Со и мануша ԥэнэн пала молитва?
«Кала мэ мангавпэ, мэ ашав май пашэ каринг о Дэл. Мандэ по ди кацаво, кай ԥэнэса во ритярэл ман вастэстар. Ай кала манди ԥарэс и мэ на ӷанав со тэ терав, во манди поможый» (МАРИЯ).
«Мэрни хулаи муля лэ ракостар. Вой 13 лет борияспэ кадэлэ насвалимаса. Сэрав, кай мэ кажно дес мангаваспэ лэ Дэвлэсти и чуствовал, кай во ашунэл ман и полэл, сар манди дэ ԥарэс, и кадэлэстар манди ашэлас драго по ди» (РАУЛЬ).
«Молитва, када райкано подарко лэ Дэвлэстар» (АРНЕ).
Важ кадэла и важ бут авэр мануша и молитва, када бари блаӷословения. Андэ молитва вонэ моӷут тэ росԥэнэн лэ Дэвлэсти, со лэндэ по ди, тэ блаӷодарин лэс, ай кадяжэ тэ мангэн лэстар помощь. И вонэ патян, кай кода, со ԥэнэнпэ андэ Библия пала молитва, када чачимос. Андэ кадэя книӷа исин кацавэ алава: «Акэ андэр со амэ патяс, со бы амэ тэ на мангас лэ Дэвлэстар, во ашунэл амэн, если мангас кода, со сжалпэ лэстиря времяса» (1 Иоанна 5:14).
Но исин мануша, савэнди найвушэро тэ патян, кай о Дэл ашунэл лэндирэ молитвы. Акэ со росԥэнэн о Стиво: «Кала манди сас 17 лет, ек мэрно друӷо розмарделя андэ авария, ай дуй авэр друӷоря таселэ андэ моря. Мэ мангаваспэ лэ Дэвлэсти: „Васо када тердяпэ?“. Но о атвето кадя и на сас. Тоди мэ погиндосардэм: „Состэ вобще тэ мангавпэ?“» И кацаво вопросо исин бутэ манушэндэ.
Но исин и авэр причины, васо и мануша на диқэн о смысло, кай тэ мангэнпэ. Вонэ ԥэнэн: «О Дэл и кадя вся ӷанэн. Во ӷанэн, савэ амэндэ проблемы и ԥаримос. Состэ тоди лэсти пала када тэ росԥэнас?»
Дэсавэ гиндон, кай о Дэл на камэл тэ ашунэл лэндирэ молитвы важ кода, кай вонэ варикала вэрыто пэс андярэнас. Акэ со росԥэнэн и Дженни: «Мандэ по ди кацаво, кай мэ нисо на ашав. Варикала мэ теравас кацаво, состар манди адес фартэ лажаво. Мэ ԥэндэм корко пэсти, кай нэдостойно, кай о Дэл тэ ашунэл мэрнэ молитвы».
Ай со гиндос ту? Если тутэ сас кацавэ гиндоря, тути авэла интересно тэ уӷанэс, кай и Библия можэт тэ дэл атветоря пэ всаворэ тирэ вопросоря. Нинай нисави авэр книӷа пэ люма, андэ сави пистромэ чачимос пала молитваa. Анда Библия ту уӷанэса...
Ашунэл ли о Дэл тирэ молитвы?
Васо о Дэл ашунэл най всаворэ молитвы?
Сар тэ мангэспэ, кай о Дэл тэ ашунэл тут?
Сар и молитвы моӷут тэ поможын тути?
a Андэ Библия запистромэ, сар мангэнаспэ бут лэ Дэвлэстирэ мануша. Кадяжэ андэ Библия исин лэ Иисусостирэ молитвы. Андэ Еврейски Писании, пэ савэ часто ԥэнэн Ветхий Завет, пистромэ май бут чем 150 молитв.