Амэ виарақлям «фартэ кучутни жэмчужына»

Уинстоно, можэш тэ росԥэнэс амэнди, сар ту родэсас лэ Дэвлэс?

Мэ барелэм пэ ферма, пэ сави амэ барярасас о зэрно. Када андо австралийско штато Квинслендо. Амаро ери ни андэр со на патялас. Амэ жувасас екжэнэ и важ када мэ май бут общялся кати пэстирэ ереса. Кала манди сас 12 бэрш, мэ лэм тэ родав лэ Дэвлэс. Мэ мангаваспэ каринг о Дэл и мангавас лэс тэ поможый манди тэ уӷанав пала лэстэ о чачимос. Прожыля время и мэ улаглэм па ферма и устроился пэ бути андэ Аделаида (штато Южно Австралия). Андэ 21 бэрш мэ лаглэм андо Сиднеё тэ отцыював и котэ мэ познакомисайлэм ла Пэмаса. Вой росԥэндя манди пала вера, сави сас англо израильско. Кодэла, ко патян андэ кадэя вера, пэр лэндэ ԥэнэн англосаксы. Вонэ вижылэ анда дэш израильски племена, анда северно царство, савэ хасарделэсаспэ андэ 8 вико жы кай И. Х., кала лэн залинэсас андо плено. Кала мэ авелэм палпалэ андэ Аделаида мэ проԥэндэм андэ дума пала када кодэлэсти, каса мэ теравас бути, саво сытёлас па Библия лэ Иеговастирэ свидетелёнэнца. Амэ продям дума лэса най ек часо, май бут пала кода, андэр со патян лэ Иеговастирэ свидетеля. И мэ полэм, кай о Дэл ашундя мэрнэ молитвы, сар сымас бэятоса. Мэ уӷанглэм о чачимос пала Создателё и пала лэско Царство! Кадя мэ виарақлэм «фартэ кучутни жэмчужына» (Матфея 13:45, 46).

Пэм, ту кадяжэ рано лян тэ родэс кадэя «кучутни жэмчужына». Сар ту ла арақлян?

Мэ барелэм андо верущё ери андо форо Кофсо-Харборо (штато Новый Южный Уэльс). Мэрнэ родителя, о папо и баба патянас андэ вера, сави сас англо израильско. Мэрнэ цыкнэдэрэ ԥралэс, барэдэря ԥэя, ман и кадяжэ всаворэн упэрвых ԥралэн и ԥэян с детства сытярэнас, кай о Дэл май фартэ любий лэ англосаксонэн. Но мэ пала када гиндосаравас па аврятэ, и родавас о чачимос. Андэ 14 бэрш мэ сымас андэ разни қандиря, савэ сас найдур. Мэ сымас кай англиканоря, баптисторя и адвентисторя седьмого дня. Но мэ всаек на виарақлэм о чачимос.

Потом амэ пэрэлаглям андо Сиднеё, котэ мэ и уӷанглэм лэ Уинстонос, саво катэ отцыёлас. Сар во ужэ ԥэндя, амари дума важ кода, ко андэр со патял, андя каринг кода, кай во заля тэ сытёл па Библия лэ Иеговастирэ свидетелёнэнца. Амэ лям ек аврэсти тэ пистросарас письморя, андэ кажно лэско письмо сас бут библейски стихоря. Чачимос тэ ԥэнав, май англал мэ пала када пэрэжывала и дажэ холявавас! Но по набут мэ лэм тэ полав, кода со пистрой о Уинстоно, када чачимос.

Андэ 1962 бэрш мэ пэрэлаглэм андэ Аделаида, май пашэ каринг о Уинстоно. Во доԥэнделя, кай мэ тэ жував, кай ек ери. Лэн ақарэнас Томасо и Джанис Слоуман, савэ варикала служынас мисианеронэнца андэ Папуа — Новая Гвинея. Вонэ фартэ драго манца обжанаспэ. Манди сас кати 18 бэрш, и вонэ поможысардэ манди май бут тэ уӷанав важ о Иегова. Кадя, мэ лэм тэ сытював па Библия и патяем, кай виарақлэм о чачимос. Посли ябьяв амэ лэ Уинстоноса лям тэ служысарас лэ Иеговасти полновременно. Хоть и на обжыляпэ би ԥаримаско, амари служэния андя амэнди бут блаӷословении. И амари блаӷодарность важ и «кучутни жэмчужына», када важ о чачимос, ашэля инке май бари.

