Во на дэл дума, но во драго сыкавэл лэ Дэвлэстирэ алава, савэ сас дэлмут ԥэндэ и стердэпэ

Пэ арка, сави стоди важ о Тито, исин барэ рисункоря, пэ савэ драго дицол кода, со сас дэлмут. Но найвсаворэ ӷанэн, кай кода, со ԥэнэнпэ пала арка и со ԥэнэнпэ андэ Библия сжалпэ. Лэ Титостири арка драго сыкавэл, со сас дэлмут ԥэндо андэ Библия.

ФОРО, САВО СЫНДОСАРДЭ

Каринг о 30 бэрш лэ И. Х. и ӷраница, сави исин андо римско ӷосударство, вой жал жы каринг и Британия и Галлия и дожал жы каринг о Египто (Акана пэ Галлия ԥэнэн Франция). Пэ вся территория, сави андо ӷосударство, парашэлэ и войны и мануша линэ тэ жувэн драго и бахталэс. Но иудеёря, савэ жувэнас дур лэ Римостар, виханас оди лэ барэ манушэнди, савэ жувэнас андо Римо.

Андэ ек книжка, андэ сави росԥэнэнпэ пала дэлмутно Римо ԥэнэнпэ: «Кати андэ набут ҭана, пала савэ диқэлас о Римо, вэрыцынас и власти, савэ слинэ андэр лэстэ, кадяжэ сар и иудеёря. Но кадэя вэрыцыя кадяжэ сас и лэ римлянонэндиря ригатар каринг лэндэ. И иудеёря холявэнас, кай кодэла, ко тердёнас англа власти, на прилэнас кода, сар терэласпэ кай иудеёря. Ай и римляноря фартэ холявэнас пэ евреёря, кай вонэ тердён пэ пэско и важ када вонэ обжанаспэ фартэ найдраго лэ евреёнэнца» (Encyclopedia of Ancient Rome). Бут иудеёря аштярэнас, кай варисаво спасителё анда политика, улэла лэнго ԥаримос, саво терэнас и римляноря и рия лэ Израилёсти о лашимос, саво сас. Но андо 33 бэрш лэ И. Х. о Иисус Христос ԥэндя, кай лэ Иерусалимоса авэла фартэ бари бида.

Акэ лэстирэ алава: «Авэна деса, кала тирэ вороӷоря ваздэна и столборя анда каш, савэ упрэ авэна востри и воиноря авэна круӷом тутэ и стасавэна тут всаворэ ригэндар. Вонэ шона пэ ԥув тут и тирэ бэятонэн андэр тутэ и вонэ на ашавэна андэр тутэ бар пэ барэстэ» (Луки 19:43, 44).

Кода, со ԥэндя о Иисусо и ученикоря на полинэ. Через дуй дес, кала вонэ подиқлэ по Иерусалимско храмо, ек анда ученикоря зацыписайля: «Учителё, дик, савэ шукарнэ бара и сави здания!» И па чачимастэ, сар дэсавэ мануша виадиносардэ, дэсавэ лэ храмостирэ бара сас фартэ барэ, 11 метроря андо лунгимос, 5 метроря андо буӷлимос и 3 метроря андо вучимос! Но о Иисусо ԥэндя: «Авэна деса, кала кодэлэстар, со тумэ диқэн катэ, на ашэлапэ бар пэ барэстэ. Вся авэла розмардо» (Марка 13:1; Луки 21:6).

Тоди о Иисусо ԥэндя пэстирэ учениконэнди: «Кала тумэ диқэна, кай круӷом о Иерусалимо воиноря пэстирэ лаӷерёнэнца, тоди ӷанэн, кай пашэля и время, кай во авэла шушо. Тоди кодэла, ко андэ Иудея, мэк прастэн андэ плая. Кодэва, ко андо форо, мэк вижал андар лэстэ, ай кодэва, ко найдур лэ форостар, мэк на зажал андэр лэстэ» (Луки 21:20, 21). Ашэля кадя, сар о Иисусо ԥэндя?

О ФОРО РОЗМАРДО

Прожыля 33 бэрш. Пэ иудеёря всаек сас хулая и римляноря. Но кала андо 66 бэрш лэ И. Х., кала о римско мануш, саво стидэлас и налоӷоря о Гессий Флоро виля и ловэ анда свынто сокровищница, сави сас андо храмо, андэ када иудеёря на зритярдэ пэстири холи. Йто иудеёря, савэ вазглэпэ против о Римо, кай во тэ на авэл хулай пэр лэндэ, динэ по Иерусалимо и линэ тэ марэн и тэ умарэн лэ римсконэ воинонэн. И тоди вонэ ԥэндэ, кай и римляноря будэр най хулая пэр лэндэ.

