажэ кала исин ԥаримос, всаек амэндэ андэ жызня исин, сости амэ можэм тэ радосавас. Сар ту можэш тэ сыкавэс, кай цэнис и жызня? И васо трэбуй тэ авэс блаӷодарно пала латэ?

1. Сости трэбуй тэ цэнис и жызня?

И жызня трэбуй тэ цэнис, важ кода кай ла дя о любящё Дад о Иегова. Лэстар «жал и жызня», аврэ алавэнца, во создал вся, со жундо (Псалом 36:9). О Дэл «дэл всаворэнди и жызня, и кай тэ ԥурдэн, и вся со трэбуй» (Деяния 17:25, 28). О Иегова дэл амэнди вся важ и жызня. Инке во терэл вся, кай амари жызня тэ авэл лошали. (Адиносар Деяния 14:17.)

2. Сар тэ сыкавэс пэстири блаӷодарность лэ Иеговасти?

Кала о мануш инке на арақаделя, о Иегова ужэ лэл тэ любий лэс. Ек анда лэ Дэвлэстирэ служытеля, о Давидо, ԥэндя лэ Иеговасти: «Ту диқлян ман, кала мэрни жызня кати кати залэласпэ» (Псалом 139:16). О Иегова фартэ цэний тири жызня. (Адиносар Матфея 10:29—31.) Лэ Иеговасти фартэ ԥарэс по ди, кала диқэл, кай о мануш умарэл аврэ манушэс или умарэл корко пэс (Исход 20:13)a. Ай кадяжэ лэсти найдраго по ди, кала и мануша найгодявэрнэс андярэн пэс, и кадэлэстар моӷут тэ хасарэн пэстири или аврэ манушэстири жызня. Если амэ фэрисарас пэстири жызня и стас патив пэ жызня аврэ манушэнди, тоди амэ сыкавас, кай цэнисарас кадэва лэ Иеговаско подарко.

УӶАНАМ МАЙ БУТ

3. Фэрисар пэско зор

Кала о мануш ашэл христианино, во дэл алав, кай лэла тэ старыийпэ андэ вся тэ кандэл лэ Иеговас. Кабута, о мануш отдэл корко пэс лэ Дэвлэсти. Адиносарам Римлянам 12:1, 2 и подам дума пала вопросоря, савэ май тэлэ.

• Васо трэбуй тэ фэрис пэско зор?

• Сар ту можэш када тэ терэс?

4. Ав андэ вся осторожно

Андэ Библия пистромэ, кай трэбуй тэ дурювас всаворэстар, со римой амаро зор или через со можэм тэ хасарас пэстири жызня. Диқам о ВИДЕО и уӷанам, сар можно тэ авас осторожни.

ВИДЕО: «Андэ вся авэн осторожни» (8:34)

Адиносарам Притчи 22:3 и подам дума, сар амэ можэм тэ авас осторожни, кала амэ:

• цэрэ,

• пэ бути,

• заласпэ спортоса,

• ладас пала рулё или бэшас паша водителё.

5. Фэрисар и жызня лэ бэятостири, саво инке на арақаделяпэ

Шукарнэ алавэнца о Давидо ԥэндя, кай о Иегова внимательно диқэл пала бэято, саво дажэ инке на арақаделяпэ. Адиносарам Псалом 139:13—17 и подам дума пала вопросо, саво май тэлэ.

• Важ о Иегова, кала залэлпэ лэ манушэстири жызня?

Андо Израилё, андэ дэлмутнэ деса, лэ Иеговаско законо фэрияс ла да и латирэ бэятос, саво латэ инке на арақаделяпэ. Адиносарам Исход 21:22, 23 и подам дума пала вопросоря, савэ май тэлэ.

• Сар о Иегова диқэлас по мануш, саво дэзначай умардя лэ бэятос, саво инке на арақаделяпэ?

• Со кай о Иегова по ди, кала варико нарошно умарэл лэ бэятос, саво инке на арақаделяпэ?b

• Со ту гиндос пала кода, кай лэ Иеговастэ сас кацаво законо?

Диқам о ВИДЕО.

ВИДЕО: «Важ о Дэл куч кажно жызня» (5:00)

Дэкала дажэ кодэя манушни, сави фартэ цэний и жызня, можэт тэ погиндой, кай лати нисо на ашэлпэ, кроме сар тэ стерэл аборто. Адиносарам Исайя 41:10 и подам дума пала вопросоря, савэ май тэлэ.

• Кастар трэбуй тэ мангэл и помощь и манушни, савя заставин тэ стерэл о аборто? Васо?

ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова сытярэл амэн, кай амэ тэ любисарас, тэ цэнисарас и тэ фэрисарас и жызня. И дума жал пала амари жызня и пала аврэ манушэндири жызня.

Сар ту гиндос?

• Васо о Иегова цэний и жызня?

• Со кай о Иегова по ди, кала о мануш одлэл и жызня аврэ манушэсти?

• Васо ту цэнис и жызня?

ДИК ИНКЕ

Сар тэ сыкавас лэ Иеговасти, кай амэ блаӷодарни важ и жызня?

Дили 141. Жызнь — када подарко (2:41)

Уӷан, простия о Иегова кацавя жувля, сави умардясас лэ бэятос, саво инке на арақаделяпэ.

«Со ԥэнэнпэ андэ Библия пала аборто?» (статья по сайто)

Сар тэ витидас и развличении, кала ӷанас, сар о Иегова диқэл пэ жызня?

«„Экстремальный спорт“. Стоит ли рисковать?» (Журнало «Прошонпэ!» важ 8 октябрё пала 2000 бэрш)

Со если о мануш гиндой тэ умарэл корко пэс? Уӷан, сар и Библия поможыя, кай о мануш тэ на стерэл када.

«Поможыя манди и Библия, кай мэ тэ на умарав корко пэс?» (статья по сайто)