Уинстоно, росԥэн пала служэния, кала тумэ сас тэрнэ.

Посли кода, сар амэ ла Пэмаса жэнисайлям, о Иегова ԥэрнадя англа амэндэ пэрво анда бут «барэ вудара» (1 Коринфянам 16:9). Тэ зажас андэ кадэя «вудар» амэнди подԥэндя о ԥрал Джеко Портеро, саво авэлас андэ амари цынёни собрания сар раёно надзирателё. (Акана амэ лэса служысарас андо комитето андо австралазийско филиало.) О Джеко и лэсти хулаи Розлин амэнди подԥэндэ тэ служысарас пианеронэнца. Амэ самас андэ кадэя служэния панч бэрш и самас бахталэ. Посли кода, кала манди ашэля 29 бэрш, амэн ла Пэмаса манглэ тэ служысарас раёнонэнца пэ островоря андэ южно часть Тихо океано, пала савэ андэ кодэя время заботияспэ о филиало андэ Фиджи. Амэнди сас трэбуй тэ служысарас пэ островоря андэ Американско Самоа, Самоа, Вануату, Кирибати, Науру, Ниуэ, Токелау, Тонга и Тувалу.

Андэ кодэла бэрша кодэла, ко жувэнас пэ кадэла дурутнэ островоря, фэринаспэ лэ Иеговастирэ свидетелёнэндар. Важ када амэнди трэбуй сас тэ авас май внимательни, кай бут со тэ полас (Матфея 10:16). И собрании сас цынёне, и дэкала лэ ԥралэнди най кай сас амэнди тэ дэн ҭан тэ рятярас. Тоди амэ мангасаспэ тэ рятярас кодэлэндэ, ко жувэлас котэ. Вонэ вся и время прилэнас амэн анда оди.

Уинстоно, ту бут шос сама каринг и переводческо дила. Васо?

Андэ кодэя время кай и ԥрала пэ островоря Тонга сас набут буклеторя и брашура пэ тонганско шыб. Андэ служэния вонэ лэнас пэса и книжка пэ английско шыб «Истина, ведущая к вечной жизни», па сави тоди сытярэнас па Библия. Еқвар прожалас школа важ и старейшыноря, сави жалас штар курте. Тоди трин старейшыноря, савэ катэ жувэнас, и савэ набут ӷанэнас английско шыб, залинэ тэ пэрэандярэн кадэя книжка пэ тонганско шыб. И Пэм отпечатала пэ машынка о тексто, саво вонэ пэрэандярдэ, и амэ отбишалдям лэс андо американско филиало, и котэ напечатали и книжка. Пэ кадэя переводческо дила жылэ восемь курте. Хоть о переводо сас най само лашо, но кадэя книжка поможысардя бутэ тонганцонэнди тэ уӷанэн о чачимос. Амэ ла Пэмаса най переводчекоря. Но через кода, со амэ стердям, амэнди ашэля интересно переводческо дила.

Пэм, соса и жызня пэ островоря на шоласпэ пэ жызня андэ Австралия?

Када сас совсем авэр люма! Еқа ригатар, фартэ бут комаря, крысы, бари жара и сырость, насвалимос, ай дэкала на дохасас. Ай авря ригатар по ди терэласпэ фартэ драго. Важ кода кай диқасас по океано, саво дицолас анда амаро цэроро, пэ саво ԥэнэн фале по самоански. Када сас обычно полинезийско цэроро, саво би стинэнго и ушарадо сулумаса. Ай и рятэ, кала светияс о шон, амэнди фартэ чалёлас тэ диқас, сар дицон и какосови пальмы и сар отражаетца о шон андо океано. Андэ кацавэ маменторя амэ мангасаспэ и фартэ гиндосарасас, сар дэ шукарнэс, и через када амэ ласас тэ гиндосарас ек важ о лашимос.

Амэ любисарасас катутнэ бэятонэн. Вонэ фартэ камэнас вся тэ ӷанэн и лэнди сас интересно пар мэндэ тэ диқэн, важ кода кай амэ парнэ, и андярэнас вонэ пэс чудно. Еқварэс по острово Ниуэ ек бэято ля тэ ӷладий лэ Уинстоноско вас и ԥэнэн: «Манди чалён тирэ пор». Жы каринг када, во никала на диқля бал пэ вас и на ӷанэн, сар пэ када ԥэнэн.

