Пушэн кодэла, ко адинон

Кала о Сатана дя алав ла Евати, кай вой на мэрэла, сар хала о плодо па витка, сави сыкавэл, со лашимос, ай со найлашимос, ԥэнэнас во, кай о духо на мэрэла?

Май йто всаворэстар, най. О Сатана на ԥэндя ла Евати, кай кала вой хала о плодо, саво о Дэл на мэкля тэ хан, мэрэла кати латири тила, ай варисо кацаво, со на дицол, (пэр со акана ԥэнэн духо, саво на мэрэл) лэла варикай тэ жувэл. Через о сап о Сатана ԥэндя, кай если и Ева хала о плодо па кадэя витка, вой никала на мэрэла. И инке ԥэндя, кай ласа нисо на терэлапэ и вой лэла тэ жувэл пэ ԥув инке май драго, и о Дэл на авэла хулай пэр латэ (Бытие 2:17; 3:3—5).

Если кадэва хохаимос на сас андо Эдэмо, тоди катар во ляпэ? Точно на ӷанас, но ек амэ драго ӷанас. Кадэва хохаимос потасыля лэ манушэнца андо Потопо андэ кодэя время, кала жувэлас о Ноё. Ни ек хохавни вера на пэрэжудя о Потопо, важ кода кай пэ ԥув ашэлэпэ ек и чачунэ лэ Дэвлэстирэ служытеля, када о Ноё и лэско ери.

Пала духо, саво никала на мэрэл, ай варикай жувэл, сар сытярэн акана, файма, линэ тэ сытярэн посли Потопо. Кала о Дэл тердя кадя, кай вонэ линэ тэ дэн дума пэ разни шыба андо Вавилоно, и о Дэл «росшутя лэн па вся и ԥув» и кадяжэ мануша андярдэ пэса и о гиндо, кай о духо посли смэрть варикай жувэл (Бытие 11:8, 9). Кала бы тэ на залэлпэ кадэва хохаимос, амэ ӷанас, кай пала вся када тердёл о «дад лэ хохаимаско», о Сатана Бэнг и во лошавэлас, кай о хохаимос кадя фартэ розжыляпэ (Иоанна 8:44).