«Би ла служэнияко мэ щяс пэс нэ представляю!»

ХАСАРАВ И РАДОСТЬ

Кала мэ сымас подростко, мэ лэм тэ отжав лэ Иеговастар. Манди здэласпэ, кай мэрнэ однокласниконэнди сас роздраго и вонэ свободни, ай мэ кабута варисо умэкавас. Мэ гиндосаравас, кай кода, со ԥэнэнас манди и родителя и лэ Иеговастирэ законоря, кай када вся фартэ строӷо, и важ када и служэния важ мандэ ашэля сар покута. Най, мандэ никала на сас кацаво, кай мэ тэ на патяв, кай о Иегова исин, но во ашэля важ мандэ фартэ дур.

Мэ всаек на парашавас тэ росԥэнав пала Дэл, но теравас када кати важ кода, кай трэбуй. Кала жавас андэ служэния мэ никала каринг латэ нэ ӷотовилась, и важ када манди сас инке май ԥарэс тэ за дав дума лэ манушэнца и тэ подритярав и дума. Када на анэнас манди нисави радость и на анэнас нисаво лашимос аврэнди, и мануша ман на ашунэнас. Важ када мэ андэ служэния совсем на камавас тэ ԥирав. Мэ гиндосаравас: «Сар о мануш можэт кадэлэса вся и время тэ залэлпэ?»

Кала манди ашэля 17 бэрш мэ закамлэм тэ авав свободно. Мэ стидэм и кирпэ и улаглэм андэ Австралия. Лэ родителёнэнди сас ԥарэс тэ диқэн, сар мэ ужав анда цэр. Вонэ пэрэжывали пала мандэ, но вонэ всаек патянас, кай котэ мэ на парашава тэ служысарав лэ Иеговасти.

Андэ Австралия мэ отжылэм лэ Иеговастар инке май дур. Пэ собрания мэ ԥиравас дэкала, ай дружысаравас кодэлэнца, ко сар и мэ ԥирэнас и пэ собрания и рятянца пэ дискотеки, кай тэ пэн и тэ цэлэн. Акана мэ полав, кай андэ кодэя время мэ андяравас пэс и сар лэ Дэвлэско служытелё ,и сар и мануша андэ кадэя люма. Но ни котэ, ни котэ манди на сас драго.

ЕК МАНУШ ПОМОЖЫЙ ТЭ ПОЛАВ ВАЖНО ГИНДО

Прожыля варикай дуй бэрш и мэ уӷанглэм ла ԥья, сави екжэни на ӷанэнас, кай поможысардя манди тэ полав, сави жызня мэ андярав. Андэ кодэя время мэ жувавас штарэ тэрнорэ ԥэянца анда собрания. Амэ закамлям каринг пэстэ тэ ақарас лэ раёнонэ надзирателёс ла хулаяса, савя ақарэнас Тамара. Вонэ ашэлэпэ амэндэ пэ куртестэ. Пока лако хулай терэлас дила андэ собрания, вой сас амэнца. Вой манди фартэ чалеля. И Тамара сас фартэ просто, и ласа сас интересно общяца. Но со май фартэ ман ля лэ одестар, кода кай о мануш, савэстэ лащи дружба лэ Дэвлэса, можэт тэ авэл кацаво дэ ԥэрясэнго.

Ла Тамаратэ лошатар ԥабонас и яқа. Вой фартэ любияс лэ Иеговас и любияс и служэния, и мэ закамлэм тэ авав кацави жэ, дэ лошали сар вой! Вой отдэлас лэ Иеговасти вся со май лашо, со латэ исин, ай мэ служысаравас, кай када просто сас трэбуй. Мэ диқлэм пэ Тамара, сави вой лошали и бахтали, кай служый лэ Иеговасти анда вся оди, и полэм, кай о Иегова камэл, кай амэ всаворэ лэсти тэ служысарас най важ кода кай када просто трэбуй, ай тэ терас када анда вся оди (Пс. 100:2).

УПАЛЭ СЛУЖЫСАРАВ АНДА ВСЯ ОДИ

Мэ камавас, сар и Тамара, тэ авав бахтали. Важ када манди трэбуй сас тэ парудював, но теравас мэ када по набут. Мэ лэм ӷотовица каринг и служэния и дэкала служысаравас сар подсобно пианеро. Када поможыяс тэ на пэрэжываю андэ служэния и май смило тэ дав дума лэ манушэнца. Андэ служэния мэ лэм май часто тэ ԥэрнавав и Библия, и важ када и служэния мэ полюбисардэм инке май фартэ. Прожыля набут время, и мэ лэм ужэ кажно шон тэ служысарав сар подсобно пианеро.

Мэ подружысайлэм лэ ԥралэнца и лэ ԥралэнца, савэндэ сас разни бэрша и савэ любинас лэ Иеговас и савэ анда вся оди служынас лэсти. Блаӷодаря лэнди мэ кажно дес лэм тэ адиносарав и Библия и парудэм пэстири жызня. И служэния ля тэ анэн манди май бут радость, и тоди мэ закамлэм тэ ашав общё пианеро. Пэрво разо важ скати бэрша мэ сымас па чачимастэ бахтали, ай андэ собрания манди сас фартэ драго, ԥэнэса мэ сымас сар цэрэ.