Амэндэ дуқалас оди, кала амэ диқасас, сар жувэн бут мануша. Андэ кадэва райкано ҭан, трудно сас тэ авэн и врачоря, лэ манушэнди на хутилэлас вужо паи, кай тэ пэн. И всаек амарэ ԥрала на умэкэнас и вас. Вонэ сытелэ каринг кацави жызня и сас бахталэ. Васо? Важ кода кай лэнго ери паша лэндэ и лэндэ исин, кай тэ тэлён лэ Иеговасти и вонэ могут лэс тэ прославляют. Амэ сытювасас лэндар тэ жувас просто и тэ на бистрас, со важ о мануш со май важно.

Пэм, дэкала тути прижаласпэ екжэни тэ жас пала паи и тэ гитос тэ хан андэ условия, андэ савэ ту най сыкли. Сар тутэ када вижалас?

Мэ ԥэнав наис мэрнэ дадэсти, важ кода кай во бутэсти ман сытярдя. Во сытярдя, сар тэ став яг и тэ тавав тэ хан и сар тэ вижував, сар тала вас нинай нисо. Еқварэс амэ авелям андо Кирибати и ашэлямпэ тэ жувас андо цэроро, савэстэ сас и крыша анда сулум, ай и стины анда бамбуко, ай по поло каралово ӷравиро. Мэ виӷанадэм андо поло яма важ и яг, ай вместо каш мэ стидавас шкорки па какосоря. Мэ жылэм пала паи андэ хаинг, кай ужэ сас бут катутнэ жувля. О паи вонэ дорэсэнас рувляса, сави сас варикай дуй метроря дэ лунго. Пэ рувли сас приԥангли дури, варисо сар шоласпэ пэ вудочка, кати вместо крючко приԥангли жэстяно банка. И жувля по очереди зашонас кодэя «вудочка» и кала трэбуй резко дёрӷиинас лэ вастэса, кай и банка тэ пэрэийпэ и тэ ԥэрдёл паи. Мэ гиндосардэм, када вушэро, пока на поджыля мэрни очередь. Мэ зашавас най еқварэс, но мандэ нисо на вижалас. И банка пэрэлас просто по паи и плавуияс упрал! Вся кадэя время мэ ашунавас, кай пала думэ асан. Потом ек жувли поможысардя манди. Мануша, савэ котэ жувэнас вся и время амэнца обжанаспэ драго.

Тумэ лэдуй любинас тэ служын пэ островоря. Со тумэ сэрэн со май фартэ?

Росԥэнэн о Уинстоно. Амэнди сас трэбуй время, кай тэ полас, сар и со лэндэ терэлпэ. Например, и ԥрала стонас по столо вся, со лэндэ исин пэ вся дес. Май англал амэ на ӷанасас, кай дэсо анда кода, со стодэ, трэбуй сас тэ ашавас лэ хуланди, ай амэ вся похасас. Потом амэ полям амари ошыбка. И ԥрала пэ када на шонас сама и всаек амэн полэнас. И вонэ фартэ лошавэнас, кала амэ еқварэс андо епаш бэрш авасас лэндэ андэ собрания. Кроме катутнэ ԥрала амэ самас единственни лэ Иеговастирэ свидетеля, каса вонэ моӷли пообщяца.

Кала амэ авасас, када диқэнас и сосидоря. Бут андар лэндэ гиндонас, кай и ԥрала екжэнэ вигиндосардэ пэсти вера, и на патянас, кай варикай инке исин кадяжэ лэ Иеговастирэ свидетеля. Важ када, кала кай и ԥрала па авэр краё ԥув, авэнас авэр ԥрала, савэ дэнас дума пэ авэр шыб и савэ кадяжэ анда кадэя арӷанизацыя, тоди и сосидоря полэнас, кай амари арӷанизацыя па вся и ԥув, и вонэ фартэ удивинаспэ.

Роԥэнэн и Пэм. Сас ек случаё, саво фартэ ля амэн лэ одестар. Када сас по Кирибати. Котэ андэ собрания сас совсем набут ԥрала и ԥэя. Еқвар амэндэ авеля о Синикай Матера, во единственно старейшына котэ. Андэ вас во ритярэлас корзинка, андэ сави пашлёлас ек парноро. Во ԥэндя: «Када тумэнди». Андэ кодэя время каӷнянэ парнорэ сас важ амэндэ ридкость. Кодэва цынёнё, но анда вся оди подарко, ля амэн лэ одестар.

