Кай лэ Иеговастирэ свидетеля и жувля служын лэ Дэвлэсти?

Да. Машкар лэ Иеговастирэ свидетеля па вся и ԥув исин фартэ бут жувля, савэ служын лэ Иеговасти. Вонэ росԥэнэн и лащи весть пала лэ Дэвлэско Царство. Андо Псалом 68:11 пала лэндэ ԥэнэнпэ: «О Иегова дэл алав. Лэ жувлян, савэ росԥэнэн лащи весть, авэла баро войско».

Но и служэния кай и жувля, савэ служын лэ Иеговасти най кацави, сар кай и жувля, савэ служын андэ авэр веры. Када совсем на сыстойпэ. Васо?

Пэрво отличия, када кас вонэ сытярэн. И жувля, савэ служын андэ христиански веры, руководин андэ қандиря и лэн ашунэн кодэла, ко авэн андэ кадэла қандиря. Кай лэ Иеговастирэ свидетеля и жувля на сытярэн андэ собрания, ай росԥэнэн важ о Дэл кодэлэнди, кас вонэ встречают андэ служэния пэ вулица и па цэра.

Авэр отличия андэ кода, сави дила вонэ терэн. Андо христианство и андэ авэр веры и жувля, савэ служын андэ қандиря, руководин кодэлэнца, ко авэл андэ кадэла қандиря и сытярэн кодэлэсти, со прилино андэ лэндири қандири. Ай кай лэ Иеговастирэ свидетеля и жувля наоборот на сытярэн андэ собрании, если котэ исин болдэ мурша. Кати и мурша, савэн пэ када стодэ, моӷут тэ сытярэн андэ собрании (1 Тимофею 3:2; Иакова 3:1).

Андэ Библия ԥэнэнпэ, кай тэ сытярэн и тэ диқэн андэ собрании дино кати лэ муршэнди. Шон сама пала саво порядко пистросардя о апостоло Павло андо письмо каринг авэр христианско раёно старейшына Тито: «Мэ ашадэм тут по Крито важ кода, кай ту... тэ стос андо кажно форо лэ старейшынонэн». О Павло ԥэндя кай кажно кадэва отвецтвено мурш трэбуй тэ авэл кацаво «кас ни андэр со на дошалярэса, кастэ ек хулаи» (Титу 1:5, 6). Кацаво жэ о Павло пистросардя и андо письмо каринг о Тимофеё: «Чаче, када лащи дила, кала о мануш камэл тэ авэл старейшына. О старейшына трэбуй тэ авэл кодэва, кас ни андэр со на дошалярэса, кастэ ек хулаи, ко... ӷанэн тэ сытярэл» (1 Тимофею 3:1, 2).

Васо андэ собрания тэ терэн лэ старейшынастири дила моӷут кати и мурша? О Павло ԥэндя: «Мэ на домэкав, кай и жувля тэ сытярэн или тэ хулаин пэ мурша. Лэнди трэбуй тэ ашэн мулком. Важ кода кай пэрво сас создано о Адамо, ай тоди и Ева» (1 Тимофею 2:12, 13 ). Вижал, кода, па саво порядко сас создани о мурш и жувли, сыкавэл, касти о Дэл дя кай во тэ сытярэл и тэ руководий.

Лэ Иеговастирэ служытеля терэн кадяжэ, сар о Иисус Христос. Сар служыяс о Иисусо? О ученико Лука пистросардя: «Во жыля па гава и фороря, тэ росԥэнэн пала радосно новость важ лэ Дэвлэско Царство». Май позжэ о Иисусо ԥэндя пэстирэ учениконэнди тэ терэн кадяжэ. И «вонэ жылэ па всаворэ гава, росԥэнэнас и радосно весть и ринас о зор лэ манушэнди» (Луки 8:1; 9:2—6).

Андэ амарэ деса лэ Иеговастирэ служытеля, сар и мурша, кадя и жувля, анда вся о зор участвуют андэ кода, кай исполняеца лэ Иисусостири пророчества, сави запистромэ андэ Матфея 24:14: «Кадэя лащи весть пала Царство росԥэнэна па вся и ԥув, кай тэ уӷанэн всаворэ народоря, и тоди авэла конец».