На прожыля и трин шон, сар о Цестио Галло стидя лэ римсконэ воинонэн, савэн слинэ 30 тысяч, паша Иерусалимо. Состэ? Кай тэ улэл кодэлэн, ко жан против лэндэ. И римски воиноря йто прожылэ андо форо и линэ тэ ӷанавэн и ԥув тала лэ храмостири стина. Тоди вонэ на полэса васо, парашэлэ тэ ӷанавэн и оджылэ. Иудеёря, савэ жылэ против и римляноря, лошавэнас и йто мэклэпэ пала пэстирэ вороӷоря. Кала и римляноря ужылэтар анда форо и христианоря стердэ кадя, сар ԥэндя о Иисусо, вонэ ужылэ анда Иерусалимо андэ плая, савэ слинэ пэ авэр риг лэ Иорданости (Матфея 24:15, 16).

Через о бэрш и римски воиноря упалэ жылэ против и иудеёря. Када уже ԥэндя тэ терэн о Веспасиано и лэско шаво о Тито. Но кала андэ 68 бэрш лэ И. Х. муля о императоро Нероно, о Веспасиано рисайля андо Римо. Состэ? Кай тэ залэл лэско ҭан. О Веспасиано пэрэдя пэстирэ шавэсти лэ Титости тэ улэл лэ иудеёнэн. Во кадяжэ дя лэ Титости воинонэн, савэн сас 60 000.

Андо июнё андо 70 бэрш лэ И. Х. о Тито приԥэнэн тэ сшынэн всаворэ витки андэ ҭана, савэ исин паша Иерусалимо. Состэ? Кай тэ стидэн круӷом о Иерусалимо 7 километрови столборя анда каш, савэ упрэ авэна востри. Каринг о сентябрё и римляноря розмардэ и сԥабардэ о форо и лэско шукарно храмо. Вонэ на ашадэ лэстар бар пэ барэстэ. Вся кадя и стердяпэ, сар ԥэндя о Иисусо (Луки 19:43, 44). Сар виадиносардэ, файма, андо Иерусалимо и пала лэстэ мулинэ, 250 жы кай 500 мануша.

И ВОИНОРЯ ШУКАРНЭС ПРОЖАН ЧЕРЕЗ О ФОРО

Кала андэ 71 бэрш И. Х. о Тито рисайля андэ Италия, и мануша, савэ жувэн андо Римо, фартэ драго лэс прилинэ. Всаворэ мануша вижылэ, кай тэ диқэн, сар шукарнэс прожан и воиноря па вся форо, савэ авелэ па война.

И мануша дэнас наздив лэ барвалимастар, саво сас фартэ бут и савэс андярэнас па лэ Римостирэ вулицы. И мануша дэнас наздив, кала диқэнас пэ кораблёря, савэ слинэ захутилдэ и кодэлэстар, сар и воиноря сыкавэнас, сар вонэ пэ кодэя война марэнаспэ. И дэнас наздив кодэлэстар, со вонэ чордэ анда Иерусалимско храмо.

Андо 79 бэрш лэ И. Х. о Тито ля тэ правий вместо пэско дад о Веспасиано. Но через дуй бэрш о Тито йто муля и царё ашэля лэско ԥрал о Домициано. Во и стодя и арка важ о Тито, важ кода кай о Тито вицэлдя и война.

АРКА АНДЭ АМАРИ ВРЕМЯ

Адес май бут, чем сто тысяч мануша, кажно бэрш авэн андо Римо, кай тэ диқэн пэ арка, сави стоди важ о Тито. Важ варикастэ када фартэ шукарни бути, сави стердя варисаво мануш. Важ авэр мануша, кадэя арка сыкавэл, сави власть сас андо Римо, ай важ авэр, када памятнико пала мануша, савэ мулинэ андо Иерусалимо и пала храмо, саво сас розмардо.

Но важ и мануша, савэ драго шон сама пэ кода, со адинон андэ Библия, лэ Титостири арка инке бут со сыкавэл. Кадэя арка драго сыкавэл лэ Дэвлэстирэ алава, савэ сас дэлмут ԥэндэ и стердэпэ. Кадяжэ када сыкавэл, кай лэ Дэвлэстирэ алава, савэ сас дэлмут ԥэндэ, найхохавнэ, лэн ԥэндя о Дэл и лэнди трэбуй тэ патяс (2 Петра 1:19—21).