Пэм, кала прожылэ дэсавэ бэрша, ту хасардян бэятос, тутэ тердяпэ выкидышо. Со поможысардя тути тэ пэрэжувэс кацаво ԥаримос?

Кала мэ заԥирдэм бэятоса, када сас андо 1973 бэрш. Андэ кодэя время амэ лэ Уинстоноса служысарасас пэ тихоокеански островоря. Амэ закамлям тэ рисавас андэ Австралия и котэ через штар шон, мэ хасардэм лэ бэятос. Амэ лэ Уинстоноса самас умардэ бидатар. Сар прожыля время и дук ашэля май набут. Ай прожыля и дук тоди, кала амэ проадиносардям «Сторожэво башня» лэ 15 апрелёстар 2009 бэрш. Андэ рубрика «Пушэн кодэла, ко адинон» задэнас вопросо: «Кала о бэято муля ла датэ андо йло, можно тэ аштярэс, кай во рияпэ каринг и жызня?» Андэ статья ԥэнэнас, кай кадэва вопросо ришыя о Иегова, ай во вся и время терэл правильно. Во виличия всаворэ раны, савэ амэндэ через кадэва найлашо миро. Када авэла тоди, кала о Дэл ԥэнэна пэстирэ Шавэсти «тэ розмарэл лэ Сатанастирэ делоря» (1 Иоанна 3:8). Кала амэ проадиносардям кадэя статья, амэ инке май фартэ лям тэ цэнисарас кадэя «кучутни жэмчужына», сави о Иегова подарисардя пэстирэ народости. Со амэ тердоп, тэ на авелоп амэндэ кодэва лашимос, саво аштярас англэ, кала авэла тэ правий лэ Дэвлэско Царство!

Посли кадэя бида, амэ упалэ лям тэ служысарас полновременно. Дэсавэ шона амэ терасас андо австралийско Вефилё, ай тоди рисайлям каринг и раёно служэния. Штар бэрш амэ прослужысардям андо штато Новый Южный Уэльс , андэ гавора, и кадяжэ андо Сиднеё. Ай андэ 1981 бэрш амэн ақардэ андо австралийско филиало, кадя пэр лэстэ тоди ԥэнэнас. И кодэла времятар амэ идоси служысарас катэ.

Уинстоно, акана ту служыс андо комитето андо австралазийско филиало. Поможый тути кода, сости ту сытелян, кала служысас пэ тихоокеански островоря?

Да, фартэ. Май англал амарэ филиалости динэ тэ заботийпэ пала Американско Самоа и Самоа. Потом амэ стидямпэ лэ новозеландсконэ филиалоса. И акана о австралазийско филиало диқэл пала Австралия, Американско Самоа и Самоа, Восточно Тиморо, островоря Кука, Ниуэ, Новая Зеландия, Токелау и Тонга. Андэ бут кадэла страны и ҭана мэ сымас, сар представителё анда филиало. Кала мэ служысаравас лэ ԥралэнца и лэ ԥэянца, савэ на парашэнас тэ кандэн лэ Иеговас и савэ жувэнас пэ островоря, мэ бут сости сытелэм. Через када мэ моӷу тэ заботисавав пала лэндэ и тэ служысарав андо филиало.

В канцэ камав тэ ԥэнав, кай амэ ла Пэмаса най еқвар диқасас, кай лэ Дэвлэс родэн най кати и взросли, но и бэятцэ. Кода, со сас амэнца, инке еқвар сыкадя када. И тэрнэ мануша кадяжэ родэн и «фартэ кучутни жэмчужына», дажэ кала лэндирэ чаче лэн андэ када на подритярэн (2 Царей 5:2, 3; 2 Летопись 34:1—3). Патян, о Иегова любящё Дэл, и во камэл, кай всаворэндэ и лэ тэрнэндэ и лэ ԥурэндэ тэ авэл вечно жызня.

Кала май бут чем епаш вико палпалэ амэ ла Пэмаса лям тэ родас лэ Дэвлэс, амэ на ӷанасас, соса када вся закончится. О чачимос пала Царство, када фартэ кучутни жэмчужына, сави амэ фартэ цэнисарас.