Йто о Дэл улэла о ԥаримос

«О Аввакумо, када мануш, савэс любияс о Дэл. Во ровэласпэ: «Скати инке, Иегова, мэ лава тэ мангав, кай ту манди тэ поможыс, ай ту на лэса тэ ашунэс? Скати инке лава тэ ақарав, кай ту тэ поможыс, важ кода кай андо миро марэн и умарэн аврэн, ай ту на фэрис?» (Аввакум 1:2, 3). Дицол анда лэстирэ алава, кай лэстэ сас найсасти вера? Най! О Дэл ԥэндя лэ Аввакумости, кай андэ пэстири время во улэла вся о ԥаримос (Аввакум 2:2, 3).

Кала амэндэ чи варикастэ анда амарэ пашутнэ терэлпэ бида, здэлпэ, кай о Дэл нисо на терэл. Андэ Библия ԥэнэнпэ: «О Иегова на цырдэл и время, кай тэ стерэл кода пала со дя алав, сар дэсавэ гиндон. Во аштярэл тумэн, важ кода кай на камэл, кай варико тэ мэрэл, но камэл, кай всаворэ тэ каинпэ пала кода, со най кадя стердэ» (2 Петра 3:9).

КАЛА О ДЭЛ УЛЭЛА О ԤАРИМОС?

Фартэ йто! О Иисусо ԥэнэнас, кай авэла кацави время, кала андо миро лэла бут со тэ терэлпэ. Кацаво никала на сас. Инке о Иисусо ԥэндя, кай када диқэла дэсави поколения. Када драго сыкавэла, кай поджылэ и послидни деса кадэлэ «найлашэ мирости» (Матфея 24:3 жы кай 42). Андэ амарэ деса, амэ диқас, кай терэлпэ кода, со Иисусо ԥэндя. Када сыкавэл, кай йто о Дэл шолапэ андэ лэ манушэндири дилаa.

Сар о Дэл лэла тэ улэл амэндар и биды? Кала о Иисусо сас пэ ԥув, во сыкадя, саво кай о Дэл исин зор. И через кода, кай о Дэл дэлас пэско зор лэсти, во поможыяс и исцэлияс лэ манушэн. Уӷанаса акэ со.

Ураӷано, тинойпэ и ԥув чи инке варисавэ биды. Еқвар о Иисусо лэ апостолонэнца плывияс па Галилейско моря. И акэ вазгляпэ бари балвал, сави чуть на пэрэшутя лэндири лодка. Тоди о Иисусо сыкадя, кай лэстэ и кай лэско дад исин зор тэ улэн, со терэлпэ ла природаса (Колоссянам 1:15, 16). О Иисусо ԥэндя: «Параш! Улэпэ!» Андэ кодэя время «и балвал уляпэ, и ашэля фартэ тыхо» (Марка 4:35 жы кай 39).

Насвалимос. О Иисусо ашундёлас кодэлэса, кай исцэлияс лэ манушэн, савэ слинэ корэ, ко лангалас, кастэ сас насвалимос, пэ саво ԥэнэн и эпилепсия. Инке кодэлэн, кастэ тернёлас и тила, ай кадяжэ манушэн, кастэ сас авэр насвалимос. Во «исцэлияс всаворэн, ко сас насвало» (Матфея 4:23, 24; 8:16; 11:2 жы кай 5).

Боқалимос. Лэ Дэвлэстирэ зорэса о Иисусо терэлас чуда и праварэлас бутэ манушэн. Андэ Евангелия запистромэ дувар, кала во правардя най ек тысяча манушэн (Матфея 14:14 жы кай 21; 15:32 жы кай 38).

Смэрть. Кай о Иегова исин зор тэ улэл и смэрть. Када драго дицол анда Библия, кала о Иисусо рисардя каринг и жызня манушэн. Ек анда кодэла, кас о Иисусо рисардя каринг и жызня, сас муло штар дес! (Марка 5:35 жы кай 42; Луки 7:11 жы кай 16; Иоанна 11:3 жы кай 44).