ВИАРАҚАВ НАПАРНИКОС ПЭ ВСЯ И ЖЫЗНЯ

Через бэршэстэ мэ уӷанглэм лашэ ԥралэс, саво анда вся оди служый лэ Иеговасти и саво сас общё пианеро. Во дэсавэ шона проандярдя андэ Малавия, кай трэбуй сас май бут вазвещятеля, кай тэ росԥэнэн пала Дэл. Котэ во общялся лэ миссионеронэнца, савэндар во сытеля тэ стол и служэния лэ Иеговасти по пэрво ҭан.

Андо 2003 бэрш амэ лэ Алексоса пожэнисайлям, и лям вмести тэ служысарас лэ Иеговасти. Важ кадэла бэрша амэ бут сости сытелям и диқлям, скати блаӷословения дэл о Иегова.

О ИЕГОВА ДЭЛ АМЭНДИ ИНКЕ МАЙ БУТ БЛАӶОСЛОВЕНИЯ

Андо 2009 бэрш амэнди ԥэндэ тэ служысарас мисианеронэнца андо Восточно Тиморо, када найбари страна пэ Малайско архипелаго. Амэ и удивисайлям, и запэрэжывали, и обрадосайлям. Но ужэ через панч шон амэ пэрэлаглям андо ӷлавно форо андэ кодэя страна.

Андо Восточно Тиморо сас вся па аврятэ. Амэнди трэбуй сас тэ присытювас каринг и нэви культура, каринг лэнго хамос. Лэндэ сас совсем авэр жызня, и вонэ дэнас дума пэ авэр шыб. Андэ служэния амэ часто диқасас манушэн, савэ сас чорорэ, най ӷрамотни и савэнди сас фартэ ԥарэс. Вонэ пэрэжудэ и война, савятар нащи отжанас. Бут андар лэндэ посли война ашэлэ инвалидоряa.

Мэ нащи забистрав и служэния андо Восточно Тиморо! Мэ сгиндосарав, котэ мэ додиқлэмас бэята, савяти сас 13 бэрш. Ла ақарэнас Марияb. Латэ муля и дэй, ай пэстирэ дадэса вой диқэласпэ фартэ ридко. Важ кода кай вой сас фартэ тэрнёры, вой на ӷанэнас, сар тэ жувэл. Еқвар вой розровдяпэ и ля тэ росԥэнэн, со латэ по ди. Но мэ на полавас, со вой ԥэнэн, важ кода кай инке найдраго ӷанавас латири шыб. Мэ манглэмпэ лэ Иеговасти, кай во тэ поможый манди тэ подритярав ла. И лэм тэ адиносарав лати и стихоря анда Библия, савэ ла подритярдоп. Бут бэрша мэ диқавас, сар парудёлас и Мария, и сар парудёлас латири жызня андэ лащи риг. Вой болделя и ля екжэни тэ проандярэл изучения Библии аврэ манушэнца. Акана кай и Мария баро ери, када и ԥрала и ԥэя андэ собрания, савэ ла фартэ любин.

О Иегова блаӷословляет и служэния андо Восточно Тиморо. Хоть и вазвещятеля котэ болделэ кати важ и послидни дэш бэрш, вонэ ужэ пианероря, старейшыноря. Ай дэко андар лэндэ служый андо удалённо перевоческо офисо и поможын тэ пэрэандярэн кода, со дэл амари арӷанизацыя пэ катутни шыб. Мэ сымас фартэ лошали тэ диқав, сар вонэ лошавэн, и сар лэндири дружба лэ Иеговаса ашэл май лащи.

МАЙ ЛАЩИ ЖЫЗНЯ И НЭ МОЖЭТ ТЭ АВЭЛ

И служэния андо Восточно Тиморо фартэ на шоласпэ пэ служэния андэ Австралия, но манди котэ фартэ чалёлас тэ служысарав. Амэ ездисарас андэ служэния пэ цынёнё автобусико, андэ саво сас набут ҭан важ и мануша, ай вонэ инке андярэнас пэса шуко мащё и о хамос па базаро. Дэкала амэ проандярасас изучения андэ фартэ цынёнё цэроро, андэ саво сас фартэ жарко и вместо поло сас просто ԥув, и пар лэстэ беӷиинас и каӷня. Хоть амэндэ котэ сас бут ԥаримос, мэ всаек гиндосарав, кай котэ сас фартэ драго!

Мэ фартэ блаӷодарно мэрнэ дадэсти и ла дати, кай вонэ сытярдэ ман тэ жував па лэ Дэвлэско законо. Вонэ поможынас манди, кала мандэ сас ԥаро возрасто. Мэ полэм пэ скати дэ правильни и алава анда Притчи 22:6. О дад и дэй абурон андар мэндэ и лошавэн, кай амэ лэ хуласа служысарас лэ Иеговасти. Лэ 2016 бэршэстар амэ андэ раёно служэния и ездисарас па фороря, пала савэ диқэл о австралазийско филиало.

Манди на патялпэ, кай манди на чалёлас тэ служысарав, и када сас важ мандэ сар покута. Акана мэ нащи жував би ла служэнияко. Мэ полэм, кай со бы тэ на авэл андэ амари жызня, амэ аваса па чачимастэ бахталэ кати тоди, если и служэния лэ Иеговасти авэла по пэрво ҭан. Послидни 18 бэрш амэ служысарас вмести лэ Алексоса, и када само бахталэ бэрша андэ мэрни жызня. Акана мэ полав, васо о Давид пистросардя пала Иегова кацавэ алава: «Кодэла, ко надеинпэ пэр тутэ, лэна тэ радуинпэ. ...И кодэла, ко любин тут, лэна тэ лошавэн» (Пс. 5:11).